八户屋和食料理

營業中

休息中

星期日懶洋洋的，落樓下食個頹飯就算。呢間日本野不嬲好平，又唔難食，所以食下。叫咗個sushi 定食。壽司飯比較淋身，但刺身同沙律菜都新鮮嘅。烏冬正常發揮，份量夠食。呢個價呢個份量，唔要求太多。抵食就好了。

八戶屋通常係我諗唔到食咩就會成日翻兜既餐廳🥰🥰因為基本上都唔會令你失望😍😍今日叫左個豐富蛋白質既餐，一樣大推🤩🍛 燒鳥丼 $56呢個套餐有配埋牛油香蒜炒野菜同麵豉湯，午餐仲有埋飲品可以叫，呢個價錢真係超值😍啲雞肉係冰鮮既，冇咩太大驚喜🤣反而隻溏心蛋幾有蛋香，唔錯😚啲飯係珍珠米黎😋😋😋另外牛油香蒜炒野菜有椰菜同菇～炒得幾好食😌😌😌麵豉湯都算濃，唔會超淡味🥰大家有機會真係要黎試下😊

今日我和爸爸外出吃飯，爸爸唯一會去的店只有兩間，一間是大家樂，另一間就是這間八戶屋。它是兩條公共屋村中唯一是賣日本菜的餐廳，所以長期多人光顧，繁忙時間甚至是排長龍。位置：在安定商場地下，對面是759阿信屋。環境：頗大，有包廂房，之前還擴充了店舖，也有窗邊的庭位，配以日式的木系裝潢，整體光潔明亮。服務：一般。晚市：鰻魚炒飯$78因為爸爸愛吃魚，牙齒又沒力，所以他每次來到就只吃這碟炒飯，他覺得很好吃，但對我來說，只是味道一般，不過份量多，每次爸爸都吃不完。鹽燒鯖魚$56這條魚也是爸爸的至愛，因為炒飯不夠魚肉，所以多叫一碟魚來吃，味道應該不錯，否則爸爸不會每次來吃都只點這兩樣。豬軟骨拉麵$58這碗拉都的價錢低，質素都一般，豬軟骨的肉質是夠軟，不過是柴口和乾身，份量適中，而湯底喝起來像公仔都的豬骨濃湯底。炭燒蟹肉明太子玉子$52這碟暫時是我吃過最厚的玉子，使我感到非常滿足。雖然只有三塊，但每塊如一個迷你豬仔包的大小，充滿蛋香，中間夾帶了明太子和一小塊蟹柳，吃一塊都會覺得飽滯，所以吃完身二執就停手了，之後再打包回家。總結，價錢不貴，質素中等，是平民中滋味選擇。

入黎屯門朋友帶我黎食呢間日式餐廳，餐廳好寬闊明亮，坐落都舒服。價錢都算親民，而且選擇好多，由壽司、刺身、炸物、串燒等都有，Menu嘅相都影落好吸引🍣整體食完覺得街坊店黎講係幾好食，會想下次再返黎食呢😄🔸紫薯甘栗餅（HK$48）兩大塊再分為一半半，外脆內軟，紫薯蓉入面仲有一粒粒嘅栗子，好香甜呢🍠🔸 芝士鰻魚卷（HK$88）鰻魚唔會有細骨，配埋入面有少少凍嘅芝士，不過略嫌飯粒淋左啲🍣🔸 豚肉生薑燒（HK$58）鐵板上有豚肉、洋蔥以及菇，全部都好入味，不過同日常食開嘅生薑燒味道有啲唔同😆好適合配白飯食架～🔸芝士咖哩豬扒石鍋飯（HK$65）送上枱石鍋熱辣辣，芝士咖哩唔辣嘅朋友都食到架，炸豬扒炸粉適中，不過就飯焦略多呢～🔸 雜錦粒粒魚生飯（HK$72）魚生飯上有蟹籽、三文魚粒、魷魚粒等等，一次過食到好多款口感，不過刺身嘅質素就一般般啦😂🔸 水蜜桃沙冰（HK$16）沙冰好大杯，水蜜桃味偏香精味，夏天飲都清涼嘅🍑

幾十蚊嘅日式lunch set，包餐飲、前菜同主食，份量唔會話細到唔夠飽，味道又唔係差，所以都多人幫襯。今次叫咗香辣海鮮烏冬，湯底似係雞骨豬骨湯加辣油，不過有d孜然粉味...另外餸就有d紹菜、蟹柳、蝦仁、菇等，算係咁。

價錢唔貴但系態度超差🤣🤣😅😅午餐連野飲一般都系五六十蚊😍🤫我叫咗個照燒雞排烏冬。雞排好多舊，都幾入味，皮脆肉嫩。烏冬個碗就好大，但烏冬唔多，豬骨湯略嫌咸咗少少🤪🤪，系出前一丁黑蒜油湯底嘅味🤣🤣但整體都好好食。個餐飲叫佢推介嘅芒果橙汁🤣🤣原來系果汁先生嗰種酸度調節劑嘅味，我expect得太多。個漬物就冰凍嘅，好似螺肉咁嘅味🤣🤣都唔錯但系啲侍應態度超級無敵差🤣🤣啲野好似掉比你咁🤔🤔仲拎住啲野打黑痴，雖然無向住啲野食😅😅。不了。

見到間嘢有開，諗住去食午餐，門口冇寫話係休息時間，但入到去完全冇人。。。前台冇人，水吧位置又係冇人，到底係唔係做生意嫁？如果係休息時間係咪應該放個牌係門口俾客人睇？

特色壽司組合相對上較多花款有海膽、帶子、北寄貝等呢D食材食落都好新鮮🤤帶子肥美，北寄貝彈牙唯一比較失望嘅係海膽有少少腥當然佢的質素無日本直送壽司店咁高但以佢呢個價錢黎講，過下口隱的話真係算唔錯配埋個叉燒拉麵食真係非常飽肚性價比相對較火炙壽司餐高😋😋.火炙壽司味道正常只係火炙的部分實在太小😣唔係太食到個面層有烘過的味道份量方面，佢有六舊壽司同三個小卷其中章魚同鰻魚相對好味，其他都不過不失~配埋前菜、沙律同烏冬一齊食，真係非常飽肚✨

入去屯門搵人食飯，咁東道主就帶咗我去食依間八戶堂，咁我係晏晝時山間去到嘅，大概2點鐘左右到咗。未入去之前睇佢門面以為佢啲嘢食會好貴，但其實比我想像中都要平。我地叫咗3個餐唔過300蚊，日本嘢嚟講我覺得算ok平。講到食物壽司依個價錢嚟講我覺得物超所值嘅，壽司質素係價錢之上。餐點上仲有拉麵同烏冬，2個都入醬油湯底，咁我覺得味道就唔太夠同好味，略微有啲淡口。仲有個跟餐餃子，好能放太耐所以略微有啲硬同乾。咁整體嚟講我覺得都ok嘅，因為依個價錢物超所值，不過佢唯一一樣野唔好就係冇得單叫小食。

疫情慢慢好轉，雖不可掉以輕心，但可容許自己帶女兒外出食飯了。依次係幾個月黎第一餐同女兒外出食，佢地都食得特別開心。依次探完表弟後，係屯門搵左間食日本野，味道唔錯，而且防疫工作都做足。 我地坐卡位，有阻隔膠板，對我個人黎講，安心好多。女兒都喜歡食鰻魚炒飯，而且禁多個月黎外出食既一餐，佢地話好好味。我無得食，佢地食曬，岩小朋友。 油甘魚生，女兒係我地唔知情況下食左一口，話好味。因為唔俾佢禁細個食生野，即刻叫停不過，細路仔唔講大話，係好味...又無鰻魚....真係好鍾意食依個天婦羅，我唔太ok，因為本身唔鍾意食，但太太同女兒都喜歡，加埋醬汁，佢地好快食曬。依款金菇肥牛卷有驚喜，因為咬口唔韌，我記憶中無食過係唔韌，依間係第一間，值得叫黎食。要留意既係，如果小朋友食，啲醬汁對佢哋來講可能有少少辣。太太喜歡，其他人都唔好。太太話依款似即食麵既口味，可以叫黎試下，因為我唔覺得係禁。 食到飽，平均146一位，都ok呀！

平時咁岩係屯門又想食日本野的話，通常都會黎呢間餐廳，因為價錢唔算太貴之餘，食物質素又有番咁上下水平。今次因為太耐無食過刺身的關係，就叫左個海膽鮮帶子杯飯($62)，本身我同朋友都expect可能一人一啖就食曬，但黎到先發現個份量其實都唔小，淨係帶子都分開左六七片，非常襟食，而海膽亦都好新鮮，食完個口仲有陣回甘味令人難而忘懷。另外，我地亦叫左碗博多豚肉拉麵($58)，但食落味道正正常常，沒有太大驚喜，唯一勝在叉燒煮得幾lum身，而且夠曬入味。

這間餐廳位於我家中附近，不過之前多數都是吃午餐/晚餐，最近由於疫情的關係，餐廳新推出了早餐，所以襯著今天最後一天假期，便來到這裡吃早餐了No.1【吉列鱈魚柳】$39 雖然這是一間日本的餐廳，但是它並沒有售賣傳統的日式早餐，反而售賣一些西式的早餐，例如這份魚柳，滑蛋，茄汁豆拼多士由於魚柳是即叫即煎的，所以外皮十分香脆可口，而內裡的魚肉則嫩滑可口，鮮美多汁，每一口都充當著淡淡魚肉的鮮甜味，其味無窮，珍饈美味至於炒滑蛋的火候亦控制得剛剛好，滿口都充滿著濃濃的蛋汁， 質感亦十分香滑柔順，入口即化，我最喜歡把它放在多士上，再混合茄汁豆，然後慢慢品嚐了No.2【炭燒雞扒】$39男友的套餐幾乎和我一模一樣，只是魚柳換成雞扒而已，可惜雞扒明顯煎得太久了，不單止缺乏肉汁，肉質更有點粗糙，味道只是一般而已No.3【帆立貝通粉】$36除了傳統的西式早餐，餐廳亦有港式的早餐，依然是有滑蛋和多士，然後再配一份粉麵，而這次我則選擇了帆立貝通粉雖然帆立貝非常鮮甜可口，咸香四溢，但通粉的湯水真的是太咸了，每一口都咸得嗆喉，簡直是味如雞肋，讓人難以下嚥，囓蘗吞針No.4【蕃茄牛肉烏冬】$36雖然牛肉的牛肉味並不算太濃郁

突然想食日本菜,諗起依間平民店,依間價錢大衆化,而且座位寬敞,地方又乾淨,午飯仲不收加一,好抵食。除一般餐牌外,仲有一至日午餐,好多選擇。築地四式定食有三文魚、帶子、蝦、北寄貝、加洲卷另仲有迷你烏冬及前菜同沙律樣樣都好新鮮,因為即製韓風泡菜牛肉丼牛肉好入味,加上泡菜,送飯一流

想食日本野又唔想去市中心同人迫 近近地就去咗安定村八戶屋晚飯時間都多人排隊 主要做街坊生意 好多一家大細嚟開飯👨‍👩‍👧‍👧芝士菠菜玉子 一向大愛玉子🍳配菠菜口感有少少唔夾 玉子軟滑 但菠菜需要咀嚼較耐 芝士有拉絲 加分✌️ 壽司size唔會好大件🍣壽司飯粒粒分明 特別一讚赤貝新鮮 厚身爽口 可惜油甘魚唔夠肥美燒鯖魚 大路菜式 好少可以失手 魚油味香 魚皮香脆 配檸檬汁吊起魚味🐟蕃茄醬海鮮pizza🍕 西日fusion菜 Pizza餅底好薄好脆 好多海鮮同芝士 好豐富

一行六人去食lunch我地叫左6個餐，先order左5個有個後到，頭5個餐有4個係壽司餐加1個火炙四色丼，約10分鐘後再加1個壽司餐5個壽司餐都到哂但個火炙仲未到，無錯，後加個餐都已經黎埋，頭一次好聲好氣追餐既時候就係第5個壽司餐到既時候，個侍應埋黎攞走左我地張單但完全無反應，之後隔多10分鐘再追等二次，今次問幫我地落單嗰個黑衫西裝點解個餐都仲未到？其餘5個都差不多食完了！佢敷衍地答左一句：壽司要整所以可能要耐啲。我地答佢個餐無壽司嫁喎！一啲歉意都無，其實求其講句唔好意思漏左單我地都會接受，但呢啲說話一句都無講過，仲要好悔氣答我地，真係無名火起。到最後等左40分鐘先有得食，個黑衫仲以為我地仲有個餐未到，攞多個餐過黎，我地同佢講嗰個一早已經食完收走埋。埋單既時候發現佢地收左嗰張單但無比返我地。。總括而言所有服務員態度都係一致的，就係全無態度可言。。。。