佳記餐廳

營業中

休息中

食餐飯都要聽員工你爭我嘈，大大聲鬧人，好恐怖，以後都會叫我的朋友都唔去幫襯。送餐竟然係扔過來，嚇死我了。個個都黑口黑面，係到食飯，本來不是食服務，但都唔好影響我食慾

下雨天來吃東西,有兩位客人入座,可能係呢間熟客,侍應見佢地無攞遮直接叫收銀熄冷氣。過了5分鐘,忍不住問佢地侍應:既然你熄冷氣,咁有無風扇可提供?(每人體質不同,室內沒冷氣會焗加上吃東西會發熱,想怎樣啊！)回應:等陣!(沒有任何感情)再等十分鐘也沒人理會,再次問另一人,看我一眼不出聲便繼續入單,完全不回應!再過分零鐘左右便示意收銀重開冷氣......再有客入又話冷氣大,侍應成機話:一個話熱一個話凍,好難就呀！(其實好多時去唔同地方食野,一定會有不同“感覺”,但從來只有聽到侍應提議:轉另一個“唔當風”位啦！只是來到這裡,未有聽到侍應給客提議,反而是投訴客人“難服侍”😪)

今晚約在朋友在旺角碰面，並且找咗間茶餐廳食飯。發現其實旺角砵蘭街一帶，已不知不覺開滿食店，種類也很多。我個人比較喜歡茶餐廳，貪佢夠快夠平。所以今次講下依間茶餐廳佳記。店鋪似裝飾完，燈光比較光猛，比人感覺幾舒服同衞生，坐位也很多。晚飯時間都坐滿8成客人。今晚點咗個美極蒜白汁雜扒飯，等咗約15分鐘，晚飯便送到。個飯只係暖的，不是熱的。個汁顏色雖然較深，但味道不濃。雜扒味道一般。連凍飲50多元。還可以接受，但食物質數，真心講句只係好一般。

下午茶黎食隻炸脾+蛋撻+奶油豬（唔記得相機食先），味道有保證、全部都好味，不過$40一個炸脾餐我覺得貴左少少，不過可能旺角租貴啦🤷🏻‍♀️ 最大問題係服務態度，其實佢地唔係「態度差」，而係無咩服務，又未至於要受面色既🤷🏻‍♀️

一次很棒餐食體驗！💨一、環境 環境很好，很乾淨。衹是坐的地方有點小。💨二、服務 恰逢午市，人很多。但waiter還是hin貼心的！💨三、口味1.麻辣蝦球烏冬 我不吃辣，選擇了走辣。本味很鮮，很棒！問waiter要了點醋，味道更棒了呢！2.野菌花菇雞球飯 味道很棒！！！

今朝入去食早餐，坐低叫菠蘿油加蛋撻，問佢要熱水，個呀姐問我飲咩，我話要熱水，佢即刻態度惡劣話唔叫餐，唔好係度食，叫我走！我問佢餐牌上面無寫一定要叫餐先可以入黎食，扮聽唔到！起身走人呀！態度好差！趕客！

晚同兩個朋友大約晚上十點半左右前來食晚餐，點知d侍應可以連廣東話都未講得正，服務態度又勁差，叫左差唔多五分鍾先知道我地想要乜，未算，我兩個朋友叫左兩份扒餐，一份要五成，一份要七成，點知到左上菜既時候，問d侍應邊份係五成邊份係七成，佢竟然話唔知，要估，你地話離唔離譜呀，所以建議大家千祈唔好去旺角間佳記餐廳食野

前兩日去咗食早餐，明明講咗話通粉轉出前一丁，你都之後變咗碗通粉，跟住個侍應講，佢話我同你落單我點會聽錯，佢話已經落左單冇得換，一口咬定話係我唔記得講，態度惡劣。未試過有一間茶餐廳做錯野仲可以鬧返個客，何況嗰個仲要係藍色衫嘅經理，嘢食又唔係話特別好食，價錢又唔係特別平，天花板不停滴冷氣機，支叉又有上手食過嘅飯黐住，水以後唔會再黎！

食物都已經一般，價錢又不是便宜，連服務也完全不好北菇雞煲已經好喊，奶醬豬又硬唔好食，到最後埋單，個收銀員又肥又西面，要找錢時又唔找要食客等埋她接外賣先找錢，叫她先找她態度很差的說：我夠知啦！真是以後唔會再來！

放假冇乜好嘢做最好就係約朋友周圍行吓傾吓計啱啱我哋一行三人好耐都冇見我約咗去旺角行街買下野三個男人食咩都其實冇乜要求所以就搵間茶餐廳食下海南雞飯香港都有好多地方有得食去咗旺角一個冇乜美食嘅地方我隨便去到一間餐廳想叫隻雞食下呢個海南雞飯肉質鮮嫩而且佢都比得幾多肉件唔會件件都係骨加上呢度個姜戎幾香而且個飯軟綿綿好有油香聽日旺角因為地方好雜亂要搵個好嘅地方食餐安樂茶飯都唔容易呢個海南雞飯係屬於水平以上買單大約＄60

有三款常餐，$46~49，凍飲+$3所有食物零溫度，滑蛋一啲都唔滑，全熟狀態，零蛋味。胞豬一啲牛油味都食唔到，質地硬實實。就算湯粉都一樣零溫度，茄湯有蕃茄粒但茄味不濃，通粉淋pat pat，牛用鬆肉粉「那」到完全無味，不似牛形。平時我整少食剩嘢，但個硬石包同糊仔通粉真係哽唔落，食剩咗六成。

約左女友係朗豪坊睇戲，時間無多想快快醫肚，KFC又排哂隊，於是快快入左佳記幫襯。點左份鐵板野菌排骨炒都同野菌火腿雞肉意粉。先試試意粉，偏淡，想話睇睇有無芝士粉加啦，無，意料之內啦，於是加左多少少胡椒粉，先叫有d味，點知再試試炒麵，味道都係偏淡，唔單只自己覺得淡，都女友都覺得淡，唉.... 失望！總括哩講..... 問我會唔會再幫襯？相信唔會，相信其他茶記更岩自己口味，而哩間餐廳服務都算唔錯，門口方便泊車係佢嘅優點。

原本諗住再黎幫襯，點知今次真係令我好失望我哋叫咗一客炒飯同一客"煙肉焗西蘭花"，首先黎個炒飯都ok,但食晒個炒飯個焗西蘭花都未到，摧咗兩次單先到，賣相已經不太吸引，用叉分開啲西蘭花，表面嘅咸蛋黃就發出一陣陣嘅壞味，仲要一粒煙肉碎都冇，所以咪搵伙記黎話佢哋聽囉，點知佢哋嘅態度勁差有個女伙記仲話:冇得試咗味就話唔要架喎，咁就唔好嗌啦！咩態度呀？仲強調佢哋啲咸蛋黃冇壞又話啲煙肉打溶咗(呃人😬根本都冇肉喺裡面)佢哋話碟野郁過都要比錢喎，咩理論…😲?😒最後未食過不特止仲要比錢囉😡，超級唔憤氣，唔駛旨意我哋會再幫襯，一定冇下次

某天早上在旺角區,  送完男朋友上車,見上班前仲有時間, 就行左去朗豪坊附近搵下有咩平平地既早餐岩食, 食埋先返工。附近都有幾間茶餐廳, 不過有些不太岩食再行行下, 見到佳記餐廳有我最愛既雪菜米同炒蛋,於是就入黎試一下。當時9點左右, 茶餐廳內依然人多,落order不久就有得食, 效率相當快, 岩晒上班族!凍奶茶：不會太苦茶味，也不會有奇怪味道（之前有其他餐廳既奶茶有清潔水既味），還不錯的。炒蛋：炒蛋份量好足，而且夠晒香滑，夾埋個牛油面包食真係唔錯架！一早吃到這樣的炒蛋，心情都好好多雪菜肉絲米粉：雪菜肉絲睇落好似唔多咁,但撈開佢其實都唔少~肉絲沒有肥肉，雪菜也很夠味。至於米粉，正是小女喜歡吃的，少少透明既幼細米粉！因為夠滑！加上個湯底好夠濃味，食落唔怕無味口寡寡！加上米粉的份量都不少所以吃完十分夠飽！而且夠快上菜，不用急著怕返工遲到～吃到很滿足的早餐，返工心情也好一點，哈哈這間的午飯和小菜未吃過，不知道素質如何，下次有機會會試下！

夜晚時段都算多人，呢個飯起通宵餐牌入面既。價錢係通宵來講唔算太貴啦，揀咗蒜蓉汁。個飯有豬扒同埋雞扒同煎蛋，雞扒同豬扒肉都係大大塊。份量都算唔錯，個太陽蛋煎得幾好味。雞扒同豬扒肉質都幾好，唔會過熟，調味適中。d扒嘅味道都唔錯。半夜黎講過得去啦。飲品