元札幌拉麵 (悅來坊)

營業中

休息中

一直都對拉麵冇乜好嘅印象，所以我只係鍾意食沾麵。有日同朋友行街經過呢間元札幌拉麵，俾佢嘅裝修吸引左入去。睇返個Menu先知道原來呢間專系食札幌拉麵嘅，心諗應該都唔好食㗎啦；因為之前食過一啲湯底淡如水嘅拉麵，所以冇乜期待。我同男朋友叫咗個牛油拉麵、元札幌拉麵、牛脷串燒、蟹籽沙律、大阪燒同波子汽水。今日見到波子汽水就特意為咗呢個童年回憶而破戒。首先第一樣野要講嘅就係牛脷串燒！因為真係好好食！我人生食過最好食嘅牛脷就係喺荃灣一間小食店，不過執咗⋯而我就冇再搵到一間好食過佢又或者係同佢差唔多質素嘅牛脷。而今日我搵到啦！牛脷一嚟到真係唔講笑好香好香！極多油脂但又唔會膩，爽口彈牙而牛味濃！價錢亦相當抵食，我諗我下次嚟應該會叫成五、六串嚟食😂😂極度推介！嚟到一定要食！拉麵湯底嚟到嘅時候令到我有啲吃驚！因為同我想像中淡如水嘅湯底完全唔同，湯底濃郁而香氣撲鼻。實在同我想像中嘅唔同呀！另外分量十足，牛油溶咗落湯底之後令到個麵越食越吸引，食落口十分之順滑～大阪燒面上嘅木魚絲量係極多，而佢入面嘅內餡係有八爪魚粒同埋整得好鬆軟。外值得一提嘅係佢會切好咗俾埋你。蟹籽沙律沙律醬非常之多，份量亦都一樣。唔知呢間野係咪

好耐冇入過荃灣又想食下日本野，行街見到呢間裝修好日本地道食店feel就入左去。呢到主打拉麵，有好多款拉麵簡，有海鮮拉麵、元拉麵、地獄拉麵等等。見到北海道櫻花蝦拉麵有推介手勢，就叫黎試試。朋友就叫左溫泉蛋牛肉飯定食。定食個set幾抵食，除左有碗飯，仲有沙律，面鼓湯，茶碗蒸。拉麵係粗面，湯底好濃豬骨味，仲有唐心蛋。櫻花蝦幫個湯底加左少少咸味，岩岩好。好在湯底唔係好稠身個種，因為咁樣通常食到一半都會覺得好咸。之後加左$28有餃子，皮幾薄，通常日式小店餐廳的餃子都不錯。之後仲叫左個大板燒，上面木魚碎比得超多！不過份量唔算好大，作為小食份量岩岩好，但唔建議當主食咁食！呢到既店員都好好服務，成日過黎睇下要唔要加茶

今日FIF同朋友去完荃灣行街，諗住食下拉面 平時都食好多豚味拉面，見到依間札幌拉面幾新奇，所以去試一試 拉面既款式都幾多種，但FIF唔知點揀好，所以揀左集錦！ 湯底方面就揀左味噌，拉面同一般拉面店一樣，有得揀軟既程度，我就揀左一般。 朋友就揀左櫻花蝦拉面。我地仲叫左自家製手包餃子share～ 先講拉面～集錦係有蟹棒、叉燒、日式魚蛋、豬軟骨，非常豐富～而湯底都幾常香。 加埋彈牙拉面，食完之後非常之滿足。而友人話櫻花蝦拉面都非常香蝦味，湯底濃郁！ 我地另外叫既餃子煎得外皮香脆，而內餡係椰菜豬肉，非常惹味。 總結咁講，依間拉面唔係一般既日或拉面，係更貼合香港人口味既拉面店～ 如果下次有機會，仍然會再黎～超級滿足～～～

熊貓酒店樓下悅來坊呢幾年食肆開到成行成市，間唔時都會過嚟食飯！今日特別想食拉麵🍜，晏晝走去試咗呢間元札幌拉麵！店內裝修參照日式格局，仲有個大叮噹係中間～肚餓啦，食野先！豬軟骨拉麵🍜 大大碗～拉麵軟硬適中，豬軟骨超多，配料亦非常充足！小食亦算出色椒鹽多春🐟、迷你甜薯、椒鹽雞腎、串燒雞翼～中午時段仲有優惠套餐～$58，抵食之選！

同朋友到仁濟醫院探望剛榮升媽咪嘅老友同可愛B後，倆個人係悅來坊地庫元札幌拉麵醫肚。店内外有座位提供，地方雖然細細，但燈光和諧舒適，加上那人見人愛嘅多拉A夢，頗有日本感覺。店鋪除左拉麵外，仲提供飯類及小食等。我同朋友點左一個咖哩飯同一碗拉麵sharing.咖哩飯配沙律、味噌湯同茶碗蒸沙律菜新鮮爽脆，粟米粒飽滿鮮甜，混合微酸沙津醬汁，醒胃！茶碗蒸蛋味香濃，口感嫩滑。味噌豆腐昆布湯，味道吾會太咸同有腥味，豆腐幼滑，昆布口感柔軟。咖哩味香濃郁，甜中帶點微辣，除左馬鈴薯粉綿外，仲有種爽脆嘅口感，吾肯定係咪紅蘿卜，配搭上煙韌嘅白飯，好味！豚軟骨拉麵，湯頭濃厚而不膩口，拉麵Q彈，除左豚軟骨肉質入味軟稔外，仲有粟米粒、昆布、芽菜同半熟溏心蛋等多種配料，令拉麵添加和風色彩。簡簡單單，一咖哩飯同一豚軟骨拉麵，有水準。而且服務員親切有禮，值得再光顧。

在荃灣悅來酒店嘅商場悅來坊，近年多了唔少餐廳食肆，一段時間冇嚟過，今晚嚟到覺得呢個商場變咗好多，特別是地庫一樓，彷似一個食街，同朋友嚟呢度食晚飯，絕對係有選擇困難症。進入呢間日本餐廳食飯，係被佢出面掛著一列嘅紅燈籠吸引的，餐牌圖文並茂，價錢唔貴，我同朋友兩人叫了一碗雜錦拉麵同一客温泉蛋牛舌飯。雜錦拉麵可以自選湯底及麵的軟硬度，友人揀咗醬油湯底同一般硬度嘅麵，這碗麵份量不少，裡面有豚肉，豬軟骨，蟹柳，温泉蛋，芽菜，粟米粒 .... 等等，非常豐富，友人讚好食。我嘅温泉蛋牛舌飯配有沙律，麵豉湯同埋蒸水蛋，份量亦多，厚厚嘅牛舌大大塊，共有六件，好淋好入味，配飯一流，食完真係勁飽。埋單連加一都係$173, 我覺得都幾抵食啊！

有朋友 在外地回港 公幹， 住在熊貓酒店樓上， 我們把握機會出嚟 相聚聊聊， 在酒店樓下的 悅來坊真是個你想的地方， 商場內有很間多食肆選擇， 朋友被 元札幌的燈籠吸引下， 而且餐廳門外也有 枱 桌擺設 可以用餐 ， 談天說地非常 寫意自在。 我們安排入坐後，朋友先選了海鮮拉麵$88， 拉麵的份量也很 大碗， 廚師 特製的 湯底 鮮甜野味， 海鮮的材料 不但新鮮， 而且 也很豐富， 賣相也很吸 睛。因為很久沒有吃過豬軟骨， 可以在這餐廳飽嚐 豬軟骨 拉麵$78。拉麵的 麵質 ，口感軟滑， 豬軟骨的肉質也很 軟淋淋， 豬軟骨 烹製非常入味， 湯底香濃 認真 醒胃。小食方面， 安格斯牛肉串$38， 牛肉串的肉質 夠曬 爽口 ，再配合醬汁 把整嚿牛肉 提升了 味道，食完 還想 再食。在這環境舒適的氣氛下， 不知不覺地，原來我們已經 聊天了 幾個小時， 大家都 很享受這個晚餐。

今次同男朋友去左食荃灣出名平價又高質嘅拉面店，佢位於荃灣悅來坊B1樓，店鋪唔算好大間，但好有日本風情感覺🤪仲有好大隻嘅多啦a夢添！店員安排左位置俾我地坐仲遞上熱茶。menu有好多選擇嘅食物，淨係拉麵都有好多種湯底揀，飯有set俾你揀，仲有小食同串燒等等。男朋友就叫左一碗札幌螃蟹拉麵🍜$78，拉面好大碗，湯底一睇就知道好濃郁，而值得讚嘅就係佢嘅拉麵，最中意佢嘅面質係好似韓國嘅拉麵咁好彈牙粗身，有4條蟹棒咁多，好鮮甜！仲有粟米、紫菜、葱花仲有一隻流心蛋架！材料好豐富！男朋友食得好飽仲飲哂啲湯添！ 而我就叫左一個温泉蛋牛肉飯餐$68，佢個餐係包埋一碗麵豉湯、沙律同熱茶，個牛肉飯都幾大碗下，牛肉好嫩好有牛味🤤🤤🤤加埋温泉蛋好creamy好好味，飯入面仲加左少量紅薑添，酸酸地好開胃！個湯都好好飲完全唔咸，沙律加左醋好開胃！成個定食食完真係好滿足好飽！另外，再加左一個燒牛舌，個燒舌好有驚喜啊！牛舌燒得好香口，調味非常入味！肉入口即融！食完好想再叫多串添！男朋友就叫左一杯手工生啤，佢話酒度好純好好飲！完全同拉麵🍜perfect match!💕最後埋單都係$300都唔洗啊！超抵食好正！勁推薦荃灣友嚟食

成日係荃灣都好想食日本拉麵 但見好多都排好耐又迫 今日行熊貓酒店附近 見到有間札幌拉麵 見到入面既客唔係好多 但環境不錯！所以就試下睇下🤤 一入到去店員好有禮貌 介紹一下食物。 我地Order 咗一個定食餐 $68 包括 溫泉蛋牛肉飯 日本蒸蛋 沙律 仲有《札幌螃蟹拉麵 $78》、《牛舌串燒 $38》、《章魚燒 $38》《溫泉蛋牛肉飯定食 $68》溫泉蛋同牛肉既味道好夾 蛋令到牛肉好滑身 用嚟餸飯不得了 加一D七味粉既味道更夾 日本蒸蛋入而有D料 食落好香都好滑身！沙律就保持一般既水準《札幌螃蟹拉麵 $78》+《$28 自家製餃子》呢個拉麵🍜比我想像中好食好多 估唔到一間小店做得好過其他大型拉麵店 個拉麵既麵身係好似韓國既即食麵咁 好有彈性 客人可以自定麵既硬度 而螃蟹條 並唔似好粉既口感 而係好有鮮味同食到一絲絲既螃蟹肉，湯底並唔係好油 而且有淡淡既肉香味 好好食🤤🤤🤤🤤🤤 餃子🥟份量都多 $28都有四隻 唔係煎得好脆 但皮好煙韌 肉味好香。《牛舌串燒$38》串燒最怕係好燒到好硬 但呢一間既牛舌做得好好好出色！ 牛舌好淋 但又同時燒得好香！ 拎嚟配啤酒就一流了🤤🤤🤤🤤《章魚燒 $3

住大窩口的朋友帶我來這間餐廳食飯，話好抵食。一入黎就見到裝修好有氣氛，橙黃的燈光，仲有好多日式裝飾品同一個好大嘅多啦A夢。呢度就算係夜晚，一個套餐，有湯有飯有沙拉有蒸蛋都係$75，朋友叫左拉面就要$78，我個人覺得套餐吸引D, 咩都有~隻杯都係日本風，仲有店名嘅元字。溫泉蛋牛舌飯套餐($75)，有味噌湯,牛舌飯,細碗沙拉同茶碗蒸，好大份。味噌湯就正常水平，熱辣辣都OK好飲。沙拉都正常，菜都OK新鮮，爽口嘅，醬汁酸酸地幾開胃。重點嘅溫泉蛋牛舌飯幾好食，牛舌有6大塊，入味，肉質偏軟腍，拮穿溫泉蛋，蛋黃流出黎，再拌上蔬菜、蟹柳、黃蘿蔔同飯都已經好好食，再加上牛舌真係好滿足。茶碗蒸好滑，我個人好鍾意食茶碗蒸，呢個都幾好食。朋友叫左豬軟骨拉面($78)，有兩大塊肉同糖心蛋，朋友話都OK好食，肉好腍，蛋入味，成個面唔會太咸，但佢都覺得套餐吸引D，話下次想食返套餐。

💁🏻‍♀️元札幌拉麵 (荃灣)🍴-估唔到系荃灣搵到間平民拉麵🍜店，價錢夠貼地，環境又舒服😌唔錯！雜錦拉麵🍜（$82）真係名副其實嘅雜錦，有豬軟骨、蟹柳、大量栗米同海帶，岩曬啲選擇困難症嘅食客。食豬軟骨成日勁驚啲肉會好硬好鞋，但呢個出乎意外冇，仲要醃到甜甜地好好味，份量岩岩好，拉麵食完唔會太飽有罪惡感鹽燒雞腎（$18）呢到嘅串燒都係即叫即燒，雞腎唔會太燶又唔會鹹到腎虧，食落好爽口，加埋檸檬🍋汁食勁清新串燒雞軟骨（$18）雞軟骨用秘製燒汁來燒，肉質鮮美，食得出濃濃嘅碳燒味，正正子/📍元札幌拉麵 (荃灣)#荃灣 荃華街3號悅來坊B1樓B121號舖

今日過咗嚟大窩口打保齡球，打完就諗住喺附近食埋晏先返去，上OpenRice見到好多人推介呢一間元拉麵，所以就嚟試咗啦。店內環境唔錯，餐枱夠大，配上日式嘅燈籠，幾有置身日本食拉麵嘅感覺。我揀咗自選三寶套餐，非常抵食， 70幾蚊就包一款拉麵，小食同埋飲品。我叫咗餐牌上面推介嘅牛油拉麵，入邊有粟米，海帶，叉燒，筍，同埋大大嚿牛油，都幾足料。湯底唔會太過濃郁，牛油溶化左係湯底入邊令到口感更加順滑，好香口。麵條係比較彈牙既款，唔會浸到林晒，幾有咬口。叉燒亦都大大嚿，好鬆軟，帶有牛油嘅香味幾特別。小食方面叫咗炸豆腐，雖然係跟餐嘅小食但係份量都俾得幾足，豆腐嘅外皮香脆，一啲都唔厚粉，但入邊又保持到豆腐嘅香滑口感。最後仲叫多咗一樣小食就係雞軟骨，熱辣辣出爐，香脆又有嚼勁，好滿足。依家出去食一碗拉麵閑閑地都七十幾$80 ，元拉麵真係性價比非常高既拉麵店。

去開荃灣，想食拉麵，於是到悦來坊地庫的元札幌拉麵開餐。店入面有唔少多啦a夢擺設，好可愛。店名叫做拉麵，不過都有飯餐供應，適合不同需要。這晚試札幌螃蟹拉麵。共有四份蟹肉，啖啖肉唔使慢慢拆嘅感覺非常好。配料有粟米、糖心蛋、紫菜等等，唔會口寡寡。麵質軟硬適中，也可按個人口味自選。湯底有三款：味噌、醬油和鹽味，幾豐富。選配串燒雞翼，一客共有兩隻，燒得非常香脆，輕輕的咸味 恰到好處。加上日本進口綠茶可樂做餐飲， 令人回味的一餐就此告終。

今日去咗荃灣呢間元扎幌小店食日式料理叫咗個溫泉蛋牛舌飯 din set有沙律 麵豉湯同茶碗蒸 份量好足 價錢宜人 沙律係用柚子汁 柚子味好濃 食落酸酸地幾特別 牛舌飯嘅牛舌亦都相當唔錯 肉質鮮嫩軟熟 厚身同夠入味 將温泉蛋撈匀之後 黏上蛋汁嘅白飯連埋牛舌一齊食味道更上一層樓朋友就叫咗呢個北海道櫻花蝦拉麵 本身諗住叫醬油湯底 但老闆推介味噌湯 黎都之後發現味噌湯同櫻花蝦都好夾 拉麵軟硬度有得選擇 朋友就揀咗一般 麵質彈牙可口 櫻花蝦味濃郁小食就叫咗安格斯牛肉串 牛肉味好重 炭燒味好香 雖然份量就比較少 得一串 但味道相當唔錯所以呢個非常推介第二樣小食就叫咗鹽燒雞腎 雞腎爽口彈牙 鹹度適中 加少少檸檬汁一齊食 酸酸地幾開胃另外仲叫咗個海鮮大阪燒 木魚份量好多 個人非常鍾意 章魚好大粒 個粉漿煮得啱啱好 食落質地軟綿綿 份量好足兩個人都夠食

行過荃灣，係悅來坊商場見到呢間佈置得好有日式小店風格嘅拉麵店，價錢又經濟實惠，諗都唔諗，即管試吓先對住呢啲大紅燈籠，感覺就像置身日本小村莊裏面，食起嚟都特別詳和溫泉牛肋條定食（$75）呢個餐好豐富，牛肋條件件都大大件，因為醃過所以好入味，攪勻隻溫泉蛋，成個飯底更加鮮甜每個餐仲送一碟沙律，感覺好清新仲有一個好滑嘅日式蒸蛋，裏面配上左冬菇同雞肉，香氣十足豚軟骨拉麵（$78）可以揀唔同湯底同面嘅軟硬度，今次就揀咗味噌湯先，湯底味道濃郁，豬軟骨嘅軟骨煮得夠淋，件件都好易入口，肉質方面，係仲有咬口嘅，好難得。海鮮大阪燒（$42）今晚好肚餓，叫多咗三個小食，呢個大阪燒味道啱啱好，大量嘅沙律醬同日式燒汁配上味道濃郁嘅木魚，食落好滋味迷你甜薯（$18）上枱嘅時候非常夠熱度，燒到外層嘅皮帶一點脆口嘅感覺，而內裏保持軟熟，味道好甜蜜串燒雞軟骨（$18）一碟有兩串，味道咸香又卜卜脆，佐酒一流依間拉麵店，比我嘅感覺係好有日式風格，價錢又非常合理，食多幾碟都唔會覺得肉痛