傳承清湯腩專家

營業中

休息中

weekend 出到去lunch 12點10到店門 已經排左10 幾人😳😳😳 到12點15就開始入坐 再等到大約12點45終於入到 叫jor 崩沙牛腩魚片河粉 有兩款辣汁可以點 兩款都好食 當日冇機會試到出名既騸牯牛丸😫😫😫個湯好飲 幾清甜 崩沙牛腩肥肥地好好食 ☺️☺️☺️魚片普通 冇咩特別 河粉都係正常係好味湯底配合之下極速食完 同埋店舖比較細 出面都好多人排隊 所以都快快食完就走lu 終於明白點解大家要排隊都食 有時間會再去試其他食物！！

本來覺得承傳早已是有麝自然香，不必我再錦上添花。吃過爽腩後，還是覺得非寫可。最近終於立下決心，平日上午11:45分到達排隊，誓要吃到爽腩，怎知早已有三人比我更有心，不到12時已有十多人排隊，幸而店員提早12:15 已開鋪，一條龍好有秩序坐低，好快order，好心急等吃，然後好專心面壁吃。我上次在外面等位時，看見這景象，油然想起千與千尋。爽腩河帶青送到，果然非同凡響，華姐八寶九記是比望塵莫及更莫及，第一口熱湯是印象難忘，清甜又充滿牛腩的油香，爽腩要排隊爭吃絕對值得，每一口都是鮮甜，軟的軟，爽的爽，很痛快，這裡的河粉滑而不油，恰如其份，和爽腩清湯是天作之合，上次沒叫加青葱，證明是對的，青葱味搶，令湯不夠純淨，也令湯冷得快。為了吃承傳爽腩，放低一切，絕對值得。

未嚟之前已經聽過呢間舖頭嘅大名,一直都想試,好有期望,因為呢間標榜係用新鮮騸牯牛.啱啱落咗八號風球,就落咗嚟旺角.差唔多三點鐘,基本上滿座,牛爽腩就賣曬,就點咗一碗崩沙腩河粉.湯頭都清甜,至於個牛,就有少少失望,我覺得個牛味唔係好濃,而唔知係咪因為琴日打八號風球關係,準備時間相對少,個牛腩有啲韌.河粉就係幼粉,滑既,唔碎.總體嚟講,我就覺得冇咩特別.如果收$82 ,我對食物既期望高返d.又或者我唔好彩啦

當日到呢間大家都讚既牛肉湯麵店試試，餐廳有賣不同腩肉部位，如爽腩、崩沙腩等等，但好快就會售罄，當日大約於6:00pm到，只剩下牛丸和普通牛肉/牛腩，最後決定試試牛腩河～❣️清湯牛腩湯底非常清甜，不會口渴，湯底不錯；牛腩份量相宜，肉質軟嫩整體不錯吃，份量亦飽肚餐廳亦放有辣椒油調味，但記得不要太快加入河粉內🥲（因會再見清甜湯底）總括，這是一間不錯吃的牛腩餐廳，餐廳環境乾淨，坐位不算多。餐廳除了牛腩有賣點外，亦聽過有人推介牛丸，下次亦想試試😏

傳承清湯腩專家午飯時間非常多人排隊，我和朋友等了半小時才能入座。我原本想點崩沙腩，但是店員說售罄，我只好點牛坑腩粗麵。牛坑腩不會太淋，牛味頗重。粗麵爽口彈牙，湯底非常濃郁，我喝了一整碗。我沒有點飲品，店舖有免費樽裝水供應，非常貼心。

睇完《米紙》戰狼Fiona嘅介紹，一直都好想去，但次次都唔啱時間食唔成，今日見唔係太多人排就博一博，結果終於食到。由於佢哋只賣新鮮牛腩，每日限量供應，賣晒牛腩就收工，所以唔做晚市。今日下午3點已經冇晒崩沙腩、坑腩同爽腩，只係得番最普通嗰啲牛腩，仲要冇晒肥嘅，好可惜……今次我嗌咗碗牛腩河同細牛丸，老豆要咗牛腩麵，牛腩有牛味，但可能啲位唔靚，所以有少少韌，如果腍啲就好。湯頭好濃好好飲，河粉係幼河粉，煮得啱啱好，超易夾；爸爸話麵冇梘水味，幾好。牛丸彈牙，牛味亦好濃，但奇怪嘅係，牛丸個湯比牛腩河個湯淡少少，爸爸試完都有相同感覺。

朋友介紹下，到訪這間傳承牛腩河專家，我品嚐的這碗清湯腩河看起來非常誘人。湯底澄清透亮，散發出香氣，讓人垂涎欲滴。上面漂浮著一份薄薄的油脂，為湯底增加了豐富的口感。河粉則煮得恰到好處，不僅有著柔軟的口感，還保持著一定的咬勁。

老實講  呢間都食左好多次  最近名氣越大  就感覺有少少回塘由於唔想排隊  所以通常4-5點去食  以前都仲可以撞下手神有冇崩沙腩爽腩家陣就唔洗駛  呢個鐘數肯定淨返最普通的牛腩  有時河粉都賣完  5點幾就咩都冇講返個牛腩河  河粉唔突出但不過不失  湯底係呢間鋪的靈魂  食碗河最好就係個湯牛腩其實普普通通  冇咩味但肉質唔錯  必定會加牛丸  有次去潮汕牛丸冇貨 質量差天共地不過最近D牛丸都差左  冇之前咁正  呢間鋪如果唔洗排隊都值得一試

兩碗麵，一碗雙併粗麵，一碗三併幼麵，都係嚟自同一間食店，價錢都係一樣，你會點揀？當然，你可以take both，但前題係你要食得落兩碗至得，或者好似我咁，分開兩日嚟試。警告：以下內容超長，慎入！話說上個月起社交平台唔只一次見過呢間標榜新鮮騸牯牛做食材嘅小店介紹，咁啱我每星期都有兩日出旺角，既然一場嚟到，時間又許可，無理由唔試埋先至走；又既然上次試過佢嘅筋腩麵，味道唔算太差，咁無理由唔試多啲佢哋其他嘅美食，話唔定會搵到好美味嘅嘢食，好啱心水嘅美食呢！結果，皇天不負有心人，真係畀我試到好美味嘅食物，係邊樣食物咁好食？請繼續細心閱讀落去，自然會見到答案。吸取第一次要在酷熱天氣下，起門口排隊超過半個鐘先至有得食嘅經驗，我唔再起佢12點半，開門無幾耐就排隊，而改起下午1點半後鐘先至到，心諗飯市時段都過咗大半啦，無理由仲咁多人卦？但結果大失所望，一樣咁多人，一樣要排超過15分鐘，接近半個鐘，好彩我唔趕時間，咁當然要排啦！終於到我可以入去啦！一坐低，我未開口，個店員已經同我講話崩沙腩同爽腩已經賣哂，我同佢講：得得得，我唔係叫呢啲，我要碗牛脷麵加粉腸（講真，出面麵店，我就見唔到有牛脷同粉腸啦，唔知各位

標榜新鮮騸牯牛，果然係與別不同，牛味十足而且有彈性，煮理過後淋軟。1340到店，等了10分鐘可進埸，不過崩沙腩牛爽腩已經賣曬，(1230開店，店員建議排隊等開門，有機會食到)。唯有叫佢圖一牛坑腩麵，牛坑腩好食淋軟，加$12有三條牛蒡，牛蒡粉粉糯糯的，麵就正常比較幼。相比起圖二牛腩麵加$12粉腸賣相更吸引，牛腩大嚿口感十足，粉腸一樣淋身入味，視覺份量比較多。值得讚許牛骨湯底鮮甜好味，我差唔多飲晒成碗湯。期待下次牛爽腩牛坑腩。溫馨提醒座位超級擠迫，10個座位左右，而且冷氣不足。食麵有免費支裝水提供，要自己自取。

早幾日出旺角，記起最近網路上經常介紹呢間麵店，咁梗係要嚟拜會下啦！我嚟到嘅時間12點幾，店舖啱啱開門冇耐，店外已經有10幾人排隊，雖然大熱天時啫，但一場嚟到，我又唔趕時間，排就排啦！結果排咗半個鐘至入到去。呢間麵舖，舖仔細細，無得畀你面對面咁坐，只有兩排一邊面壁，另一邊背對背，中間有條通道咁坐，起等個麵嚟嘅期間，我仔細數過，只係得14個位，比好多日本拉麵店坐位仲要少。望個餐牌就知呢間嘢係食牛，淨係牛腩都有幾種選擇，網片推介嘅騸牯牛腩我就無幫襯，穩穩陣陣叫咗個牛腩牛筋麵，而且比較經濟，但都要$64，以我嚟講算係貴，但我見到好多人都一係叫崩沙腩，一係叫牛坑腩。Order之後約3分鐘，碗麵就嚟到，當然係手機食先啦！最面係牛腩同牛根，下面係生菜，最底係個麵。為咗拍攝效果，我將啲麵翹起，再補拍一張。先講個麵，係無鹼水味嘅全蛋麵，呢種麵比較好食，而且幼麵能吸收更多湯汁，所以講常第一次我都會叫幼麵。呢間店標榜係用新鮮牛肉，我食落又食唔到以前牛肉嘅鮮味，牛肉同牛筋都燜得好腍，牛筋腍得嚟有啲煙韌，感覺真係用清湯燜煮，因為食唔到香料味，而且無論牛腩抑或牛筋，顏色都偏白，同一般粉麵店好唔同，可能呢個係清湯腩

網上見lee間清湯腩好多好評，專登過去食，間鋪開12點半，12點10分去到已經有人排緊隊，叫左最出名ge崩沙腩米粉同牛骨湯，見佢賣到82蚊碗，期望好高，點知食落真係勁失望，到底係香港人跟本唔識食定網上全部係寫手，咁ge質素收82蚊，唔能係ar........d牛腩無咩牛味，勁痴牙，食落口感可以話係鞋......佢用ge米粉係普通茶記質素，硬硬地，仲要排住隊去食痴拿線，牛骨湯又係無咩牛味，可能真係期望太高

果然是第一流的清湯牛腩！這間位於旺角的「傳承清湯牛腩專家」，很早之前已列入我的想食清湯腩店家清單之內。這天在閒日的九唔搭八下午茶時段終來幫襯，但仍要等超過15分鐘才有位。一如老饕消息所言，下午約兩點後已沒有崩沙腩、牛坑腩和爽腩等特別部位，我也只好點了普通的清湯牛腩牛筋麵。結果真的沒有令我失望，湯鮮甜，普通牛腩的肉質口感俱佳，不會過瘦，牛筋屬老人家也能輕鬆吃下的軟度，總體來說是我近年在九龍吃過最好的清湯牛腩，不過份量略少，吃得未夠過癮。下次我應會在店家剛開門時來，這樣才有機會吃到我想吃的爽腩😋由於此店店面細，坐得唔會太舒服，且只有一名樓面員工，招呼清理一腳踢，所以難免執唔切枱，影響人流運轉，這亦是要改善的地方吧。

個日好想食香港傳統美食 ─ 牛腩麵🐮 睇「香港牛腩粉麵關注組」見到有網友極力推介，就決定放假去試試佢😜我地大概2 點去到，見到門口已經打哂蛇餅，我就覺得冇揀錯，咁多人排，一定係好野🤣 最後等咗45 分鐘終於入到去，好期待🤩 本身我地係出面排隊已經諗好要食牛爽腩同崩沙腩，但坐低叫個時店員話牛爽腩已經賣哂🥲所以就改左叫牛坑腩～清湯崩沙腩河粉 $82嗌咗冇耐就上枱，佢個湯底望落去好似平平無奇，但飲落鮮味非常，一試就知唔係味精湯係真材實料煮出嚟嘅湯底。崩沙腩肉質鮮嫩，而且半筋半肉，食落有咬口，配埋河粉，好正🥹成碗湯都俾我飲哂🤣清湯牛坑腩河粉 $70牛坑腩雖然價錢平過崩沙，但味道一啲都唔輸蝕，啲牛腩好新鮮，肥，肉同筋mix 得啱啱好，冇等頂！👍🏻雖然呢間價錢比普通牛腩麵係貴咗啲啲，但絕對係值，一分錢一分貨，食過真係返唔到轉頭😋**提提大家如果想食真係要早啲嚟，因為佢地啲牛腩每日限量發售，賣哂就冇㗎啦🥲我食到一半就連崩沙腩都賣哂🫨今次食唔到牛爽腩就當留返啲遺憾，下次早啲嚟再試🫶🏻🫶🏻

平日around 13:00去食排左一陣唔算耐好多方便都feel到廚師係幾咁有性格 🤷🏻‍♀️Menu好restricted, 佢冇寫嘅combo就冇得雙拼例如 牛腩牛筋有得拼，牛肚牛腩就冇 🤷🏻‍♀️叫左一碗崩湯腩米 一碗崩湯腩河嚟左兩碗河粉 問我地O唔OK咁我哋唔ok geh所以樓面叫師傅再煮唔知師傅嬲定對次序有堅持最後等番5-6碗(即係遲過我哋嚟嘅人都已經有嘢食先到番我)味道就ok la,唔係話好驚艷🤷🏻‍♀️ 如果要排好耐就未必值了總括而言，附近有更好選擇🤷🏻‍♀️