八月花 (東薈城名店倉)

營業中

休息中

八月花都食過幾次，堂食外賣都試過，其實食物質素不過不失，不過午市嘅外賣餐要成$88，性價比就真係太低啦，食物質素對唔上價錢，比起坊間好多兩餸飯有過之而無不及，下次都係去返飲茶食點心好過啦！

垃圾給水準期待裝修咁靚嘢，估計食物應該會好好但係俾唐記點心咁差！真心唐記點心好食嗰啲到3倍服務差！冇服務！所有員工都好差！真係好失望😮‍💨奉勸一句，不可一不可再！

住在東涌。吃在東涌。東涌茶樓選擇不算多。八月花及六小館算質素比較好的。一般去八月花食會飲人蔘烏龍😙比較香。叫了四款點心。第一款來的時間是叫餐後的半小時。第四款沒有來。大概叫餐後嘅一個多小時😓😓。食物質素沒問題。人是比較多。畢竟疫情在日子也要過。網紋蝦腸粉是新出品。網紋蝦外炸粉可減薄。味道不錯好味😋喜歡吃鵝肝春卷；綠色嘅醬料🤔不知道是什麼醬來。配伴菜；不油很香好味。還有吃了陳皮牛肉球。其實食物質素和環境也不錯。可惜也是等候得太耐了。感覺就像吃法式中餐。

見人多係門口等位諗住都唔差，點知食到一肚氣！首先人手唔算多，叫極都無人應，點個菜都有難度。已經為左方便同快上菜，叫左6人套餐5人食，仲要晚上7:00就無冬瓜盅，只係食羹餐。但每道菜都好似法國餐咁逐碟上，最後食左兩個幾鐘先食晒！如果你有時間，不妨可以挑戰下，但首先你係飽肚先黎食。周邊幾張枱都係食到勞氣，仲要漏埋個炒飯，早過我食，但都要遲過我走。最後只係第一碟菜影張相😤之後已經成肚氣！食物味道一般，如果咁既價位，我寧願揀返其他餐廳，唔會揀呢度。最後，連埋單都要等半個鐘先走到，真係點會有下次。

🌹去完昂坪360 ，在東涌商場找食店吃晚飯，路過有一間八月花中菜，門口餐牌有個套餐，每位$228，幾抵吃，便入內試試。八月花是美心集團經營，應該不太差！🌹食店裝修一般般，沒有打卡位，我們入座後，陸續有客人入座，估計是附近居民的飯堂。點餐選了紅燒皇子乳鴿套餐🥢皇子乳鴿⭐️⭐️⭐️⭐️乳鴿皮脆肉厚瑤柱涼瓜燉豬展⭐️⭐️⭐️清甜潤喉蒜香開邊蒸海蝦⭐️⭐️蒜蓉味道不香，似隔夜重用，蝦不新鮮蠔王原隻白土鮑魚炆鵝掌⭐️⭐️⭐️⭐️鮑魚軟糯，鵝掌入味蔥油撈麵⭐️⭐️⭐️份量大，蔥油香蛋白杏仁糊⭐️⭐️較稀個人評分食物味道環境衛生服務（服務員人手不足，服務有待改善）抵吃回頭率

其實食物真係好普通，一般嘅洒樓質素，冇乜特別，但成間餐廳好似冇開冷氣咁，同侍應反映，佢話：「呢度係咁熱架，我都身水身汗，冇辦法呀」，真係0哂咀！只可以怪自己懶唔想排隊，所以揀咗呢間喺午餐時段但冇人排隊嘅「八月花」，冇人排隊真係有原因架，食物一般都算，冇冷氣真係攪唔掂，連一杯熱茶都飲唔曬，一邊食一邊流汗，好似坐咗喺露天廣場咁，究竟想點？真係極度趕客！

難得放假去遠少少嘅東涌行街，自助餐無得食，就揀咗去八月花飲茶，可惜星期五無得用yuu優惠套餐，其餘套餐又唔抵食，就散叫啦。飲茶除咗點心要好食，當然個「茶」都好緊要，佢嘅鐵觀音有清香花味，讚👍🏼叫咗2個點心1個粉，最後加1個甜品。落單唔夠10分鐘上枱居然係個安格斯牛河。其實醃肉真係食唔出咩安格斯牛味囉，咪同一般牛肉差不多，不過，肉係軟淋嘅😁 對我黎講濕炒河最重要個芡汁有冇兜勻啲粉同好唔好食，其餘配菜同肉都不太重要😁 咁佢個汁都好味，食到豆豉嘅香味。不過，就係似粉、肉、汁分別一早整定之後執料咁執一碟，唔太似即炒😅 之後上鵪鶉蛋燒賣再放低豉油，我就立即倒晒豉油落去，結果阿姐話個豉油係落腸粉 死火，咁會否鹹死呢？幸好，佢個係甜豉油同個燒賣都夾比起平時無落豉油乾食更好味個姐姐好好，立即攞過碟豉油比我落腸粉。個酥脆蝦朋友話似油炸鬼炸兩咁，好食，我就覺得佢都整得幾脆，蝦實淨，粉皮都算適中幾好味不過口感同脆網蝦腸粉係有分別。最後，芝麻糕反而有驚喜，圖片係芝麻卷嘅圖，點知上枱係芝麻糕，原來menu寫的係芝麻糕，我好怕食魚膠糕😆 但食落去黑芝麻香微甜正合我哋口味 佢無落重魚膠，個糕唔會實的的唯一唔好嘅係佢

屋企人想去東涌outlet行下街，黎到東薈城都係要搵間酒樓飲茶，八月花位置好方便，就係正東薈城3樓。八月花其他分店都有試過下，東薈城呢間真係第一次。八月花個點心比我嘅感覺係貴精不貴多，選擇係比較少，不過質素一般都幾有保證。特別想highlight幾個點心，肉鬆黃金鹹蛋炸魚皮👍🏻，鹹蛋黃充料，魚皮炸到卜卜脆，好出色嘅一道小食。炒蓮藕片👍🏻，睇落簡簡單單，就係炒得好夠鑊氣，而又仍然有清新嘅味道。最後係瑤柱灌湯餃👍🏻，原粒乾瑤柱，灌湯餃完整，湯底鮮甜，推介。******************************👍🏻好食 | 👌🏻可以 | 😔 難食評分 : 6.5/10簡評 : 貴精不貴多，推介瑤柱灌湯餃

難得有個星期六屋企齊人 諗住chill chill地去八月花飲個早茶 點知失望到爆🤢之前喺八月花食過幾次晚市 整體都可以嘅 但早茶真係完全唔掂😵食物嘅質素份量同價錢完全唔成正比😡咖喱魷魚炆蘿蔔 啲蘿蔔白雪雪 完全唔入味 墨魚餅一啲都唔彈牙又無乜墨魚味 馬拉糕39蚊得一舊正方形仔 貴又貴過人 但又唔係好味過人😠仲要上菜速度慢到飛起 10點半落第一張單 啲嘢食去到12點都未齊 前前後後催咗四五次 最後有個點心都係等唔到取消咗😡四個人食咗十二個點心都唔夠飽 總之絕對絕對唔會有下次🤮🤮

週末同朋友仔路過見到八月花，立即排下隊。當時幸好等位時候10分鐘左右就可以進入，但是心霖應該服務態度應該會好好多，但是發現要等一排才有人來招呼我們點餐。這店主要很多人過來點餐為主。慢慢講下菜色的特別之處:流沙包凡事到酒樓一定會試個中式包點。通常包點都會偏甜，流沙奶黃包又香又熱幾好味，甜度適中。 下次來都會再食一趟。蝦餃通常蝦腸的醬油會甜甜的，但是這次的醬油卻有些淡淡味道。腸粉包住有大只蝦，彈牙又大只。蝦腸外皮滑溜溜的，起碼不會太老。另外蝦餃就和牛肉丸與街外沒什麼不同 ，普通。下次可以嘗試其他選擇，但是保險選擇就可以這兩款。鮑魚撻 59蚊 2只最特別是鮑魚撻，一吃下去有有一種牛肉撻的味道 。雖然鹹鹹的但是又搭配得很有趣又夾，最重要59蚊有2只撻真是抵到不得了

📍 八月花去完迪士尼唔知有啲咩地方可以食飯可以去東涌東薈城嗰度outlet行吓🥰行完之後可以去試吓八月花💐，餐廳內裝修奢華高檔次，門面細細，原來餐廳內部面積都幾大，全部櫈都係沙發櫈，都幾舒服😌我哋揀嘅小菜份量適中，價錢都不算太貴🙈茶燻鴨半隻跟荷葉餅 $198分別有四個包、同一兜菜。慢烤嘅火喉控制得好好👍🏻鴨肉好嫩滑，亦好香，美中不足嘅就只係鴨殼旁的肉質比較鞋同鹹少少🤏🏻，其他部份烤得粉嫩，很好食😋椒鹽豆腐$55呢個椒鹽豆腐炸得好好，外脆內軟，唔會太鹹🙌🏻十年陳讓花雕雞半隻 $168第一次食熱辣辣嘅花雕雞，平時食嘅都係冷盤，今次呢個新嘗試別有一番風味🤤花雕味唔會太苦澀，容易入口☺️唯一嘅失敗就係啲雞斬得唔好，甩皮又甩骨🥶薑汁雙皮奶 $34雷沙湯丸 $40蛋白杏仁茶$34呢三個甜品不過不失，稱唔上特別好食，普普通通評分時間❣️ (最多五顆星，如不推薦會打交叉）食物質素⭐️⭐️⭐️環境⭐️⭐️⭐️服務質素⭐️⭐️價錢💸:埋單$687.5(Yuu 會員可以減$100）餐廳資料📋: 八月花 (東薈城)🕌地址: 東涌達東路20號東薈城名店倉2樓255號舖及3樓301號舖☎️電話: 21628018 想繼續睇我分享

慶祝生日入住迪士尼樂園酒店 不想在酒店內吃早餐 便駕車去了東涌名店倉八月花飲早茶八月花屬於美心集團 此店面積很大 共有兩層 裝修頗漂亮 我到達時 服務員說入去隨便坐 態度很一般 我坐在樓下 這部份採用中空設計 所以樓底超高 沒有壓迫感星期一至五 早上07.30-11.00 茶市有特價點心 採用手機掃描二維碼下單很方便我在手機上選了五款點心粟米魚肚粥 隨粥送上半條油條 粟米多魚肚少 很清淡油條是凍的煎蘿蔔糕 雖然有臘味粒但沒有蘿蔔味燒賣比較細粒 味道一般花膠瑤柱灌湯餃 現時大多酒樓做法是浸湯餃 入口普普通通啦雖然說是特價 埋單時也要214元 而免費泊車辦理要10時才上班 加上泊車費就更加不值呢

生活在香港，能夠隨時隨地品嚐點心食品，實在是一種福氣。前菜 ~花生, 黃蘿蔔, 木耳仔，菜脯, 有潮洲酒樓的影子~蛋撻仔~建議都係去麵包店買, 只不過一時心癮起，上枱後，隔咗大约15分鐘先食，巳有隔夜的感覺，皮巳沒有酥的口感~香煎蘿蔔糕 ~~炸雲吞~~蒸鳳爪~味道不錯，但有些翻熱再蒸的口感。~鵪鶉蛋燒賣~竟然有這款懷舊點心 ，已經唔係很多酒樓可以品嘗到，充滿著回憶嘅點心，味道不錯,必試。~三色腰豆糕~感覺非常健康的一款中式甜品，不是太甜 ，值得一試。食後感集團連鎖式經營，點心食品無論外觀，味道也沒有太大驚喜， 中規中矩， 但味道整體也不錯。裝修雅緻 ，中國風， 坐得舒適，空間感非常足夠。

叫咗個四人餐，有四餸一湯加甜品，唔使$1000，就有龍蝦有雞有魚，非常豐富！📍蒜蓉蒸開邊龍蝦切好晒嘅龍蝦，令你都可以好有儀態咁食，肉爽鮮甜～正！上有蒜蓉、下有粉絲，龍蝦汁索晒落啲粉絲到，超級入味！📍蟲草花花膠炒菜苗大量蟲草花夠滋補，花膠又夠潤，豆苗好鮮嫩，唔會有渣！仲好大碟，四個人都好滿足📍貴妃雞半隻上到枱略嫌凍，但係其實個皮好嫩，啲雞肉好滑身！📍陳皮蒸海斑呢條魚唔係好大條，但四個人食啱啱好，因為仲有其他餸！蒸得稍為有啲生，可能只係驚咗7分鐘，爭少少，但係整體都好好味！📍生磨蛋白杏仁茶呢個好足料！雖然唔係好大碗，但就有好香嘅杏仁味，一粒一粒細粒，個蛋白又夠滑，好滿足！不過人手唔係好夠，見到侍應好忙，但都好願意做，請番多啲人會比較好！

今日入左東涌諗住同呀媽飲個茶，排隊排咗一個鐘，點知入到去大失所望，首先服務差劣，基本上可以話係冇服務。入到去冇人帶位不特止，我主動去問都似當聽唔到，追服務員追左幾張枱，我問多幾次終於坐到埋位，有位服務員問我飲唔飲花茶，首先無講清楚乜嘢花茶，當我問返佢轉頭嘅時候佢又話”都一樣嫁姐”九唔搭八嘅感覺強烈，已經覺得有啲唔對路。點知啲食物嚟到仲奇怪，除咗燒鵝好少少，其他簡直係唔入流，鵝肝春卷冇鵝肝味，腸粉啲皮超厚，蝦餃蒸到爛晒，魚肚有浸臭味，鯪魚球超多骨，流心奶黃包唔流心，中途追單又再玩貓捉老鼠遊戲，問到之後竟然比張單我叫自己睇住有冇上漏，漏咗同返經理講。奇怪食物加奇怪服務，一絕