八仙餅家

營業中

休息中

吾打吾撞，本來想去坐隨道巴返出香港，見有巴士路就跟住行。就路經這很傳統、古式裝修的店，售賣很多傳統食品，例如和香蕉糕、芝麻餅、雞仔餅、雞蛋糕、合桃酥、老婆餅等，最後買了10元10個迷你合桃酥，是新鮮的，有點暖，10元一包雞蛋餅，5元一個雞蛋糕。婆婆親力親為，我們很快便完成交易。主力是街坊生意。合桃酥不可不試，極鬆化，原汁原味，合桃味很香口。沒有市面的加工甜味，如奇華。我嫌雞蛋餅過硬，太甜，很多糖。雞蛋糕竟然是有豆沙餡，祇需5元，太開心啦，在市區絕對係不可能。很有雞蛋糕味，不乾口。下次要再買多幾個。

出開去行．．．見到某間東東叫"八仙餅家"．ｄ雞仔餅＆芝麻餅好香好吸引丫．正當想買之際．見到有件雞仔餅掉左落地．個亞姐就好順手咁執起去．佢隻手又冇帶手套喎．我以為佢會掉左去垃圾桶啦．點知佢竟然背住我地咁將件雞仔餅放番落盤剛剛出爐o既雞仔餅度！（掩耳盜鈴！）好核突好唔衛生丫！當堂咩食慾都冇晒咯！

試過:佢地d 雞蛋餅都幾好味. 迷你合桃酥和合桃酥都唔錯, 好鬆化.

又到八仙買合桃酥，就連太子仔都認得我。這裡有很多小食，其中最出色的一定是迷你合桃酥。很鬆化，又香口，冇黐牙，實是不錯。一盒亦只是$20，有24件，仲已經包好。除了自己食外，用來送禮或請同事食均是最佳的選擇。

嘩....叫亞姐幫我磅10元雞仔餅, 點知佢用隻手(又無帶手套)就幫我將d雞仔餅袋落袋...差差差.亞姐又"乎乎氣氣"....下次都唔敢去買野了

杏仁餅買的時候還是熱的，也許\應該那時食吧。因為那時好飽所以放到第二天早上才食，硬邦邦的，剛咬下去只食出甜味。咽下去後方感到一些杏仁味，否則是真覺不出同“杏仁”有何關係。總之不是很滿意吧。$1/一個

八仙餅店最出名當然係迷你合桃酥每次去到都會買二,三打返屋企食合桃酥香口, 吾黐牙豆沙燒餅皮薄價錢大眾化

今日去行去太子,深水埔一帶掃街第三站係八仙目標豆沙餅,合桃酥平靚正合桃酥香口豆沙餅多"了" 價錢大眾化最好都係服務,有好多連所餅店D店員都係打工仔心態

奉老媽之命，到此區辦年貨，購買了一對石榴煎堆（$6/個）和一袋笑口棗（$9/袋）。 1. 石榴煎堆夠實淨。 2. 笑口棗細細粒（不像鴻星那麼「珍寶級」），味道不賴，可一試；放置十天仍然酥脆鬆化。因為包裝用的膠袋偏薄，賣相油膩、陳舊、唔新鮮。（註：有部份食品可能是來貨，選售時顧客要自己衝量和判別。）

豆沙燒餅都唔錯架~~皮薄餡靚~~

hehe...又係我呀! 今日雖然熱到痴線, 但係都同媽咪黎左深水-- 有美食, 無冷氣o既地方搵食!首先黎左八仙買餅餅. 必買o既當然有合桃酥, 今次買左十蚊, 有十二塊. 跟住媽咪俾好香o既南乳味吸引左,仲買左$5 杏仁雞仔餅. 上手仲係熱嫁! 媽咪即刻忍唔住食左兩塊. 佢覺得好好食!佢話以前食到o既唔係太甜就太鹹, 而且淋bat bat. 呢個就唔會咁, 鹹甜適中, 佢覺得裡面有d肉添!佢話今次令佢對雞仔餅改觀喎!

迷你合桃酥好好味~~連我細佬唔食合桃酥的，也食了兩塊~~另外，買了一個巨型的皮蛋酥，裡面有成隻皮蛋，還有棗蓉，很不錯~~!!不過間舖真係人來人往，可能因為在大街啦~~買的時候不斷地有人撞我....

o係屋企閉關修煉o既日子,繼續靠爸爸媽媽買好野食俾我. 咁o岩爸爸去開深水,就叫佢去八仙買合桃酥俾我! 點知佢聽錯左,竟然買左兩包光酥餅返黎(兩者o既讀音都唔係好似?!)不過既然買左返黎,就試下啦. 個光酥餅比市面o既鬆身好多,但係佢有d幾特別,怪怪地o既味道,唔知係咪用左唔同o既糖?!

呢間係老字號o既唐餅家.我聽講佢地個迷你合桃酥好正,所以買左5蚊,有件. 食落發覺佢俾坊間o既鬆化好多,唔會硬崩崩,我覺得好食過旺角o既奇趣添呀!個人推介呀!媽咪就覺得味道同奇趣好似,不過就比奇趣o既鬆化!p.s.唔知鬆化度同迷你有無關係呢?因為有人同我講,o係呢度買合桃酥一定要買迷你,唔好買regular size喎!