兩草 (棉登徑)

營業中

休息中

經過尖沙咀諗唔到食乜，經過棉登徑見到有間「兩草」，之前一直未食過，但上網都見到有人推介，所以一於就試一試!!鋪仔細細，但目測都坐到30人左右，而且亦唔會坐到好迫，去到個陣時間仲早，未算多人，但食食下就愈黎愈多人排隊今次試過幾款野食，都值得推介俾大家，會再嚟食!胡椒肉骨茶 $38有成4-5條肉骨，湯底濃味夠辣!!好抵食香煎脆邊蛋肉餅飯 $42絕對推介!! 肉餅唔會太厚亦唔會好乾身咖央多士 $24必食之選! 抵食之餘份量又多，多士薄得黎啲漿岩岩好唔多唔少滑蛋叉燒麵 $40叉燒薄薄地，唔乾身，夠濃味 有豉油味有麻辣味平民之選 兩草野賣單

之前係K11行街，下午茶嘅時候試過呢間嘅咖央多士，性價比好高，今日就嚟食個快lunch，回味吓佢個多士😋-呢度嘅咖央多士（$25）雖然唔係大大份，但多士煩到好脆，入面有滿滿嘅咖央醬，食落超滿足🤤-另外試埋佢嘅小籠包胡椒湯（$40），雖然被湯浸住，但小籠包皮都仲有啲煙靭，唔會變到一pat pat，配埋胡椒湯食，呢個配搭好有驚喜😍-呢度啲飯都幾抵食，四十零蚊一個，肉量好足夠👍🏻脆邊蛋肉餅飯嘅肉餅好Juicy，唔會好實好難咬～雞扒就超滑，雞皮仲煎到脆卜卜🐔原來叉燒撈麵係signature ，仲有豉油味或者麻辣味揀，呢個就留返下次先試～-飲品唔算好多選擇，但都有啲特色，檸檬薏米水（$25）唔會酸，仲有好多薏米係入面，誠意十足💪-呢間算係平民飯堂，今日12點嚟到唔使等位，但12:15開始要排隊，想嚟食lunch就要早啲嚟排啦～尖沙咀呢間分店仲開好早，附近返工可以嚟食早餐添～

👱🏻‍♀️收工晏左，同同事係附近食埋先去。見到有煎肉餅飯🐽梗係要試吓啦🥳🍛香煎脆邊蛋肉餅飯：肉餅果然係好好食🤤佢哋係用新鮮豬肉打成🐷加埋豬油煎脆🔥上面仲鋪左隻燶邊𠺖太陽蛋🍳加埋甜醬油真係勁好食呀💯🍝叉燒豬油撈麵：好鍾意佢地呢個麵嘅質地✅入口好彈牙又有咬口😍個醬汁強惹味💯枱面仲有支醬油🫙晤夠可以再落啲☺️正呀喂！🥪咖央多士：薄薄嘅咖央多士入面勁多餡✅咬落口脆卜卜🔥一定要趁熱食先正呀👍🥗油菜：唔比睇吓佢細細碟😍油菜細細份❤️但好鮮嫩✅🍹檸檬薏米水：好大杯又真材實料嘅檸檬薏米水🍋佢會跟一支粗飲管✅連埋啲薏米一齊食💯好健康好啱呢個濕濕熱熱嘅天氣飲呀🥳☕️羅漢果水：呢杯羅漢果水又清熱又潤肺💯好有益✅好過飲汽水🥤

馬拉特色菜百吃不厭，多款小食眼花撩亂，最緊要係平靚正「兩草野」有找，以前去開大坑總店，尖沙咀分店超方便，喺正K11 art後面！香煎脆蛋肉餅飯及滑蛋叉燒飯：肉餅薄薄一片，豬油炸得外脆內軟，無論係燶邊蛋或者滑蛋加豉油蔥花撈飯，簡直絕配！小籠包胡椒湯：呢個小籠包每次都會order，胡椒湯底驅寒又好飲，根本就係一碗湯！蛋炒豬腸粉：簿簿嘅蛋漿加上煎到脆皮豬腸粉，係滿分嘅小食！斑斕樽仔咖啡：鍾意飲latte嘅朋友，都唔可以錯過呢個斑斕味咖啡，加入咗星馬特色嘅斑斕，啡甜得來又香滑，非常有特色！

簡單而又懷舊嘅味道再加入馬來風情元素，都幾吸引。餐廳設計簡潔，內部環境乾淨企理，雖然面積唔大，但擺設得宜，令空間感唔會覺得太擠迫。🥣鮮蝦胡椒湯 ($40)非常濃郁嘅胡椒香氣，味道上胡椒味非常突出，一碗湯飲到尾，湯底仍然保持濃香，暖胃又滿足。蝦有四隻，份量唔算少，而且新鮮得嚟易剝殼。🍜叉燒豬油撈麵 ($45)可以揀麻辣撈或豉油撈。油麵加咗豬油，拌勻之後有小許香味，入口滑溜，另外再加小小辣椒油更加提味，令整體層次更加豐富。叉燒軟腍，肥瘦比例啱啱好。個人覺得豬油再多小小就更正。🍚香煎脆邊蛋肉餅飯 ($42)煎蛋狀態剛剛好，蛋邊脆口蛋黃流心，拌飯一流。白飯再淋上少許甜鼓油，已經好夠味，就算冇配菜都可以食得津津有味。至於肉餅，質地較軟腍，味道唔錯，但如果煎得再脆身啲會更加完美。🍖招牌炸雞翼 ($27)雞翼外皮脆卜卜，入口香脆得嚟唔會覺得油膩，內裡雞肉仍然嫩滑，調味簡單但唔失香口。🧋樽仔奶茶 ($25)奶茶香濃順滑，茶底味道突出，味道偏甜但入口有種濃厚嘅懷舊香港茶餐廳feel，值得一試。☕樽仔咖啡（班蘭）($25)帶有淡淡班蘭葉嘅香氣，咖啡香味相對濃烈，甜度適中。（如果將樽仔奶茶同班蘭咖啡混埋一齊

行經尖沙咀棉登徑這間茶餐廳門口，給它的懷舊風吸引，佈置得有着昔日茶記風情，又像在馬拉茶室小店。他們的餐品不算多，有些馬來西亞特色餐品這裏都有，價錢方面又未至於兩草嘢食得到，但絕對是親民價🤗叉燒豬油撈麵$45叉燒肥瘦均勻，肉質軟腍帶蜜味，麵條質感彈牙配上豬油甜豉油和香蔥，好有馬拉風味👍香煎脆邊蛋肉餅飯$42煎香了的肉餅夠彈牙多汁，燶邊流心蛋加上豬油香和甜豉油，撈飯認真一流。咖央多士$25薄薄的多士，烤得很香脆，甜甜椰香味，牛油味都香濃，好鍾意食😋胡椒肉骨茶$38排骨燉得軟腍，湯頭充滿胡椒的辛香，沒有藥膳味，天氣潮潮濕濕，喝完微微發汗，認真舒暢。樽仔奶茶$25香濃茶味，澀中帶少甜，是解膩的最佳配搭。羅漢果水$25都幾大樽，清熱潤肺，甘甘甜甜幾好飲。

之前係大坑都曾經幫襯過兩草，當時已經好喜歡，但畢竟個位置對於本人來說都比較遠，所以一直都沒有再去。剛巧要去尖沙咀，發現原來兩草係尖沙咀都有分店，今次就同老公去食個午飯。 見到兩草的餐牌，已經每款都好想order，看似好簡單好平民既料理，但其實越簡單就越難煮得好食。舖頭都幾早就開工，有時間可以過嚟食個早餐，不過原來早餐只係尖沙咀分店有供應，其他分店係冇嘅。香煎脆邊蛋肉餅飯 – 見到隻脆邊蛋個流心蛋黃搖動中，已經心心眼，然後蛋漿流進白飯裡，再配上煎到外脆內軟既肉餅，每一啖都好正。好欣賞可以將最平凡的食材混在一起，但可以煮出咁好食的一碗飯。叉燒豬油撈麵 (麻辣) – 撈麵可以有豉油味或麻辣味選擇，今次我地就揀左麻辣味。每一口麵都食到麻辣的香氣，辣度適中，麵條爽口，還有叉燒肥瘦恰當。忍唔住要另加一碟豬油渣，好邪惡，與麻辣麵一同食，真係好好味。檸檬薏米水 & 樽仔咖啡 – 檸檬薏米水，酸酸甜甜，又解渴，感覺健康d，唔怕肥。另外也有樽仔咖啡和樽仔奶茶，兩款都可以揀原味，又或者好似我咁係揀斑蘭味咖啡，味道特別，很不錯。

等緊位個陣發現原來早餐得尖沙咀分店先有😂😂香煎脆邊蛋肉餅飯$42，肉餅蒸到外脆內嫩，一啲都唔dry😂😂隻蛋煎到好脆之餘，仲可以將流心蛋黃撈埋返一齊食，好香好正👍🏼咖央多士$25，多士烘到好脆，咖央醬一啲都唔膩😍好香口小籠包胡椒湯$40+胡椒肉骨茶$38，胡椒湯好濃而且有少少辣味👍🏼👍🏼飲完個人暖笠笠🥰小籠包多汁😍排骨都啖啖肉😋蛋炒豬腸粉$27，好有鑊氣，蛋香味加埋醬油一齊炒，夠哂惹味😋脆香魚餅$27，表面煎到好脆，魚肉好彈牙👍🏼每樣食物其實都平，叫左咁多野食都唔洗$200，值得再黎👍🏼

兩草出左名平又好食，絕對係平民食堂！🌟肉餅脆邊蛋豬油飯肉餅煎到外脆內嫩，絕對唔乾身，超級juicy! 加埋隻煎脆邊蛋，流心蛋撈飯，簡直係完美配搭！🌟蛋炒豬腸粉腸粉加上炒蛋後香氣四溢，一啖接一啖食唔停口🌟咖央多士多士烤至金黃色，咖央醬微唔會太甜，咖央味與牛油balance得好好，係好邪惡嘅消小食！🌟樽仔奶茶呢個都唔使多講，唔會被冰熔咗之後沖淡咗奶茶，茶既澀同埋奶既香平衡得好好🍀基本上所有嘢都可以加多蔥，小編二人毫不猶豫揀咗，當然都可以揀走蔥嘅～ 兩個人埋單大約$200 認真抵食，CP值max

Bookmark左呢間餐廳好耐，網紅打卡熱點！一直心思思好想試，終於拉咗閨蜜一齊食咗個開心晚飯😊😊大約7:00嚟到，唔需要排隊店內有唔少本地同外地遊客，氣氛幾熱鬧環境乾淨整潔，有齊餐具同埋調味料用手機自助下單，食物分類清晰，價錢非常大眾化，絕大部份都係充滿港式情懷嘅食物，例如豬油渣飯、叉燒飯、撈麵、薏米水等等👍🏼👍🏼香煎燶邊蛋肉餅飯非常非常推薦！肉餅好厚好巨型，燶邊蛋個口感真係香脆！拿捏得啱啱好，做到流心效果！成碗飯超好食，因為飯、肉餅、雞蛋再加埋啲蔥花，比例好好，每一啖都好滋味！小籠包胡椒湯用湯浸住小籠包，好特別，就好似將小籠包當係餃子咁😄😄個湯好重胡椒味，飲完即刻暖笠笠，再加埋小籠包本身都有少少肉汁，放入口有爆汁感覺👍🏼👍🏼佢哋依度仲有撈麵叉燒撈麵，個賣相都幾吸引撈麵味道幾惹味，叉燒唔會太肥又唔會太瘦，剛剛好！另外我哋仲叫咗雞蛋炒腸粉一齊share啲蔥花真係令到成件事生色不少！腸粉有蛋香，同埋滿滿豉油味，但又唔會太鹹，大家都表示非常滿意😎😎飲品方面，我見佢哋有供應薏米水、羅漢果水等等，但係最吸引我嘅就係樽仔奶茶！奶茶唔會好甜，非常好，而且茶味都幾香濃，推薦！雖然只係一間小店，但係每

「兩草」一直都係想試之選，今日行過見人流唔多，決定一試！鋪頭滿滿懷舊情懷，超有Feel !小籠包胡椒湯第一次小籠包浸湯食，胡椒味剛剛好，唔會死辣味，試一啖就會想keep 住飲佢。feel到天氣再凍d的話，暖心暖胃感覺應該會更加分。小籠包方面，肉感足夠，肉汁配搭胡椒湯令成件事又辣又甜，值得一試。蛋炒豬腸粉開頭以為好細份，食落原來越食越有。蛋香之餘，每條腸粉都炒得好均勻，好乾身。整體調味不錯，食完唔會覺得好咸好口渴。樽仔奶茶作為餐廳自製既樽仔奶茶，對比出面周圍有得賣既幾款樽仔奶茶，絕對唔失禮。唔算太甜，茶味都足夠，食野同時有得嘆好飲既奶茶，非常滿足。薏米水（暖飲）最啱而家濕重季節👍🏻👍🏻麻辣叉燒豬油撈麵叉燒肥瘦適中，雖然話係豬油撈麵，但係唔會覺得個麵好漏，而且一d油益味都冇。反而麻辣味就好出，岩哂好辣人士，越食越辣，但係又會令人想繼續食落去。如果唔怕辣既人真係可以試下香煎脆邊蛋肉餅飯 飯一到已經聞到好香既煎蛋味，唔識點用文字去形容，簡單一句就係好經典既碟頭飯豉油味，充滿回憶。肉餅都唔野少，微微煎香左，口感十足。 大推！講明兩草野，性價比高，平民之選！

今次嚟到尖沙咀嘅平民食堂，呢間舖頭signature 香煎脆邊蛋肉餅飯之外，仲有叉燒豬油撈麵配秘制麻辣＆咖央多士，而且價格都實惠，性價比都好高，小編當日去都好多人嚟食小籠包胡椒湯：濃厚嘅胡椒湯，再配上小籠包，一啖胡椒湯一啖小籠包，好似去咗去馬拉咁叉燒豬油撈麵配秘制麻辣：叉燒肉質鬆軟，再配上麻辣撈麵，好邪惡，再加上蔥花點綴香煎脆邊蛋肉餅飯：係餐廳名物，大家一定要叫，肉餅煎得好脆身，而且肉質好Juicy，再配上燶邊流心蛋+豉油撈埋啲飯一齊，唔經唔覺食咗成碗咖央多士：多士焗得好脆身，而且薄薄一片牛油同埋咖央醬，簡簡單單已經好好味，小編仲加咗海量嘅蔥花添，正蛋炒豬腸粉：雖然呢一個係好簡單嘅菜式，但係都做得好好味，腸粉同埋醬油一齊炒，再配上蛋，好多人鍾意嘅小食之一檸檬薏米水：店舖每日新鮮新鮮煲嘅薏米水，好足料，好適合夏天飲用

簡直係糧尾之選！平民食堂抵到爛😝2人食餐飽飽dinner人均唔洗過百xd 枉小妹係尖沙咀打滾咁多年 先知巷仔除咗係啲居酒屋燒肉店 都有啲咁正正嘅茶記🤤懷舊裝潢特色滿滿 店員們都好熱情待客 氣氛好warm！ 難得地尖沙咀呢間旗艦店設有早餐時段🤩8半就開門 食個精神早餐 配上濃香樽仔奶茶 係Good morni呀🥇🌞 ✢ 滑蛋叉燒飯 $40似模似樣嘅經典滑蛋飯！欣賞佢粒粒分明嘅飯粒 叉燒條 狀反而啱我呢啲懶人🤣無乜肥肉但肉質幾好！滑蛋量多的舖滿整個飯 唔係最滑 但口感同味道控制得幾好喲～ 除咗🍚 仲有精選叉燒撈麵 豉油味/麻辣味又得 一樣惹味😝TMI~唔係用大盛咁嘅碗size 但都食得幾飽 女仔黎講份量剛好 男士就可以趁機試多啲小食kekee ✢ 蛋炒豬腸粉 $27對於炒腸粉情有獨鍾嘅小妹🤤蛋炒無得輸 加埋蔥香zanggg! 味道多一點就好 所以重口味me淋咗啲鼓油點綴哈哈 ✢ 咖央多士 $25巧鍾意呢啲烘到薄一薄嘅多士🤤夾住久違嘅咖央醬+牛油 美妙嘅咸甜交集😋食落唔太膩又唔會太heavy 值得一試！ ✢ 小籠包胡椒湯 $40湯底色有啲似肉骨茶😂而飲落係有種刺激嘅胡椒辣味！再食啖皮薄餡靚嘅

‼️ 𝐬𝐮𝐩𝐞𝐫 𝐲𝐮𝐦 港式𝐟𝐨𝐨𝐝‼️·① ［ 麻辣叉燒豬油撈麵 // 香煎脆邊蛋肉餅飯 // 蛋炒豬腸粉 // 小籠包胡椒湯 ］| 早餐𝐨𝐩𝐭𝐢𝐨𝐧 𝐨𝐧𝐥𝐲 𝐚𝐯𝐚𝐢𝐥𝐚𝐛𝐥𝐞 𝐢𝐧 𝐭𝐬𝐭「 麻辣叉燒豬油撈麵 」 我加咗 温泉蛋( ´￢`)唔要麻辣都可以揀豉油！略嫌叉燒唔係好肥，不過成個撈埋好正！「香煎脆邊蛋肉餅飯」 肉餅好食，味道幾有驚喜ෆු(˃ர˂)ෆු「 蛋炒豬腸粉 」 我覺得係咁多個最𝐲𝐮𝐦꒰•̫͡•ོ꒱尤其加咗辣醬後！「 小籠包胡椒湯 」 又係必叫ཾֻ𑙕 . ᩙ.𓈒ꛒྀི۶個胡椒味超出，但又唔會好啃口。小籠包又係爆哂汁｜𓋪8/10•兩草 (棉登徑) (尖沙咀)尖沙咀棉登徑7號地舖

𓌉◯𓇋【😀 糧 尾 恩 物🥰】估吾到尖沙咀都有啲甘平民既美食！🤩🤩睇完成個menu 發現每樣都係幾十蚊 一啲都吾貴喎！難怪超級爆場 人氣旺盛(๑•̀ㅂ•́)و✧佢地既招牌美食包括有蛋炒豬腸粉、叉燒撈麵、咖央多士等 吾想食飯既可以揀叉燒撈麵（有豉油味，麻辣味），野飲仲有樽仔奶茶同檸檬🍋薏米水！幾特別◐▽◑原來得尖沙咀分店早上開門 上班族可以黎食個靚早餐🍳▹◃┄▸◂┄▹◃┄▸◂┄▹◃┄▸◂┄▹◃┄▸◂┄▹◃❀ 香煎脆邊蛋肉餅飯($42)🌟🌟🌟本身諗住好細份 但原來份量勁足！脆邊蛋煎得好好 加埋肉餅撈飯食好正！👍🏻👍🏻👍🏻❀ 胡椒肉骨茶 ($38) 🌟🌟‼️胡椒味極重‼️小心吾好嗆到❗️近排天氣涼左 飲完暖笠笠❤️‍🔥❤️‍🔥❀ 脆香魚餅 ($27)🌟🌟🌟平靚正既小食 彈牙無魚腥味 😆😆❀ 招牌炸雞翼 ($27)🌟🌟🌟一份有四隻 每隻都係大size 啖啖肉炸到個皮好脆👍🏻👍🏻亦超級juicyヾ(≧▽≦*)o❀ 咖央多士 ($25)🌟🌟🌟叫黎做飯後甜品岩岩好 多士好薄吾會頂胃 咖央同牛油🧈呢個組合係無得輸！必叫😆😆❀油菜 ($18)🌟🌟❀豬油渣 ($18)🌟🌟⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰