元朗冰室

營業中

休息中

平時係長沙灣翻工好多餐廳已經食到悶，今日就諗住試下呢間元朗冰室睇下佢好唔好食！一去到可能因為午飯時間所以都比較多人，都需要等一陣位 不過都唔算耐入到去見到餐牌都覺得有驚喜~~呢間餐廳竟然有pizza食!! 下次有機會都想試下唔太肚餓就點左個沙嗲牛肉通粉~味道方面坦白講真係一般 唔算好突出~~都算偏淡紅豆冰亦都太特別 都係普通茶餐廳飲到既味道~~總括黎講有少少失望 不過下次想試下晚飯同pizza~~希望會有驚喜！！

電腦要upgrade, 到電腦商場買了配件, 元朗冰室就在附近 ， 一定要去試下傳聞已久的厚切豬排。今天下雨天，人唔算多，好易搵位。叫了歐美全日餐，改豬排，要加多10元，都要試。擺設唔差，豬扒大件厚身，面層油光閃閃，已經想食。平時外出小食豬， 因為豬肉要十成熟才可以安全進食，通常都會熟到又鞋又乾。豬排用刀切留流暢 ， 唔黏刀，已經知肉質唔乾，食落軟身肉味鮮， 唔怪得知咁出名。牛角包鬆軟， 入口有融化感覺， 香草腸唔韌爽口，香草味濃。再飲杯熱華田，非常滿足！

早前在長沙灣做節時，路過「元朗冰室」，眼見其炸雞脾頗為吸引，這個黃昏，太座想起，便決定一試。「元朗冰室」倒也算大，裝修現代化，燈光充沛，環境頗令人舒適，座位間隔亦不算擠迫，地方也算清潔，有別於一般茶餐廳的感覺。唯以冰室取名，這個地方的格調總與冰室之名格格不入。因為炸雞脾而來，便點吃了炸雞脾伴辛辣麵餐和豬扒伴辛辣麵兩個餐，炸雞脾先行上桌，雞脾表面炸至金黃色，表面看來吸引，我先來一口，咬下，發覺皮脆但厚，肉亦稍嚡，皮厚之餘，味道亦很鹹，味道很重，還有，吃到的感覺並非即炸，整體遠不及福華街「鍾記餐室」的炸雞脾，豬扒的味道則優勝得多，豬味濃而不會太鹹，肉嫩亦腍，非常不錯，辛辣麵則做得如我在家中的一樣。至於蒜蓉多士，蒜香烤得麵包外脆而內軟，蒜味濃郁，非常好味。吃過，比較過後，「元朗冰室」的炸雞脾是中看不中用，味道是遠不及福華街「鍾記餐室」的炸雞脾，「鍾記餐室」的炸雞脾在我心中已成典範，亦可視作一個準則和別家的比較，若有別店做得比「鍾記餐室」的炸雞脾出色，該店就值得推介。就如此次「元朗冰室」的炸雞脾，實在有很大的改善空間，「元朗冰室」炸的皮脆皮厚，「鍾記餐室」炸的皮脆皮薄，「元朗冰室」的肉嚡，「鍾

今日附近探媽媽，帶咗媽媽來呢間餐廳食早餐，厚豬扒專門店，所以就係叫咗個口豬扒早餐. 晨早嚟到多八成滿座，剛剛有位.裝修都好新淨有現代感，不是普通茶餐廳風格豬扒早餐，配一個面，蒜蓉多士，餐飲一杯蒜蓉多士好味，半脆厚多士！加錢要個出前一丁，真正出前一丁，配料一些雜菜，均衡飲食，這個幾好講到重點豬扒，講真真係麻麻，其實係夠大塊嘅，切落都係唔鞋，個問題就係應該乸得好琳，失色失色凍檸茶茶味檸檬都好夾不過當然將價就貨，40幾蚊早餐價錢食到咁多野係抵的！

餐廳內超過一半位置冷氣大到不能忍受，為避免感冒，換個不太冷的座位是常識吧！朋友找到另一個不太冷的座位坐下，但3杯飲料已到，我一手攞杯飲料，另一手攞個手袋，剩下2杯奶茶個中年戴眼鏡打領呔男職員黑住面攞到瀉哂。叫佢換其中一杯，佢好晦氣咁攞走杯奶茶，重倒瀉左D係我個手袋度，話佢知，佢對唔住都冇句。未見過D侍應態度差到咁。其實呢間茶餐廳都幫襯過4次，今次坐到個咁凍嘅位，要換位，先知道D職員可以態度可以差到咁，下次要幫襯都難。

Double厚豬排飯一直是我的大愛，$55就有兩塊厚豬排。豬排肉幾厚，豬味就唔濃，勝在有肉咬下。只係都有唔少肥膏，同埋豬排既質素一般，時大時細，填下肚都仲可以。

今次試左餐廳既招牌推介，就系厚切豬扒啦。不過之前都有試過燉奶佬同沙嗲王既厚切豬扒，相比起呢間既就吾算特別厚。揀左個厚豬扒辛辣麵，配塊蒜蓉包。豬扒肉質較乾，可能煮得太耐。蒜蓉包吾系即時整既，整定放左一段時間，所以吾脆。辛辣麵就系，辛辣麵既味。同埋呢度既dinner set系每日都一樣，吾似其他餐廳會轉下，所以其實食幾次發覺黎黎去去都系嗰d。不過佢唯一既好處就系開到好夜，好似開到凌晨2點3點，臨瞓前肚餓都可以落街食個飯。

元朗冰室最最最出名既厚切豬扒梗係要試下味道如何😋 無論早餐午餐下午茶晚餐都有好多豬扒既餐 小編自己覺得塊豬扒係必試既🤓 賣相唔錯，塊豬扒真係好厚下😚不過水準有D飄忽🙈 上次食豬扒加蓮藕餅飯既時候，塊豬扒真係好好食，厚得黎入面好有肉感同肉汁🤤今次去食既時候可能比較多人，豬扒感覺焗得唔夠耐，如果下次比較少人既時候黎食，唔洗排隊之餘又有塊靚豬扒就perfect池啦💕

呢間元朗冰室系長沙灣開左無幾耐，最初以為系有間主店系元朗，點知元朗只系一個名。系一間比較新式既茶餐廳，除左普通茶餐廳有既麵呀飯呀，仲有d韓國辛辣麵或者日式既鰻魚鯖魚都有。鰻魚食六十八蚊既價錢，就吾好預好好味，同百幾二百蚊嗰d比啦。佢味道都ok，正正常常，但條魚就瘦左d，吾夠肥美，所以口感有少少dry。佢仲會配一小碗既沙律，入面除左沙律菜，仲有中華沙律同蟹籽，都算有d誠意。芝士焗西蘭花特式套餐加多八蚊就可以有個芝士焗西蘭花或者椰菜花，但真系好細，得四五舊，不過咁既價錢都系正常既。

成日都見依間野幾多人下 趁今晚落雨應該冇咁多人終於有機會黎食下五十幾蚊本身以為麻麻地 點知食完覺得都唔差同埋好抵食係長沙灣區黎講 佢依間野幾岩開係依邊 想大件抵食平又唔會話好難食應該選佢先講講個雞扒意粉 有煎脆左 意粉軟硬適中 汁略為重味 有d咸 但可接受再講講個春雞先 有少少老左 份量唔會太大 有驚喜在個薯條炸得幾脆最後就係我覺得最一般的全日早餐 除左個滑蛋幾滑唔錯之外其他全部一般般

🤔食午餐最怕食來食去果2間～～發現新大陸當然要去試今日去食的餐廳叫元朗冰室🤣🤣但佢係喺長沙灣的～～～好大好多位的一間茶餐廳～但相當爆滿🤔咁多人食🤔應該唔錯～～見到咁環境 未食就已經加左分～～睇完menu 厚切豬排似主打🤔🤔～～最後點左～～～～Double 厚豬排飯～～～～勁厚😲😲勁大塊😲😲😲嚴重懷疑食豬排已經夠飽😲😲豬排煎得夠香肉質唔「鞋」夠淋食唔出鬆肉粉味唔多肥膏味道唔會勁咸

茶餐，唔駛講，一向係我，食lunch尤其事一個獨L最愛食嘅。今次黎元朗冰室，因為見佢近排開左好多間，應該有返咁上下水準掛。呢個茶餐，通常有唔同粉配唔同嘅餸，我就叫左最愛米粉，雪菜肉絲算足料，仲送你幾條椰菜。蒜蓉多士無乜味，不過我志在就係食多士，佢嘅蒜味只係錦上天花啫，算。個炒蛋都算滑嘅一般華田，當然味都好一般嘅。少冰原來都唔少，應該要凍飲走冰或者要少少少冰。個價錢可以連凍飲加$2都係$40，即係我叫熱飲係唔過$40嘅，而家出街食個lunch係有D難嘅，所以會再來。

本打算隨便吃個晚飯就趕回家，就在這時，看到一個光猛的冰室，便吸引我進去了！ 看著餐牌，價格不貴，圖片還蠻吸引啊！很多食物都好想試添⋯照燒汁鰻魚飯嘩⋯竟然俾原條鰻魚？份量好足啊！仲要有沙津連飲品，超抵食！厚豬扒配蓮藕餅飯豬扒入味超軟淋，用匙羹都切得開。而配的兩'粒'蓮藕餅真的很小的兩塊，我還以爲是兩粒牛肉球呢！但其實味道也不錯的。鮮茄焗牛脷意粉賣相不俗，好香芝士味，牛脷好淋，意粉軟硬適中。兒童鴛鴦（是華田+美祿嗎？）顏色唔深，仲以為溝了很多水，很淡⋯飲落⋯正喎！好濃！好夠味，我下次都要捨棄我杯奶茶轉飲兒童鴛鴦埋單時見佢轉緊餐牌，貓頭鷹時段⋯我應該無咩機會食到⋯但看到餐牌及價錢吸引，都影張相俾有機會去食嘅你哋睇吓

曾撰文指深水埔飲食地圖板塊有西北延伸情況，如貴族甜品，魚米等都先在前者開店，近一年內在長沙灣區開設新店。本店是是最近例子。已評述此專門店的豬扒。新店面積倍增，裝修比美紅磡，南昌……冰室。近來時興木紋卡位，玻璃射燈櫃水吧。今日食午市套餐。多至有11款。價格幾40元，比本區平均價低2元。選了較少有，考功夫的咖哩牛舌飯。不用3分鐘上檯。份量大，有5片牛舌，比一般食店多。其他午餐份量均偏大。觀圖已發現待改進問題有二。洋蔥是生的，墊底的椰菜亦如此，像吃沙律菜。汁液稀少，不能撈起，來光顧以男子佔7成，是一大缺點。牛舌很腍鮮嫩，咸味則不足，如多咖哩汁則可補救，現實卻不是。應以咸牛脷形式奉客。咖哩香味，辛辣欠奉，一因未爆洋蔥，二因未加香料，香葉。簡單做法是加椰奶做葡汁，可掩飾缺點。奶茶合格，近高水準。