影片
港鐵旺角站 B3 出口, 步行約1分鐘
繼續閱讀
電話號碼
61448242 (WhatsApp)
開飯介紹
日式放題餐廳，主打燒肉放題，提供多款放題套餐，熟成極上牛西冷等美食。
繼續閱讀
營業時間
今日營業
12:30 - 22:30
星期一至日
12:30 - 22:30
公眾假期
12:30 - 22:30
公眾假期前夕
12:30 - 22:30
以上資料只供參考, 請與餐廳確認詳情
有關獎賞計劃
相關文章
最近喺旺角發現一間高質燒肉放題 ，環境幾好。去到任食都要睇餐牌，揀食邊個餐啊！最平果兩個餐無咩特別，所以去到都係考慮比較高級嘅兩款，比較多特色食物。霞餐有得食成條牛肋肉，$418再加一。雨餐除左有一塊A5和牛西冷，更加有得任食A4和牛、鮑魚、生蠔……不過$1018再加一，真係幾貴。舖頭原來有做推廣，霞餐買一送一，更高級嘅雨餐有半價優惠，即刻抵超多，所以都係俾多少少食雨餐。生蠔連殼生蠔，醬料齊全，除左檸檬汁之外，都有烙爹、蔥蒜。不過當擠完檸檬汁，食到好濃味，金屬同海味都有，唔係大眾食慣嘅淡淡鮮甜，唔怪得餐牌建議熟食啦！A5和牛西冷A4和牛燒肉盛黑毛和牛薄切最適合做起鍋，咁就連油都唔需要落。跟住如果你想食油花，就食三角腩；想食肉味，就揀後腿肉或者牛肩，而和尚頭就最平衡，又有肉味又有油。韓風瓷壺醬油牛肋肉成條牛肋放入磁壺裡面，醃製好有特色，不過原來真係好難燒，成條唔慣控制生熟，剪開之後有啲太生，有部分過熟，不過好厚肉，筋肉都有，其實都唔錯。味淋魚乾店員話呢個係雞泡魚乾，平時果啲係太甜，呢個係有酒香同鮮味，竟然唔錯。比目魚西京燒呢個係一塊油份充足，比較滑嘅魚。鮑魚為保安全，原來只需要燒肉果邊，不過我地之前做錯左，之後殼會自己甩出來，焦香鮮甜，感覺唔錯。除左高級食材，都有幾款好正嘅大眾化調味肉類，適合用生菜包住食。青檸汁燒豚拖羅腩肉本身好多油，一般要燒得乾身啲，燒走啲脂肪。不過有清新香辣嘅青檸汁，可以保留少少肉汁，所以調味好重要。法芥牛胸腹牛胸腹比較瘦，所以真係好靠醃料。微辣嘅法芥，原來同瘦牛肉好夾，仲可以帶出牛肉香味添。Mozzarella芝士雞腿肉原來芝士同雞係分開嘅。先將裝左芝士碎嘅錫紙杯，放落爐。煮融之後，就可以將雞肉點芝士啦！呢度嘅芝士，除左可以拉絲之外，仲有奶香味。冷素麵冰凍爽滑，一碗得一啖。竟然正過赤坂魚蛋烏冬，除左個人喜好之外，原因係佢已經用左日本豉油，但唔係配返急凍烏冬，而係一般嘅烏冬，雖然除去酸味，但無左爽滑感覺係有啲可惜。雨 （120分鐘） （大人） $1108服務費（10％）： $221.6 總數：$1330
繼續閱讀
一直對和牛放題都唔會有太高期望，但朋友推介*八木橋日式燒肉* 要黎試一試☺️咁就book位宜家雨餐做緊優惠～半價就食到A5級 A4級和牛😍120分鐘慢慢食簡好餐～店員先上個拼盤*有比目魚、鮑魚、鰻魚同瓷壺醬油牛肋肉😋呢個牛肋肉極力推介，真係好好食🤤放爐邊慢火燒15分鐘，再剪細食，韓式醃料甜甜肉又唔會靭重頭戲*🥩A5岩手和牛西冷色澤、油脂分布好靚😍 一煎香食落入口即溶A4和牛點曬五類唔同部位既A4和牛😍款款都咁靚仲算叫第二第三輪都係咁靚每款牛都滿濃厚牛香 A4係唔同D個人鍾意食三角腩🥰肉質較有彈力 除左和牛，有其他海鮮、蔬菜類去燒除返開～每位六百零蚊食到咁好食咁高質既牛🤩真係絕對值得
繼續閱讀
八木橋燒肉放題做緊超值優惠，霞餐買一送一，雨餐半價，我哋揀咗雨餐啦，因為佢啲和牛西冷同和牛燒肉盛真係好吸引！食足120分鐘，上菜速度快，完全唔會趕餐，時間非常足夠。🥢A5和牛西冷油花分佈均勻，口感嫩滑，入口即溶，完全係高級享受，食完真係會令人滿足到飛起😋🥢A4和牛燒肉盛（A4黑毛和牛牛肩、A4黑毛和牛三角腩、A4黑毛和牛和尚頭、A4黑毛和牛後腰肉、A4黑毛和牛薄切）擺盤靚仔，特別鍾意個牛肩肉同三角腩😋前者肉味濃郁，少少筋位帶嚼勁，燒完非常香；後者油脂香得嚟完全唔膩，一定要細火慢燒，口感一流！ 🥢鮑魚鮑魚好新鮮，燒完之後非常彈牙，帶有少少鮮甜！ 🥢比目魚西京燒魚肉柔軟細緻，配上西京味噌香味，鹹甜比例岩岩好，簡單燒一燒，唔洗任何調味，已經好食得不得了！ 🥢韓風瓷壺牛肋肉瓷壺上菜好有氛圍感，牛肋肉醃得入味，韓式風味十足，燒完之後帶少少焦香，非常惹味！ 🥢韓風醬油牛舌牛舌切得薄薄地，燒完之後好香脆，仲滲透住醬油嘅鹹香味，幾特別，值得一試！ 💰**性價比**：⭐⭐⭐⭐⭐ 🍴**味道**：⭐⭐⭐⭐⭐ 🛎️**服務**：⭐⭐⭐⭐⭐
繼續閱讀
見呢度位置幾方便，旺角站一出就係，所以就試吓！呢到有4個餐可以揀，今次就同朋友揀咗雨餐🥩雨餐包咗A5西冷同A4牛同生蠔刺身🤤而家仲有半價優惠，$554就食到！另外仲有茶壺漬牛筋條都好特別，餐廳建議放邊慢火燒15分鐘，再剪細嚟食，入味得嚟保留到本身嘅肉味，雖然燒咗好耐，但又唔會韌！值得一試😋鍾意食海鮮嘅朋友就一定唔可以錯過呢到嘅生蠔～ 另外仲有扇貝比目魚等等！另外呢度都有好多唔同飲品同醬料選擇，小編就幾鍾意佢個燒肉汁同山葵汁，食肉嘅時候點埋就一流😋 仲有一點小編好鍾意嘅就係佢呢度係落咗單先上肉，唔同其他燒肉放題係出去夾，感覺衛生啲～ 而且餐廳對於點燒唔同食物嘅指示都好清晰👍🏻 餐廳環境都好乾淨，而且服務都好好，有機會會再嚟食😆-味道: 8/10服務: 8.5/10環境: 8/10回頭率: 8/10總評: 8/10
繼續閱讀
人均消費650港幣既日本和牛放題，結果卻令人失望，無論是食物種類、牛肉質素，還是店長的態度，都遠遠未達預期。以下是我的真實體驗及批評。首先，食物種類非常少及質素非常差，醬料單調，連基本的日式燒肉醬汁都欠缺特色。相比其他同價位的燒肉放題，這間餐廳的食物種類和多樣性完全不值650元的價位。 基本上所有食物嘅質素 都係極之差， 包括一啲平時唔係值錢嘅襯托品 呢間餐廳都係用一啲非常低質嘅材料“ 例如廉價烏冬/廉價大陸凍貨”牛肉的質素令人失望。作為燒肉餐廳的核心，牛肉的品質理應是賣點，但提供的牛肉普遍油脂分佈不均，肉質偏硬，甚至有些肉片帶有筋膜， 完全食唔出係a4牛肉大家有圖可以參考， 甚至乎比一般市場上買既低價肥牛肉嘅肉質仲要更差，對比其他日式燒肉店動輒提供A5和牛或厚切牛舌，這間餐廳的牛肉質素完全不合格，難以相信這是人均650元的水平。更令人不滿的是店長的態度。餐廳似乎花費大量資源邀請foodie及打手在社交媒體上宣傳，營造高質形象，但真實服務卻與宣傳嚴重脫節。因食物質素問題向店長反映，得到的回應卻是敷衍且傲慢。店長不僅沒有認真聆聽顧客意見，反而以「我們的肉質已經很好」為由搪塞，甚至暗示我們不懂欣賞燒肉。這種高高在上的態度，讓人感到不受尊重，完全破壞了用餐體驗。總的來說，這間日式燒肉放題餐廳的體驗令人失望透頂。食物種類單薄、牛肉質素低劣、店長態度惡劣，完全對不起650元的人均消費。餐廳或者靠大量foodie及打手的宣傳吸引了不少顧客，但真實的用餐感受卻與其光鮮的形象大相逕庭。對於追求高質燒肉的食客來說，這間餐廳絕對不是一個值得推薦的選擇。希望餐廳能正視問題，改善食物質素及服務態度，而不是單靠宣傳來掩蓋不足。
繼續閱讀