八時神仙草 (希慎廣場)

營業中

休息中

冇去銅鑼灣希慎商場一排原來B1 B2兩層已經變咗咁多多咗好多餐廳，而且係以food court形式，相對就易左搵位，之前喺尖沙咀都排咗好耐隊先食到，呢度唔使排長龍有排等，已經係半個月內第二次食。對佢個芋泥西米記憶好深，因為好足料，每啖嘅芋泥西米真係冇揸流攤，啖啖芋泥，係真係好濃嘅芋頭味，同埋芋圓，都係我暫時嚟食過最好食嘅芋圓，口感好好好煙靭，唔會好似成嚿粉團，係好有咬口，個盛盤雖然細細碗但係包含曬芋圓，珍珠，紅豆，紫米芋泥西米露盛盤

本來星期五同朋友一齊食 點知堂食安排極差等左20分鐘都未點到樓面只係做外賣APP 單其實你唔接堂食無問題 但其實應該好好manage 等緊既人既expectation呆企20分鐘絕對唔係一個合理既等候時間仲發現佢為左接外賣APP而怠慢現場堂食客戶跟住我地只好外賣APP外賣自取再等左45 分鐘先攞到食到咁好谷氣唔會再俾錢買難受仙草溫度不冷不熱芋泥保持一貫水準 但紅豆量偏少芋圓地瓜圓比其他分店既味道無咁好食所以對呢間十分失望

不知不覺八時神仙草已經在香港有三閒分店，其中小編這次到訪的是位於銅鑼灣希慎廣場B2層，同層有不少餐廳，因此整個格局有點像Food Court。八時神仙草的燒仙草與別不同，靠仙草乾本身釋放的膠質和熬煮八小時凝結成凍，別具特色。<芋芋奶蓋麻糬雪花手捧冰> $86手捧冰表面有滿滿的芋泥奶蓋+一大球芋泥，芋頭香味十足，芋泥綿密口感細膩，推介~。牽絲又入口即溶的雪花冰，味道清甜，底層還放有仙草凍，層次豐富<芋泥西米露盛盤> $68<桃膠> $+5<紫米> $+5帶有淡淡的芋香味，口感更綿密，甜度自然，是來自芋頭本來的甜度。小編額外加了桃膠、紫米，配搭有芋圓、薯圓、珍珠、紅豆、紫米組成的盛盤，食完好滿足！<鮮奶紅豆紫米粥盛盤> $52留意這款甜品是熱食，紅豆紫米粥煮得濃稠，鮮奶另上，可調節份量，同樣都有盛盤。<焙茶仙草凍奶茶> $42焙茶味濃厚，加埋仙草凍有口感在品嘗到仙草的同時又能感受到焙茶的烤焙茶香，奶茶香醇奶香。

人氣過江龍甜品八時神仙草 (希慎廣場) (銅鑼灣)銅鑼灣軒尼詩道500號希慎廣場URBANHOOD B2樓B218號舖💰抹茶焙茶奶蓋雪花手棒冰- $86今日去咗銅鑼灣行街，嚟到希慎B2嘅新開一個food court， 食咗呢間有枱中過江龍嚟到嘅八時神仙草。🥰本身中環係喎一間嘅，但係位置比較隔涉，呢一間就開喺希慎地下food court，同朋友行完街就開過嚟食，超級方便。😃我哋叫咗個人氣手棒冰，份量非常之大，可以兩個人share食一份。呢一份手棒冰係銅鑼灣呢間先有，你又可以一路揸住佢食一路行街，都好方便。🥰用料非常豐富，刨冰有仙草味同埋少少焙茶嘅味道，識落唔會太甜。配料有紫米蒟蒻芋圓同埋珍珠，台灣嘅名物應有盡有，一個手棒冰就可以食得晒。😍綠茶雪糕亦非常軟滑同有香濃嘅綠茶味。而家食糖水都要$50-60一份，依度除返開平均每人40鬆啲，價錢非常相宜。🤤

台中過江龍🔥超人氣仙草店成日都喺尖沙咀見到大排長龍！估唔到銅鑼灣希慎都開左分店～仲要唔洗等位，係food court形式( ´▽｀)❀抹茶焙茶奶蓋雪花手捧冰呢個真係超推薦‼️超大份，兩個人食啱啱好！上層有個抹茶雪糕🍵超濃郁～中間嘅手捧冰食到一絲絲嘅仙草味仲有超濃嘅焙茶，又唔會太甜！搭配煙韌嘅芋圓同珍珠，口感層次超豐富❀芋泥桃膠盛盤呢個芋泥盛盤係熱嘅，超濃郁！食落有啖啖嘅芋泥香！桃膠都好乾淨，食落好彈牙🤤❀焙茶仙草凍奶茶超濃嘅焙茶！#茶控 必試😎❀圓仔芒果甘露凍芒果飲落酸酸甜甜，超鐘意佢地嘅小丸子食落好有咬口，又唔會太甜！*⌂ 八時神仙草 (希慎廣場) (銅鑼灣)銅鑼灣軒尼詩道500號希慎廣場URBANHOOD B2樓B218號舖

同好朋友係銅鑼灣行完街搵個地方tea time,希慎B2新開左好多食店，我地落去搵到呢間八時仙草，見賣相幾吸引，價錢唔貴，味道幾驚喜，仲要甜度好適中，好味道！🥢芋泥桃膠奶凍呢杯飲品係微暖，芋泥超充足，飲落好順滑，有芋泥同奶香味道，仲有啲桃膠，飲落好養生。🥢圓仔芒果甘露凍芒果甘露凍有一半都係芒果泥，飲落芒果味道幾清香，有啲煙韌圓仔增加左口感👍🏻🥢紅豆紫米粥盛盤紅豆紫米粥煲得好綿密，而旁邊嘅紅豆煮得好清甜軟腍，我仲加左麻糬同抹茶雪糕，抹茶配紅豆好夾，而且個抹茶雪糕十分香濃💯好味道🥢圓仔芒果嫩仙草盛盤仙草份量好多，食落同平時食個啲仙草唔同，食落係一粗一粗嘅絲條狀態，聽店員講因為八時嘅燒仙草係高溫加熱個時係液體狀態，稍微放涼慢慢凝結成凍，因為八時嘅仙草為減少外來添加物而唔加入鹼，反而係靠仙草乾本身釋放嘅膠質同熬煮八小時而整成架，果然係真自家製，而旁邊嘅芋圓同薯圓好大粒，夠味道，我另外仲加左香草雪糕，加落仙草度食好正。

呢間係黎自台中嘅人氣甜品店，最近在希慎開咗分店。主打燒仙草、雪花冰，仲要係手棒冰！佢哋嫩仙草嘅口感同出面晤同，我超級鍾意，八時嘅燒仙草口在高溫加熱的時候是液體狀態，之後放涼會慢慢結凍，冇加鹼，系比仙草自已慢慢釋放膠質成凍。所以口感系比較稀同滑嫩！抹茶嫩仙草雪花手捧冰手捧冰座在木座上，又可以揸住食，呢個設計都好可愛。雪花冰口感綿密，有微微拉絲，入口綿密，底部系超級軟嫩嘅燒仙草，旁邊圍住芋圓、薯圓、珍珠、紅豆、紫米，頂有抹茶雪糕，沙冰慢慢溶化同配料結合在一齊，口感非常有層次。芋泥嫩仙草雪花盛盤大盤放住芋泥嫩仙草，另用細碟裝住芋圓同紫米等配料，將配料倒落大盤仙草中，味道融合而且有口感。蜂蜜柚子烏龍茶凍 晶瑩剔透嘅感覺，柚子味突出，烏龍茶凍清爽，甜度適中，非常爽口。仙草茶凍甜度同冰量可以調配，仙草入茶解渴爽口。八時神仙草 銅鑼灣希慎廣場

台灣過江龍🌟人氣仙草店📍銅鑼灣 #八時神仙草軒尼詩道500號希慎廣場 URBANHOOD B2樓 B218號舖🍨圓仔芒果嫩仙草盛盤主打:嫩仙草+ 芒果粒+白珍珠+ 自製芒果醬+小丸子盛盤內有:芋圓、薯圓、珍珠、紅豆、紫米 🔍台灣風味嘅仙草十分Q彈芋圓、薯圓大小剛好甜度恰當好處，加上芒果微酸感令到整體口感豐富🍧紅豆紫米粥盛盤主打:紅豆x紫米盛盤內有:芋圓、薯圓、珍珠、紅豆、紫米🔎 暖心系列紅豆同紫米香滑軟糯，食落如同中式紫米露，按個人口味推薦👍🏻想再豐富一點，配料另加上麻糬+香草雪糕+抺茶雪糕🤭暖暖嘅紅豆紫米粥加上雪糕，可以比滿分💯🥤圓仔芒果甘露凍固定甜度，但甜度適中芒果微酸，整體合格溫馨提示🔔飲品可免費加珍珠👀小分享：同行好友點了一杯芋泥桃膠奶凍，飲左一啖就冇停口，所以影唔切📸 另外此處如foodcourt，因店舖旁邊座位不多，可另找其他坐位，店員亦有告知大概取餐時間⏱️不過店舖員工可能人手不足亦十分忙碌，所以面部比較冇表情，最後用餐其間都見到不少食客點雪花冰，個賣相打卡一流🥰😋味道8.5/10👥服務 6.5/10📸打卡指數8/10🏙️環境 7/10👍🏻推薦指數8.5/10

第一次試這家在希慎廣場新開的店，仙草的口味天然，口感一流，甜度剛剛好，吃的出來太白粉勾芡放的很少或幾乎沒有，比起在香港其他的一般台灣小吃店，仙草和芋圓的質素明顯高出許多。仙草雪花冰很有特色，份量足，芋圓做得很道地，抹茶冰淇淋也好吃。產品賣相佳、東西新鮮，喜歡仙草的朋友一定要去試試。唯一的缺點是價格偏高，大概是店租貴吧，而且這家店是走高級路線。在網上查了一下，是在台中起家的店，下次去台灣一定要去光顧一下。

銅鑼灣希慎廣場裝修咗一排，Basement終於開番，以前B2嘅超市裝修後變成一個潮味十足Urbanhood。落到B2第一間店就見到台中最紅仙草甜品店 • 八時神仙草。甜品永遠最吸引女士，我都唔例外！💗圓仔芒果嫩仙草盛盤 大大碗仙草配埋芋圓、薯圓、珍珠、紫米、紅豆、芒果粒，加埋芒果汁一齊食，酸酸甜甜好開胃。呢度主打天然無鹼滑嫩仙草，食落真係好滑，一啲都唔會苦。真心推介呢度嘅芋圓，size係要用巨大嚟形容，入口好有咬口，食落唔會滯，食到停唔到口。💗香草芒果奶蓋雪花手捧冰外型好打卡able，大大杯捧住，一層層嘅材料，睇得見嘅用心，材料豐富包括：芋圓、薯圓、珍珠、紫米、紅豆，雪花冰用仙草冰磚製好綿好滑成入口即溶。💗凍仙草奶茶奶茶有茶香，入口細滑，奶茶配埋仙草口感一流。📍八時神仙草 • 銅鑼灣希慎廣場

甜品過後 心花怒放上次在台灣錯過咗機會食八時神仙草，今次在銅鑼灣希慎廣場B2既food court見到，就決定試下啦～望下menu先，雖然比起台灣一定貴啲架啦，但價錢都合理^_^抹茶培茶奶蓋雪花手捧冰 $86最頂既抹茶雪糕好濃味，有茶香味和少少回甘培茶奶蓋好滑，相對無咁重茶味雪花冰咬落一絲絲，好綿密，而且有別於一般沙冰，唔會一咬落冰凍到乜咁🥶配料好豐富，有芋圓地瓜圓，個人覺得十分煙韌有咬口，好食！不過屋企人就不太喜歡芋圓的口感，真係各有各喜好。透明珍珠都不錯👍🏻另外既紅豆🫘同紫米都味，食到原材料既味，唔會只有濃濃既糖水味～最底仲有啲滑潺潺既仙草，大滿足😃圓仔芒果🥭嫩仙草盛盤 $58仙草同樣滑滑的，都幾難用匙羹不起，不過口感不錯，也有淡淡的仙草香味！圓仔超Q彈～芒果如果大粒啲，就更有口感😮另外芋圓盛盤都唔錯👍🏻芒果甘露盛盤 $58甘露幾鮮味，而芒果🥭也頗香！額外加咗啲配料，最推介加芋泥，$8👍🏻！揀一款推介，一定係80幾蚊既手捧冰，可以一次過試晒不同配料，兩個人叫一個share都幾正，作為飯前或飯後甜品🍧，都唔錯。

今天做facial後，相約好姐妹們一起去台灣八時神仙草這家店最初來自台中逢甲夜市，主打嫩仙草雪花冰和多款仙草甜品，我們都特別喜愛它們的口味。抹茶焙茶奶蓋雪花手捧冰雪花冰口感綿密，底部加了煉奶，冰會稍稍牽絲，帶來更豐富的甜蜜口感。在底部有嫩滑的仙草，旁邊放了芋圓、薯圓、珍珠、紅豆和紫米，頂部還有香濃的焙茶奶蓋和抹茶雪糕，非常豐富吸引！圓仔芒果嫩仙草盛盤如果不想吃冰品，可以選擇這款。一盤滑滑Q彈的嫩仙草，搭配香甜的芒果粒和其他配料。盛盤上還有芋圓、薯圓、珍珠、紅豆和紫米。芋泥桃膠盛盤這是養顏之選，細膩幼滑的芋泥搭配爽滑煙韌的桃膠，口感絕佳。圓仔芒果甘露凍作為特飲，由一半鮮芒果汁和一半仙草組成，香甜清新，適合慢慢享用。

這個樓層以前是免稅店，依家變成美食廣場，有多間人氣過江龍餐廳，包括呢間台灣過江龍甜品店。地點方便，喺電梯旁邊，其青色櫃枱，好易搵到。🥭 圓仔芒果嫩仙草盛盤 (HK$58)．招牌嫩仙草，由陳年仙草乾熬煮8小時，所以有香濃仙草甘甜味，質地震腯腯的，口感爽滑，真係值得encore🫶🏼．芋圓和蕃薯圓，各3粒，大大粒，口感煙韌，不錯👌🏼．原味珍珠和白玉丸子都QQ的 ．甜蜜紅豆有口感，少少起沙．芒果粒偏酸多啲，芒果醬只得少少，也太少了啦！．紫米唔知去咗邊，失蹤了🤷🏻‍♀️

這間來自台中的人氣甜品店，主打燒仙草、雪花冰，最近在希慎也開了分店。最適合逛街後，和朋友來吃一個甜點，渡過一個休閒下午。.🍧抹茶焙茶奶蓋雪花手棒冰 $86銅鑼灣店限定甜品雪花手棒冰打卡一流，可一次過可品嚐雪糕、雪花冰、仙草、芋圓等食材。奶蓋選用日本靜岡焙茶，茶味香濃。獨特的雪花冰充滿仙草絲，滋味滿分，配上甘香抹茶味雪糕、仙草凍、芋圓、紅豆等配料，口感和味道層次豐富。.🥭圓仔芒果嫩仙草盛盤 $58燒仙草用上獨有方法製作，所以口感特別爽口滑嫩。因為芒果肉售罄，所以轉了桃膠。甜品加上芒果汁、粒粒小丸子、芋圓、地瓜圓、小丸子、紅豆、桃膠等，口感好豐富又清新。.🍊蜂蜜柚子烏龍茶凍 $38柚子味濃郁，加上甘香烏龍茶凍，甜度適中，味道完美融合。.🥭圓仔芒果甘露凍 $42芒果味香濃，配上招牌仙草，味道互相碰撞，感覺清新。因為芒果肉售罄關係，所以轉了西米 ，味道同樣不錯。

📍野飲加仙草做配料就多，就咁食仙草甜品就未試過！今次試咗台灣呢間過江龍八時神仙草，入邊仲有雪花冰可以揀！每款甜品都會有盛盤，入邊有芋圓、薯圓、紫米、紅豆同珍珠，真係食配料都食到飽😂叫咗招牌嘅芋泥嫩仙草盛盤($56)，餐廳係燒仙草方式去製作，無加到鹼，所以係偏液體狀態，唔會一嚿一嚿咁，入口超滑嫩！另外芒果甘露盛盤($58)就係似平時食開嘅楊枝甘露咁，柚子份量好多。飲品就有而家冬季限定嘅芋泥桃膠奶凍($42)，飲落啖啖都係芋泥。仙草紫米牛奶沙冰($42)就紫米同奶mix埋不嬲都夾，但係原來加埋仙草嘅話會冇咁甜膩。