元気寿司 (粉嶺名都商場)

營業中

休息中

今天與媽咪行街睇戲shopping之後有D餓，經過元氣壽司就入內坐下進餐。店舖很多樣化，應有盡有不會單調。我們點下兩份下午茶餐：壽司拼盤，湯烏冬，海鮮茶蛋蒸，炸物和粟米，還另外點子刺身真係很豐富。海鮮茶蛋蒸：帶子很鮮甜蛋很滑味道適中。湯烏冬：爽口彈牙湯底很清食完不會口渴。刺身很新鮮。環境很整潔衛生，服務員很有禮貌，很耐心講解下午茶餐的配搭。最特別食完後的碟有金句真係形容得很貼切。我只見到三句金句，其實唔知仲有無第四句呢？

好耐沒有黎元氣，味道一樣有水準！我特別鍾意呢度嘅三文魚壽司，魚肉新鮮，入口即化，搭配上啲醋飯嘅鬆軟同酸香，簡直完美。其中一樣我覺得好正嘅係章魚小丸子，外皮香脆，入面嘅章魚又鮮美多汁，食落去真係好有咬口，仲有少少甜醬淋上面，地道得嚟又帶點創新，真係正到彈起！我地仲試咗海鮮烏冬，呢個真係令我難忘。湯底鮮美得嚟唔會太油膩，烏冬滑而唔爛，每條粉都吸滿咗湯汁嘅精華，海鮮嘅鮮味亦都完美融入湯中，每一啖都饒有滋味，真係食到最後一滴湯都唔捨得浪費。最後我地點咗抹茶冰淇淋作結束。抹茶味濃郁又唔會太甜，冰淇淋滑溜溜嘅，解完魚生後嘅油膩，仲帶點清新感覺。坐得舒服，服務又貼心，呢次食飯真係一個非常愉快嘅體驗。真的可以常常來！😂👍🏻💯。

啱啱搞掂嗰碟辣嘅炸墨魚嘴，真係脆啲一啲! 粒粒都炸到金黃色，夠晒香口😋。而家嘅八爪魚軍艦，雖然紫菜包得有啲乸拜，但家陣滿口嘅芥辣香氣，唔單止辛辣刺激，連八爪魚嘅爽脆質感都鮮味十足。掂掂口水，先嚟個牛肋骨。雖然睇落乾巴巴，但燒香嘅牛味覺得值得一試。再黎個芝士鰻魚卷，呢個就真係贏晒，芝士同鰻魚完美撞擊，層次豐富到不得了。🧀點都少不了，試下朗朗上口嘅三文魚腩，每一啖都帶嚟柔軟嫩滑，幾乎溶喺口兜！Simple竟咁好食，與炙燒黑椒三文魚嚟個對比，發現後者嘅香氣更濃郁，嗰種輕微辛辣，簡直絕配。變節嘅炙燒黑椒蠔，味道靚但唔夾，獨立食可能佢更上鏡。😬 但辛辣三文魚腩就大大滿足左我對辣嘅需求，魚油香濃，略帶酒香嘅炙燃感覺。嚟到失望嘅時刻，炸蝦卷喺我心中跌落神壇。蝦身同外皮分離，口感失去戰線。不過，聽日又係新一日，舊的不去，新的不來，下次再揀成熟嘅選項啦! 🍣

我仔仔兩歲半一個月去至少4次，見到火車好開心，每次都要同火車hello和拜拜👋🏿員工都好友善，差不多每次都有小禮物收🥰小朋友開心自然食多左野，下午茶雖然冇左薯條有點失望，今次幼稚園註冊完就獎勵下佢食少少🤏生的我，熟的仔仔🤪🤭

放工唔知食咩好，最後去咗屋企附近地鐵站嗰間元氣壽司同一家人一齊食嘢，間餐廳座位本身唔算多，但係因為有限時關係，所以好快有枱。嘢食，整體都唔錯，叫左份手卷嘅紫菜有少少林，但係烏冬嗰度好出色，可以加番啲分。

元氣不斷推出季節限定菜式，不少都有驚喜，例如鮮蝦蟹膏壽司，味道跟口感搭配十分完美，啖啖蝦肉塊口感彈糯，蟹膏鮮美，令人食完又想再食😋；胡麻醬蟹籽冷烏冬更是意想不到的好味，炎炎夏日食碗冷烏冬真是暑氣全消👍🏻平時不喜歡胡麻醬的我對這個搭配也是讚不絕口😆每次光顧都必點蔥香珍寶熟帆立貝，其紅洋蔥塊是精髓所在，帆立貝上撒些許鹽粒令整個壽司鮮味尤為突出🌝（如果師傅無落重手的話🌚）；另一必點的是炸雞翼，簡直比四季酒店的buffalo wings好吃幾倍🤭

#牛油味噌燒極品厚切三文魚：以日本味噌醬同人氣蒜牛油調味再炙燒，入口滿口豐腴油脂香，上面再灑上自家製七味米紙脆脆作為點綴，香脆口感同軟嫩魚肉交融，好好吃喔！.#洋風極品厚切三文魚：日式與洋風結合！軟嫩肥美三文魚 on top放上紫洋蔥、牛油果同鹹香芝士，入口綿密又清爽！.#極品三文魚生春卷: 迎接夏日嘅清新選擇！ 米紙包裹日本水菜、黃椒、牛油果、三文魚刺身、日向夏沙律汁，清新爽脆，酸甜開胃的.#洋風極品三文魚刺身 (香蒜蕃茄風味):又一日式與洋風結合嘅fusion 之作！三文魚刺身搭配香蒜蕃茄，配上蔬菜和特選醬汁，超清爽！.#極品三文魚芝士油揚天婦羅：油揚包裹極品三文魚、大葉、忌廉芝士，香入口滿口芝士奶香同三文魚油脂，再點上酸甜醬汁，好開胃！

第一次約朋友食元氣壽司 話說個日係粉嶺行完山 本來想去食爭鮮壽司 點知裝修緊 咁無計 粉嶺又無壽司郎 不如試下元氣既火車壽司 我見d小朋友好似好中意 講番d壽司 個人覺得元氣既款式比較多 熟食也較有水準 但魚生略嫌不夠新鮮 以呢個價錢 應該會番食 火車送壽司也比較特別 起碼d壽司唔使轉幾百圈先到你張台

今日自己一個到元氣壽司食晚餐，搭巴士19:00仲係粉嶺公路嘅時候已經用apps攞定飛，最後都係要等45分鐘左右入座。無對比就無傷害，壽司來講質素就一般，但相比起上水彩園村嗰間就好好多！要求吾高，夾起壽司吾散就非常好。厚切鰻魚壽司，一般，無圖咁厚燒柚胡左口邊，元氣新品，口感好得意，厚得嚟又爽口！絕對要試下厚切長吞腩，都算新鮮易入口油甘魚蓉，魚蓉面加咗七味粉有啲怪怪地芝麻雞翼（2隻），好鬆脆，值得一試燒醬油三文腩，冇咩特別芝士蟹柳奄列，公仔花咗好吾開心，雖然味道吾錯但係冷盤就差啲

今日一齊開心睇完劇，去食元氣時，正值人潮，要等一等，大約40分鐘，才能入座。朋友開開心心，笑嘻嘻咁吹水講劇…… 人多就開心除心叫，大家極上塩蔥花拖羅手卷：超好味，有蔥香拖羅味濃竹輪卷烏冬：飽肚彈牙亦好味炙燒大切三文魚腩／花の戀：三文魚肉厚又，多油🥰 吞拿魚三點 (本鮪中拖羅/ 赤身/長鰭吞拿魚)／辛辣吞拿魚蓉軍艦：每次都叫，好味蒲燒鰻魚：正常表現紅鱈蟹忌廉餅：內有芝士及沙律醬再加脆皮，好日本芝士蛋糕：好味，朋友仲叫我加綠茶粉，正。麻糬今川燒 (吉士味)：下次不用叫

今日放假 一家人夜晚嚟到粉嶺名都呢度有一間 乾淨企理嘅 元氣壽司環境光猛 好適合一家大細 同小朋友一齊嚟我哋叫咗避風塘吞拿魚鮮美濃郁 口感一流另一個推介選擇係蔥香油甘魚鮮洋蔥 加強 油甘魚嘅香味 一定要試下

好耐冇食壽司想食下壽司，就諗起好耐冇食元氣，行到店舖外面，發覺內裡還很多座位，想可以直入不用等，點知…… 入內後完全沒有人理會看見幾數人排隊結賬，一名店員在收錢，就看不到人又唔係咩繁忙時間囉真的不知等什麼，這樣真的很差。五件中三件夾起飯都是散開的還可以聽到店員粗言穢語服務性行業，可以表現有禮一點，別在舖面有客人地方粗口啦

今晚難得唔使返工, 我同媽咪去咗粉嶺名都商場既元氣壽司食壽司。 其實佢都開咗好耐 , 只不過我平時只係食爭鮮, 難得今日同媽咪出嚟食飯就食好啲。 我哋去到餐廳已經係晚上八點鐘左右, 已經過咗最高峰嘅食飯時間 , 所以我哋唔係等咗好耐就有位。 唔知幾時開始 , 呢間元氣壽司都變埋有高速線, 媽咪感到非常新鮮。 由於媽咪唔喜歡食生嘢, 佢食嘅壽司大部分都係熟嘅壽司, 而我就照食生嘅壽司。 另外我哋都嗌咗啲小食, 無論生熟壽司嘅質素都唔錯。魚味非常新鮮, 又有口感。 買單最後二百幾蚊, 媽咪表示好滿意, 之後應該會再來。

終於等到裝修後重開，變成高速線新裝修，客人不少，6時多到，等約20個籌號，約7:30PM有位，安排了較入的二人位置，坐位尚算寬敞舒適。用上包裝日本芥辣，綠茶粉罐轉了新裝，更衛生。疫情下，每位客人送上一個一次性紙的口罩袋，貼心，桌子上也有搓手液，防疫措施不錯。QR Code點餐，點了:  價值之選: ~特價$12/件~珍寶赤海蝦，蝦肉爽脆，甘甜味美炙燒珍寶皇帝蟹柳: ~$10~蟹柳有淡淡的甜味，口感緊實，飽滿滑嫩，炙燒後更香蟹籽沙律軍艋: ~$12~沙律新鮮，蟹子、紫菜脆卜卜甜蝦蟹膏軍艦: ~$19~ 甜蝦鮮甜，配上香濃蟹膏，個人每次必點再追加珍寶赤海蝦壽司: ~$12~ 第二次蝦無第一次咁大隻，但依然爽甜鮮味玉子壽司: ~ $12 ~ 正正常常炸蝦天婦羅壽司: ~$10~熱騰騰上枱，外脆，蝦肉鮮甜飽滿芥辣八爪魚軍艦紫菜仍脆，八爪魚過咸裝修後變成高速線，高速線送餐，小朋友會感到格外有趣，壽司新鮮度提高了，值得一試。店員年青有活力，服務高效有禮，值得一讚。埋單約$150

都已經好耐冇去過元氣壽司了，見到啱啱裝修完轉左高速線，中午時段咁啱又冇乜人等位，走咗入去試吓。見到餐牌常熱食款式都多咗，就叫左幾樣試吓，點知味道又唔錯喎。紅鱈蟹忌廉餅 $14我食唔出係蟹，忌廉太過搶了，只係食到係一個炸嘅忌廉餅，味道係好味嘅，你當普通炸忌廉餅咁食就得芝士龍蝦濃湯茶碗蒸 $23係食到有龍蝦湯味，都ok嘅，茶碗蒸最底士先至係精華，好多芝士喺底，係可以拉絲，比海鮮茶碗蒸貴幾蚊都ok嘅。大阪章魚燒 $26呢個就麻麻哋，粉多啲，醬汁又唔夠多。胡麻醬冷烏冬 $22夏天唔想食熱野，食呢個冷烏冬就啱喇。芝士白汁焗帆立貝通粉 $22呢個幾好食，不過通粉嘅份量就好少囉。溫泉玉子 $12溫泉蛋一定要加埋個汁一齊食先好食。雙重鰻魚流心芝士壽司 $14 (一件)呢個一啖擺落個口度食，好有滿足感。有個唔知咩貝類(三件) $1x呢個覺得幾抵食