你好椰

營業中

休息中

芋圓燒仙草+小丸子:芋圓口感煙韌有咬口得黎唔會硬，就算凍食都一樣煙韌彈牙。中間亦無生粉嘅感覺👍👍甜度唔會死甜，清甜可口，仙草有微微回甘，爽口👍👍黑糖桃膠水晶粉：桃膠清得好乾淨，沒有污垢，粒粒都好晶瑩剔透，大大粒又夠爽滑😍😍黑糖煮得好靚，唔會太水，稀結度剛好💓💓💓水晶粉口感好得意，滑嘟嘟又好爽滑，好似食緊蒟蒻爽咁🫶🏼🫶🏼🫶🏼店員服務亦好好，雖然我地心大心細揀左好耐，但佢都好有耐性等

有個朋友係石硤尾JCCAC搞展覽，梗係要去支持下啦，睇吓附近有冇甜品舖，想買比朋友食下😘經過有間買糖水嘅舖頭，見佢價錢唔係太貴，但係勁大碗，即刻買左幾款拎上去比朋友食同佢打打氣，我叫咗碗芒果西米露，超級多芒果同埋勁甜，再叫咗個仙草芋圓，啲芋圓勁煙韌同埋分量多好多，再叫咗一個北海道牛乳蓮子桃膠，超級多桃膠，同埋唔會勁甜，超級啱女仔食👍🏻👍🏻👍🏻個朋友仲叫左支紫薯芋泥鮮奶，又係唔會太甜👍🏻👍🏻超香芋頭味👍🏻最緊要間舖頭用嘅外賣碗係可以重用👍🏻👍🏻

中式糖水一向給一種甜膩膩的印象，加上本人想盡量吃少點糖🥹，但間中都想吃甜點🤣，想找健康一點的糖水舖。在石硤尾村看到這一間主打有營又有料的糖水，就試一試，發現糖水是真正可以做到吃材料的甜而少加糖，非常欣賞😘。📍位置：石硤尾站 A 出口，步行約十分鐘在公園轉入小巷就到了。🏠環境：以白色為門面，門口一個大玻璃櫃展示支裝或盒裝糖水，並擺有餐牌。🤵🏻服務：以外賣為主，不能堂食，職員提醒吃前先攪拌或搖一搖。🍽️下午茶：🧋芋泥桃膠豆乳茶 $30以芋泥、桃膠和豆乳為三層的支裝糖水，喝前先搖一搖，芋泥味道較重😋，桃膠清潔得很乾淨👍，吃到啫喱口感，整體甜度低，主要是吃豆乳和芋泥的甜味，高質美顏糖水😚！🧋紫薯芋泥牛乳 $25紫色糖水加西米露，西米露煮透而晶瑩😍，紫薯味道很濃郁😋，紫薯迷必愛😘！🥣黑糖西米水晶粉 $30 + 芋圓 $7這份糖水十分足料👍，底層是大塊水晶粉，上層是西米和芋圓，加了少許黑糖和牛乳，芋圓是三色，分別是黃色蕃薯、紫色紫薯和灰色芋泥，😙滑溜Q彈的口感，口感和味道都豐富！

情人節當然想食 甜蜜蜜的甜品。之前聚會， 朋友預備了 Hello Coco的 椰皇鮮奶燉蛋白給我們， 又香又滑 充滿 椰皇的味道。 情人節當天早上已經急不及待來到這裏， 不過由於實在時間太早， 燉椰皇在製作中。 老闆推薦了幾款人氣 糖水給我們。 看看餐牌新款大部分都是三幾十蚊， 傳統紅豆沙綠豆沙也低至二十蚊就有交易， 實在是非常之抵食。芒果雪山( 楊枝甘露+增量芒果+ 小丸子)這個是店舖的人氣 糖水， 大大塊的香甜芒果 ，彈牙的珍珠西米， 細細粒的小丸子， 加上芒果味香濃的楊枝甘露， 多重口感 十分豐富， 最重要是超多配料。薑汁桃膠芋圓老闆真是不惜工本， 大量的桃膠， 配上 香濃的薑汁， 非常滋補的感覺， 加上自家製 彈牙芋圓， 暖暖又窩心。芒果紫米露( 椰汁紫米露+$8 芒果)紫米露面密又香滑， 濃濃的椰汁味道， 這個老闆提議的配搭真的是很好吃， 芒果又香又甜。芋頭 西米露濃郁的芋頭香味， 芋蓉綿密又幼滑 加上椰汁真的很creamy， 西米大大粒很彈。

學車經過 見到石硤尾原來都幾多野食今日就去左試試 你好椰睇個名都夠特別啦主打椰子🥥甜品不過今次就冇試到下次可以再去試試看🤭有多款中西式甜品選擇真係花多睇亂🍀試左個牛乳蓮子燉桃膠$35嘩 滿滿既桃膠配上蓮子增添不少口感足料 大大舊真係好滿足🍀鮮芒楊枝甘露$39份量十足CP值高柚子。香芒。西米唔會死甜同漏甜度啱哂 仲啖啖大滿足包裝精美 方便拎之餘唔怕整污糟🙌CP值高價錢實惠之餘基本上一碗可以兩人分享 抵食推介

之前趁假期去左JCCAC行下扮下文青比我發現到間外賣糖水店 店面既玻璃櫃超級吸引有燉椰皇、唔同款式既糖水同飲品 值得一讚係佢地既外賣膠兜都好實淨除左拎遠小小都唔會倒瀉 仲可以循環再用✎牛奶蓮子燉桃膠 $35用左3.6北海道牛乳 真係好濃郁一打開盒 桃膠多到滿瀉咁滯 每一啖都食到桃膠發得好好 軟硬適中 好足料另外仲有蓮子 口感滿分平時可能一杯手搖都要呢個價錢絕對會為左佢行遠小小都值鮮芒楊枝甘露 $39 芋圓+$7另一款揀左鮮芒楊枝甘露 另外仲加左芋圓新鮮芒果果然係唔同 食落超級甜糖水底用左芒果汁 而且西米比一般既大粒 佢地既芋圓都係自家製 味道分明 非常煙韌

咁啱去開附近 見到呢間甜品小店幾特別就試吓啦叫左一個牛乳蓮子燉雪燕 ($39)仲可以加$7 要芋圓作為一個芋圓控當然要加啦一拎到，好重手呀！佢啲櫥窗display 既甜品好足料，唔係假架！真係好多料，雪燕好多，多到可以分到幾碗同屋企人share而佢仲唔太甜，好欣賞佢至於加既芋圓，食得出係自家製煙煙韌韌，仲要俾芋頭味蕃薯味都好出，而又唔粉，好值得再encore 而另外兩枝飲品，分別係鮮芒汁西米露 （$28）同紫薯芋泥西米露（$25）咁既價錢，真係令人感動真材實料到⋯芒果汁係鮮甜 唔係假甜，芋泥軟綿綿，mix 埋黎飲 加埋西米既咬口，互相輝映比起出面連鎖既甜品舖，更加有心 同埋咁足料，推薦比大家

依間街坊糖水小店係石峽尾白田邨去到鋪頭門口雪櫃都展示左部分糖水例如皇牌椰皇蛋白燉鮮奶同中式糖水而手工特飲款式都多款選擇就連近年大熱嘅桃膠同仙草佢地都有我決定試下佢地老闆新鮮手工製作糖水雖然鋪頭只供外賣但佢地嘅外賣盒都唔簡單 唔駛擔心倒瀉保存得好好佢地嘅糖水份量十足 大大碗都幾抵食桃膠多到差唔多滿瀉望落都無咩雜質用料食材都有挑選過水晶粉味道較淡配埋黑糖岩岩好同埋依個系列都係輕黑糖所以唔會好濃味就算咁大碗食完都唔駛太擔心超哂標同時又可以美顏滋潤而燒仙草佢地會溝埋d奶落去味道都係較淡 唔會太甜一樣份量都滿哂迫爆芋圓都係親身自家製 食落係好彈牙經過真係要買返屋企慢慢嘆

之前朋友請過我食呢間即椰汁紫米露今日發現原來間店係我啊婆屋企附近😍老闆娘好nice 佢介紹左幾款比我我買左紫米球配杏仁露加黑糖桃膠水晶粉兩款我都加左小丸子🤣因上次食覺得好煙韌好正😋好欣賞佢裝糖水盒既設計，唔驚會倒瀉🔸紫米球配杏仁露加小丸子紫米球相對就咁紫米更有咬口，杏仁露好滑🔸黑糖桃膠水晶粉加小丸子芋圓帶有淡淡嘅黑糖味 加埋水晶粉口感好清爽好欣賞芋圓 雪完都唔會硬身🍀總結呢間既甜品算幾平同抵食 超足料 老闆娘又nice♥️

見到網上面大力推薦石硤尾嘅一間甜品店，所以專程去試吓。雖然佢位置比較偏僻，但估唔到甜品選擇超級多。因為我好鍾意食西米露，所以今次就叫咗兩款：⭐️鮮芒汁西米露呢個芒果西米露食得出係非常之新鮮，芒果味道好香甜，唔係嗰啲好假嘅芒果味。而且我覺得個甜度恰到好處，會忍唔住飲一啖有一啖咁啜。店舖好好，仲有飲管提供可以飲西米露非常爽😛⭐️黑糖西米水晶粉黑糖西米露呢個配搭我真係未食過，意外地有幾夾。黑糖嘅甜度微微地，又有椰香嘅味道，而水晶粉都比較少食，但為個甜品增加左個口感，同西米露食好豐富。整體嚟講呢間甜品店選擇非常之多，下次有機會仲想試吓佢嘅芋圓😎

今日來到久違的石硤尾，決定買糖水回家食。順手拿兩盒比附近的屋企人。見到呢間人氣幾高的小店，一於支持一下。這裡的甜品自家手工製作，以外賣為主。中式的甜品的選項都算多。而且包裝盒的設計非常具心思。由於自家製作。每款的食物都不算太甜，且滿滿的材料，食得健康及滿足。碗裝系列1.椰汁芋頭咋喳（ $25 ）芋頭非常軟綿，每粒的熟度剛剛好。且豆的份量都算多，岩哂愛食咋喳的媽媽2.黑糖西米水晶粉（ $30)水晶粉非常滑身，口感清爽。滿滿的西米帶點淡淡的黑糖味。支裝系列1.桃膠豆乳茶（ $22 ）2.鮮芒果汁西米露（ $28 ）3.紫薯芋泥西米露（ $25 ）4.黑糖仙草牛乳（$25)

食完夜晚唔夠喉 決定買埋甜品拎返屋企食😋 舖頭主要做外賣 平平地都有好多款式揀 🤩小店主打天然 健康 低糖既甜品🥰 食多啲都唔怕～牛乳蓮子燉桃膠 $35椰汁鮮甜 鮮奶香滑 用北海道3.6牛乳果然唔同啲😎 甜度岩岩好！撈落好多桃膠 蓮子 啖啖爆料好滿足😛 最最最重點係仲好有營養 滋潤袪燥 滋陰潤肺 美顏 男女都岩食芋圓燒仙草 $30每次食甜品必食芋圓😍 呢間芋圓係自家製 分別有芋頭 紫薯 蕃薯 食落彈牙 加埋爽口燒仙草一齊食超級滋味🙌🏻甜品都好足料 食完就滿足哂啦🫶🏻你好椰📍石硤尾偉智里2號金玉大廈地下223號舖

屋企附近開左間糖水舖緊係要試下👻門面都幾細間，企企理理，淨係做外賣，成日經過都見到幾多人買，價錢就咁睇都幾抵食👍🏻椰汁芋頭咋喳$25 評分：🌟🌟🌟🌟係用膠盒裝住，個盒好硬正，仲可以放入微波爐叮三分鐘變熱糖水😆食落係好健康嘅味道，一啲都唔甜，芋頭粒粒熟度岩岩好，但豆既量比較少，如果可以多返啲會更好。不過呢個價錢呢個份量已經好唔錯椰汁紫米露$25 評分：🌟🌟🌟🌟個人覺得食落唔夠香紫米味，如果多啲料會再好食啲，甜度適中，可以再低糖少少整體來講係幾抵食，價錢平分量多，但味道黎講只係屬於中至中上，Encore? Maybe🤔

有日係石峽尾探完朋友後想搵下有無咩糖水食，就上網search到依間都幾多好評既糖水小店，於是我同朋友就特登行黎試下啦！店鋪位置位於石峽尾較入既地方，但都非常易搵。黎到之後先知道原來依間係主打椰子類既甜品，而且主打健康同天然，太適合又想食甜野又怕肥既我🫣店鋪出面已經擺左好多款甜品，真係好難簡！最後我同朋友簡左一款甜品，一款飲品，咩都試下😛✨芋泥鮮奶桃膠小丸子 由於我係芋泥控，所以一見到依個已經心心眼😍當見到碗糖水時已經覺得好驚喜，因為真係好大碗好足料！一碗有好多桃膠同小丸子，每啖再加埋芋泥真係好夾好滿足！同埋成碗糖水都唔會過甜，味道岩岩好，唔會話食完好滯好漏，我個人覺得足料到真係可以當一餐食都可以🤭👍🏻✨紫薯芋泥西米露依個就係飲品黎既～都係同佢地一碗碗既糖水一樣十分足料，飲落去已經吸到好多芋泥😂紫薯味同芋泥都配合得剛好，而且都係天然味道唔會係d假味🫠味道不太甜，凍冰冰都好快飲哂總括而言依間糖水小店十分足料，而且主打健康天然，味道都唔會太甜，值得一試👍🏻

你好椰 Hello CoCo🥥✨｜石硤尾 人氣 足料 外賣甜品🥥｜《石硤尾糖水》🙈香港食完飯最鍾意就係食返個糖水。尼間甜品店位於石硤尾地鐵站附近，店舖唔大，但甜品種類就超級多，真 梗有一款啱你。玻璃櫃都排列咗一系列嘅甜品，比大家望住黎揀✅尼間甜品質素都幾高，味道當然係非常好啦，甜度調較得啱啱好，食完一份都唔會好大罪惡感。佢地仲有好多養生系列，滿足到個胃，又有營養。份量仲要超級多🤣欣賞佢用扭蓋式，外賣攞返去都唔會瀉❤️牛乳蓮子燉雪燕+芋圓 甜度啱啱好，啖啖雪燕，好滋味，睇得出真係好足料，不過基本上細食嘅話都可以兩個人share, 份量都真係幾多。牛奶味都好香濃，真係幾好食。我仲加咗芋圓，超級煙韌！❤️黑糖口感水晶粉（芋圓+小丸子）今次係我第一次食水晶粉，好似啫喱咁樣，不過就硬身少少咁多。佢本身都有少少甜味，感覺上水晶粉嘅卡路里比較低✅大家有興趣都可以試下，性價比都幾高👍🏻