光榮冰室 (厚福街) (已結業)

這間在厚福街新開的茶餐廳，午餐時間都幾乎滿座，店員服務佳，落單快而準。同事點了茶餐，而我就要了意粉，午市時間還包杯飲品。牛油多士配火腿炒蛋平時焗底一定要加錢，這間茶餐本身已包了，多士新鮮熱辣，炒蛋炒到剛熟，炒得幾滑，火腿略煎。沙嗲牛肉意粉沙嗲牛肉腍滑，沙嗲味帶點微辣，意利不會太腍。鮮茄吉列豬扒意粉豬扒炸得外脆內嫩，不會太乾，雖然豬扒不厚，但有肉汁，最抵讚就是意粉有炒底，茄汁伴勻在內，不會太酸。最後飲返杯熱菜蜜滋潤一下。

我和朋友都說不會再光顧光榮冰室，不論食物或服務態度都差到極點。我們點了鹹魚肉餅煲仔飯加臘腸，足足等了四十分鐘也沒有上桌，下單後一直都沒給我們餐具。朋友忍不住問店員何時煲仔飯，我們眼見十多個客人遲過我們來的已經在吃煲仔飯，店員吱吱吾吾沒有回答我們。數分鐘後她走來忽然問我們吃甚麼，朋友立即問她是否沒下單在開始時，她否認說有客人吃了我們的煲仔飯，那客人知道他所吃的是我們點的煲仔飯。這店員擺明說謊，我們一直注視各枱食客的舉動，根本沒有人這樣做。我們說了七遍要臘腸，她一直都說我們要膶腸，究竟她有沒有聽我們的話。再過數分鐘那店員再次走來不好語氣的問我們要加菜嗎，朋友說不，之後又問要湯嗎，朋友都說不。店員繼續死纏難打問要汽水，凍飲嗎，朋友按住怒火說甚麼都不要，店員馬上黑面。本身煲仔飯已經遲遲未來，還要強行推銷我們加別的，這是甚麼餐廳?一小時後鹹魚肉餅煲仔飯拼臘腸終於來了，這煲仔飯完全不濟，飯粒濕淋淋的，煲仔飯飯焦基本要求都做不好。肉餅不可稱為肉餅，只是一堆肉碎，過於軟腍，當我們攪拌煲仔飯時，肉餅已經無疾而終，朋友幾乎吃不到完整的肉餅，太過鬆散。鹹魚死鹹沒香氣，我們只吃了一小片，臘腸像橡膠般難咬，鹹得

同朋友行完街一行幾人搵野食醫肚,聞到煲仔飯香味,就梗係行去睇下啦二話不說入去坐4個人叫4個煲唔過份啦我地點左以下食物:土魷肉餅煲仔飯,紅棗滑雞煲仔飯,鮮牛肉片煲仔飯,薑蔥鮮鯇魚煲仔飯,再加潤腸同咸蛋芥菜肉碎煲,仲有油菜土魷肉餅煲仔飯加潤腸--肉餅牌唔錯,再加埋潤腸味入晒飯度一流呀紅棗滑雞煲仔飯--雞夠晒滑仲有夠晒入味,帶出好香既雞味鮮牛肉片煲仔飯--牛肉夠晒鮮味,唔羶薑蔥鮮鯇魚煲仔飯--魚都幾香,連薑蔥加飯蕉一起食就都幾夾咸蛋芥菜肉碎煲--菜夠新鮮,又唔係好咸,再加埋肉碎黎飲都唔錯油菜--都幾翠綠,新鮮

行過見到間傳統冰室裝修嘅茶餐廳，入去嘆了份抵食下午茶，最好嘅地方係可以在這裡慢慢嘆，同外面完全係兩個世界，下午茶$30已經有4款選擇，當然最愛都係沙爹牛肉通粉，而且重配上一個炸雞全翼，呢個真係少見，一般都係配雞中翼，另飲品加多$2就係凍飲，多加$8就係特飲，今日太眼訓飲杯凍啡提提神，凍啡唔酸夠奶港式口味！沙爹牛肉通粉，沙爹牛肉味道夠，有大量嘅沙爹汁在片牛肉上，而個通粉亦煮得啱啱好唔會入口就太軟淋淋嘅感覺，可以在口中咬吓，有口感！而隻全雞翼，炸得好香脆，外面脆內裡肉質軟滑，真係炸得剛剛好，沒有炸過火！呢個價錢有齊呢幾個選擇，在這裡附近真心抵食！

我表妹同朋友落嚟香港購物，唔知點解指名要來厚福街嘅某間藥房，又係網紅之類，好誇張有條人龍喺度排隊等入藥房買嘢！買咗幾個大袋，企到腳軟。啱啱好對面有間新開嘅冰室，價錢平靚正！同表妹佢哋食個T先繼續行，但佢哋習慣要食飯嘅，所以叫咗個XO醬叉燒炒蛋飯 $48 飽肚啲。絕對係有香港特色，而且炒蛋香滑，配埋個懷舊豉油醬汁，身為遊客嘅佢表示好特別！跟住就係香港茶記食嘅沙嗲牛通、炸雞翼全隻、絲襪奶茶。味道夠晒惹味，成個餐下午茶都係$30，好抵食！而我就最喜歡經典嘅炸吉列豬扒、薯條、沙律下午茶 $40。豬扒真係即叫即炸，熱辣辣鬆脆可口仲要夠肉汁，炸粗薯條更加係正！沙律唔係薯仔係生果已經見到有質素。套餐加$8 就有特飲，我就揀咗銀蓋鮮奶。嘩！真係好耐都冇飲過玻璃樽的十字鮮奶啦！好懷念做學生嘅日子。

今晚到了尖沙咀厚福街的「光榮冰室」吃煲仔飯，其實是路過看見冰室竟然有經濟實惠煲仔飯供應，加上天氣轉涼，就很想一試！懷舊飲品中更有經典谷咕、滾水蛋、牛肉茶.......雖然不是很肚餓，但煲仔飯的確有吸引之處，三人共享用兩款：窩蛋鮮牛肉煲仔飯$72、土魷肉餅煲仔飯$68，加配蠔油菜心$20，加特飲紅豆冰、熱鹹檸蜜、熱谷咕每款$12。我的紅豆冰，紅豆夠腍又大粒！蛋香能令鮮牛肉煲仔飯味道得到提升，剛剛熟的牛肉夠鮮嫩，暖笠笠飯香又美味。靚靚仔仔的土魷肉餅，一見就開心，可惜香甜土魷太少了！煲仔飯的飯焦香，又怎可不吃！！！合時令的菜心夠腍甜，少蠔油少油夠健康！街坊價加埋食物不錯，自然客似雲來！

今日一早起身喺尖沙咀做野，都無時間食早餐，9點幾踩到差唔多下午4 點幾，真心肚餓頂唔順，不過又要快快手食完返嚟繼續工作，唯有到附近厚福街揾間茶記食完再摶殺！去到厚福街有間懷舊味十足既光榮冰室，見價錢幾抵，又乾淨，就入去坐底叫個飯食！下午茶雞脾餐只係$36 , 連鎖集團都做唔到既價錢！我就求快，叫左個$45 既咖哩雞扒飯快餐，今時今日尖沙咀區仲要4 字頭真係買少見少茶餐廳當然唔少得既係茶餐，不過今日無時間休閒咁食，唯有留返下次！除左幾樣主打野食外，其實仲有好多野食揀，全部都印晒喺檯面既餐牌上面！落完單，奶茶好快嚟到，茶香奶滑，正常水準ok! 而個飯都好快嚟到，雞扒大大塊，飯量唔惹少！十分抵食，咖哩汁少少辣，薯仔都稔既！唔錯！可能由於無食早餐，食完個飯仲有d肚餓，見佢個快餐質素都可以，即管再叫多份雞脾下午茶餐質飽自己再返上去做野！大大隻雞脾係生炸，有醃過，雞肉都帶少少咸同辣味，雞皮炸的香脆，未食都已經聞到吸引！特別要讚下佢既一口多士，啱晒鍾意食西多士又唔想叫成份嚟食既朋友，3件頭，一口一件，入面有流心既花生醬！加埋糖漿或煉奶，非常邪惡！估到尖沙咀都仲有咁低食既茶餐廳，位置仲要咁好，下次嚟