倫哥尊尚火鍋私房菜 (已結業)

疫情後，去左倫哥私房菜食反，有異常驚喜有四小碟，刺生，鸡煲，火鍋，今次仲多左個蒸海鲜，個海鲜有蒜容同剁椒揀，牛頸脊任食，仲有D手工丸，有芝士墨魚丸，手工肉，連個鍋底多左個椰皇松茸墩鸡，真係不得了，全部都係手工之作，閒日有88折

今日四人去左倫哥私房菜食，真係大件夾抵食，最正無限時，環境闊落，啲店員又唔會踢你走首先都係例牌前菜，但個人几欣赏個花彫奄春蛋同川汁皮蛋，真係几醒胃，好彩我食左一舊半舊，因為戲肉在後面，個鸡煲好穩定，都係嗰個味，刺生啲如虾都大只几甜，今次我叫左蒜容剁召正海鮮呢個出色有辣同唔辣，品種選擇多，我食得出個剁召唔係叫番來，有D，到轉鍋底，佢地有個椰皇松茸墩鸡，真係不得了，仲有D串串虾，牛頸脊任食，哟牛肉軟滑，有牛味，食左五個鍾，三佰几，物超所值

今日同同事一齊嚟咗呢間食，book咗8點嚟食，諗住試下佢個雞煲同埋打邊爐，我哋今次自己係花膠湯底。真係正！湯味濃郁、好鮮甜、花膠都好足料！想湯底之前隔離都會會有相對嘅湯比你自己加，仲要唔係凍嘅，睇得出係喺個湯入邊攞出嚟！不過真係特別推介佢個牛！牛嘅肥瘦真係啱啱好！海鮮都大隻過隻手！墨魚丸都好鮮、食到墨魚嘅味道，唔似出面嘅墨魚丸，全部都係加工物味道。服務態度都好好，上菜速度快，下次會再過嚟試埋其他湯底！

今日晚餐去佐敦食倫哥，上網睇到好似好正，又放題又剩，我地今次仲係晚市食到10點，所以都book左7點半，預有足夠時間食。一開始打去book位，店員已經唔太好禮貌，我問有咩餐揀，佢話都擺哂係社交平台，自己去睇，大佬，而家咩年代，仲叫人去社交平台. 我問多兩問，其實得2個餐，貴啲嗰個有牛同海鮮任食，其實一早講咪得，又唔係多選擇。••••••••••••••••••••••••••••••送既海鮮拼盤好得，但係之後再叫嗰啲就麻麻最令人失望係牛，第一轉擺低已經唔係靚，已經知大獲，之後再添加都係瘦到嘔，完全無牛味，又細份，我食貴餐就係為咗任食靚牛，你俾呢啲貨人不如唔好做任食，失望😡😡😡😡••••••••••••••••••••••••••••••

放寬夜晚堂食, 終於可以約朋友聚一聚, 所以選擇了無限時火鍋, 可以慢慢嘆慢慢傾我們選擇了海鮮雞煲尊尚火鍋, 套餐包括：五色刺身盤、阿嫲雞煲、任食環游海鮮盤（6-8款時令海鮮）、湯底有六款可以選擇、任食牛頸脊、48款任食配料及任飲無酒精飲品先食阿嫲雞煲, 雞件鮮嫩入味, 份量都比較多, 非常惹味, 火鍋湯底選擇了芫荽皮蛋湯, 這個湯底有開胃及清熱下火, 所以感覺食得多都可以減輕罪惡感🤣, 大量芫荽還有豆腐片, 很適合現時悶熱的天氣, 五色刺身盤及環游海鮮盤每日供應不一樣, 刺身新鮮肥美, 擺盤精美, 環游海鮮盤有八款海鮮, 每款都很吸引, 還有香蒜鮑魚仔, 非常有誠意, 牛頸脊脂肪較少、有濃濃牛肉味, 火鍋必備, 喜歡食牛的朋友不可錯過整體食物質素高, 份量多, 無限時已經加了分, 服務不錯, 座位寬敞舒適, 很適合聚會好地方

非常貼地嘅私房菜 👍差唔多三年冇黎倫哥私房茶，真係久仰大名，今天決定要嚟會一會您 😆。先講下環境，餐廳環境簡潔乾淨 🤠。至於服務態度，店員都非常之友善。佢哋雖然好忙，但係佢哋都會好親切地對待客人。再講下食物，雞煲很入味，辣度適中，非常出色。火鍋湯底好濃郁，食材亦很出色，無論海鮮，安格斯牛肉，丸類都係好味到一個點 🤤總括而然，以每人不用 $400 的價錢，性格比很高， 鍾意食火鍋嘅朋友一定要嚟試 ，絕對係值得一試啊 !

以前鄰近有間倫哥私房火鍋係我們一家人經常去打邊爐地方，因為勁多海鮮食材，海鮮又新鮮價錢平服務優質。搬遷去較為遠地區，所以很久沒有去過了。一班中學同學聚會我提議去食，來到佐敦店，環境更大寬躺設裝潢新座位舒適，服務員也殷勤有禮。雞煲仍舊肉質嫩滑濃郁香口，啖啖肉，很是滋味惹味，吃完雞件可再加，吃完更可加湯當作火鍋湯底，海鮮拼盤、刺身拼盤海鮮質素方面仍然新鮮超級正，但種類沒有以前多了，滿足不到我們愛食海鮮的人。雪櫃有超過40多款配菜及飲品都係任飲任食，還有任食美國肥牛。一大碟牛頸脊肉油花勁靚勁正超級抵食。我們另外叫了3隻江蘇大閘蟹，吃起來肉質口感緊實，肉嫩、香甜可口。

一坐落發覺環境也算寬敞,食物種類都幾有特色,尤其是那個海鮮拼盤,有龍蝦、貴妃蚌、大蝦、班片、生蠔、蟶子及青口等,份量十足,打卡呃Like一流,更有每人一份鮑魚冬菇好惹味,而那個任食雞煲更辣到飛起,完全可以提升味蕾級數,不過不能多吃否則試唔到接著來的任食火鍋和小吃等,端上枱的一大盆的牛頸脊,賣相已經很可觀,也很有牛味,而且淥吓也不會太韌。而它的自取邊爐食物也有很多選擇,尤其魚滑和丸類都非常正,飲品方面有很多自家製包括檸檬薏米水,白桃紅茶等也都不錯。

以前舊店有食過，覺得唔錯，今日4個想到再去食，今日來食338星期六加$10，重要加一唔抵食，食物普通，唔會再下次去食😤 經OpenRice上訂位，的價值與實際不一，有誤導！

地址－倫哥雞煲火鍋佐敦道26號E，二樓全層原本約左班朋友係市區BBQ，貪夠方便之餘又可以無限時任坐，方便吹水，但奈何結左業，就即刻搵第二間食肆代替，突然醒起呢間野之前有好多分店，但一搜之下勁驚嚇，得返一間，不過幫襯左後我就明白原因所在。💋寰球八小碟（六至八款，無限添加），一坐低就擺低左8碟食物，分別有辣味腸仔鴨血， 鵪鶉蛋，章魚燒，炸餃子. 椒鹽粟米，辣皮蛋，蜆同埋四季豆，咁我揀左Ｄ黎食，粟米都有辣味，但稍為乾身左，冇左陣粟米味，炸餃子就可能擺耐左，淋左，唔脆身，章魚燒有同樣問題，但皮蛋就唔錯，有種輕輕的麻辣味，一叫再叫，四季豆方面都做到爽脆的口感，唔錯，但蜆就居然有沙，嚇死寶寶了。💋滋補燉湯（人頭上一份），今次就係西洋菜豬骨湯，味道唔錯，但就稍為油左DD，不過都睇得出足料的。💋列國刺身船有四至六款(人頭送一份)，今次就有八爪魚，帶子，蝦，北寄貝同埋三文魚，整體質素都唔錯，但就唔係好睇得明個名，列國係咩意思，即係代表幾個國家 ?? 同埋值得一提的係八爪魚係完全唔建議食，一咬就知道擦膠的味道係如何，吐都吐唔切，仲帶點腥味，諗起都怕怕。💋阿嫲雞煲任食(BB辣)，佢份量都唔少，食落D雞都幾滑

未食過咁差嘅邊爐！仲要係呢個價錢去大X樂個d食一人邊爐仲好過佢一坐低已見到d餐具好污糟🤢首先食左雞煲先，算正常嘅，係淡少少嘅雞煲咁囉，d雞係未入味嘅。之後黎左幾款前菜，無邊款係好食嘅。重點係佢寫至少40款火鍋料任食，出到去拎個陣數埋我估得20款啦，仲要係好多見到都唔想食，d菜係黃曬嘅。第一次打邊爐，個個都無食菜。呢款叫手切西班牙黑豚肉，見到都唔開胃。雖然話係海鮮任食，但無邊款好食，聖旨都還好，都算大同爽口，但有食d食到有沙。惟一好食少少嘅係牛頸脊，不過唔係任食，得一round。無野吸引，所以無點影相。完全唔推介，除非你想試下有幾伏。

朋友聚舊想搵個好地方食下野傾下計，去到見到full house好旺場好嘈吵。心諗食物質素一定掂啦……點知前菜黎左之後就見真章了。加錢換的前菜 有鵪鶉蛋 、辣皮蛋 、 辣香腸脆皮腸、 章魚燒 、炸餃子、 椒鹽粟米、蜆。除了椒鹽粟米正常一點外，其他都真心好難食……！ 先黎一燉湯 及雞煲， 食完雞煲便開始打邊爐了。我們加了錢訂了花膠老雞金湯底，但花膠就看不見了反而見到桃膠海鮮部份OK 但洗不乾淨蚌類食落又有沙任食的食物聽說有40款之多，但出去見到只有幾款丸類、菜類 及 飲品可供選擇……並不吸引，飲品缺貨也不會refill。質素及衛生並不理想……根本唔值＄380／位呢個價錢4個人最後既結論竟然只有菜和雪糕最好食

餐廳環境尚可以，但如果全場滿座會十分嘈雜。自助區完全不吸引，蔬菜小食甚少選擇，另有肥牛及豚肉片，顏色深沉，外觀已覺得為劣質，勉強試一碟，完全唔掂。雞煲味道尚不錯，但主要為雞腿肉。魚生尚見正常，但份量不多，全枱四人每款約只有各一片，不可添加。火鍋手切牛肉一般，最初一碟又碎又細片，經投訴後才換來一碟較正常，不可任食，我們四人根本不夠，但本身味道一般，亦無謂再另加。海鲜盤只屬一般，蝦唔新鮮，再叫時竟然部份食品只給兩人份量，莫非要我吔一人半隻。以三佰幾嘅收費有呢啲質素，完全不可接受，以後嘟唔會再黎。如果再冇改善，相信很快會被淘汰！

呢個價錢有雞煲有海鮮有牛頸脊我覺得已經相當唔錯，特別味道各樣野都幾好，雖然環境比較擠迫，但都唔算話太過嘈雜，特別想讚佢嘅海鮮，真係新鮮毛紗，我覺得仲可以下次再過嚟幫襯佢！

失望嘅邊爐味道偏咸無服務可言，乜都自己黎所謂嘅40款火鍋配料，我估佢個蔬菜籃係逐樣菜計一款配料，如果唔係我唔知點計有40款俾客任拎美國肥牛好似豬肉咁，粉紅色，睇見都唔想食