元気寿司 (悅來坊)

營業中

休息中

星期日老公難得放假，下午行到荃灣悅來坊食咩好不如去食元氣壽司， 雖然唔係列車壽司但係都有不少客人等位， 我哋等咗半個鐘左右，都好快入座。炙燒牛油赤海蝦，牛油味好香，日式炸雞外脆內軟好好味，軟殼蟹手卷一般，甜蝦卷，新款的珍寶皇帝蟹柳都好味，食左多款壽司質數都可以。日式炸雞內脆外軟，正炸蝦天婦羅一般因為吾夠脆，相反葵芳的列車壽司好食 d

Genki sushi平日既下午茶係平又抵食之選！迴轉線分店係相對平民既choice! 呢個order係$50，已經include 左5/6件sushi, 有個小食，我選左salad,同埋烏冬！order完，5分鐘已經上齊晒野食，係唔係甘快手，定係整定晒壽司一如往常水準stable 沒太大surprise,係個炸蝦卷涷涷地，不像是剛炸好的，另外個烏冬清清地都唔錯，食埋就夠晒飽肚！去到元氣飲左2杯綠茶，粉是任加的正！ 下次去試埋高速線先！

元氣壽司大家都經常食，但近日知道一個新嘅優惠，由6月5日至6月25日，以mastercard喺元氣壽司堂食或者外賣簽賬滿150蚊，即減30蚊。真係好抵丫。本身住荃灣，揀呢間元氣壽司係因為係叫下午茶餐時，可以以優惠價錢追加唔同嘅食品。今日同朋友係下午茶時間，來到這這間元氣壽司， 因為呢個優惠實在太抵，所以去到都等咗五分鐘先可以入座，成間餐廳坐滿曬人。我同朋友都點咗兩個下午茶餐，我地仲追加左一個三文魚頭湯、 軟殼蟹手卷和 鰻魚手卷。 手卷和壽司都係一貫嘅新鮮， 難怪我哋入座之後一直有好多人喺度排隊。 但可惜係個三文魚頭湯唔係好夠熱，如果熱啲會仲好飲。食完以上的食物， 我們已經好飽，決定問下店員我哋食夠150蚊未，佢都好有禮貌咁同我哋講未夠， 於是我哋再追加一個cheesecake ，但個cheesecake就凍到唔係太食到芝士味 。不過整體嚟講，性價比好高。 大家趁6月25日之前，再食多幾次啦！^_^

最近見到有推廣優惠，堂食或外買滿$150元即減$30元，但要用Master咭簽張。見到咁著數當然要約朋友一齊去食啦。先嚟一碟前菜，大大粒的螺肉配有細細粒的青瓜嚟元氣當然要叫元氣卷同炸蝦卷，每次嚟食都是必點赤海蝦夠曬鮮甜，炙焼黑椒蠔好大隻好juice 小朋友同大人都鐘意食的皇帝蟹柳再嚟一碟炸雞軟骨，雞軟骨沾上了簿簿的脆漿，炸得夠香口，細細粒餸酒一流，但可惜無酒。還有食飽都要食的甜品，心愛的芝士餅同一口泡芙

今次黎左依間細細間既元氣，其實間間元氣既野食質數方面都差不多，只係服務同餐牌獅點唔同，依間唔係火車壽司係最傳統既版本，星期日既午餐其實餐牌都冇咩點變、又係d例牌野！三文魚手卷炸蝦卷一定係要熱上先好食架！太卷都好適合小朋友食架！一碟四件、三文魚壽司好味道！最後呢有赤海蝦壽司必食！新品種曼魚卷、炙燒三文魚壽司都幾野味，左口魚壽司，仲有一試難忘既波士頓卷！依度坐位方便，由於坐迴轉位，其實都好多壽司係度迴轉緊，不過我個人比較鐘意叫職員order!感覺上好過不斷迴轉

It was delicious in this restaurant.The sushi is yummy.And it was not so expensive.So I will recommend too all of you

今日心情不靚靚，一個人去食lunch抖抖氣，去左元氣壽司🍣🍣🍣🍣🍣食，雖然冇乜胃口，但都想坐一坐？應該望住啲壽司轉呀轉呀，心情會好啲嘅💪🏻💪🏻💪🏻

又到聖誕，又到聖誕… 每年年尾我最期待的便是一大班同事享受一餐美味富足的聖誕大餐，作為平日努力工作的慰勞。我見雜誌廣告的元氣壽司拼盤很豐富吸引，即提議外賣自取，喜歡Sushi的大家一致贊成～大滿足壽司盛，份量十足，八個人食都好飽肚，多達８種口味，豪華吸引。其中我最愛吃的三文魚腩，厚切肥美，鮮味十足，入口即化，但另一款三文魚Sushi則不夠肥美；第二最愛赤海蝦，蝦肉嫩滑，鮮甜味美，回味無窮；帆立貝清淡細嫩，口感豐富；長鰭三文魚及油甘魚沾上醬油，鹹酸中帶鮮甜味～派對卷物盛，多達６種口味，種類豐富，有炸蝦卷 / 芝士鰻魚卷 / 波士頓卷等等，適合只想吃熟食怕吃生冷野的同事。整體質優味美，水準甚高！幸運地，負責訂購的同事有元氣會員咭，及時訂購可享八折優惠，而更幸運的是上司請客，真是抵上加抵，大滿足！

以前千色店鋪內有元氣分店，地方細小但食物質素保持水準，有時也會去新開的悦來坊分店嘗試，但質素感覺大不如千色店分店，後來千色店分店關閉，10分失望，只好被迫去悅來坊分店，但新鮮程度都比不上千色店分店。今次與家人再去悦來坊分店，可是仍不合格！除了軟殼蟹手卷，較為香脆可口！

早兩日食完綠楊快車，無奈俾咗負評，壽司隱未止，唯有再戰傳統元氣。同樣是下午茶，一樣價錢，傳統元氣有得自選下午茶組合，比較自由多變，而且有得追加。快車一分鐘就上菜，呢度總算要等返合理時間。有侍應召喚交流溫馨提示感覺是美好的。賣相也較快車好，大件啲，魚肉切得靚啲，望落飽滿啲。快車不知是否太快出菜，魚生總有些未退哂雪冰冰冷冷嘅感覺，全無味道，呢度回復正常，能食返少少魚生味，雖然也不至於非常優秀。本來想點可樂餅，但無哂變咗炸魚，最終改選炸雞。炸雞上枱好香，無咩油。略為調味不夠，但保有肉汁。燉蛋熱辣辣，份量多，保持一向良好水準。

元氣壽司出名大件夾抵食。哈哈。今日豪d 散叫order 。「期間限定」1）炸薯拌芝士醬𥚃面薯仔份量相當少。大量麵份炸成。完全食唔到有薯仔。失望2）芥末榮螺過多嘅芥末。榮螺鮮味不足。芥末有點喧賓奪主。3）炙燒金目鯛味道非常淡。唔夠鮮唔夠凍。最後仲order 咗鰻魚芝士卷鰻魚雪得太耐。肉質偏硬。其他分店質素好好架。第一次黎悅來坊。失望嘅一餐。

荃灣其實有好多好嘢食，好彩行快一步，唔係就要排隊啦！公司附近既元氣壽司，一口氣點左好多，好滿足！其實我覺得佢的刺身同壽司尚算新鮮呀，價錢又實惠，唔錯！而且就算坐bar台都算寬敞，同朋友又都傾到偈！

呢間真係我食過最差而唔會想影任何相嘅分店。首先，天花板有滴水問題，會唔會係喺客人用餐嘅頭頂用托盤接住然後掃走呢，係咪換個位都咁難？其次，壽司份量唔平均一件大一件細，咁樣係正確咩？最後，員工服務態度真係差到我覺得自己喺大排檔或者茶餐廳食緊嘢咁，壽司吧嘅同事仲貼心過樓面嘅同事細心同更多地留意客人嘅情況同需要，咁要樓面嘅人為乜？46號位嘅熱水出口位不斷滴水成張台濕晒平時唔會去留意到咩？經理態度都係指一副愛理不理嘅樣，客人要求投訴，只係淡然咁講一句「我哋嘅新制度要投訴唔該去官方網站瀏覽查閱電話號碼。」作為一個經理呢個係應有嘅態度咩？無諗過要去瞭解情況，連投訴熱線都記唔住，真係好好笑囉。既然態度差成咁，收服務費係為乜？坐喺最入面嘅所有客人都唔會去照顧，亦都唔會去收拾餐桌上嘅餐具碗碟，要求埋單時唔會覆單，自數完色碟就自己行走咗。對元氣咁多年嘅支持真係覺得可以停止，做會員咪即係再繼續受氣？這是我食過態度最差嘅分店，無論環境、食物定係餐具嘅衛生情況，都係最差！我唔會再介紹任何朋友去荃灣悅來呢間分店食嘢，駛錢買罪同買氣受！

到過不同區域的元氣壽司, 今趟重回舊地, hello你好嗎?天氣熱得很，先來兩杯冰凍的凍飲:左邊一杯 【梅子昆布茶梳打】， 梅子梳打酸酸甜甜，有氣又好味，不過細味之下原來能喝出有昆布的鹹味，過癮、好過癮！右邊一杯 【沖繩菠蘿梳打配雪球】， 以甜味取勝的沖繩菠蘿， 加上椰子味雪球及梳打，好一杯幾香甜又清涼的飲料。炸吞拿魚壽司棒 $18屬於熱食的範疇來了兩個新丁， 其一就是這款【炸吞拿魚壽司棒】。酥脆的外層包裹著壽司飯及吞拿魚醬，吞拿魚醬不腥而且帶點蛋黃醬的乳脂味，壽司飯軟熟但不爛，外脆內有嚼頭的口感太棒了！熱食之二是 荷蘭醬焗牛油果 $22單吃牛油果已經超好味，現在再打上雞蛋及鋪上芝士，直接把牛油果拿去焗至軟身。 小心翼翼的把三樣食材舀在一起吃，芝士及雞蛋的濃味能襯托出牛油果的香滑與油潤，夏日開心之選。

作為元氣壽司的長期粉絲，每次他們有季節限定出品我都必然會立即去試的。自從推出了元氣app後，就不用再擔心要排隊的問題，每次教好時間就預早取票，尤其是葵芳、荃灣、旺角這些我經常到的熱門店，一定要預早一點取票才行。大窩口的元氣其實不算太隔涉，食物還可，但人流總不算多，每次一來就可以入座，所以我都頗喜歡這家元氣分店的。這個寂寞的星期五晚上，難得第二天是假期，總要對自己好一點，我獨個兒到荃灣打書釘，然後就走到大窩口來吃我最愛的壽司了。有許多人都喜歡刺身多於壽司，但我是例外，因為我很愛吃飯，所以我特別鍾情吃壽司。今回夏季限定食品有七款，其中抹茶卷蛋糕我一定不會嚐的，因為我最討厭甜點。這回先嘗嘗四款，包括玲奈壽司、明太子玉子壽司、香辣左口魚軍艦、汁燒赤海蝦壽司。首先就嚐嚐這香辣左口魚軍艦，左口魚裙邊壽司一向是我的最愛，喜歡那豐富但清淡而不膩的魚油和煙韌有嚼勁的口感，然而味道偏淡的左口魚被切成粒狀加上辣醬來醃漬可說是非常的失敗，只有香辣味而魚味欠奉，紫菜又淋又韌，整款壽司完全是錯配。明太子玉子壽司在餐廳上的賣相非常的吸引，超愛吃蛋的我很喜歡玉子燒的，而我又愛明太子的辛香。把明太子放到玉子上，加上少量