佳記餐廳

營業中

休息中

我是華星粉絲，但偶爾也想試試新的早餐。今天來到旺角佳記，客人相當多，外面看只是一般餐廳的期望。我選了蕃茄湯牛肉通，脆豬及炒蛋。這餐有驚喜，蕃茄湯不是羅宋湯而是鮮茄湯，味道不過酸剛好。牛肉亦不是沙嗲牛肉，而是鮮牛肉，牛肉鮮味較豐富。最有驚喜是炒滑蛋，非常滑，有7成華星水準，比很多茶記好。脆豬亦要一讚，有翠華水準，香脆可口，牛油滲入包內，夠熱。這間是華星外不錯的選擇﹗

中午落八號風球(改掛3號風球)，睇戲前，附近茶餐廳，食下午茶，(打風……無下午茶餐)，叫左常餐(瑞士汁雞翼撈公仔麵)雞翼煮得足夠時間，瑞士汁特出(而且有3隻雞翼，夠餸撈:公仔麵不會煮過時(唔糊口):瑞士汁多(夠撈全份公仔麵)餐包，脆口(但少牛油)，蛋(淡口，需另加鹽，胡椒粉)火腿ok:熱奶茶(有驚喜)好香滑，有濃茶味，奶好滑(無加糖飲，都好好飲):::另外魚柳包(無餐飲)包好香脆，魚炸得好脆(炸粉薄)魚肉嫩(魚::::::唔乾身P.S.下次再飲多杯奶:

在朗豪坊行完街想食平野又唔想食大X樂, 大X活, 就搵下間茶記食下進來時剛好6點, 店員重可以俾我選下午茶餐, 點了一個焗鮮茄豬排飯 加一杯 熱奶茶焗鮮茄豬排飯, 上枱時有香濃芝士味, 醬汁也夠多, 豬扒厚度挺大的, 肉質鬆化不會太硬, 太"un", 沒有過多脂肪, 豬扒大小剛鋪路整碟飯, 飯是蛋炒飯底, 蛋香味濃, 蕃茄一般不是最新鮮, 大小也不是很大, 也不是原隻大蕃茄, 有點點乾的, 但有一點甜酸的醬汁加上 香濃芝士可以補足, 份量也是足夠的, 整體不比連鎖的差, 是快餐以外之選熱奶茶, 用上黑白淡奶, 香濃紅茶味, 不加糖也可以, 質素保證的黑白淡奶令奶茶更香滑, 也是其中一個黑白淡奶奶茶的好地方

2/7/2016晚上約十時，係旺角工作平時都成日會去堂食，咁岩今日比較忙行唔開想叫個外賣，外賣紙上註明夠$60先會送外賣，於是打去叫外賣我: 唔該要份乾炒牛河加凍飲(都已經差唔多$70)佳記阿姐: 送去邊？我: 地址係潮流特區附近 (由佳記行過去唔駛5分鐘)佳記阿姐: 好遠，我地唔送，一係你叫夠$100我咪送俾你囉 (好寸既語氣)我: 你地外賣紙又寫住夠$60就送既？佳記阿姐: 唔通你叫我送去尖沙咀我又送吖 (keep住寸嘴語氣)我: 收線即係咁，咁唔想送直情寫明唔送外賣吖嘛！咩叫近咩叫好遠呀！5分鐘內到你同我講好遠唔送，仲要叫幾多錢外賣好似海鮮價咁任由你up先送，你無野下嘛，叫個外賣仲要受埋你氣，堂食既樓面侍應態度係無問題，唯獨是聽電話果位收銀態度簡直衰到無人有食物方面: 蕃茄牛肉通配炒旦朱仔包仲有楊州炒飯味道唔差既，不過有次叫左份肉醬意粉中左伏，跟本唔係肉醬，係成碟蕃茄水連白烚意粉黎！

今晚晚餐想叫佳記外賣，叫了兩個餐大約$150。地址在大約300米外，Google地圖顯示步行約6-7分鐘，點完餐後聽電話阿姐問外賣部送唔送，得到的回應係 "太遠唔送！"。唔做生意係可以的，但外賣速遞覆蓋範圍實在細得匪夷所思。(亦可能金額太細)算，以後唔去，包括堂食。

第一次黎呢間佳記，見到佢下午茶有個菠蘿油餐就試下，點知個包黎到係唔熱既，塊牛油就凍冰冰咁夾係中間，過左一陣見塊牛油完全無融既跡象，我就問阿姐可唔可以叮一叮，佢攞左入廚房，個包番黎之後我就再見唔到塊牛油，$24買個菠蘿包餐真係抵！

個人來說其實我一年都不會去旺角一次，除非有非到旺角不可的原因。今晚來旺角宵夜的原因是在中環看戲後，朋友提議到旺角宵夜。對茶餐廳不抗拒的我，其實間中都會吃茶餐廳。但這個鮑絲火腿通真的難食到不行，湯底咸得厲害，咸得我最後吃不下。沒想到這麼簡單的一個粉，可以俾佢地整到咁難食呀。還要是翠華價，旺角的餐廳真的嚇人。

星期六下午茶兩點半開始，首先啲人既態度唔太好，我地兩點二十五分左右入去，諗住叫佢地比個下午茶menu睇下，佢話：未夠鍾，然後走左之後有八位黎食，要我地讓枱，好的，讓完後，又有人黎，又要兩個坐埋一邊。其實個位好迫，好彩係男朋友姐，如果係異性朋友都幾尷尬。叫左個海南雞飯同常餐(叉燒意+炒蛋+牛油豬) 兩樣都普通，但令人失望既係牛油豬真係得牛油冇練奶叉燒就都有五六件，瘦瘦地，都淋。

去LANGHAM PLACE SHOPPING過后, 突然好想食米線~ 近近地, 起砵蘭街隨意搵間食米線~食完米線出黎, 聞到好香~ 哇, 原來有菠蘿包岩岩出爐~ 明明岩岩食完晚餐, 過左都無5分鍾又想食野喇~ 脆皮菠蘿包 $5 / 脆皮菠蘿油 $8 講到明, 岩岩先食完碗米線~ 哈哈~ 菠蘿油吃不下喇, 口痕食個菠蘿包算啦~真係開心, 夜晚8點幾仲有新鮮出爐菠蘿包食~ ^^新鮮出爐, 梗係好熱好熱, 等左一陣無咁熱先食~ 咬一口, 外層的確好脆, 真係無改錯名 "脆皮菠蘿包" XDSO FAR 幾好食既~ 係有D奇怪, 菠蘿包外層似合桃酥既味道~用紙袋裝麵包比膠袋環保, 我地日常生活要要多多支持環保丫, 少D用膠袋, 因為好難分解喔~ ^^

呢日收工同媽咪老公路過，入左黎呢間茶餐廳。 環境方面：以茶記黎講是整潔，環境坐得舒服的。但好多位置冷氣機滴水。我地點了個燒味，好咸，勁咸另外叫左碟超級唔合理的油菜。起初碟菜上台時，我地都以為係拼盤送的。之後我問個staff confirm.佢話呢碟係$45蚊嗰碟菜，佢仲話default係咁少菜的。我去雲呑麪店的$15蚊油菜都大碟過佢喇！！！我地決定以後唔會再黎呢間佳記餐廳度食野

是夜跟食友有點事聊天，半夜三更係旺角，呢度仲係有七八成滿，都算多人，卡位對於肥人黎講，都算可以啦！朋友好笑，叫野食左右配搭竟然變左個餐，但就貴好多，又唔準改，攪笑！自已又要海南雞飯，又係出事野，明明係雞餐，總係好難搵到雞什湯，求其比碗例湯就算；雞件用微波爐叮過，乾巴巴的，半夜都食，睇怕都係自已攞黎，醬汁就更加無黑醬油，個飯完全無雞油味，咁我同食切雞飯有分別咩？

桌子夠大，又淨潔，餐牌又多，令人感覺有好多選擇又係我喜歡的凍O水，檸檬不會太厚，又不會太甜叫左個咖哩牛利烤餅加個白反，烤餅兩塊好底食，不過切兩大塊烤餅真需要力，切到我死死下之後又切埋牛利我先肯食，如果唔係全部都係大大塊，叫我點食姐個反同烤餅好好味無問題，but.............................我好想知道佢地Ｄ牛利到底幾成熟淋淋地係幾好味的，但會唔會離泡左D呢，明顯得三成熟4塊牛利都係錦，我諗下次要同埋佢講幾成熟先得不過D咖哩真係好正，茨仔都好得，D咖哩very good 不過牛利就太過..............................

21-1-2013(一)是日與友人在「澳門翠苑餐廳」吃過晚飯後，欲前往乘車回家之際，行經「佳記餐廳」，看見門外的麵包櫃。好奇然問收銀員還有沒有菠籮油售賣。近九時，還有菠籮油售賣，真好，於是便買了一個作宵夜。當我把紙袋打開，看到賣相，僅屬一般，因包面上的酥皮已鬆散了不少，並跌入紙袋的底部，頓時感到有點失望！但當我吃下一口後，卻又驚喜萬分，因為包身夠香、夠鬆軟、夠熱：牛油香滑且冰凍......包身香味夠香，應是雞蛋充足和加入適量豬油的效果，也要包粉筋性夠，才能鬆軟。咬下去蛋漿四溢，甜味適中。很喜歡這個菠籮油！

工作都夜了, 我同一班同事去起旺角食宵夜. 經過呢度見到都幾多人食, 所以就黎試下.我叫左一個餐: 魚蛋湯配肉醬撈米線. 個魚蛋湯清清地幾好味, 而撈米線係滑滑地幾濃味. 整體感覺好match!朋友1號叫左豬排公仔麵配豬仔包同火腿蛋. 豬排公仔麵係普通左d, 但係豬仔包夠熱仲脆地, 都唔錯.朋友2號食焗豬排飯加蛋. 我地見到個炒飯底係一粒粒, 都覺得呢間餐廳幾有水準. 朋友食落都話真係唔錯.叫瑞士汁雞亦撈公仔麵既時候, 我估計佢會係最好味既. 但係朋友3號就話佢過份重口味, 反而覺得愈食愈口乾.整體都係好食既, 不過我個人會提議佢可以出多d可搭配既餐, 可以賣貴dd之餘, 又可以俾我地食多幾樣野. 開心!

佳記是我經常開飯的茶餐廳因為在旺角$40以下及味道ok是買少見少佳記便是其一佳記出名是燒味,大大碟;所以好多男人食....砵蘭街出入客人都比較平民, 有d都好粗魯, 真是唔好望坐得舒服,更唔好望乾淨.待應仲幾惡, 落錯單送錯食物, 中話你錯佳記在砵蘭街有2間舖, 177-181舖是新舖, 約開了一年. 這間是沒有燒味的.但我喜愛新店多d, 因為新店比較新, 坐得舒服及乾淨. 待應都比舊舖正常另外旁邊有麵包部, 供應出爐麵包**至抵午餐我最愛的午餐有加厘牛腩飯午餐 $41牛腩夠淋, 薯仔大大舊, 加厘唔太辣, 唔錯 . 有例湯送. 但不是經常有...so far 食過一次今日同同事E,I,M去食, 今天都沒有加厘牛腩飯午餐....所以叫另外魚蛋魚片頭餐河都是我至愛 $32湯底有魚湯味, 比舊舖濃味. 河粉爽, 但份量時多時少魚蛋&魚片頭 -> 好似正宗潮州麵店食果d, 但魚片頭 略細片常餐-番茄牛肉通+滑蛋配豬仔包 $40番茄牛肉通好濃的番茄味. 而且是有好好多番茄粒. 牛肉柔嫩鮮香，跟濃濃的番茄汁特別匹配多滑蛋配豬仔包豬仔包暖的, 焗到表面少燶, 表面塗上薄薄的牛油, 香脆可