影片
更多
2009-12-10
97 瀏覽
早排因為夜歸搭小巴既原故, 路經深井, 勾起左食燒鵝既慾望, 加上男友人從未真真正正入深井食燒鵝, 趁有機會早收工就立即去食!!二話不說, 又去返【傅記】, 相對於陳記燒鵝, 我都係鍾情傳記多d! 本來一心天氣凍可以食羊腩煲, 點知凍左幾日又回暖, 加上得兩枝公, 最後都係要放棄>﹏<去得深井就梗係要食燒鵝啦!!! 燒鵝嗌左個例牌, 落單個陣同個伙計講話我想食左脾, 佢就二話不說咁幫我落order, 到上菜既時候真係好開心, 加上熱辣辣, 見到D煙真係口水即時流哂呀XD 我同男友人都急不及待挾左一舊試食, 一單落去, D皮真係又香又脆, 燒得岩岩好唔會太燶, 平時連雞皮都唔食既我, 都暫時唔理身型大走樣既危機, 慾罷不能咁忍唔住每一舊都連皮食埋!! 最最最最欣賞既係, 我舊左脾唔會肥淋淋, 真係好驚平時去燒臘舖斬料返屋企加餸個D所謂燒鵝/鴨, 皮下面一大舊黃色既脂肪, 真係望到已經飽哂! 除左燒鵝之外, 同場加影沙拉骨同埋合時煲仔飯!! 可惜, 沙拉骨真係令我失望, 記得年前係呢度食既沙拉骨超好味, 少少酸好惹味, 又鬆化, 結果今次呢個沙拉醬又唔夠, 炸個時油又唔夠滾
二話不說, 又去返【傅記】, 相對於陳記燒鵝, 我都係鍾情傳記多d! 本來一心天氣凍可以食羊腩煲, 點知凍左幾日又回暖, 加上得兩枝公, 最後都係要放棄>﹏<
去得深井就梗係要食燒鵝啦!!! 燒鵝嗌左個例牌, 落單個陣同個伙計講話我想食左脾, 佢就二話不說咁幫我落order, 到上菜既時候真係好開心, 加上熱辣辣, 見到D煙真係口水即時流哂呀XD
我同男友人都急不及待挾左一舊試食, 一單落去, D皮真係又香又脆, 燒得岩岩好唔會太燶, 平時連雞皮都唔食既我, 都暫時唔理身型大走樣既危機, 慾罷不能咁忍唔住每一舊都連皮食埋!! 最最最最欣賞既係, 我舊左脾唔會肥淋淋, 真係好驚平時去燒臘舖斬料返屋企加餸個D所謂燒鵝/鴨, 皮下面一大舊黃色既脂肪, 真係望到已經飽哂!
除左燒鵝之外, 同場加影沙拉骨同埋合時煲仔飯!! 可惜, 沙拉骨真係令我失望, 記得年前係呢度食既沙拉骨超好味, 少少酸好惹味, 又鬆化, 結果今次呢個沙拉醬又唔夠, 炸個時油又唔夠滾, 搞到D肉吸哂油, 每咬一啖都”必”哂油…. 令我滴哂汗, 而且明顯個醬係奇怪架…. 完全唔知想點咁….
至於煲仔飯既, 本來好想再食佢個臘味煲仔飯, 但友人唔食得臘味, 咁只好揀窩蛋牛肉飯! 其實呢度真係幾好服務架, 話說個老粗咁款既伙計送上煲仔飯後, 佢都千叮萬囑我地唔好掂住, 轉個頭仲拎埋豉油幫我地加埋, 咁既服務態度, 真係冇得頂呀!! 講返個飯先, 味道各樣都唔錯, 唯獨個飯唔夠硬身, 淋左少少, 如果唔係再多d飯焦就真係perfect啦!! 相當換著住臘味煲仔飯一定冇得彈呀!!!
是晚其實全場滿座, 但我地睇埋【富貴門】先走 , 由8點坐到10:30都冇人趕我地, 仲不時加熱水, 感覺真係好親切呢~~~
張貼