兩草 (棉登徑)

營業中

休息中

多數喺尖沙咀K11附近嘅餐廳都偏貴啲啲🤏🏻 但原來都有間性價比幾高嘅平民食堂😗 叉燒豬油撈麵 $45有兩種口味：秘製豉油同麻辣，嗰日有啲熱，我哋驚太辣會食到一身汗🥵 所以就叫咗秘製豉油，啲叉燒真心唔錯，半肥瘦，口感軟熟，撈麵嘅豉油味偏淡，豬油味都幾香香煎脆邊蛋肉餅飯 $42肉餅飯係呢度其中一款招牌，隻流心蛋不得了，個脆邊真係大加分😍 肉餅同我哋一般食開嘅好唔同，肉質比較紮實，肉味濃蛋炒豬腸粉 $27必點！估唔到炒腸粉都可以咁有鑊氣🤩 好有驚喜！滑蛋叉燒三文治 $27滑蛋叉燒呢個組合又係無得輸，加埋烘咗底嘅多士，唔錯😌樽仔奶茶 $25一直都覺得樽仔奶茶實會好甜，但呢支樽仔奶茶打破咗我哋一直固有嘅諗法，首先茶味真係好濃👍🏻 甜度係香港人最鍾意嘅少少甜，我哋之後行過路過都會入嚟買支樽仔奶茶🤣白桃烏龍冷泡茶 $25呢個配搭基本無得輸，正常發揮我哋留意到呢度有早餐Menu，淨係得尖沙咀分店先有架，下次早少少出嚟試埋佢先😉

響尖沙咀棉登徑呢條小巷發現左間新餐廳，裝修幾有特色，又帶點懷舊嘅風格，見到牆上嗰碗飯上面隻燶邊蛋，真係忍唔住要入去試吓，餐牌都有好多唔同風味嘅嘢食，揀左小籠包胡椒湯 $40.0中式同埋馬來西亞嘅混合體，胡椒味好濃郁嘅湯底，浸住啲小籠包，平時鍾意飲湯汁，今次就飲到飽，不錯嘅開胃菜香煎脆邊蛋肉餅飯 $42.0今次就係衝着佢而來，煎香嘅燶邊蛋，用啲蛋漿嚟撈飯簡直係靈魂，加埋超級香嘅豬油撈飯，同埋豉油，簡直就係將兒時嘅滋味帶返晒出嚟，雖然健康程度未必符合今天嘅標準，但係偶爾食吓都真係幾回味，喜歡健康啲嘅朋友可以選擇走豬油滑蛋叉燒飯 走油（不要豬油） $40.0沒有比較沒有傷害，就係因為呢個走油就分辨到原來豬油帶出飯嘅香味真係不得了，不過呢個叉燒飯就主要蔥香同埋豉油帶出佢嘅美味，好有家的感覺咖央多士 $25.0又係一個馬來西亞特色嘅食物，呢個咖央多唔會係厚厚嘅一坺牛油撻落去，薄脆嘅多士夾住戒同埋牛油，真係又香又脆又好味嘢飲就揀咗檸檬薏米水 $25.0同埋樽仔咖啡（班蘭） $25.0斑蘭咖啡好特別，淡淡嘅斑蘭香味配搭咖啡都真係幾新穎，檸檬薏米水就啱晒食完頭先咁多煎香口嘢嚟清熱呢度好味得來又唔貴，真

疫情時禁堂食，當時在西環店初次認識「兩草」至今，西環店結業。其實間中都想令我回味，好味價錢又平民，乎合店名「兩草」，因店內很多食物都係廿多元，兩草野就搞掂現在，兩草起九龍區有兩間分店，對我嚟講仲方便，今日嚟到尖沙咀旗艦店堂食上次外賣，所以今次要試返呢款即食先好味嘅咖央多士，都係佢地嘅signature 枱邊仲有溫馨提示果然即整即食，薄得嚟係食到有餡，牛油和微甜號咖央塗滿脆多士裡面👍🏻叉燒豬油撈麵（多蔥）加了豬油更香口，雖然有少少油，但真係好吸引叉燒唔鞋口油菜都加了豬油和豉油，菜心甜又嫩，一啲渣都無呀未埋位時已諗定一定要叫呢個小籠包胡椒湯自己非常鐘意飲湯，但平時又唔識煲佢有少少似肉骨茶嘅味道，但內裡加了多點胡椒，不過飲落一啲都唔刺喉，但又暖到胃，我好乖聽中醫講唔飲咁多凍野，所以呢個湯好啱我仲有四粒小籠包，未試過浸湯食咬開都有肉汁另外佢個蛋炒豬腸粉都係啲懷舊食物，炒過好香在場都見唔少女生嚟開飯，份量啱啱好雖然佢啲價錢抵食，但都有質素，啱係求其出貨

「兩草」當年是大坑的人氣餐廳，可惜直到結業，筆者也無緣光顧。現在餐廳重開，當然要好好把握機會！今晚就和朋友來到他們位於尖沙咀的旗艦店試試。「兩草」的尖沙咀店就在K11 Art Mall對面街，非常易去。觀看menu期間發現，原來餐廳有早餐時段，方便附近打工仔。肉餅是「兩草」的招牌作。肉餅由半肥瘦豬肉做成，煎香至外層金黃微脆。味道香口juicy，充滿豬肉香！再配上一隻流心荷包蛋，蛋邊煎成脆邊，流心蛋黃醬撈上豉油白飯更是錦上添花，令味道更多層次。麵條幼細，入口帶少許煙韌感。撈上豉油、豬油等調味料，色澤均勻，每一口麵都有陣陣豬油香氣，好滋味。叉燒質感偏瘦，但稍嫌乾身了一些。筆者最愛的港式小食之一：腸粉！腸粉和雞蛋，加入豉油、豬油一起炒香。腸粉外皮炒至脆身，內層就保持軟腍口感。可能有豬油的關係，味道非常香。每張枱都貼有溫馨提示，這份咖央多士要盡快食用，以確保食到其外脆內軟口感。多士麵包烘至十分香脆。雖然薄身，但餡量仍是滿滿的。咖央醬順滑，味道濃郁。飲品除了樽仔奶茶、咖啡等，也有一些特別款式供應。分別點了羅漢果水、白桃烏龍冷泡茶，前者微甜滋潤，後者清香解渴。

呢間餐廳一直好受歡迎因為CP值超高‼️主打嘅懷舊港式風味而家已經比較少搵到🪭其中又混合左D馬來風味既元素🇲🇾 平民嘅口味但係唔平凡值得一試呢❤️⭐️ 香煎脆邊蛋肉餅飯 🥩可算係呢間餐廳嘅名物🥹 肉餅煎得香脆加上金黃既脆邊蛋🍳 豬油配上醬油撈飯係我傳統但邪惡既美味😈拌上蛋汁有種溫暖嘅童年回憶感🤡⭐️ 滑蛋叉燒飯 🥓滑蛋同叉燒雖然看似簡單但係感覺好Homey🏠 叉燒嘅鹹香配上蔥花嘅點綴🌿撈飯係滿滿既滋味⭐️ 鮮蝦胡椒湯 🦐自家製嘅胡椒湯底加上蒜粒好有地道新加坡感覺🇸🇬 胡椒味香濃但係唔嗆喉🌶️大蝦用料新鮮帶鮮甜⭐️ 香茅雞扒 🍗雞扒煎得香脆又嫩滑🐔迫出金黃嘅油香連皮都食埋💛⭐️ 蛋炒豬腸粉 🐷已經好少食到咁懷舊嘅小食😋 簡單既材料配上蛋香係平凡既美味😙⭐️ 咖央多士 🍞多士烘得香脆🥰 半溶嘅牛油配上帶椰香嘅咖央🧈冰火既感覺混合在一齊好有南洋風味🧊喺香港嚟講係數一數二高質嘅咖央多不誇張🏝️

呢間人氣小店主打馬拉菜Crossover港式風味，店內嘅裝修充滿懷舊風情！食物定價好抵食，平均30幾蚊就有一個飯.✨香煎脆邊蛋肉餅飯脆邊蛋煎得好靚，蛋黃有流心效果，肉餅鹹香十足，仲好有肉汁添～✨香煎脆邊蛋餐肉飯餐肉煎蛋飯可以話係經典配搭，絕對冇得輸！✨蛋炒豬腸粉腸粉質地細滑，但不失咬口，仲食到淡淡嘅蛋香👍🏻✨招牌炸雞翼雞翼非常香脆，熱辣辣充滿肉汁，調味幾好食好惹味✨小籠包胡椒湯胡椒湯嘅胡椒味道非常濃郁，小籠包皮薄餡多，連埋胡椒湯一齊食更有風味✨樽仔奶茶.📍 兩草 (尖沙咀)尖沙咀棉登徑7號地舖

兩草．棉登徑隱世平民美食喂呀！脆邊蛋肉餅飯+咖央多士邪惡到爆燈！作為一個食勻港九新界嘅美食博主，我敢講「兩草」絕對係尖沙咀棉登徑一帶最抵食又高質嘅隱世小店！鋪頭細細但人龍長長，今次專程嚟試佢哋嘅招牌菜，果然冇令我失望，仲要食到舔舔脷！💛 瓶子仔奶茶：奶香爆炸嘅懷舊風味一坐低就點咗支「瓶子仔奶茶」，樽身冰凍，一啖飲落去——嘩！奶味濃厚，甜度剛剛好，飲完成個人醒神晒！ 💛 咖央多士：脆到犯規嘅邪惡滋味身為咖央控，呢度嘅「咖央多士」真係一試難忘！麵包烘到金黃脆身，咬落「咔嚓」聲，入面嘅咖央醬同牛油比例完美，椰香同蛋香交織，甜度克制得嚟又夠香滑，仲要唔會漏到成手都係，絕對係我近年食過最出色嘅版本！ 💛 香煎脆邊蛋肉餅飯：豉油係靈魂！主食首推「脆邊蛋肉餅飯」，一定要轉全熟蛋（蛋黃流心黨對唔住！），因為煎到焦香嘅蛋邊先係精髓！肉餅手工剁製，鬆軟得嚟有咬口，重點係一定要自己追加佢哋自家甜豉油——鹹中帶甜，撈勻飯粒同蛋碎，啖啖都係罪惡感爆棚嘅滿足！我同朋友食到碗底朝天！💛 叉燒豬油撈麵：重口味人士必點另一款「叉燒豬油撈麵」就係濃味代表，粗麵彈牙，豬油香撲鼻，叉燒肥瘦適中，蜜汁掛邊，撈勻之後每條麵都沾滿

原來棉登徑有間平民化嘅港式地道美食附近不是日本餐廳就是打邊爐，估唔到有間「兩草」‼️呢間主打港式懷舊家常菜，吸引好多本地客&旅客～人流不絕⭐️小籠包胡椒湯小籠包皮雖然厚左啲，但一咬開仍然爆肉汁👍🏻而且胡椒湯好加分❤️胡椒味香而不嗆喉⭐️招牌炸雞翼雞翼好飽滿肥大 一咬開係好juicy雞皮炸得好脆口，夠乾身唔油膩👍🏻⭐️香煎脆煎蛋肉餅飯呢個係必食燶邊嘅煎蛋好好食，自己係屋企好難煎到醬油亦係神來之筆係自家調製嘅醬油，再加埋豬油，簡直令成碗飯昇華左❤️⭐️叉燒豬油撈麵呢個撈麵一定要趁熱食，放涼左啲麵就會偏硬！要左麻辣口味，麻辣味比較柔和，唔會太刺激，叉燒偏瘦身，但出奇地又唔會好乾喎～～不過當然有少少脂肪&焦香味會更佳

尖沙咀商場內食肆食得多，原來K11後面有間平民食堂好評如潮！叫到食枱滿晒都係平民價錢🤩🔸香煎脆邊蛋肉餅飯🐷招牌肉餅厚實煎得好香，燶邊蛋🍳配豉油撈飯無得頂🤩半熟嘅蛋汁撈埋肉餅同飯真係最佳組合～🔸叉燒豬油撈麵🥢撈麵有豉油味同麻辣味，我哋揀咗豉油味～豬油加豉油好香口，麵條煙韌彈牙，叉燒肥瘦適中😙女士食的話份量剛好👌🏻🔸招牌胡椒肉骨茶胡椒味濃郁嘅肉骨茶飲一口好暖胃，唔會過重藥材味。三大嚿排骨啖啖肉夠腍又不失肉香～🔸蛋炒豬腸粉🤤呢個賣相真係流口水🤤 落豉油、豬油同腸粉雞蛋一齊炒超香口😍腸粉表面帶甜甜豉油焦香，鹹甜度perfect👍🏻🔸樽仔奶茶茶味非常濃嘅樽仔奶茶有驚喜～係港式奶茶嘅味道，甜度仲啱啱好👍🏻餐廳風格感覺懷舊地道，下次嚟食返個咖央多士做早餐應該唔錯😍二人埋單$200鬆啲咁多款式，啱晒樣樣都想食嘅我🤭🐾貓奴足跡🐾🌐兩草 (尖沙咀)📍尖沙咀棉登徑7號地舖

尖沙咀K11附近嘅平民美食，餐廳有港式風味，又有d新加坡style嘅美食😆 整體食物質素唔錯，價錢都好貼地😍 香煎脆邊蛋肉餅飯個肉餅真係煎都脆脆地，又幾Juicy，配埋個太陽蛋幾正。😋 蛋炒豬腸粉都好特別，平時比較少食，豬腸粉炒得好香，個皮又係炒到脆脆地，連埋d蛋碎同醬油一齊好惹味😋中意食南洋美食嘅我見到有胡椒肉骨茶同咖央多士都忍唔住嗌左😍 肉骨茶好有胡椒味，肉骨口感鬆軟又不失肉香味。咖央多士都整得啱啱好，個麵包好脆又有咖吔同牛油味😝 配埋個樽裝咖啡一流！🍞☕️ 依個配搭做早餐都唔錯，只係尖沙咀分店先有早餐供應😍😍🌟1️⃣ 𝘽𝙖𝙠 𝙆𝙪𝙩 𝙏𝙚𝙝 𝙬𝙞𝙩𝙝 𝙋𝙤𝙧𝙠 𝙍𝙞𝙗𝙨 胡椒肉骨茶🌟2️⃣ 𝙍𝙞𝙘𝙚 𝙬𝙞𝙩𝙝 𝙋𝙤𝙧𝙠 𝙋𝙖𝙩𝙩𝙮 𝙖𝙣𝙙 𝘾𝙧𝙞𝙨𝙥𝙮 𝙁𝙧𝙞𝙚𝙙 𝙀𝙜𝙜 香煎脆邊蛋肉餅飯🌟3️⃣ 𝙎𝙩𝙞𝙧-𝙛𝙧𝙞𝙚𝙙 𝙍𝙞𝙘𝙚 𝙉𝙤𝙤𝙙𝙡𝙚 𝙍𝙤𝙡𝙡 𝙬𝙞𝙩𝙝 𝙀𝙜𝙜 蛋炒豬腸粉🌟4️⃣ 𝙆𝙖𝙮𝙖 𝙏𝙤𝙖𝙨𝙩🍞 咖央多士🌟5️⃣ 𝙈𝙤𝙣𝙠 𝙁𝙧𝙪𝙞𝙩 𝙒𝙖𝙩𝙚𝙧 羅漢果水🌟6️⃣ 𝘾𝙤𝙛𝙛𝙚𝙚 (𝘽𝙤𝙩𝙩

餐廳位於K11附近，非常方便。係尖沙咀可以兩人二百都唔洗，食得豐富又滿足，仲要呢間有做埋早餐，可以話係平民恩物，已成為我既飯堂之一。✨胡椒肉骨茶 $38肉骨茶肉香味濃，飲落溫順回甘，好舒服。舊肉愈食越香，輕輕一咬，肉就甩。✨叉燒麻辣撈麵 $45有兩款(豉油/麻辣)選擇，揀左麻辣味，油香四溢，少麻少辣，令成碗麵更惹味。叉燒鮮嫩唔乾，偏好呢種肥瘦程度。而麵質地口感好好，煙韌彈牙。✨咖央多士 $25多士一上枱要即食，雖麵包簿身，但夠酥脆，再配上滿滿半溶既牛油加咖央醬，食落濃郁牛油香帶甜，回味無窮。✨肉餅煎蛋飯 $42肉餅好厚身，半肥瘦肉食落唔乾。燶邊太陽蛋，順滑蛋黃配上濃厚豉油撈飯食，即刻回想細個食既飯，令人陶醉。✨樽仔奶茶 $25樽仔奶茶茶味濃郁，入口順滑，不帶苦澀，甜度剛好。

「兩草」一直都想試，佢個Menu好有懷舊港式風味，同時又有啲星馬菜式，夠晒特別！呢間有特色嘅港式冰室，有幾款招牌主食同小食可以揀，必試佢嘅豬油撈麵同肉餅飯，份量啱啱好又抵食！-——————————————🫕◖小籠包胡椒湯◗ $40四隻飽滿嘅小籠包浸住辣辣地嘅胡椒湯，小籠包鮮甜嘅肉汁同埋辣辣地嘅胡椒湯溝埋，如果冬天飲會好暖胃！🍜◖叉燒豬油撈麵◗ $45用上幼麵麵條，加入豬油同豉油一齊撈，食落勁香，叉燒就正正常常，肉質偏瘦～🐖◖香煎脆邊蛋肉餅飯◗ $42肉餅飯係佢哋嘅招牌，肉餅煎得香脆而且唔油膩，加上燶邊蛋同秘製豉油，口感順滑，一啖落去超豐富好滿足！🍳◖蛋炒豬腸粉◗ $27豬腸粉撈埋豉油同蛋一齊炒，炒出嚟有鑊氣超香！🥤◖無糖可樂◗ $12🍵◖白桃烏龍冷泡茶◗ $25
🌟Encore指數：8.9/10

今日嚟咗平民冰室尖沙咀嘅「兩草」食晚飯🍚🥢！呢間平民食堂，裏面裝修係懷舊冰室嘅風格，幾有特色！主打蛋炒豬腸粉、叉燒撈麵、咖央多士等等，營業時間係朝早8:30到夜晚9:30 , 照顧早午晚餐叫咗幾樣佢哋嘅signature, 首先係胡椒肉骨茶🍲，湯底胡椒味幾香，肉骨都ok腍。然後叫咗個香煎脆邊蛋肉餅飯🍳🍚，肉餅煎得幾香口，蛋邊都幾脆。當然唔少得佢哋嘅signature dish — 蛋炒豬腸粉🥢啦！腸粉炒得幾有鑊氣，都幾惹味。蔬菜方面，我哋叫咗個油菜🥬，都幾fresh。飲品方面，叫咗羅漢果水🧉，清甜滋潤；檸檬薏米水🍋，酸酸甜甜。

呢度出名滑蛋叉燒飯 啲炒蛋炒得幾香幾滑連同惹味嘅豉油 同埋瘦滑嘅叉燒一個細細碗嘅，炒粉一個人食晒啱啱好我仲叫咗多蔥多蔥 所以特別香加咗碗淨湯 其實即係肉骨茶嘅味道 溫暖入心另外仲叫咗個脆香魚餅 鯪魚蓉煎得幾你呢度係間平民食堂，價錢好大眾化👍所以見到每枱都嗌好多碟 例如🐣蛋炒豬腸粉、咖央多士等🍞 啲嘢飲都好特別，有薏米水🍸無糖嘅羅漢果水等等 一大杯無冰 味道好真實 唔會溝稀咗🫶🏼🫶🏼聽講🍳早餐淨係得尖沙咀分店先有 8:30就開架啦

最近搵到一間尖沙咀k11附近超正嘅平民食堂，主打肉骨茶和肉餅飯，簡直係美食天堂！早餐時段淨係喺尖沙咀分店有，夜晚都照開，超方便！肉骨茶真係暖心又暖胃！湯底香濃唔膩，滿滿胡椒味，飲落好似溫暖咗成個胃。肉骨炆得軟腍，入口即化，肉香濃郁完全唔柴，啖啖肉嘅滿足感岩晒肉食愛好者！一啖湯一啖肉，回味無窮，冬天食呢碗真係幸福爆棚！麻辣叉燒撈麵真係惹味到停唔下來！麵條彈牙，豬油香氣撲鼻，麻辣醬汁微辣過癮，帶點麻香，叉燒切得薄薄的，嫩滑又入味。撈一撈，每條麵都掛滿醬汁，食落好滿足！仲有豉油味嘅版本，香濃順口，鍾意清淡啲嘅朋友一樣會愛上滑蛋叉燒三文治滑蛋軟綿綿，蛋香濃到爆，叉燒鹹香嫩滑，夾喺酥脆嘅多士之間，咬落好juicy！簡單嘅配搭但味道超讚！咖央多士Signature必試！咖央醬香濃甜美，牛油香氣同椰香完美融合，塗得厚厚的，咬落多士外脆內軟，甜而不膩。早餐或下午茶食，配杯奶茶，簡直係人生享受！香茅雞扒飯加全熟煎蛋香茅雞扒煎得香噴噴，雞肉嫩滑，帶住清新嘅香茅味，超開胃。飯粒軟硬適中，配上全熟煎蛋，蛋黃香濃，切開流心感好滿足！簡單一碟但好食到停唔下來！蛋炒豬腸粉腸粉滑溜溜，炒蛋軟嫩香濃，豬肉粒增加咬口，醬