佳記甜品

營業中

休息中

🐻香港🇭🇰｜ 佳記🐻大多身邊人叫佢B仔，可能是因為佢最有名既係B仔涼粉，係集合左好多生果再用涼粉打底，但最好食既我認為唔係呢款🐻佢既腸粉魚蛋雞翼尖係真係好食，因為次次都食雞翼尖，今次試左雞腳也不錯🐻仲有傳統糖水都係好出色既，芋頭西米露，楊枝甘露，當你食過一次就會心心念念想食🐻有機會一定要去試一下😋

開車來吃B仔宵夜😋，後面就有個錶位停車場，非常方便，晚上8點後還有免費泊車，四個人來吃，點了B仔西米露，蒜香雞翼尖同咖哩豬皮。D生果多到呢！我地四個人都食到勁飽😂🤣，雞翼尖好好味，離開時仲打包多包回家吃🙈，但豬皮太辣了，同埋整得好淋下，個人口味覺得唔係咁好食囉！

🐤蒜茸香辣雞翼尖呢個真係B仔最特色嘅食物！冇諗過雞翼尖可以令我食到停唔到口，好重蒜香味，辣辣地好過癮。雞翼尖煮到好軟爛，基本上一入口掂到牙就脫到骨🤣啲汁拎嚟撈麵食一定超正💯雜果紫米露 (呢幅圖係叫咗多西瓜，其他正常）水果超足料同埋全部都好甜好新鮮，尤其係芒果！😭😭💗西瓜同哈蜜瓜都係用工具整成圓形，食起上嚟係方便咗，一口一粒😚BTW!!我原本諗住叫少啲哈蜜瓜多啲西瓜（大家都可以咁嗌係唔使加錢嘅），點知佢加咗好多西瓜俾我，碗野滿到爆棚🙌雜果西米露椰汁味超濃郁😍😍

我係元朗長大，元朗讀書嘅時候，呢間糖水店對我黎講好有情懷。以前同朋友食完飯就話去呢間糖水店食糖水，好開心咁樣。今次朋友返嚟，佢有個心願就係要食返呢間糖水店嘅糖水。我自己都好耐冇食啦，不過驚喜嘅係味道依然好好。啲小食唔會煮得太老，咖喱魚蛋同蘿蔔嘅咖喱味道好夠，仲有啲咖喱香味。糖水又夠凍夠味，唔會太甜。仲有就係啲回憶啦，以前同朋友去食糖水嘅時候嘅情況同感覺，好懷念。

突登入元朗都係為左佢，細細個讀中學個陣就成日入去食佢，因為又平，個時冇咩錢冇得食貴野，b仔雞翼尖又平又好食，再加上好鍾意食辣，就成日入去食。到依加出黎做野有錢了，但係入元朗總會食佢，之前係正餐，依加變小食，因為有錢再食其他野了，我想講既係芒果河粉都好正，超多芒果，一開始會覺得呢個配搭有啲奇怪，但食落真係好match，再加上你食b仔雞翼尖會辣，食呢個完全可以止渴解辣，食左一碗有衝動想叫多碗食，但太飽了

平時嚟到元朗食完晚餐都會去食下甜品😋，元朗咁耐以嚟佳記都幾出名嫁，今次同屋企人嚟到附近，一於入去食下先🤩🍯花奶凉粉 $22嚟到既時候原來份量都唔細🙈，雖然凉粉切到大大舊，但唔會影響左食甜品既樂趣👍🏻，糖水預先加入涼粉，味道夠哂甜🫶🏻，加埋花奶食味道更加正，食落質地都幾有咬口，值得一食😋🍯燒賣配腸粉 $20呢一間既腸粉都幾滑又有咬口🤩，加埋麻醬同醬油，味道一流👍🏻，燒賣又夠哂咬口，唔中意太淋既燒賣🥰，加埋醬料啱啱好食物既質素都保持到👍🏻，而且款式都真係唔少，經過既話都幾推薦大家嚟試下先🫶🏻好 食：⭐️⭐️⭐️⭐️抵 食：⭐️⭐️⭐️⭐️性價比：⭐️⭐️⭐️⭐️📍佳記甜品 (元朗)元朗教育路大坑渠側

創立於1985年到現在，店鋪已經有接近40年歷史~每次説起「元朗」，大家都會問「你有沒有吃過B仔涼粉」 似乎大家對它的評價較兩極化，有些人會認爲它不是香港的特色甜品店，另一方面也是一些人的童年回憶 上一次拜訪大概有5年前，當時覺得其最大的優點是便宜，也十分好奇爲何甜品店會有雞翼尖😆5年後再一次拜訪，感覺周圍的食客為游客偏多，亦有特意入元朗的香港人，食物選擇比以前更多了，當然價格有少許調動，雞翼尖的味道一如既往地好吃！我會稱之為B仔 No.1  ᐅ 蒜茸香辣雞翼尖 $23 最成功的是其秘製醬汁，蒜香十足但很辣 (不能選擇辣度)！雖然沒甚麼吃頭，但非常有滋味，越吃越上癮，就算辣到痛也會欲罷不能地一隻接一隻；B仔涼粉可以不吃甜品，但要吃雞翼尖 ᐅ 蜜瓜涼粉 $34 B仔涼粉之所以有涼粉，應該是招牌；在餐單上蜜瓜涼粉排第一位，我們猜是根據受歡迎程度，所以也點了一份；涼粉沒有想象中苦，爽口彈牙；蜜瓜呈球狀，味道香甜，配上涼粉味道一流！店鋪亦有家庭版巨大涼粉，人多的話會推薦試試招牌B仔涼粉  ᐅ 鮮榴蓮布丁 $33 吃的第一口感覺不錯，越吃越感覺不對勁，外層布丁有少許榴蓮加水被融化了的味道 = 淡

突然好想食甜品，咁就造就第一次朝聖▶️元朗必食✅B仔涼粉，見到好多人叫腸粉，當然唔執輸🌈腸粉，燒賣，魚蛋魚蛋係我最鍾意的陳皮魚蛋，口感好彈牙腸粉軟滑，配上混醬好好味，芝麻醬係相當香口不過名物雞翼尖，我竟然冇ORDER，有機會再試下啦!一人一個甜品🌈芒果西米露份量好足料，芒果好甜唔會有渣，西米露好香椰汁味，食落又唔會太甜，唔會食到好膩🌈鮮雜果西米露鮮雜果份量同樣好足料，有西瓜，哈密瓜，芒果西米煮得岩岩好，口感好清爽

突然好想食甜品，咁就造就第一次朝聖▶️元朗必食✅B仔涼粉，見到好多人叫腸粉，當然唔執輸🌈腸粉，燒賣，魚蛋魚蛋係我最鍾意的陳皮魚蛋，口感好彈牙腸粉軟滑，配上混醬好好味，芝麻醬係相當香口不過名物雞翼尖，我竟然冇ORDER，有機會再試下啦!一人一個甜品🌈芒果西米露份量好足料，芒果好甜唔會有渣，西米露好香椰汁味，食落又唔會太甜，唔會食到好膩🌈鮮雜果西米露鮮雜果份量同樣好足料，有西瓜，哈密瓜，芒果西米煮得岩岩好，口感好清爽

🍧🍧🍡記得細細個既時候有食過，今次黎到元朗，雖然周圍都好多著名餐廳食肆，但都係心思思想食佢地既甜品同小食蒜蓉香辣雞翼尖($23)配美味魚蛋8粒($10)好大碟好多蒜同辣椒，好同埋好多油浸住，賣相已經相當邪惡，雞翼尖好入味，比想像中辣，但愈食愈滋味👍🏻👍🏻👍🏻魚蛋就普普通通蜜瓜西米露($31)+ 哈蜜瓜西米露($31)兩款蜜瓜都試哂，好大粒，哈蜜瓜比蜜瓜甜，西米露本身唔算甜，一邊食住小食，其實西米露感覺更似飲品多於甜品芒果糯米卷($44)質地好煙韌，皮好薄，餡料足料，芒果肉同醬做成既餡料有少少過甜，但係都好好食👍🏻👍🏻

❤️❤️身為住九龍的我，每次都會因為想食B仔雞翼尖走入元朗的佳記甜品。每次佳記甜品門口都會聚集很多外賣或者堂食的人，生意超級好。今日一坐低就點咗B仔雞翼、大菜糕、芒果黑珍珠、仲有好少餐廳有嘅麥米粥。❤️首先見到想食好耐嘅雞翼尖😍煮到好林好入味，蒜頭味好重，辣度對我嚟講啱啱好，如果唔食得辣嘅朋友仔就要留意。跟住就點咗大菜糕、芒果黑珍珠大菜糕同埋黑珍珠都係減肥良物，食完雞翼尖就要食啲健康既食物平衡一下🤣🤣黑珍珠即係奇亞籽，味道唔錯，芒果都算大舊👍🏻👍🏻👍🏻我最後我哋再嗌多一碟雞翼尖作結❤️下次一定再過嚟幫襯。

腸粉非常軟嫩，而且醬汁的味道非常好，讓人垂涎三尺。燒賣也非常美味，馅料新鮮且口感細膩，是我之前嚐過的最好吃的燒賣之一。最讓我驚艷的是魚蛋，它們的口感非常有彈性，而且味道鮮美，完全沒有那種人工味。整體來說，這個餐點的味道非常好，而且分量十足，價格也很實惠。如果你喜歡中式點心，那麼這個腸粉燒賣魚蛋絕對是一個值得嚐試的美食！

細細個就已經成日食B仔！小朋友嗰陣同阿爸阿媽食，出嚟讀書同同學食，出嚟做嘢就同同事食！ 唔經唔覺都由細食到大！招牌雞翼尖，大家都知道㗎喇！唔知點解呢種味道，剩係得B仔先整到出嚟，香辣嘢未有多蒜又甜甜地，啲雞翼尖淋到無牙都食到😂另外我自己本人覺得B仔名物，其中一樣係腸粉！唔知點解佢就係特別滑，加埋醬料一啲都唔小氣另外仲叫咗芒果西米撈同埋西瓜西米撈！份量依然都係要兩個人一齊食先食得晒😂一路食雞翼尖，一路食吓呢啲透心涼嘅，同時懷緬下自己嘅童年😂

到元朗食飯以後梗係要去B仔買糖水返屋企啦😘份量十足👍🏻唔係呃你一盒足夠4⃣️人份量😅 ～B仔西米露😋 🔺生果新鮮又多品種食過包保你回味無窮❤️ ～B仔涼粉🤩 🔺招牌糖水款式🤪

2.25晚上係到買左兩個紅毛丹西米露，夜晚翻到灣仔打開先發現係椰果西米露，但屋企人完全唔食椰果，打店鋪電話冇人聽，今日個fri中途話去元朗食烤魚，之後路過b仔鋪，我就比相個阿姐講：琴日夜麻麻買左兩個西米露，走個時再三問係埋岩架啦？之後攞到屋企都係錯嘅！（個阿姐服務態度極差，話要見屍骸）仲要話我要琴晚攞返嚟。對我一個顧客黎講，你地比錯野，仲要鬧埋個客，對於你比錯嘅椰果西米露，唔係我需要嘅野，你覺得我會接受嗎？我夜晚再去元朗嘅時間唔係時間？甘我食飽飯，我唔係挽你地退錢，唔通我攞住個西米露周圍走咩？