影片
更多
2019-09-03
57 瀏覽
今日過咗嚟大窩口打保齡球，打完就諗住喺附近食埋晏先返去，上OpenRice見到好多人推介呢一間元拉麵，所以就嚟試咗啦。店內環境唔錯，餐枱夠大，配上日式嘅燈籠，幾有置身日本食拉麵嘅感覺。我揀咗自選三寶套餐，非常抵食， 70幾蚊就包一款拉麵，小食同埋飲品。我叫咗餐牌上面推介嘅牛油拉麵，入邊有粟米，海帶，叉燒，筍，同埋大大嚿牛油，都幾足料。湯底唔會太過濃郁，牛油溶化左係湯底入邊令到口感更加順滑，好香口。麵條係比較彈牙既款，唔會浸到林晒，幾有咬口。叉燒亦都大大嚿，好鬆軟，帶有牛油嘅香味幾特別。小食方面叫咗炸豆腐，雖然係跟餐嘅小食但係份量都俾得幾足，豆腐嘅外皮香脆，一啲都唔厚粉，但入邊又保持到豆腐嘅香滑口感。最後仲叫多咗一樣小食就係雞軟骨，熱辣辣出爐，香脆又有嚼勁，好滿足。依家出去食一碗拉麵閑閑地都七十幾$80 ，元拉麵真係性價比非常高既拉麵店。
店內環境唔錯，餐枱夠大，配上日式嘅燈籠，幾有置身日本食拉麵嘅感覺。
我揀咗自選三寶套餐，非常抵食， 70幾蚊就包一款拉麵，小食同埋飲品。我叫咗餐牌上面推介嘅牛油拉麵，入邊有粟米，海帶，叉燒，筍，同埋大大嚿牛油，都幾足料。湯底唔會太過濃郁，牛油溶化左係湯底入邊令到口感更加順滑，好香口。
麵條係比較彈牙既款，唔會浸到林晒，幾有咬口。
叉燒亦都大大嚿，好鬆軟，帶有牛油嘅香味幾特別。
小食方面叫咗炸豆腐，雖然係跟餐嘅小食但係份量都俾得幾足，豆腐嘅外皮香脆，一啲都唔厚粉，但入邊又保持到豆腐嘅香滑口感。
最後仲叫多咗一樣小食就係雞軟骨，熱辣辣出爐，香脆又有嚼勁，好滿足。
依家出去食一碗拉麵閑閑地都七十幾$80 ，元拉麵真係性價比非常高既拉麵店。
張貼
