元元酸菜魚

營業中

休息中

今日同朋友去到新都城，元元酸菜魚，真係超吸引，所以就入左去食，叫左1.招牌元元酸菜魚:頂素頂級，材料豐富，有芽菜酸菜同木耳，魚超滑，一定要叫！2.螞蟻上樹:炒得好好，好乾身，而且好夠辣，真係好好食，唔係好多餐廳有，必叫！3.四季豆，超有鑊氣，夠料，有口感，呢個菜式係我嘅最愛！仲叫左兩杯果醋，真係要試下，好夠醋味，而且多功效，仲可以消除疲勞，而且食辣野飲番杯真的不錯！依間一定會再黎，好好味！地點超方便，就係寶琳地鐵站上面？一定要再試

之前啱啱開張已經試過一次，試過佢地個酸菜魚之後就愛上咗，之後就忍唔住要再嚟過。今次已經係第三次嚟，都係上兩次一樣嘅水準咁好味。午餐餐牌好抵食，最鍾意佢個魚煮得啱啱好，唔會好似出面嗰啲煮到鞋晒。今次仲叫咗四季豆，好有鑊氣，好好撈飯。😋 見到隔離枱食啲麵餐食到津津有味，下次一定要叫一個餐黎試下🫣餐廳環境都好光猛舒服、清潔衛生，服務態度好好。最鍾意佢有gulu拎飛之餘又可以手機落單，夠方便、慳時間仲有圖睇。上菜速度快、食物黎到個溫度控制剛剛好，食完個身暖笠笠☺️

咁岩經過寶琳 見到個酸菜魚餐廳 諗住試吓 原來間餐廳好有驚喜。嗌咗佢哋嘅招牌酸菜魚 。個酸菜魚真係好好味。好夠味 啲魚好滑 有幾夠料 有啲木耳，芽菜，酸菜，同埋其他幾正斗嘅配料 有驚喜嘅係個魚唔係好油。食多啲都唔怕。啲小食都唔錯 嗌咗個四季豆同雞絲粉皮 。兩個都幾好 尤其個四季豆 夠晒鑊氣 可以攞嚟撈飯食。價錢都好抵 可以帶屋企人嚟食。午餐晚餐都啱食。絕對可以返兜。星期六日可能要早啲播嚟拎位 。因為好受歡迎。 記住試吓個酸菜魚。

依家香港真係有好多川菜舖頭，梗有一間喺左近，今日試既呢間係新開張既，可能啱啱喺午飯時間，都幾多人排隊。午市套餐價錢都唔貴，選擇都唔少，有客飯，亦有酸菜魚，水煮魚，連炒粉麵飯都有。麻辣肥腸乾鍋 $58好耐冇食過乾鍋，我自己鍾意食乾鍋，係因為會有好多配料，好似蓮藕土豆片，麻辣乾炒配料已經好惹味，味道都算不過不失，可惜主要嘅肥腸，煮得太過乾身，變得好硬，唔好食。回鍋肉粗炒 $60呢款粗炒就唔錯，回鍋肉香辣味突出，腩片半肥瘦夠曬爽脆，麵質彈牙有咬口，粗炒比乾鍋出色！整體覺得食物味道唔錯，但係有個別嘅食物有待改善。

酸菜魚價錢同份量係成正比，但個味道好難食…個酸菜魚剩係得小量辣味，完全無酸味同香味，加上酸菜份量偏少大盤花菜個味道係甜豉油炒菜…完全唔辣唔香。總括而言，依間餐廳菜式嘅味道都麻麻…

上星期去將軍澳搵個朋友，朋友話有間酸菜魚新開張都好多人幫襯，想試試，於是我地早咗去攞籌。入到去，座位都頗寬敞，亦都好乾淨。店員俾咗個QR code我地自行落單。操作都簡單易明嘅。我地叫咗：招牌元元酸菜魚四季豆紅糖糍粑等咗一陣，店員就為我地送上熱辣辣嘅酸菜魚。我地叫咗小辣，湯底好清新，辣度好岩我同朋友。最令我地驚喜嘅係餐廳好足料，啲魚唔會話食一兩舊就冇晒，而且都好滑同冇骨👍🏻👍🏻👍🏻 另外，配菜仲有豆腐卜、芽菜、寬粉。四季豆上菜之後唔記得咗影相😅，同樣係熱辣辣咁上，味道好惹味，好好撈飯 😋😋之後就到甜品，紅糖糍粑。完全可以食得出佢係即叫即整，上枱時熱辣辣，外脆內軟，入面好煙韌。面頭撒咗一層紅糖，另外都有一個紅糖醬，可以根據個人喜好去點。我同朋友食完都好滿足，覺得下次可以試下多啲人黎食可以再試埋其他餸（我地見隔離枱食個應該係乾鍋好似好正咁）。

約三五好友到將軍澳新都城吃酸菜魚，因新開張門口拱形汽球裝飾，拿籌等待多日，終於進店，環境不錯，好幸運安排一個最佳位置，餐廳空間寬敝舒適整齊乾淨，是我們喜歡的格局設計。自行手機掃碼落單，不假於人手，想慢慢揀都不怕，特別適合我這種選擇困難症的人士。招牌酸菜魚🐠，點少辣同樣香口，魚身好滑又無骨，超正！配料加酸菜、粉皮、芽菜、豆蔔好入味，而且魚份量多，口感一流！大大的滿足感。值得推薦！下次一定會再光顧。

入咗將軍澳探朋友，見到一間新開嘅川菜個名咁可愛就入咗去試吓，出乎意料地好味。睇到個餐牌有乾鍋，諗都唔諗就即刻一定要試吓。配菜有好多選擇，之前都有去開‘11+1味’，但係因為對田雞極度反感所以只可以嗌蔬菜，但係呢一間竟然有我最鍾意食嘅雞軟骨，加埋其他配菜味道簡直滿分，每一樣配菜都好入味，可以講話大件夾抵食。另外仲叫咗一個招牌酸菜魚，湯底調配得好好，夠酸之餘味道一啲都唔假，魚片爽口彈牙，就連薯粉都好煙靭。埋單都係$300有找，上次過嚟將軍澳見到成個商場都係連鎖餐廳，睇見都冇興趣，但係今次入到嚟試過佢之後下次經過一定會再試其他小菜

見新都城開咗新嘅酸菜魚，一定要食啦！環境夠哂光，又多卡位，坐得幾舒服😌我兩個人淨係叫一份元元酸菜魚都好夠食，好大份。魚夠新鮮又夠多，而且好滑😋，一啲都唔腥！最中意係佢入面有好多其他配料，而家好多其他餐廳$2xx淨係得魚，其他料要加錢，好唔抵…不過元元同樣價錢就包埋冬粉、萵筍、木耳、豆卜等等😍性價比好高😎我叫咗小辣，唔算太辣，下次再去try try 中辣先🤪其實食完嗰魚都好夠，不過甜品係第二個胃，所以仲叫咗個糍粑😍 好好味，炸得岩岩好，外脆內軟，又唔油。黑糖個味都好好唔會太甜！

我叫咗個回鍋肉，雖然唔係食開嗰種口味，但係都唔錯，用料新鮮。同事叫咗個酸菜魚，排骨擔擔麵、擔擔麵。埋單$267😋😋😋應該會再回頭😋😋😋😋😋😋😋😋😋😄😄