元元酸菜魚

營業中

休息中

午市突然想食川菜，於是係商場揀咗呢間餐廳食。先前其實都已經食過一次，呢次再試其他菜式水煮牛肉牛肉用上滑牛，非常嫩滑入味，當然有一兩塊係正中筋部，咬唔開啦。個水煮汁都非常到位，有麻、辣、香，油份已經比正宗嘅減少咗，我都放心拌飯吃上海粗炒大大碟，熱辣辣，新鮮上枱夠鑊氣，同時配菜嘅椰菜同甘筍都好足料豐富回鍋肉炒年糕輕微辣勁，令人一試上癮！年糕唔會炒得好油膩、或者黏埋幾塊一齊，而係好平均咁散開上海炒年糕感覺而係改良版，油份少，醬油眼見未到超深色，入口調味亦係適中，冇咗「濃油赤醬」嘅特色，換來比較健康清淡口味服務方面應該有提升改善空間，全場入座率不到一半，侍應安排一個超級風口位兼搭枱位置，我一家四口坐咗幾分鐘就同侍應提出調枱，雖然佢地冇比負面臉色或言語，但係就話潮濕所以開大冷氣？其實只要用個乾地拖掃兩掃就完成嘅事，雖然浪費冷氣嗎？亦明知風口兼搭枱位置又冇爆場都要人地坐？

諗住試下佢啲午餐叫咗牛肉香鍋口水雞同排骨擔擔麵，只可以講非常之難食，同平時食開嘅牛肉香鍋同排骨擔擔麵冇得比。香鍋啲牛肉好明顯係啲雪藏肥牛又韌又騷食咗兩嚿已經唔想再食，配料煮過龍好難入口。排骨擔擔麵啲排骨調味非常之怪食完好口渴個湯好咸。總之全餐食完之後直情想扣喉。餐廳環境尚算可以接受啦，服務都冇問題正常qr code點餐。價錢唔算貴都係六十幾蚊一個餐冇加一，不過可惜質素實在太差以後都唔會再幫襯。實在太難食冇辦法唔寫個差評畀佢

叫兩個餐，一個好快到，我朋友都就快食完，都仲未見到我個餐到，催單先發現漏單，又話要等2-3分鐘，最後都要等成8分鐘先到，口水雞+$38勁貴，水果茶+$30不如係隔離買一杯，根本唔係優惠，scan QR Code落單，都唔明佢憑咩收加一，漏單淨係一句「唔好意思囉」就算！又無送多個小菜，又無俾返個折嚟，真係都唔知個加一加啲乜？仲話門口咪寫明加一囉！睇返呢度嘅留言先知原來佢哋態度差唔係第一次！食物真係非常一般，唔值咁貴！下次都係睇清楚食評先好幫襯食到一肚火！

今日來新都城，順便在此商場晚餐。   看到店門一人餐，款式吸引，就座落單後，慢慢等美食來到。涼拌萵筍絲 首次遇上圓柱體萵笋。清爽口感有麻油香，但不覺得辣。酸菜魚  魚肉就是火鍋系列常用的黑魚片，保證滑溜無骨。  湯底酸度和辣度適中，單喝一口也很美味。但我更希望有更多的花椒和辣椒。  豆卜吸盡湯湯精華，湯裡也有萵筍絲和寬粉條。糖醋排骨  每件肉粒都帶骨，肉質纖維比骨頭短，全部以肉為主，肥膏少，肉質實在但容易咬。糖醋汁酸度正常不突兀，易入口，配白飯一流。奶茶    此店主打酸菜魚，奶茶～～唔想講。

平日放假都會專登搭車去食的午市套餐，因為選擇多，價錢合理，套餐有飲品亦可以優惠價加配小食淺嘗淺嘗。餐牌一人餐選擇何其多，花多眼亂，但我首選至愛麻辣牛肉乾鍋，食了不同店舖最愛此間。午市套餐絕不敷衍了事，賣相非常吸引，味道正合心意，而附有的飲品種類繁多，打開手機點菜有多版讓君選擇，見到都已大大滿足，未能全拍，自己來慢慢挑選吧！因為我現在要快快點餐醫肚。我最欣賞這餐廳就算好不好辣也可一同用餐，喜歡飯或麵也不需遷就，各取所好👍。食飽飯仲可以於商場閒逛，超市、百貨、靚衫、玩具、書店……🧐一陣要購個物振興經濟先，真是一個很好的飯後運動，運動完再去食多杯雪糕奬勵自己，咁又可玩足半日，車費係唔會蝕的，滿載而歸。

食材唔新鮮，酸菜魚嘅魚係用廉價生魚做嘅，點知做出嚟仲要唔新鮮，已經雪咗好多日，魚肉一啲都唔滑，而且魚肉已經變得生硬，舊肉係雪到定咗型，而且魚肉見到有發紅嘅狀態，好明顯係唔新鮮，最奇怪嘅係酸菜嘅比例少到好似芝麻綠豆咁少，芽菜就調返轉，最奇怪嘅係竟然會有豆腐卜，我都未食過一間會有豆腐卜嘅酸菜魚，食咗兩塊咁霉嘅魚我就已經食唔落去喇！失敗中嘅失敗！再嚟講吓佢嘅花雕醉雞，花雕酒味係有嘅，不過份量一嚟又細，二來全部都係雞胸肉，肉質鞋到柴咁！最有驚喜嘅係嗰份大盤花菜，有鑊氣幾好食！檸檬茶不過不失。最後埋單嗰陣我同個疑似負責人講，你哋嘅酸菜魚真係我食過最難食嘅酸菜魚，店員竟然同我講話，可能同你口味唔啱啫！完全唔會了解客人投訴乜嘢，呢間舖頭仲邊有進步嘅空間啦，永遠唔會再有下次過嚟幫襯！另外仲要+1服務費，真係不知所謂！

鍾意食酸菜魚嘅我，成日都去是唔同嘅川菜小炒，今日去咗將軍澳試食呢間今日叫咗個二人套餐，裏面有1️⃣ 酸菜魚招牌菜式，魚肉好多，不過叫咗小辣就唔係好辣，同埋如果再酸啲就更好2️⃣ 雞絲粉皮爽口嘅粉皮配上嫩滑雞絲，好啱夏天食。😋😋😋😋3️⃣ 宮保雞丁雞肉好嫩滑，份量都好大，但係我麻麻哋。另外我哋仲單點咗4️⃣ 酸辣土豆絲酸辣開胃，配飯一流。😋😋😋5️⃣ 手撕包菜包菜配上微辣嘅調味，啱晒我😋😋😋😋

香港都有酸菜魚，嗌咗個二人餐，份量好多而且佢星期二消費仲有要炒飯送，根本2個人係食唔曬。招牌菜元元酸菜魚大碟而且好多魚，入面仲有薯粉，萵筍等等嘅配菜，魚質嫩滑無骨，但略嫌魚味較少。辣味雞煲味道相當惹味，而且雞肉好入味。但係雞件份量較細 如果切得冇咁細粒會好啲。口水雞 -冷盤口水雞相對辣味雞煲嘅肉質嫩滑，而且大大件無咁多多碎骨。佢冷盤嚟講都算幾開胃。提外話，原本個餐已經包咗兩個白飯兩杯嘢飲，最後星期二優惠仲要送多個炒飯

今日咁啱行過寶林新都城 見到一間叫元元酸菜魚就行入去試吓 兩個人叫咗兩個午市客飯套餐酸菜魚同埋宮保雞丁，另外仲加多咗個$38口水雞嘅小食。每一個午市客飯套餐都配一杯熱飲，另外凍飲加$3首先，講吓$38嘅口水雞 份量真係非常足夠，辣味和麻香都具有然後$78嘅酸菜魚 魚片沒有腥味 加上配頭都足夠 味道不是最佳 但是性價比高宮保雞丁和外面的其他餐廳味道都大同小異，沒有特別點評。週末都沒有特別加一服務費，總括而言 不錯 下次會再回來

半年多前去吃過還ok,昨晚很餓又累坐下點了一個「奇」味雞煲188hkd, 菜端上來很期待 吃一口雞一咬下去是非常腥的味道 可以吃出整塊雞肉感覺像放了很久一樣不新鮮也沒有醃入味 跟店員反應店員拿去廚房回來後說這就是「奇味」雞煲的味道🙂 因為真的很餓沒有吃午餐也已經點了只好吃掉但是奇味雞煲其實是腥味雞煲嗎？ 已經blocklist 這家店 再也不會去真的很不值這個價位 點了一碗白飯也上的非常慢 整個菜品都水準下降 真的不行！

酸菜魚味道一般，明明裡面勁多酸菜辣椒同埋花椒，但係完全唔酸唔麻唔辣，完全唔似酸菜魚，仲有個好奇怪嘅菜味譚仔個酸菜魚仲好食過佢，作為招牌菜為酸菜魚嘅鋪頭真係可以檢討吓。😅😅😅其他菜都還好正常味，麻辣香鍋都幾好食，不如改名叫元元麻辣乾鍋🙏🏻🙏🏻🙏🏻

本身好鐘意食佢哋，今次叫個冒粉米線外賣，返到屋企發現比多碗飯我，已經好奇怪，一打開米線，一滴湯都無。於是打落去問係咪漏左比湯，比錯碗飯我，個店完好惡咁話我哋唔會主動分湯，我要主動要求，d湯已加左落米線到。真好笑，我響你公司做既，一定知你地運作啦！如果你唔係本身分湯，點會執多磅飯比我？我攞完外賣返屋企都只係10分鐘，有無可能無一滴湯都無丫？本身都幾好食，價錢合理，都比你d staff 攪衰曬間公司，如果想留住d客，老闆唔該你管治下d服務員，d態度衰到無得頂！

第一次食，叫左個酸菜魚 從未食過咁難食既酸菜魚，個湯完全唔係平時食開個d酸菜魚湯，佢淡而無味，直頭叫做好難食既湯底，酸都唔酸，辣又唔辣，d魚就直頭到冇味，唔知自己食緊乜一定冇下次

平時都鍾意食辣嘢，川菜都食得算多。呢間嘢所謂嘅「冒菜」，即係類似麻辣燙嘅粉麵餐，係我人生中食過最難食嘅川菜。湯底完全冇功夫，啲肉餸只係煮熟浮喺表面，完全冇冒菜應有嘅香味。另外，從來都冇見過冒菜係會加菜脯and酸菜，好難食。就咁個餐都要100蚊😅😅。唔怪得成日啲人上深圳，好食過呢度唔知幾條街。要做川菜，唔該你整正宗啲喇，唔好得個名，啲嘢又完全不倫不類，求其就算咁。希望香港唔單要改善服務質素，更加要注重菜品嘅味道呀，唔係你整到咁，香港人就會埋單㗎

約咗好耐先約到嘅飯局有人想食辣嘢，所以就去咗元元酸菜魚有辣有唔辣，任君選擇~口水雞好在分開啲汁，因為太辣~紅油抄手好大粒，好好食~松子魚好好食~泡椒炒肥腸肥腸炸得太硬太乾身~元元招牌粗炒味道正常~擔擔麵麵好好食，只可惜叫咗小辣都仲係好辣