八户屋和食料理

營業中

休息中

11:15內進，眼見客人不多，吉位多啲是。。前台肥矮男員工硬說因繁忙時間，人數不足一半不能內進，說話態度差👎嚴重影響客人心情。餐廳食物不錯，價錢可。因此員工不會再幫襯😡

今天和家人來了這家食店吃午餐，環境乾淨。這裏的套餐非常經濟。我們叫了燒牛飯、餃子拉麵、花之戀叉燒拉麵套餐和燒雞扒拉麵，最便宜的才58元，還配一杯熱飲。燒牛飯，牛肉肉質鮮嫩，不會太硬；餃子拉麵，餃子吃起來就有點硬，拉麵普通；花之戀餐，份量挺多，除了花之戀還有其他壽司🍣，不過不失雞扒拉麵，雞排挺多的，味道尚可。照這個價錢來說，質素合理，食物選擇多，也是一個不錯的聚腳點送餐速度也算快了，可以去試試啊。

由於出品不錯，我們經常都會到這店幫襯，今日收工大概9:15我們去到，舖內只有幾台客，我們選擇了走進卡位，一位穿黑西裝頗肥的員工，說如果兩人不能坐卡位，我老公說你店舖也不爆為什麼不可以坐，他說是公司規定，如果你要坐我也不會招呼你，你等到九點半我就可以給你坐，態度很差，現在的生意也不算太好做，再加上一些令到公司聲譽及生意都受損的員工真的太可惜！如果這員工仍在我相信我們以後也不會再幫襯！希望集團的管理人員看到正視這個問題！

由於這間餐廳位於我家中附近，而且價錢不算太貴之餘，更不設加一服務費，所以我經常都會來到這裡進食午餐而在最近，它剛剛換了新的午市定食餐牌，令到食物的選擇變得更吸引了，我當然要立即去品嚐一下午市定食套餐有各式各樣不同類型的食物款式，不論是壽司，拉麵，烏冬，丼等食物都通通供大家任君選擇由於我已連續三天光顧它的午市定食，所以我分別試了【燒鳥丼】，【八户特色壽司配叉燒拉麵】和【火灸壽司盛合配迷你湯烏冬】No.1【燒鳥丼】$56燒鳥丼其實即是照燒雞排飯，雖然雞排的份量並不算特別多，不過它非常貼心地預先切開一粒粒，方便大家食用而且，由於雞排是即叫即燒的，所以外皮十分香脆可口，口感卻油而不膩，而內裡則非常鮮美多汁，外焦里嫩，讓人垂涎三尺，箸如雨下雞肉除了十分豐腴肥美，肉嫩可口外，肉質更非常彈牙和緊緻，並且鮮嫩多汁，在小口品嚐的時候，鮮甜無比的雞汁迴轉在口中，肉汁四溢，香甜可口，口感豐富而飽滿，美味久久縈繞，我們都吃得津津有味，齒頰生香， 吮指回味至於白飯則是典型的日本珍珠米，米粒橢圓飽滿，並且粒粒分明之餘，顏色亦十分潔白和晶瑩剔透，口感更非常軟綿綿，清甜可口，香甜軟糯，其味無窮，珍饈美味當肥厚飽滿的雞

啱啱放假又喺屋企附近搵食，今次就黎到喺友愛商場嘅日本餐廳，見到好多人排隊，一於就試一試佢！見到佢以假日午餐來講，價錢都算幾平， 40幾蚊有正餐連飲品，食物質素仲要唔錯添！今次就試咗1號嘅呢餐，汁燒鰻魚玉子丼，聽個名都覺得好吸引！完全喜出望外，好驚喜！蛋好滑，撈飯好正！鰻魚雖然只有4舊，不過40幾蚊完全係CP值爆燈！因為太好味嘅關係，過咗兩日我哋又去咗encore，今次嘅餐牌係4號，我哋分別叫咗一個A餐同一個B餐。A餐嘅玉子丼一樣係咁好味，叉燒份量都算多，不過都係覺得鰻魚比較好食！B餐炸雞拉麵嘅炸雞分量十足，仲有芝麻醬配埋，味道唔錯！不過略嫌拉麵湯底比較淡，如果有其他湯底可以選擇就更好啦！不過以午餐來講已經值得高度讚揚，唔怪得每次嚟到都要等咁耐位啦！平時去的快餐店食個午餐都起碼過$50 ，呢度誠意十足，真係真心推介！

因為工作嘅關係，我成日都要去屯門H.A.N.D.S，自己亦唔熟屯門，所以就試試我接觸到嘅餐廳。哩間係一間面積頗大嘅日本餐廳，雖然大，但係撞正食飯時候會有好多學生過黎放午飯，我自己一個就唔洗等太耐。因為多學生，所以有學生餐，每日都會有特定套餐。另外啱啱做緊宣傳嘅係哩款蘋果咖哩，我揀左吉列蝦，加芝士。套餐有前菜，麵豉湯同飲品。吉列蝦一份有4隻，份量幾多，咖哩有薯仔洋蔥紅蘿蔔，芝士味都濃嘅。整體唔錯，其他選擇有拉麵、丼、魚生飯等等，都見到好多一家大細黎食飯。

屯門區搵食，最大既好處係選擇多，同周圍都唔駛點等位。今天經過開hands ，八戶屋既門面，已經算係呢到差不多最「是正」的餐廳，所以我地就入去試一試。沙律菜，沒甚麼特別，但蔬菜尚算新鮮。三文魚和油甘魚是厚切的，食既時候，每一口都有油香，而且好新鮮，真係估唔到呢D小店既魚生可以咁鮮甜，值得一讚。金菇肥牛卷，燒得剛剛好，配埋甜甜地的燒汁，入口很juicy，很好吃。但只得四件，要送曬成碗飯，真係有D唔夠。不過，個餐有湯又有飲品，埋單連加一都係$72，算不錯了。

同呢D友人食飯好開心，佢地會叫好多野食，亦好識叫，好多款式，多D小食又吾會好多實揼揼既飯面。仲要佢地有食力。😆最重要的係間餐廳配合到，有咁多款式供應。😋 芥辣八爪魚食完個鼻通晒🙂 海鮮拉麵好多海鮮，不過鹽燒鯖魚放落湯於怪D。😋 白酒煮蜆都幾鮮味😋 炸芝士年糕炸得乾身好煙韌👍😋 蟹粥好鮮甜，好似好多蟹膏，蟹肉就吾多。😋 炸蕃薯好味，一定要沾天婦羅豉油😋 蟹子炸蝦卷my favorite。👍🙄 炸魚鮫好油，都吾知係魚既油定係炸野既油。😋 鹽燒單骨雞亦正👍🙂 炒飯okay la 。我地一行六人仲有房坐，好滿足既一餐。

今日又無帶飯，12點半岩岩好係學校放飯之前入餐廳坐低！唔駛等位。我地坐低無幾耐之黎就好多學生黎到要等位了！諗左陣就決定叫芝士咖哩漢堡排定食！本身掙扎叫三色粒粒魚生飯，不過最後被佢既芝士吸引..試下啦！芝士睇落好吸引，不過食落無乜芝士味，有點失望。漢堡排的質地我幾鍾意，唔會「實的的」，但又唔多鬆肉粉既感覺，不過不失啦。但係加左蘋果落咖哩度，味道帶點甜其實係ok的，不過..咬落去舊蘋果度既感覺就好奇怪..只可以講..我唔識欣賞依個組合😵但$50有飯、有湯、有前菜（螺肉）、有餐飲，以午餐黎講叫好豐富同抵食啦😊不過下次唔會再試蘋果咖哩系列既野食喇🙈

估唔到屋邨商場裏面也有高質素的日本料理，同屋企人食飯黎過幾次，每次也會order炸蝦天婦羅，炸漿唔厚蝦肉大隻彈牙，真係每次嚟到必點!! 因為屋企人唔食生野，魚生刺身唔使預佢哋，所以都係點熟食居多，這裏的菜式價錢相宜，走平實路線，味道確實不錯有質素，難怪開業那麼久了也仍然有捧場客!!!

今日夜晚同屋企人一齊食日本野, 叫左個鯖魚, 一個牛肉鍋, 釀冬菇, 櫻花蝦炒飯, 龍蝦卷。最好食應該就係個炒飯啦, 炒得夠乾身, 配櫻花蝦口感好好, 配料都夠多而鯖魚就有d太腥, 而且本身見圖有魚頭以為有, 點知無, 呢條魚又燒得唔係咁好食, 仲有又油左d 。另外個牛肉鍋其實ok但料吾算好多, 不過不失啦, 個銅係叫左蕃茄湯, 係ok夠濃, 仲有番茄入面, 唔係平時嗰啲番茄醬嘅味, 湯底係幾好既。釀冬菇就幾特別, 中間夾咗幾样唔同嘅嘢食, 口感唔錯, 不過食多兩件有啲濟, 另外龍蝦卷都吾錯。整體黎講算幾好啦

今天經過安定邨轉車，見有小小餓便行入商場搵嘢食，見到呢間日本料理店價錢都合理，於是試下。辛辣海鮮手提烏冬，湯底較濃、烏冬彈牙、配料都算多。魚生飯夠新鮮、個日本芥末係新鮮磨的。鰻魚玉子燒較甜個三文魚魚頭好昧，食咗一半先記得影相😁

到現時為止，我去過嘅餐廳服務態度最差最差嘅一間，我同朋友6個人去攞位食午餐，未坐低就走埋黎講要限時，都唔緊要啦。仲要安排咗一張4個人size嘅餐桌，店員聲稱呢張係6人檯，由於朋友分屬大size，根本冇可能坐到6個人，我地就好好禮貌問店員可否換房間檯，店員即時面黑就稱，坐裡面張檯要最低消費一千蚊以上先可以入去坐，講講下，7個學生哥放lunch食飯即刻被安排入去坐，我地即刻詢問店員，店員就稱7位同學能夠消費1000蚊，我地只係要求換一張檯，可以舒服小小食個午飯，點解可以咁大困難，點解要咁樣對待客戶。

今日去到又話要過半數人先俾入場（我都覺得正常），之後夠半數人入場時又話要限時，我心諗我自己係咪食緊放題，食個晏都要限時？之後我地6個人坐張檯好迫，問佢地可唔可以轉入房仔，佢又話我地坐緊已經係6人檯，我問佢其他人2個又坐4人檯，其仔張檯其實都係6人檯size只係可以坐埋邊邊唔洗咁迫，之後佢話間房要最低1000蚊消費，我即刻火都黎埋，個服務員話你唔食可以離開，我即時叫佢取消自己個餐走人，第一次到間咁既食市，真係一肚火

屋企人話依間店舖食物好好味，所以今日一家三口去食一次，等咗一陣就有位俾我地入，等左五分鐘都未有提供三杯茶俾我地，我媽叫左兩個不同侍應才拿給我們，那個四眼男侍應把一隻手放在杯口位，就咁把三杯水拿給我們，我做開飲食都知道基本咁樣、拎水俾人都知道係不衛生的。幸好食物質素沒有影響這餐飯水準。既然遞杯水都咁困難既，建議餐廳每一枱預先準備一壺熱水等客人自己倒吧！或者轉做外賣店吧！這餐飯合共叫左9樣野食兩杯橙汁。價錢合理但服務態度不好。下次需要光顧都只會叫外賣。