元気寿司 (悅來坊)

營業中

休息中

今次去到婆婆👵🏽呢邊食元氣壽司未到下午茶時間 我哋都照食不過今次食嘅牛肉烏冬牛肉份量係好多但係啲牛肉好嚡口 完全唔好食其他嘢就都係差唔多唔會話特別差服務態度都係好好

平時好鍾意食佢個下午茶有八件壽司，因為入面有大拖羅都幾抵，佢而家轉咗Menu，個下午茶啲食物好似唔係幾吸引，揀咗好耐最後揀個有蟹柳有鰻魚有牛肉嘅下午茶，同埋之前可以跟三文魚湯，我最鍾意佢呢度嘅三文魚湯真係超級好飲。

呢間元氣冇其他分店咁多人，可能位置比較偏僻，通常等10至15分鐘就有位，而且唔算坐得迫，間唔中會出啲新嘅壽司款式，不過有時會漏單，等咗四五個字都未上，試過追店員但係又話係正常，希望之後唔好漏咁多單

剛點過下午茶 , 大部份的份量也縮減, 壽司,章魚燒等. 好迷你. 章魚燒甚至連鋪面的醬汁及紫菜也是寥寥可數. 我相信適合吃過午飯後, 再來幹一個下午茶. 份量縮減約三分一至一半.

🥢季節限定：極上厚切鰻魚厚切鰻魚配上鰻魚汁，有口感，大件啲更好🥢季節限定：灸燒柚子胡椒左口魚裙邊左口魚裙邊灸燒後，魚油感覺倍升，肥美甘香🍣中拖羅、大拖羅、油甘魚腩甘香嫩滑，油脂滿滿，口腔充斥魚油香氣，其中油甘魚腩最為出色🐠柚子胡椒鰈魚柚子和胡椒蓋去鰈魚的腥味，魚肉薄而有靭勁🐟池魚魚味濃郁🐚螺片爽呀赤貝質感柔軟，帶點腥🐙芥辣八爪魚八爪魚爽口彈牙，略嫌不夠芥辣味腐皮甜甜的腐皮壽司，真的越來越細件了🦀燒珍寶皇帝蟹柳無辜珍寶二字，份量十足，加上沙律醬灸燒，絕配🥑牛油果軟殼蟹卷是以前的味道⋯⋯很久沒有食過軟殼蟹還暖的，可帶出松子仁的香，超讚用手機點餐，不小心點多了，超級飽，我個肚真係頂唔順啦

噙日6:30pm網上外賣落單，電腦顯示8pm可以pick up，準時8pm到，去到內外好多人，開始見到等外賣嘅人鼓譟，心知不妙，問元氣樓面，佢話要等，又冇答等幾耐，最終個order 9:05pm先有得拎，响門口等足成個鐘😑，返到嚟見到油甘魚腩同平時食唔同，我懷疑係咪比咗油甘魚，唔係油甘魚腩，咁鬼亂，其實咁做生意好趕客，唔再幫襯。

元氣壽司! 都算有名氣吖??一向價錢大衆化，水準都可以，無人唔識嘅迴轉壽司! 對上一次食，已經係半年前，上次食完，感覺"嘩!!!乜差咗咁多!!!"之後已經無幫襯!今日行過，好!比多次機會佢!😩😩😩😩😩😩😩今次真係攞嚟衰!!!!!一次比一次失望!!!!一次比一次嚇人😩!!!!!!唉!!!!堅嚇人😱😱😱😱😱想點吖???唔想多講，睇相!!!嚟完呢3碟，已經無興趣再order!!!希望，你哋知道我叫咗乜嘢壽司!!!可以去到咁差!!!!!!中伏!!我今次唔出post ，真係覺得對唔住大家!!!!大家三思!!!!

今日去迪士尼先到荃灣悅來坊地下元氣食嘢先！發現原來係全新已經裝修，座位闊落咗好多，成個塲upgrade咗好，多咗卡位叫咗海膽軍艦、質素係性價比高,收$25.1件算OK三文魚子軍艦、今日有少少腥、怪怪地味wasabi八爪魚軍艦yummy 不過今日麵豉湯就完全冇味！軟殼蟹手卷非常好味性價比高，每次必點手卷炸蝦手卷 炸得有啲乾質素都是一如以往平均！整體以價錢來說可以有70分帶住小朋友多數唯有揀元氣始終他有一㗎車送壽司貪過癮！

平日我就比較少食元氣壽司，無意中留意到佢有下午茶食，見佢平平地，又可以解日愁，就把心一橫，入去試試佢啦。$50 就有三樣野，真心好抵，揀左以下呢套五件火炙組合，火炙過既魚肉香味更加突出，特別係三文魚，火炙不得了，玉子就略嫌唔夠蛋味同奶味。然後另一樣我要左芝士醬薯條，佢個薯條既感覺係類似麥記咁，但佢會比麥記既硬身啲，脆啲，加埋芝士醬食，其實相當唔錯。再另一樣我就要左海鮮茶碗蒸，個蛋勁滑溜，蛋味好香，足料。甜品控既我，當然走唔甩追加甜品，個曲奇雪糕我都係鍾意麥旋風多啲，個 brownie 唔錯，朱古力味都算重。千層蛋糕廿幾蚊左右，價錢幾平，質素都可以的，個底部係蛋糕底，入口唔會乾身，雖然唔係好好食，但因為價格唔貴，性價比都算高。如果唔食甜品，一個餐咁多野，都只係$55 連加一，性價比高！

今個聖誕話說元氣話有優惠餐然後就點左喇。睇外賣餐單佢有d同平日個餐目一樣，但加左玉子壽司但雖然同平日價錢差唔多，但食既野係靚左既例如呑拿魚壽司就唔係比最cheap果隻多左幾舊油甘魚咁樣我最愛就係螺片壽司。咬落超爽但炸蝦卷就無以前咁好食拎到番泥淋左雖然佢係外賣，但佢刺身果到都會好貼心咁放兩個乾冰包落去另外要一提既係個火炙蟹柳同果隻芝士味唔多夾

會員生日有優惠，所以今天放工去食返一餐八五折優惠的晚餐。我最愛飲三文魚頭湯，一來湯熱辣辣，二來魚肉鮮甜，三來很有飽肚感，是每次光顧的首選。令一個最愛吃的就是帶子刺身還有炸蝦天婦羅壽司，新鮮熱辣價錢便宜，必吃自選。

今日有野忙所以無食晏晝, 行出街又周圍都係人,間間都要排隊好煩唯獨是行到黎呢間元氣唔使排兼大把位,所以9秒9就入左去. 可能lunch time過左既關係,入面只有幾枱客. 我揀左迴轉位坐. 平時食開高速線,今日無得QR code落單唔係幾慣. 今日試左佢新menu兩樣野食,包括 辣味葱呑拿魚壽司同明太子炙燒三文魚. 其實兩款都唔係完全係新野, 前者只係加左幾滴辣油,後者加左明太子係面取代左沙律醬. 魚既質素好過平時,可能係因為即叫即做.

有時食晏食到唔知食乜好，就會諗起食元氣午餐原因好簡單因為元氣嘅晚餐都比較貴閑閑哋都$200一個人先夠飽但係午餐就唔同啦 佢有啲lunch set都只不過係$100內 可以暫時滿足食日本嘢嘅慾望今日就揀咗荃灣悅來坊嘅元氣壽司大約一點左右已經排咗一條小小嘅人龍 Lunch都大約等15分鐘左右所以我比較建議大家12點半前來 咁就可以慳返排隊嘅時間今日我就食咗午餐是大約80幾蚊有薯餅烏冬魚生飯 壽司 蛋 食完真係好飽雖然個魚生飯撈埋蟹柳實在好冇誠意而且個烏冬只不過係一個清湯烏冬 冇任何料再加上壽司都唔係我喜歡食嘅刺身不過80幾蚊食到咁飽嘅日本野我都可以接受嘅 大家可以一試不過唔好抱太多期望因為lunch set 係唔可以改食物㗎

元氣壽司不嬲係my favorite ! 平日既tea set 更係抵食之選！今日平日難得放假，去元氣食番個tea! Tea set 中選了sushi, 芝士魚蛋，同埋烏冬！3樣加埋先係$50！！抵食到！sushi都係即叫即整，好新鮮既！另外烏冬份量有半個，夠飽！綠茶粉任加唔嬲！哈哈！仲可以不限時任坐！tea set 只有weekdays 先有！weekends 係冇嫁！so it is nice to come at weekends!

元氣間間都差吾多質素！主要分別就係環境同服務～悅來酒店附近嘅呢間元氣係比較傳統，無電子order，只有運輸帶同店員落單！我比較喜歡店員落單，感覺好似會新鮮過運輸帶上面咁😅壽司🍣榮螺爽口，帶有少少清甜，係我嘅至愛！槍尤魚上面有少少薑蓉可以減腥味！三文魚腩就好似一般，吾夠油感！花之戀嘅沙律醬幾好味，反而花之戀嘅三文魚好食過三文魚腩😁鰻魚不過不失，都算足料！午市會多人，想吾洗排隊最好就係下午茶時間