佳記甜品

營業中

休息中

老公有日入元朗特登買b仔岀名既蒜辣雞翼尖，仲買左蘿蔔豬皮同腸粉蒜辣雞翼尖係佳記最岀名既小食好香蒜蓉同辣椒mix埋既味每隻都勁入味，超正希望佳記可以係九龍區開分店，哈哈😆

入得嚟元朗，好多朋友都會即時諗起 - B仔涼粉。大家都講到好好食咁。我出入元朗好多次，都仲未朝聖過，點講得過去，今日約咗大食朋友一齊挑戰佢。.🍚B仔涼粉佢個涼粉真係好大，如果3 - 4人一齊分會比較好。個涼粉上面真係有好多生果，有西瓜、涼粉、哈蜜瓜、椰果、大樹菠蘿、桃、荔枝、荔枝、海底椰、蜜瓜、香蕉、蘆薈等等，而涼粉都夠凍，配上淡花奶食真係第一次。每一款生果都好新鮮，份量不會時多時少，雖然內裡生果是平價貨，仲有罐頭貨，但每款生果都從來不酸，認真底讚。.總括然而，一分錢一分貨，可以喇。

對上一次食B仔涼粉都成四、五年前最近見天氣熱，所以想去食返個B仔涼粉解下暑😋其他小食就第一次試～💟B仔涼粉$89雖然唔係第一次食，但主角上枱時都好心心眼😍好colorful 🌈而且有好多種生果，一次過食到蜜瓜🍈、哈蜜瓜、西瓜🍉、木瓜、龍眼、菠蘿🍍、水蜜桃、香蕉🍌全部切好哂，啖啖肉，食落真係好嘆😆仲有d椰果、蘆薈同海底椰🥥海底椰好味👍清清地，夾埋落去食好正〰️而底下就係涼粉，另外有碗花奶可以配埋食😛份量都幾多下，一開始姐姐見我地兩個人叫咁多野食，都怕我地食唔哂🤭我覺得淨係呢盤野3個人食都得💟蒜蓉香辣雞翼尖$22呢到其中一樣好出名既野，本身就麻麻地雞翼尖😂但食落真係好好味，個汁好惹味，呢到既雞翼尖比起平時既大隻，所以食落多d野咬😋比較有口感，可以慢慢啜🤤好come 食💟牛肉燒賣$10 5粒 💟魚蛋$10 8粒呢兩樣都係正常味道，魚蛋就比較細粒💟鹵水雞翼$22 4隻都整得幾入味，鹵水味道唔錯，但一樣價錢同雞翼尖比較既話，呢樣就失色d，會寧願叫多個雞翼尖慢慢啜🤣💟🥥🥛椰汁鮮奶$28呢樣外賣拎走飲無影到相，但味道好真材實料，好實在既椰汁加鮮奶味道，唔係淡味溝水個d，感覺好新鮮❣一路食凍既生果

今日食完晚飯覺得唔夠飽🙈就去咗食個B仔涼粉🐒🐒住元朗應該冇人唔識呢一間野🤭🤭每次去都好多人，今日我哋去都已經要上2樓先至有位食嘢😀外賣都有好多人排隊💛佢哋最出名就是佢哋嘅雞翼尖同埋B仔涼粉🫶🏻不過今日我哋就叫咗其他嘢食😋😋⭐️西瓜西米露⭐️❣︎❣︎D西瓜每粒都好大粒，而且成碗西米露都唔會太甜❣︎❣︎⭐️蘆薈馬蹄露⭐️♥︎♥︎蘆薈好爽口👍🏻蘆薈加埋馬蹄露有一種古早的味道🫶🏻蘆薈仲好有益添💕加埋一齊超解暑好啱夏天食🌞🌞⭐️腸粉燒賣魚蛋⭐️依個腸粉是必食的因為我每次都覺得佢好滑，魚旦是正常味道，燒賣都很好吃的唔會好粉💛💛💛

B仔早排因為疫情好一段時間冇開喇, 見佢呢期開返又咁多人幫襯就吸引左我去食喇！呢期唔知點解成日都想食芝麻糊, 所以呢個係我必選項目之一😁1/ 凍芝麻糊 $21芝麻味濃, 非常杰身, 但夠香唔夠滑，芝麻打得唔夠幼細😕😕so far還可以既2/ 楊枝甘露 $37我拎左返屋企後一直放係雪櫃內, 拎出黎食時先發現原來都幾大碗@@, 內裏都幾真材實料好多配料, 芒果都有幾多件下, 料既數量對得住個價錢, 但有個問題係佢的芒果好奇怪，一的好酸但一的好甜,但酸真係好難頂，食到我完全想放低唔食😅

本來開開心心在元朗體育館打咗疫苗，經過呢間舖頭想話買個甜品飯後食，本來係買咗芋頭西米露同椰纖果杏仁豆腐，記得收咗我$51 ，返到屋企冇諗咁多就直接擺落雪櫃，結果食完飯九點幾打開個外賣，發現兩碗都係西米露。本來想食杏仁豆腐覺得好失望，於是乎就打佢哋舖頭電話希望有人送外賣可以交換，不過一直打佢哋電話都冇人聽。於是乎就決定第二日去佢哋舖頭講返睇吓佢哋點樣處理，結果去到發現琴日外賣開單嘅人同今日唔同，佢阿姑話唔係佢，我就話琴日係另外一個人，我買外賣係要一碗西米露一碗杏仁豆腐，結果俾咗兩碗西米露俾我，我仲比相佢睇。個阿姑就話咁補返俾你囉，以為咁順攤補俾我，結果等緊嘅時候一直喺度責罵我，鬧我點解琴晚唔攞返黎玩，仲話而家邊個錯都唔知，講到我似個騙子咁，去呃佢一碗杏仁豆腐。😤😤😤😤好激氣於是同佢講，我返到屋企打開咗個碗西米露你仲想攞返黎買俾第二個咩？同埋點解係你哋嘅錯要我夜晚10:00拎過去換？🙄🙄仲話如果嗰個係咁樣嘅話唔知點做生意，咁你自己做嘢出錯嘅話仲怪得邊個，如果你哋班友成日出錯，唔好話做生意，等執啦！不過我冇講出嚟，個啊姑鬧人然之後就一直怪我唔琴晚拎返去換！！超想爆粗！如果大家唔係佢嘅死忠fa

真係好少入元朗，今次嗌外賣拎走，楊枝甘露同雞翼尖。楊枝甘露真係好足料，同埋裡面d柚子係一d甘苦味都冇，粒粒飽滿大大粒，芒果肉都好足，啱我口味雞翼尖越食就越上癮辣辣地好惹味！下次都會專登入去食。

🚢B仔涼粉 $86佢哋有一系列以店鋪“B仔”命名嘅款式每次只要一家人去都會嗌呢個分因為如果得2個人真係無可能食得哂🤣結構其實都好簡單 就係好多涼粉上面鋪滿生果有木瓜 密瓜 西瓜 香蕉 蜜桃 奇異果 哈密瓜 大樹菠蘿 同埋荔枝包菠蘿  上面仲有啲椰果粒粒底下就係兩份浸著黑糖糖水底因為都疊得幾高所以食嘅時候都有啲技巧通常我哋都會不起啲生果去另一個碗先 以防佢跌咗落張枱度浪費！見好多人話覺得唔貴因為自己平時喺屋企唔會切生果 當佢果盤就一流但因為我哋平時喺屋企都會切生果 所以就覺得都有少少貴不過嚟嗌佢就當有啲儀式感 始終水果新鮮 大大碗都幾開心🧡🥭芒果西米露 $36基本上嚟到叫你鍾意嘅食材都唔會中伏西米露大大碗脆卜卜芒果新鮮鮮甜唔會有渣渣份量亦好多 唔似某啲俾幾舊hea你重點嘅椰汁底雖然質地偏稀但帶濃濃椰香味 甜度亦適中食完都唔會覺得太膩

之前成日聽人地講元朗的B仔雞翼尖最好吃今日入元朗 當然要來試一試仲以為B仔就是舖名 原來佳記甜品先係⋯好彩有朋友帶路 如果唔係 真係唔識搵😂第一次來 環境可能唔係好理想樓下已經坐滿人 原來樓上都有位👉🏻雞翼尖$20真係好嫩 入口即化的感覺 好香 少少辣 連平時唔鍾意吃雞翼尖的我都覺得好味👍👉🏻燒賣#10就是好普通的燒賣+豉油👉🏻芒果西米露$32芒果有少少酸 西米煮得岩岩好 唔會太甜👉🏻西瓜西米露$29試左朋友的西瓜 反而仲甜過我叫的芒果😂

講起元朗名物就一定會提起B仔涼粉或者佳記甜品，不過個人認為B仔涼粉其實係一間畀糖水耽誤咗嘅雞翼尖鋪~去過幾次，最令我回味嘅唔係佢個涼粉，而係佢嘅蒜蓉香辣雞翼尖！ 🧡蒜蓉香辣雞翼尖（$20）每次必點！雞翼尖煮得好入味，好淋好滑，好重蒜香同泡椒味，辣得好過癮，食落超惹味！而且價錢唔貴，值得encore！ 🧡爽滑腸粉+美味魚蛋（$10+$10）腸粉嫩滑爽口，加埋啲醬好好味！魚蛋就正正常常！ 🧡椰汁西米露（$20）之前有試過佢嘅招牌涼粉，唔係特別好食，今次就嗌咗最normal嘅椰汁西米露，都係麻麻地，西米糊糊地，煮得過爛咗~大家都係對佢嘅糖水唔好期望過高~

呢度雞翼尖出哂名，鹹、蒜香、辣，幾多人都炒佢。久不久就要來吃吃，好好味，雞翼尖的雞肉滑滑的，如果買回家送啤酒一流！ 甜品都出名，本身就是甜品店。最愛芒果口味，呢度嘅芒果特別香。

連打8號風 額外賺多日時間😉呢間好耐同好多人知就唔再評分睇番手機啲相 發現上星期既外賣唔記得post🗣呢排忽然醒起好耐無食B仔涼粉 雖然一直覺得似食生果盤多過涼粉 但有時多人就會想order大大盤分享過下癮同埋佳記出名既唔係涼粉 而係雞翼尖🤣 懷念雞翼尖 就一次過買哂 🥡🥰

入得元朗食糖水，十個有九個都話想試吓遠近馳名嘅B仔糖水。咁佢話曬都咁出名，又上曬電視，咁就試吓啦！！叫咗佢個B仔船，其實即係香蕉船，佢有一球雪糕，我揀咗曲奇味，係正常雪糕味。佢條蕉都幾熟，係okay嘅。到佢碗上面嘅其他生果，有椰果、蘆薈、西瓜、蜜瓜、桃等等。不過其實有唔少都係罐頭嘅嘢，唔好expect到有咩好味道，都係一般嘅正常嘢，想食生果就唔洗特登去了。冇錯嘅，佢個份量確實幾大，不過價錢都唔平。質素一般。

話說同班朋友踩單車，目的地係屯門，由上水踩到元朗之時，當然要搵地方抖一抖回吓氣大家都第一時間諗到B 仔涼粉，正當頭痕緊部單車泊係門口會唔會比人偷走，店內啲姐姐大派定心丸，叫我哋放心泊係門口，無人敢偷的…大家二話不說就坐低點嘢食▶️蜜瓜涼粉 - 份量足夠，蜜瓜甜味十足，涼粉亦夠凍，消暑解渴之選▶️紅毛丹涼粉 - 味道酸酸甜甜，口味清新，配涼粉非常之夾▶️菠蘿冰 - 正正常常，純粹解渴之選總結：甜品選擇眾多，質素味道還可以啦，值得一讚係啲姐姐好殷勤！

元朗好出名嘅甜品店➖佳記甜品 B仔涼粉🥭❄️🍧B仔涼粉真係好多年前就聽過 但咁多年嚟都無食過😂之前有嚟元朗都無試 今次心血來潮 終於去試下 大約夜晚9點鐘去到 啲位都坐滿曬 好受歡迎 等外賣嘅人都有好多🤫〰️腸粉$10 咖哩魚蛋$10呢到夾埋都係$20 成日食開甜嘢就會想食下鹹嘢 對於b仔有賣鹹嘅熟食好開心😂😂仲要價錢唔貴味道又好食😚〰️芒果西米撈 $36呢個同普通嘅芒果西米露唔同 多左個芒果沙冰底 夏天食認真一流！❄️一開始未倒西米落去 就係食緊沙冰 要食左一半先有空間撈埋啲西米 可以用飲管吸 好方便 係可以吸埋啲西米㗎🥰仲有幾舊又甜又大舊嘅芒果👍🏻〰️芒果糯米卷 $41有6件 糯米皮好薄 芒果又係勁大舊同新鮮！！！外皮仲有椰絲👅食落好香好滿足〰️紅豆糕 西米糕 $8一件最後外賣左幾件糕點 估唔到連傳統糕點都有賣 屋企人話幾好食 不過食唔到馬豆糕 賣曬☹️👉🏻其實有少少想食佢最出名嘅B仔涼粉 但比同行嘅人阻止左☹️話一定會食唔曬 見到實物之後覺得又幾有道理😛不過下次都想試下 話曬係招牌嘛！💰 $121 (2人)食物質數 ⭐️⭐️⭐️⭐️環境舒適 ⭐️⭐️⭐️抵食指數 ⭐️⭐️⭐️⭐️⭐️推介指數 ⭐️⭐️⭐️⭐️#hkcp_元朗