影片
以上資料只供參考, 請與餐廳確認詳情
之前係大坑都曾經幫襯過兩草，當時已經好喜歡，但畢竟個位置對於本人來說都比較遠，所以一直都沒有再去。剛巧要去尖沙咀，發現原來兩草係尖沙咀都有分店，今次就同老公去食個午飯。 見到兩草的餐牌，已經每款都好想order，看似好簡單好平民既料理，但其實越簡單就越難煮得好食。舖頭都幾早就開工，有時間可以過嚟食個早餐，不過原來早餐只係尖沙咀分店有供應，其他分店係冇嘅。香煎脆邊蛋肉餅飯 – 見到隻脆邊蛋個流心蛋黃搖動中，已經心心眼，然後蛋漿流進白飯裡，再配上煎到外脆內軟既肉餅，每一啖都好正。好欣賞可以將最平凡的食材混在一起，但可以煮出咁好食的一碗飯。叉燒豬油撈麵 (麻辣) – 撈麵可以有豉油味或麻辣味選擇，今次我地就揀左麻辣味。每一口麵都食到麻辣的香氣，辣度適中，麵條爽口，還有叉燒肥瘦恰當。忍唔住要另加一碟豬油渣，好邪惡，與麻辣麵一同食，真係好好味。檸檬薏米水 & 樽仔咖啡 – 檸檬薏米水，酸酸甜甜，又解渴，感覺健康d，唔怕肥。另外也有樽仔咖啡和樽仔奶茶，兩款都可以揀原味，又或者好似我咁係揀斑蘭味咖啡，味道特別，很不錯。
繼續閱讀
「兩草」一直都係想試之選，今日行過見人流唔多，決定一試！鋪頭滿滿懷舊情懷，超有Feel !小籠包胡椒湯第一次小籠包浸湯食，胡椒味剛剛好，唔會死辣味，試一啖就會想keep 住飲佢。feel到天氣再凍d的話，暖心暖胃感覺應該會更加分。小籠包方面，肉感足夠，肉汁配搭胡椒湯令成件事又辣又甜，值得一試。蛋炒豬腸粉開頭以為好細份，食落原來越食越有。蛋香之餘，每條腸粉都炒得好均勻，好乾身。整體調味不錯，食完唔會覺得好咸好口渴。樽仔奶茶作為餐廳自製既樽仔奶茶，對比出面周圍有得賣既幾款樽仔奶茶，絕對唔失禮。唔算太甜，茶味都足夠，食野同時有得嘆好飲既奶茶，非常滿足。薏米水（暖飲）最啱而家濕重季節👍🏻👍🏻麻辣叉燒豬油撈麵叉燒肥瘦適中，雖然話係豬油撈麵，但係唔會覺得個麵好漏，而且一d油益味都冇。反而麻辣味就好出，岩哂好辣人士，越食越辣，但係又會令人想繼續食落去。如果唔怕辣既人真係可以試下香煎脆邊蛋肉餅飯 飯一到已經聞到好香既煎蛋味，唔識點用文字去形容，簡單一句就係好經典既碟頭飯豉油味，充滿回憶。肉餅都唔野少，微微煎香左，口感十足。 大推！講明兩草野，性價比高，平民之選！
繼續閱讀
今日放工之後，約埋朋友去尖沙咀食飯，真係好開心！我地揀咗一間馬來西亞Crossover港式餐廳，聽聞佢哋嘅餐牌選擇多，價錢又唔貴，於是就迫不及待想試下。。一入到餐廳，就感受到一種輕鬆嘅氛圍，裝潢簡約但又有啲特色，適合同朋友聚餐。餐牌上真係有好多選擇，從馬來西亞嘅經典菜式到港式嘅懷舊美食，令人眼花撩亂。。我地首先點咗香煎脆邊蛋肉餅飯，呢個係佢哋嘅招牌之一。肉餅煎得金黃香脆，搭配上面嗰隻脆邊蛋，真係一流！飯粒吸收咗肉餅嘅鮮味，每一口都好滿足。接住就係叉燒豬油撈麵，加咗脆邊蛋，撈麵有兩種口味可以揀，我選咗豉油味。豉油味撈麵滑溜又有咸香，配上脆邊蛋，簡直完美！。然後我地試咗蛋炒豬腸粉，呢個真係一個驚喜！腸粉滑溜，蛋香四溢，搭配上少少醬油，味道真係好正。再加埋咖央多士，甜甜地，啖啖都係滿滿嘅椰漿香，食完真係心情好好。。飲品方面，我地選咗凍檸檬薏米水，清新又解渴，特別係今天天氣有啲熱，飲一口真係好舒服。。所有食物都大約$40-$50，真係好平民，食得咁開心，唔使擔心荷包。食完之後，大家都覺得呢間餐廳真係值得再來，因為唔單止食物好味，環境又舒適，最緊要係價錢實在。
繼續閱讀
今日同朋友去咗尖沙咀棉登徑嘅「兩草」食飯，呢間平民食堂雖然地方唔大，但勝在夠地道，而且價錢親民，絕對係打工仔同學生嘅福音！叉燒豬油撈麵（$45）我哋點咗幾樣招牌菜，首先係 叉燒豬油撈麵，一上枱已經聞到好香嘅豬油味，麵條彈牙，叉燒肥瘦適中，撈埋豬油真係好邪惡但好滿足！香煎脆邊蛋肉餅飯（$42）跟住係香煎脆邊蛋肉餅飯，個蛋煎得啱啱好，蛋黃流心，肉餅煎到外脆內嫩，送飯一流！咖央多士（$25）另外仲試咗咖央多士，多士烘得脆卜卜，入面嘅咖央醬香甜唔膩，好食到停唔到口。蛋炒豬腸粉（$27）最後仲有蛋炒豬腸粉，腸粉炒得夠鑊氣，蛋香十足，簡單但好味。檸檬薏米水（熱）（$25）、樽仔奶茶（$25）、無糖可樂（樽）（$12）飲品方面，我哋叫咗檸檬薏米水（熱）同，樽仔奶茶同樽裝無糖可樂，檸檬薏米水清熱解膩，奶茶茶味濃郁。總括嚟講，「兩草」嘅食物質素唔錯，價錢合理，而且選擇多樣，絕對係平民美食嘅好選擇。如果你喺尖沙咀想搵間平靚正嘅餐廳，不妨試吓「兩草」！而餐廳營業時間係早上8點半至晚上9點半，建議避開繁忙時間去，唔使等位等咁耐！
繼續閱讀
.‼️❤️ 記得CLICK我PROFILE關注我呀 ❤️‼️.🌶️ 馬拉嘢食真係好鬼好味 @ 🌟 兩草 🌟.💁♀️ 圖片展示美食為：滑蛋叉燒飯 HKD 40淨香茅雞扒 HKD 24胡椒肉骨湯米 HKD 45蛋炒豬腸粉 HKD 27小籠包胡椒湯 HKD 40咖央多士 HKD 25.👽 次次嚟親呢間人氣王佢都係坐滿人接近爆棚，好難得今次唔使等位直接入，梗係即刻去食好西啦！以前去開旺角嗰間，而家幾乎次次都返到尖沙咀呢邊，因為有我最鍾意食嘅叉燒撈麵，同埋得呢間先有早餐食咋！.🐷 必食就當然係「滑蛋叉燒飯」啲叉燒係又香又嫩，啲滑蛋打得啱啱好，蛋黃流出嚟咁啱食。.🐔 呢個「淨香茅雞扒」真係有香茅味沾住啲雞肉，啲雞肉係好嫩，HKD 24就食到咁大塊嘅雞扒，性價比超高！.🍜 呢碗「胡椒肉骨湯米」真係好濃郁，啲肉骨好厚身，落湯裏面煮得好入味。.🔥 講真呢碟「蛋炒豬腸粉」係好香，啲豬腸煮得啱啱夠腍夠彈牙，充滿炒得香滑嘅蛋香，同豬腸粉一齊食真係好過癮。.🥟 呢啲天氣食「小籠包胡椒湯」好適合，包皮薄薄咁啱啱好，湯底香濃，入口有啲啲微辣，好開胃又暖身。.🧈 最鍾意呢度嘅「咖央多士」，夠香夠脆，滿滿嘅咖央醬，味道超級濃郁邪惡又滿足！.😝 呢度價錢好大眾化，人氣咁旺咁好生意係好合理！仲要店長好有禮貌，服務超級讚，一定要嚟呢度支持下！.📍 尖沙咀棉登徑7號地舖.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.
繼續閱讀