侍元 (已結業)

個人認為真係超難食，佢個忌廉成陣嘔吐物味，連薯仔都好難食，食之前好三思，呢間真件非一般既難食，然後佢個拉麵真係普通到冇得再普通，真係浪費左我啲錢，難食到一分都唔想俾！！！！！

有friends 係附近番工，於是就睇下附近有咩日本野食下，食完順便去行下Donki donki 間鋪唔算好大，應該坐到7 8枱人左右，但人唔算好多。櫻花蝦拉麵櫻花蝦味幾濃郁，非常乾身脆口，令拉麵味道有所提升。但溏心蛋味道有點古怪，麵質偏粗硬，湯底是較清的豬骨湯底。適合食得比較清淡既朋友仔照燒汁鰻魚定食鰻魚肉身有點乾，醬汁沒有發揮得很好，有點失望可能哥之前食過太好既鰻魚，哈飯底都有足夠醬汁，唔會太乾身。小食南瓜脆餅外面幾脆口，同裡面既南瓜蓉好夾。不過呢到怪怪地，佢地唔提供熱飲，所以要留意下。

海之戀商場嘅餐廳酒樓越開越多，要試哂都要慢慢嚟，今日行過見到有一間細細間嘅拉麵店，入去食返個lunch先！糖心蛋和風牛肉飯牛肉好入味，加埋洋蔥一齊煮，入口溶化，每一啖飯都充滿牛肉汁，根本欲罷不能！糖心蛋撈埋落去，好食到爆登白武士櫻花拉麵原本想食辣，但係諗諗吓想試真一間拉麵店，係要食豬骨湯嘅，於是試吓佢既白武士先啦！果然湯底濃厚，櫻花蝦多到不得了，每一啖都食到淡淡櫻花蝦香味，絕對做到提鮮的效果！下次嚟我一定要試辣味拉麵午餐可以加$10或者$20成為套餐，我加咗一個$10沙律+凍檸檬茶，和風沙律新鮮美味，杯凍檸茶係極度好飲嘅，高質素另一個加咗$20，有炸雞兩件加凍檸檬茶，件炸雞係超好味，皮脆肉嫩，十分juicy!因為琴日食咗鰻魚，所以今日冇叫到，下次會試埋佢個鰻魚飯！

黎到荃灣西，阿女話要食拉麵，於是去侍元。第一次食，睇餐牌都算平，係自助形式，du 左安心出行，跟著就係門口點餐，我地叫左侍元拉麵，黑武士，再加凍檸茶同炸雞。侍元拉麵係面特濃豉湯底，有4－5塊叉燒，半隻蛋。湯底吾咸，不過太濃，面底好有口感。黑武士係黑蒜湯底，蒜味吾太突出。得一塊大叉燒及半隻蛋。加$20有飲品及2舊炸雞。凍檸茶都大杯，吾甜，篤吾到檸檬。炸雞好正，好嫩滑好 juicy 。 炸漿薄又脆，新鮮熱辣，仲要好大塊，正到無朋友。

海之戀商場越來越多食肆，呢間算係其中一間偏平嘅😊😊但今次食物嘅質素真係天堂、地獄又折返人間🥴🥴～～～白武士櫻花拉麵🍜～～～$58白武士即係白湯豚骨底，湯底就一般，豚骨味唔夠濃！但個拉麵真係非常一般，差過家煮嘅即食拉麵，欠缺彈性亦做唔到掛湯效果😞😞叉燒就幾大塊，半隻留心蛋好好味🤗🤗～～～赤武士地獄拉麵🍜～～～$58赤武士即係白湯豚骨底加辣變紅湯，差上加差😣😣，辣湯冇辣味，只係多咗陣鹹味！😡😡～～～炸雞🍗、泡菜～～～跟餐加$20有炸雞🍗兩件，對個麵失望但係炸雞🍗又做到好出色喎😁😁，外皮香脆，肉嫩多汁！泡菜就加$10就可以啦，酸甜度適中份量就一般，係好味嘅😀😀～～～芝士蝦🦐餅～～～芝士蝦餅1件要$25 ，又唔係好大塊，其實都幾貴🙁🙁咬開內含大量嘅芝士，記得一定要趁熱食，因為熱食時芝士仲會做到流質嘅效果！咁相對蝦🦐味就弱咗啲🤨🤨湯同麵係一間拉麵舖嘅靈同肉身，但都做到咁嘅質數真係好失望！😓😓咁下次（如果有）可以試吓佢配菜跟飯可能會好啲🤭🤭

荃灣西站上蓋商場開了一間平靚正勁抵食的日式餐館，店舖裝修很日式像尖頂木屋仔，食品非常便宜，$58有一碗特色拉麵，若加$10轉套餐再有沙律/泡菜及凍檸檬茶，絕對是性價比極高的荃灣美食。我較喜歡東京風黑蒜油醬油湯拉麵，整碗是黑色的香濃蒜油湯，由雞骨、昆布等熬製而成，清甜不膩，叉燒大大片且厚肉，而且有大量係大量黑木耳及粟米，好好味呀😋九州風樱花蝦豚骨湯拉麵，豚骨白湯濃濁漬爽，櫻花蝦仔粒粒爽脆有咬口，為湯底加添了點點海洋鮮味，麵質彈牙可口，溫泉蛋還有些蛋汁漏出，正正正👍🏻

每次係donki買完野，都會係商場搵食，商場勝在多選擇，今日想食拉麵，呢度竟然都有。價錢唔貴，仲幾多選擇，所有麵或飯都可以加錢轉套餐，套餐有小食和飲品。白武士九州風櫻花蝦豚骨湯拉麵，九州原來係豚骨拉麵既發源地，湯底呈奶白色，帶有非常濃郁的豚味，湯底上放有櫻花蝦，令到湯底更香，麵條爽口，配有叉燒和糖沁蛋。另加$10有泡菜套餐，套餐包一碗泡菜和飲品。鰻魚飯鰻魚非常厚身，肉質彈牙，配上秘製鰻魚汁，食落香口惹味。另加$20有炸雞套餐，套餐包炸雞兩件和飲品。炸雞炸到外脆內軟，肉質軟熟，肉汁被鎖住。

哥平時食親d野基本上唔好太差就得， 中中挺挺都冇所謂。諗住去到間鋪冇乜人，方便快捷，但今次真係食到我成肚火！完全唔明點解間餐廳有兩個女人係度勁大聲講野，嘈到一個點！算，諗住拿拿聲食完個飯走人算了。點知個店員講譚仔話既？！落完單等食，想問個店員攞杯水，店員A話冇，唔緊要，點知店員B補左句 “靚仔想飲野叫杯$13 凍檸茶丫！” 但佢完全唔係好語氣個種，係想話我冇幫襯咁款攞完個拉麵番位食，拉麵係鹼水麵，個湯仲有個陣味係度！其他野都還好，最大問題係個隻溏心蛋！竟然係變壞左既！到底知唔知一隻溏心蛋對於一個拉麵有幾重要？竟然送我一隻臭蛋！差極都要有個譜吧！影左兩張相做證去開海之戀既自己衡量係咪要入去幫襯

身為荃灣人，荃灣海之戀商場已經逛過好多次，不過食肆都幾多間，要慢慢去試下。今日去完Donki Shopping, 就去侍元食個lunch先......呢度裝潢好有日本feel, 坐位濶落，坐得幾舒服蒲燒鰻魚飯先52蚊1碗加10蚊有個沙律同凍檸茶有幾塊滿滿醬汁嘅鰻魚鰻魚燒得好香，唔覺得腥幼骨已完全清理好，食得安心珍珠米飯，粒粒分明煙韌呢個價錢真係好抵食呀杯凍檸茶都幾有茶味，大大杯架朋友點左九州風櫻花豚骨湯拉麵$58配上兩片叉燒加半隻糖心蛋。仲有香口嘅櫻花蝦豬骨湯底夠濃郁麵條都夠曬煙靭湯都飲曬呀加20蚊有2件炸雞同凍檸茶炸雞好香口炸粉好惹味，雞又夠嫩滑推介 ~2個人食飽飽嘅日式料理餐先140蚊真係好抵食呀…

最近海之戀商場開了很多新食肆，其中呢間拉麵店內內外外都充滿著日本風。店鋪半自助形式，在門外店員為你先落單，然後給你一個呼叫器，響的時候就可以到取餐處取餐喇！簡簡單單的日式裝修走平民風， 餐單價錢也十分經濟. 更可應自己的食量而追加小食和飲品，非常之靈活彈性。糖心蛋鰻魚飯抵食之選， 58元就有原條鰻魚， 厚身 配上適量的鰻魚汁. 加一隻糖心蛋， 用上珍珠米，粒粒分明煙韌. 另加10元已經包埋泡菜加凍檸茶，非常之豐富 .黑武士醬油拉麵配沙律加凍檸拉麵都很吸引，最後還是給黑武士的名稱吸引了濃不油膩，突出了黑蒜油 的香氣撲鼻。豚肉肉質嫩又彈，唔肥又薄，仲好香。拉麵口感軟硬適中，吃得津津有吃下不知不覺清碗了。

荃灣食肆林立，是美食集中地。今晚在荃灣海之戀用饍，食店地方不算大，但枱和枱相隔闊落，坐得幾舒服，櫃面落完單，待響鬧器亮起取食物，省時快捷。蒲燒鳗魚飯有幾塊鳗魚舖在飯面，珍珠米沾滿特製醬汁，鳗魚幾軟滑，食落唔會太肥腻 。 黑武士拉麵 蒜味豉油湯底配以木耳絲和粟粒，味道適中不太鹹和濃味，熱辣辣麵質相當彈牙，有一塊薄切义燒，夠腍滑入味，糖心蛋夠香滑軟熟。兩份套餐配以炸雞及泡菜和凍檸茶，炸雞有兩大件，外皮鬆脆得嚟肉汁好豐富，嫩滑可口。泡菜亦很惹味爽脆，不會太辣。餐牌陳設颇精美，幾有心思，難得大衆化價錢也有一定質素，是大家嘅滋味食堂。

今日到海之戀商場外面的海濱長廊散散步，長廊也是欣賞日落黃昏極佳，但距離黃昏尚早，在長廊曬太陽、散步後，再步入商場尋覓美食，滿足口腹。商場食肆選擇很多，今次選擇「侍元」日式拉麵。安座後，楝好、再到收銀處購票。我們的午膳很快就可以享用了！和風牛肉鰻魚飯，札幌風濃厚味噌豚肉湯拉麵，炸雞兩件，鮮搾搾橙。小吃~~炸雞兩件，超級大塊的香脆炸雞，肉質滑溜、多汁，一人一件已經很滿足。和風牛肉鰻魚飯~~牛肉很軟滑，米飯沾了和風牛肉汁更顯美味，嫩滑的鰻魚與特定的醬汁味道很配合，幼骨已完全清理好，吃得安心，$68大大碗的雙拼飯，好吃之餘價格也相宜。札幌風濃厚味噌豚肉湯拉麵~~日式拉麵很重視湯底，濃郁純厚的湯與爽口彈牙拉麵一起嘗，感受相得益彰。軟腍的豚肉很入味，與爽脆的木耳絲，軟腍與爽脆配合得宜。鮮搾搾橙提供豐富維他命，也幫助我們消化得更好。

真係好不知所謂Uber Eat外賣叫左個海軍咖啡黑豚肉飯1) 黑豚肉得5細粒2) 咖啡汁少到可憐3) 飯爛到糊痴線，咩質素，求其買個即食飯盒都好過佢，絕對絕對唔會有下次，一打開個飯個下既感覺係難以置信，咁既質素憑咩開食肆，睇左食評話多料先叫，咁樣叫多料？！？！粒你黑豚肉粒又硬又柴咖啡汁本身已經無味仲要係完全見到唔到液態汁最辛苦係糊仔飯食到一口飯漿大佬你開住門做生意，賣既野食到人反胃，你過唔過意得去？？？？

經過10多次門面，見到價錢好吸引，但又驚伏，因為香港真係好少好好味拉麵店，但未試過又評論唔到，於是都試一下，入到去裝修一般，鋪頭細，但播緊英文歌，唔會覺得正中得去邊，今次試左個侍元濃湯味增拉麵加炸雞凍檸茶，多謝78! 先講拉麵，第1啖食落去好淡味，個湯底係開粉湯底，好明顯食得出，叉燒無火灸過，就好似茶餐廳叉燒湯意既叉燒質地，d麵咪就係759買1包果d拉麵既口感囉（無粗幼選），加左20蚊既炸雞無特別不過還可以，因為拳頭咁大個感覺抵食，你可能會話78你仲想點，但我會話寧願食斜對面馬祖都唔會再食呢間， sorry, 真係好失望

來這商場是因為行Donki，去被Don Don Donki不停重複的洗腦歌洗腦。這商場有好多嘢食。見這拉麵店，不用加一。就試試。舖頭環境：枱夠大，好濶落，就算安裝了防疫間板，都坐得好舒服。我食$58白武士櫻海老豚骨拉麵，＋$20 有炸雞和飲品。在門口落order,有部呼吸機，機响，去取餐。如果，無位，要在門口排隊。等了大約5分鐘，好快有得食。拉麵: 豬骨湯底，好濃。麵: 軟硬適中。叉燒和糖心蛋，好食。炸雞: 好香脆，真係出乎意料的好食。飲品：檸檬茶，係鮮檸，杯好靚，不是茶記紙杯，紙飲管，走塑，好好。不過我走飲管，更好。$58拉麵，真是便宜，加$20凍飲和炸雞，係正確選擇。