你話事 (已結業)

經過藍地，發現呢間小店茶記，見到d食物都幾吸引，所以就揀左黎試下😋🥢碎蛋牛角包🥐配火腿通粉 $39🥤朱古力紅茶 +$10牛角包好軟，好足料，加埋好重蛋黃整成醬嘅，食落唔會太膩😋火腿通粉係用咗我最鍾意嘅有坑紋嘅通粉🫢咁樣會口感好味d，通粉唔會太淋，有彈性，火腿份量都足，湯底係好似出面茶記咁嘅😍🥣朱古力紅茶🍫好濃朱古力味，但中間會散發少少紅茶味，加上好大杯👍🏻雪菜肉絲米配蒜蓉多士餐肉蛋🥪🍳 $36雪菜份量多，一樣湯底都係同茶記好似嘅😍蒜蓉多士嘅蒜蓉醬都鋪滿個包👍🏻沙嗲牛肉麵餐配熱奶茶☕️牛肉夠入味，而且杯熱奶茶都係茶記味道，茶香奶滑😋見到佢嘅餐牌，有機會會再黎試食午餐嘅意粉🍝😋好似都好好味！另外小店門口有售水同埋茶，都係好抵價$3/$6

去探朋友之餘，順手去佢屋企附近食early dinner個人最鐘意蒜蓉多士，超香 好大方俾咗超滿蒜蓉😋意粉有水準，芝士味好重好creamy意粉好吸汁薯條除咗一般茄醬，仲有黑松露醬揀咁梗係揀黑松露啦~炸豬扒跟燒汁都係第一次試以前都係食開咖喱汁燒汁食落酸酸甜甜好開胃好驚喜太口渴唔記得影既奶茶都好滑好香我朋友話佢杯紫色特飲都好飲2個人食好似叫得有啲多咗 不過好滿足一定會再幫襯！！🤣下次會想試黑松露蘑菇蘆薈意粉🍝🤭🤭🤭

今日落咁大雨搞到心情都唔好 梗係要食番個好既早餐令心情好d 所以試左新開既小店餐廳入面唔算好大 不過坐位舒適 坐好耐都唔會有人趕你走 一邊聽住輕音樂一邊食野都係一種享受🍽沙嗲牛肉公仔麵 配腸仔煎蛋同蒜蓉多士 $36牛肉有好多 而且好濃味😋平時多士都要加$1但蒜蓉多士竟然唔洗加錢就有 仲要上面有滿滿既牛油同蒜蓉 好香脆👍🏻雞蛋都煎得好靚🍹朱古力普洱 跟餐加$10睇個名好似好得意 所以試下 上面有好多朱古力粉 飲落一開頭係濃郁朱古力味再帶有普洱既味 估唔到都幾match幾特別整體來講都唔錯 附近仲可以泊車🚗 都方便去食下次會想試下下午茶同晚餐😋留意星期六餐廳唔開架！如果唔係就摸門釘

落樓下睇下有咩好外賣見到依間價錢唔貴又包埋嘢飲最後決定試試佢我地total嗌左六個餐我自己食明太子忌廉意粉真心覺得味道好好如果下次再外賣可以encore(有得收八達通 方便

為咗拎running man應援而去🙌🏻小店應該係新開💁🏻‍♀️店裏好乾淨企利😙坐位唔係好多🪑但坐得好舒服🤗店員都好好人👍🏻咸牛肉芝士飛碟🥪 $34 ( 包飲品)今次去食下午茶☕️飛碟除咗有咸牛肉外仲有火腿,磨菇揀🍄飛碟好脆🤤芝士都有好多🧀可以做到拉絲效果😛咸牛肉同芝士都好夾🙌🏻P.S 餐廳裏面running man應援嘅佈置好靚💛🤤好味度 : 7.5/10🔙回頭率 : 7/10

係藍地大街新開左一間餐廳 個名好易記 — 叫 ‘你話事‘ 今個星期第兩次食 上次係試午餐 今次就帶埋個朋友一齊黎食晚餐 試左個欖油蒜片意粉 $44 包飲品！意粉落左芝士炒得好香 好好味朋友食黑松露意粉 我無試到 但聞到好香黑松露味⋯另外我地仲叫左碟雞翼，味道唔錯，難得既係竟然會有餐廳用無激素雞翼，$28 有4隻！餐廳環境幾舒服，有歌聽，店員睇得出係新手，但好有禮貌，見我地等緊野食未黎，會自動追單👍🏻👍🏻 服務態度值得一讚 支持良心小店😋😋