傅記飯店

營業中

休息中

推薦:1. 好JUICY的燒鵝!不用點醬，都有肉的鮮味! 另吃了一個大大煲仔飯及清炒豆苗，都OK~ 可以再來!

早排因為夜歸搭小巴既原故, 路經深井, 勾起左食燒鵝既慾望, 加上男友人從未真真正正入深井食燒鵝, 趁有機會早收工就立即去食!!二話不說, 又去返【傅記】, 相對於陳記燒鵝, 我都係鍾情傳記多d! 本來一心天氣凍可以食羊腩煲, 點知凍左幾日又回暖, 加上得兩枝公, 最後都係要放棄>﹏<去得深井就梗係要食燒鵝啦!!! 燒鵝嗌左個例牌, 落單個陣同個伙計講話我想食左脾, 佢就二話不說咁幫我落order, 到上菜既時候真係好開心, 加上熱辣辣, 見到D煙真係口水即時流哂呀XD 我同男友人都急不及待挾左一舊試食, 一單落去, D皮真係又香又脆, 燒得岩岩好唔會太燶, 平時連雞皮都唔食既我, 都暫時唔理身型大走樣既危機, 慾罷不能咁忍唔住每一舊都連皮食埋!! 最最最最欣賞既係, 我舊左脾唔會肥淋淋, 真係好驚平時去燒臘舖斬料返屋企加餸個D所謂燒鵝/鴨, 皮下面一大舊黃色既脂肪, 真係望到已經飽哂! 除左燒鵝之外, 同場加影沙拉骨同埋合時煲仔飯!! 可惜, 沙拉骨真係令我失望, 記得年前係呢度食既沙拉骨超好味, 少少酸好惹味, 又鬆化, 結果今次呢個沙拉醬又唔夠, 炸個時油又唔夠滾

係深井又唔想食燒鵝，平平地食個小菜，黎呢間試試．．．４個人叫左３個小菜（生炒骨，鐵板豉椒雞，什菜煲）１個炒飯（蝦醬炒飯）生炒骨．．好”蘇”，無肉味，　似雪左好耐咁，不過個汁個味係得既鐵板豉椒雞．．．野味，不過肉少ｄ，似啫啫雞不過用鐵板上金銀旦什菜煲．．係咁多味之中最好味的蝦醬炒飯．．好大碟，４個人都食都好飽，免強食得哂．．不過咸左ｄ

忙了大半天，帶著沉重壓力步出公司，離真正可以休息時間似是遙遙無期，唯一能令自己心情好過一點，就是吃、要豐富的吃一餐，才對得起自己！似乎連呼吸亦變得有點困難，只有大量熱能、油甘才能抵抗四方八面來的壓力，要碗鵝髀瀨，阿叔有性格的道：「鵝髀要成六十幾蚊碗架！咪話唔提醒你」，苦笑一下，辛苦搵來志在吃，照去吧，要免斬。自從吃過鵝的好後，讀書時美心鴨瀨已成明日黃花，眼前原隻鵝髀，已去掉油，但仍有不少油脂，鵝油汁是撈飯的上品，但吞下原隻鵝髀，牙關似乎也會開始軟下，配瀨粉反而更易接受。三時許，也不期待會吃到新鮮出爐的脆皮鵝，幸而爐火控制得好，銅紅外皮仍好吃，啖啖肉甚滋味，比較起鵝胸，髀位肉味相對的弱，勝在肉嫩，尤以連著骨的位置最妙，滿口是油甘。相對於斬件上，此髀絕不易吃，吃得膩時也要用羹才能塗上酸梅醬，又話說回頭，以滿足度論，定對比斬件的高，六十餘元的平民式豪吃，一口氣吃下佔全鵝七分一重量的靚髀，總算沒失望，滿意的埋單去。拿著手機Moblie Facebook，原來身邊不少「愛鵝」的好食友，期待不日的燒鵝小局。

阿姐落單時唔知有心定無意每個下午茶餐寫多幾蚊加加埋埋差唔多等如加一大家請小心對單呀~至於燒鵝味道普通, 不試也罷

上星期媽咪同 d Auntie 打完麻雀, 我就 join 埋佢地一齊食, 因我媽咪成日話要食深井燒鵝, 咁我d Auntie highly recommend 傅記.環境就唔好有要求, 幾大排擋 feel, 嗰晚我哋坐入面有冷氣, 除了可叫汽水啤洒外, 仲有檸茶, 奶茶, 有個 Auntie 仲叫煲薑可樂 嗰晚我地叫咗, 當然有燒鵝, 唔太肥, 冇乜肥膏, 皮唔夠裕記香脆, 但肉質唔錯, 有時裕記d燒鵝好咸冇晒肉味。仲叫咗d特別嘢, 薑葱魚扣炒鴨舌 (好少機會食到魚扣, 好爽口), 鵝腸 (我覺得太肥)。最後埋單每人大約 $70, 抵食!

上星期日晚突然好想食燒鵝於是一家三口就去咗深井, 因為明知嗰道間間都差唔多所以就走咗入傅記. 本應都無乜大期望於是就叫咗半隻燒鵝, 召鹽烏頭扣, 雞油豆苗. 點知落單嗰陣真係有驚喜! 個伙記大佬態度差到唔識形容, 佢介紹我吃條斤十三兩嘅老虎班, 我兩公婆加個細路女點食咁多嘢呀? 於是話唔要. 嘩!佢突然玩變面, 語氣即刻唔同晒..........離晒普!半隻鵝首先出場, 比想像中更差, d皮唔脆, d肉一d鵝味都無如果唔點醬跟本就唔知食緊咩最慘就係重肥過我嘛.個烏頭扣因為炸得幾香口都算OK! 點知出個豆苗時, 傳菜個大哥好大聲咁話....依家邊度有雞油架!加埋汽水啤酒各一枝咁就三佰幾.一定無下次囉!

有日下午5點左右經過深井,本只想飲下午茶, 停低架車在傅記停車場, 自然去傅記啦.坐下見有燒鵝賴粉下午茶,就要一個, 本來下午茶都沒什麼期望. 出乎意料燒鵝是剛燒好的, 又熱又脆好正.想一下可能系這時間剛出爐.廿令文系深井有燒鵝食仲免費泊車..抵呀

噚日公眾假期，唔嫌山長水遠，又走入去深井食燒鵝，六點幾已經到咗，實在太多人啦，裕記陳記都冇位，但係又唔想如入寶山空手回，就係陳記隔離間傅記坐低，入面都好多人，一心諗住唔會太差掛，我哋叫咗： 半隻燒鵝：好乾， 好瘦，無肉汁，咬唔開，得個香字！同一般街上嘅燒臘舖冇咩分別，可能仲要差啲！咁叫深井燒鵝？我覺得好唔得！　 椒鹽豆腐：還可以，因為夠熱！唔係太咸亦夠香口！ 椒鹽鮮魷：好似啲油番用又番用，好深色，但係味道還可以！ 蒜蓉蒸勝瓜：冇咩特別，你同我都可以做得更好嘅菜式！ 白飯汽水各2我覺得好嘥QUOTA，唔會再嚟！

千不選萬不選~偏偏到大埔錄影的一天晚上就要到深井做節~~真掃興~~經歷了的士巴士再小巴~~用了近個半小時才到深井~~何必呢~~~本選裕記卻說沒有位所以轉戰鄰近的一間~~遲了個大到~~全家上下左右都坐定定兼食緊先~~也沒關係~蒸了條班~卻過火得骨肉完全分離~~鞋鞋的~不是味兒~~接著是主角燒鵝一隻~~體型屬小型的全隻鵝? 各人也爭先九秒五二咁你一件我一件~~吃了鵝背的肉~卻是瘦得可憐~還有點咬不開的感覺~實骨骨~~大家吃得津津有味~但小比還是愛吃元朗的出品扒了碟菜膽~意外地好吃也是最快清碟的一味~後來也encore多一碟~~因為件數不多~~再來的墨魚餅淡而無味~彈是幾彈~卻不知在吃些甚麼似的~蒜蓉蒸勝瓜先烚至半熟再蒸~可能與蒜蓉共融的時間不足~~你還你我還我~但輪味道也是不錯的~~較可取的是話梅骨~~酸酸甜甜~~小比第一時間夾起的是話梅核~~也是預期的有人對我說是別人吐下去的~~懶理~對於這些咕嚕~中式牛柳~橙香~等等這些的做法~也是大同小異~但香口惹味~~最後上的是豉油王麻蝦~~開邊大大隻~而且大部份也是圍著一整圈羔的~是意想不到的好吃~~炸得夠香夠脆~~已進化到唔啃死就吃進肚的小比~

爸爸媽媽算係呢度既半熟客﹐都幾常黎呢度食野食呢度既燒鵝需要一點點運氣﹐大多數都係好食的(起碼一定比陳記好)﹐但有時燒鵝皮下的肥膏會比較厚一點。尋晚唔想食燒鵝﹐所以order左﹕菜乾燉豬肺湯﹕都頗大盅﹐三個人分每人也有一﹐兩小碗﹐也有很多湯料。湯是奶白色的﹐飲落有陣很濃的杏仁味﹐好正﹗但油少一點更好。砂窩魚頭煲﹕我不吃魚頭﹐但爸媽說很好吃﹐夠惹味。試了煲中的其他配料﹐豆腐幾滑﹐味道不錯。火腩很惹味﹐皮還有點略脆﹐好食。菜心也不賴。梅菜扣肉﹕不是很正宗的梅菜扣肉﹐但味道也OK﹐這裡的梅菜是偏咸的﹐還是喜歡比較甜那一種蝦醬炒通菜﹕每次黎都會叫﹐爸媽喜歡這類蝦醬的味道﹐咸淡味道適中﹐不錯。這類小菜的份量很大﹐價錢也不貴﹐雖然是大牌檔的環境﹐但味道是不錯的﹐黎開深井不妨試下。爸媽說這裡的椒鹽鮮魷也不錯﹐下次要試﹗ ^ ^

八人聚餐, 好彩訂左台唔洗等位. 有人話唔想食套餐, 逐樣點.1. 半隻燒鵝: 不算好, 合格, 皮夠脆不過無乜鵝味, 百七蚊半邊都幾大隻. 2. 京都骨: 相當咸同un, 甜味適中, 一舊夠皮.3. 生炒骨: 唔知邊個咁鍾意食中式排骨, 夠甜唔夠酸, 粉漿有D厚, 但炸得透, OK. 肉煮得有D過火, dry dry 地.4. 墨魚餅: 相當薄同淡味, 唔起膠無乜咬口.5. 蒸烏頭: 是晚精選, 味鮮肉嫰, 香得很. 揀得好, 煮得好.6. 蒜蓉炒白菜: 咁上下啦.7. 蝦醬炒飯: 飯粒唔夠乾身, 食落去唔夠分明. 蝦醬亦炒得唔夠勻, 啖啖不同滋味.8. 係有第八樣, 但我真係記唔起...街坊價錢, 味道稍有不足, 但份量搭救, OK啦.

一向食開陳記, 今次本來想去試下裕記ga, 行行下見到呢間多人就去呢間啦, 點左以下食物:半隻燒鵝: 好juicy, 好味, 食過最好食o既鹹雞: 點o個時個侍應提左話唔係鹽焗雞, 係鹹雞。我覺得ok la, 不過我個fd話'鞋'左d。豉椒炒大蜆: ok la, 有幾隻蜆有沙椒鹽中蝦(例牌): 一般ja蝦膏炒鮮魷: 不過不失連埋3支啤酒同4個飯, 4個人, 埋單$477。服務麻麻, 叫人寫單叫左好耐冇人應, 但埋單就好快; 叫啤酒同飯, 轉頭忘記左又冇送黎。燒鵝有驚喜, 所以俾個"笑"啦。

與男朋友第二次來,這個月跟男朋友吃完了深井四家店,覺得這家是最好的,所以再來光顧點了四個菜,分別是辣酒煮花螺(少辣),串燒雞肉(半打),椒鹽豆腐和龍鳳配炒飯(因這個月來吃燒鵝吃膩了,所以沒點燒鵝)辣酒煮花螺(少辣):上次吃時很辣(小妹吃不了太辣),所以今次叫了少辣,配菜很多,螺也有21隻,整體來說挺好吃,但又因太辣所以少了花螺原本的鮮味串燒雞肉(半打):沙嗲很好吃,雞肉也好吃,雞肉裡夾雜了大概30%肥肉,所以很香,但如果怕肥就別吃了椒鹽豆腐:超超超超超級好吃,因為外皮的椒鹽很濃,雖然外皮硬了點,但一咬即開,真的很好吃,下次一定會再點(味道很濃,但小妹愛吃濃味菜)*這道菜...我連那些小小的蒜粒也不放過......龍鳳配炒飯:即鴛鴦飯,白汁那邊十分好吃,因有我最愛的蝦仁和西芹,炒飯很熱,整個炒飯都很香,吃了3小碗= =注意:侍應落單聽不清楚,每ORDER一道菜也會問兩次,但整體服務不錯是次四道菜消費共$235可吸煙,上菜速度快P.S.上次吃的燒鵝:皮很脆,肉跟其他三家的不同,因為肉色是偏紅的,但鵝肉中有鹹味,是其他三家沒有的

今日去個fd屋企前, 係間餐廳叫左咖哩飯+奶茶..1. 咖哩飯是咸的, 唔知用咩做, 好好好難食2. 奶茶甜到似糖水我今日真係覺得好難食..仲要30蚊..p.s. 有人食煙. 室內都係..