侍元 (已結業)

去過幾次海之戀商場，因為這邊有很寬敞的激安呢🙂不得不提方便致極的拉麵店，一出地鐵車站不久就看得見。蒲燒鰻魚飯珍珠軟米飯粒被足夠的鰻魚包裹著，蒲燒的鰻魚肉幼嫩有魚油甘香還不帶細骨，每口都是小滿足，價性比高。梅沙律🥗檸檬茶套餐檸檬茶冰凍怡人，具茶味，且不澀，並不會半杯冰。沙律精緻，蕃茄多汁，配芝麻醬，挺清新。赤武士別府風血池地獄豚骨拉面湯麵🍜軟硬適中，湯底濃厚，一匙喝下，滿口豚骨精華。叉燒比一般的較厚，入口半化，豚肉細軟。湯微辛，味道到位。加上配料足，面身有嚼口。松炸雞檸檬茶套餐即叫即炸，大紙杯盛起，感覺衞生。雞肉大件，炸得嫩滑，炸粉薄身，不會吃到整口油。食後感：便宜大碗不加一，是平過美食廣場的價錢，餐廳級數的享受唷！

見裝修幾靚，食物又唔貴就入左去試試。睇menu時都滿心期待，食物好普通，好似屋企自己煮，但無最基本既溫度，有點失望。墨魚餅好油膩，咬左兩啖已經唔係好想食，檸檬茶好淡味。

今日做完gym收工返屋企，未食飯就係海之戀出口出搵下野食啦！見到e間侍元拉麵新開張，又幾多客人咁，於是就試下啦！望下個餐牌就主打拉麵，有豬骨湯，黑蒜湯同埋辣味湯。我就選擇左個黑蒜湯，另外叫左個餐跟泡菜同埋凍檸檬茶，價錢都係68蚊，好抵食，等左一陣左右就響機有得攞啦！個麵賣相唔錯，配菜有木耳，粟米粒，一塊叉燒同埋半隻蛋。試下個湯先，醬油味道都幾重，而且都有黑蒜味道，但就唔係好夠熱，隻蛋就係全熟，無咩特別，麵條餐廳就選用左曲麵，煮嘅時間控制得幾好，好彈牙，而且份量都夠多，我一個大男人都夠飽。跟住到配菜，泡菜份量就少d,但係味道都可以，都幾開胃。到檸檬茶啦！唔知點解堂食都用外賣膠杯，唔係幾環保，但係餐廳又跟返個紙飲筒俾你，感覺就真係怪怪的。但係反而有個驚喜位，杯茶都幾好飲，好香茶味，最後就湯都飲埋啦！幾抵食，會再幫襯。

返到屋企樓下又唔想煮飯，見到新開左一間日式拉麵店，原來佢除咗拉麵仲有飯類可供選擇，店舖內座位有限大概只有10零個位，而所有拉麵同飯都可以加錢換購小食連一杯檸檬茶，我就加$20換咗炸雞加檸檬茶，因為即煮嘅關係所以等嘅時間比較長，我哋都等咗15分鐘，我叫咗碗九州風，豬骨湯底濃厚但偏鹹，麵條軟硬度剛剛好，最正反而係個炸雞，大大塊不特止仲好鬼外脆內軟有肉汁，意料之外估唔到咁好食