伍佰私廚•海鮮火鍋

營業中

休息中

成日係openrice睇有咩餐廳有訂座優惠，今次搵到間訂座有68折優惠！,其實中菜真係好好味，煮既過程好考功夫，出街食就岩哂啦！環境好舒服，仲有電視睇哈哈！必食黑椒牛柳粒，真係好正好好味！有時食幾個小菜都真係好唔錯呀，下次帶埋屋企人黎，呢到仲出名食海鮮，見好多枱都有叫幾吸引😚🐮黑椒牛柳粒 $155牛柳粒好淋好香！醬汁惹味不過濃，好有穫氣，薯仔有拖過油。表面香脆入面軟，好好食！下次黎一定會再食，非常推薦🥬啫啫唐生菜 $87原煲上大大煲，一開蓋就好香，生菜份量多又唔貴，呢個都係必食🐮法式紅酒牛肋條 $128牛肋條炆得好淋好入味，仲有好多紅蘿蔔伴菜，好食🐷咕嚕肉 $114醬汁酸甜好味，肉質好食，但對比下上面３款更出色！

史努比好似出街食小菜 本身唔系太好不過爸爸👨🏻好鍾意 所以你見有時史努比廚房都會模仿下啲私房菜🤣今次去咗尖沙咀一間新開嘅私房菜~見到有個特價menu 價錢真系平咗一截!😍雖然話佢好平就唔系嘅🤣但原價呢間系貴嘅~問爸爸👨🏻想食咩嘅時候佢喺度睇蒸魚蒸鱔史努比心諗 我都識整啦…😂所以就冇嗌到最後揀咗幾款自己唔會整嘅嘢🤪👍🏿黑椒牛柳粒 $155 (原價$228）大排檔菜式 私房菜排場🤣賣相超靚 唧咗啲蜜汁喺碟上面 擺得好有心🤭牛柳份量好足 炒得好香真系有啲鑊氣黑椒味好出 食落帶濃烈嘅椒香🤭Coat咗少少蜜汁甜甜地咁最令人surprised嘅系牛柳一啲都唔韌仲好軟淋! 重點系淋得嚟有牛味🥰唔系用梳打粉乸到冇晒味嗰種淋~洋蔥青紅椒帶啲爽脆 而且好惹味😚另外薯仔都整得出奇地好食 落鑊之前有就咁炒香啲薯仔先所以食邊邊位有稍稍脆🤭入面夠淋夠濕潤Overall呢碟嘢系有啲驚喜嘅🤪味讚: 8.5/10性價比: 7.5/10👍🏿脆皮豬手 $196 (原價$288)份量都多架 目測估計有一隻🤪豬手皮炸到卜卜脆 平時唔食皮嘅史努比為咗表演比大家聽特登食咗半塊🫣記得開聲聽!🤣抵讚嘅系豬手肉質呈粉紅色 非常之嫩筋部同

之前朋友介紹，食過山林道舊舖過間，味道不錯，記憶猶新，知道佢搬舖後再約朋友去食多次。味道保持到水準。店舖地方大了很多，老實講係比之前舊舖衛生好很多，哈哈。也有像之前一樣可以訂房間食飯。整體服務不錯。有機會可以再約聚餐。經理姐姐話可以說budget來幫忙設計餐單，中式版Omakase😂下次一試燈影藕片 (餐前小食香口）膏蟹糯米飯 （糯米飯很香蟹膏味，蟹新鮮)脆米金湯東昇斑 （口感豐富，魚肉鮮味）醬爆牛肉(夠鑊氣味道剛剛好）黑蒜螺頭雞湯(材料豐富好飲)

今晚朋友帶我去食呢間新開嘅中菜私廚。餐廳環境舒服，空間感好寬敞，餐牌有小菜同新鮮海鮮，朋友經OpenRice 訂枱仲有折，幾抵食😋✦豉汁蒸鱔 鱔片切得好厚身，豉汁味道調配得恰好香得來不會過濃，沒有蓋過白鱔的鮮甜味，魚肉的質感彈牙，啖啖肉好新鮮。✦蒜蓉粉絲蒸貴妃蚌蒜蓉粉絲蒸蒸貴妃蚌係最佳組合，蚌肉好鮮甜，用嚟撈埋白飯食一流👍🏻✦啫啫唐生菜🥬 唐生菜翠綠脆嫩，熱鍋上更能保持鑊氣，蝦醬味非常突出，加上有蝦米、蒜頭、辣椒等配料，夠哂鹹香惹味。✦京蔥炒和牛🐮 最適合送飯食🍚味道香濃而不辣。

之前去過尖沙咀伍佰海鮮火鍋打邊爐，近排發現伍佰在天文臺道新開左一間新店，主打小菜同新鮮海鮮，今晚同朋友一齊去品嚐下～由海鮮批發起家的「伍佰」海鮮一定有返咁上下質素👍🏻新鮮海鮮一定要食😋我哋叫咗碟「豉汁蒸鱔」大舊舊鱔肉好厚肉，新鮮又彈牙，豉汁好香濃，撈白飯食🍚正～另外叫咗「蒜蓉粉絲蒸貴妃蚌」，殼身好薄肉厚，用最傳統嘅蒜蓉粉絲蒸，時間剛好，蚌肉鮮嫩。「啫啫唐生菜」爽脆唐生菜係高溫砂鍋煲到散發既輕微焦香，聞到陣味都流晒口水。「京蔥炒和牛」香濃而不辣，炒熟的京蔥味道帶甜好香口。～68折優惠後～啫啫唐生菜 $87豉汁蒸鱔$169蒜蓉粉絲蒸貴妃蚌$26(隻)京蔥炒和牛 $128除咗小菜海鮮，見到同樣有火鍋套餐食🍲小菜而家仲做緊優惠，係OpenRice 訂枱全單有68折呀！

食材新鮮，份量足。我地今次主要係打邊爐，湯底濃厚，真材實料。特別推理牛肉，夠滑，真係入口即融。另外海鮮都非常唔錯👍🏻，夠曬新鮮，環境一流，裝修雅致，而且設有獨立房間，見客，朋友聚會都非常適合。再有一點值得讚下，就係服務，今時今日，好多餐廳酒樓都係黑口黑面，食嘢等於受氣，今次享受到好好嘅服務態度。非常推薦大家去試下～👍🏻🍾

一班朋友聚會食飯，上網search見到呢間餐廳，環境寬敞舒適，仲有得包房唱K🎤，一於試試佢👍🏻食物水準不錯，整體頗滿意😍比較推薦以下呢幾樣：✨極上刺身拼盤🍣超級新鮮，龍蝦，象拔蚌，三文魚、帶子、拖羅，厚切肥美，一碟唔夠喉😋✨伊比利亞黑毛豬🐷肥瘦適中，肉味香濃✨安格斯牛小排🐄油脂分布均勻，肉質嫩滑，正正子✨糯米膏蟹🦀不解釋，叫就對了😂😂✨金湯脆米東升斑🐟呢個有驚喜，出面比較少見到呢個做法，用上湯淋到東升斑上，加上脆米，多重口感好特別總括而言，我哋都幾鍾意呢間餐廳，野食不錯，環境私隱度高，又坐得舒服，好適合一班朋友聚會，已經約定下次要再黎過👍🏻🥳溫馨提示🔔私房菜要提早預約🙌🏻🙌🏻推薦大家都去試試

朋友想食海鮮火鍋, 之後上咗openrice睇, 見到呢間火鍋餐廳好似唔錯 ,之後訂咗一間房 , 諗住試下啦, 來到發現唔錯 , 環境上算整潔光猛 , 房內仲有卡拉ok , 啱曬成班朋友嚟聚 , 坐低先叫咗個象拔蚌刺身 ,非常好味 ,好新鮮 ,仲叫左個椒鹽鮑魚同埋椒鹽魚片頭 ,同其他餐廳唔同 ,好香好可口 ,呢個都值得一讚 !跟住開始打邊爐 ,叫左個花膠雞湯底同麻辣湯底 ,花膠雞湯仲可以飲完先加湯,用料十足👍張枱轉盤仲可以自動轉 ,非常新穎 佢個湯底都幾濃鬱 ,唔會話好淡好咸 , 佢個新鮮手切極牛同埋伊比利亞黑毛豬一定要試 !蘇鼠班味道極鮮, 啤酒仲有手工啤同健力士黑啤 ,出面好少有 ,另外值得一讚既係佢地既服務水準真係一流 !唔會西你面同埋hea你 ,有咩需要都盡量滿足到👍呢樣係我好滿意既地方

我想同大家分享喺天文台8號有一間，伍伯私廚.海鮮火鍋，之前已經試過佢嘅海鮮火鍋都好OK，白蝦原來老闆係海鮮批發入料一定新鮮啦，今次就試咗佢嘅私房菜，有以下幾款餸菜同大家分享吓，豉汁蟶子，金湯脆米東升斑，海鮮毛血旺，炒夾鬆包菜，秘製松露鴿脾，XO醬蘆筍爆帶子，咪着意大利黑醋骨，淮山炒百合木耳，甜品有蛋白杏仁茶都好好味，佢有一隻羊架呢我唔食羊㗎，但我都食因為廚師煮得好好味嗰浸羊味😋另外呢佢哋仲有獨立房可以book 㗎入變咗卡拉OK唱，佢哋而家好似話有啲優惠餐啊，$398 免加一，面嗰啲醬料呢嗰啲費用，好抵食呀，希望你哋鍾意我嘅推介啦😊

喜歡一邊品嚐火鍋一邊來碟美味小菜的朋友可以一試「伍佰私廚．海鮮火鍋」🥢 ✂︎餐廳位於尖沙咀天文臺道，店內環境整潔有序，除了大廳外，也有不少的獨立包廂😉▫️❥麻辣雞煲熱氣騰騰的雞煲滋滋作響，聽著很療癒👀 雞肉口感較為有嚼勁，加了不少的芫荽吃著很惹味🌶️🌿✂︎❥蒜蓉粉絲蒸貴妃蚌蚌肉爽口鮮甜，粉絲吸收了蒜香及貴妃蚌的鮮甜味，很不錯🦪👌🏻✂︎❥椒鹽魷魚鬚酥香的外層包裹著軟嫩的魷魚，可口的佐酒小菜🦑🍻✂︎❥豉汁蒸鱔鱔肉爽彈，鋪滿了豉汁很惹味🔥

如果喺尖沙咀提起海鮮火鍋，「伍佰海鮮火鍋」必定有一席位，伍佰係天文臺道開左新鋪，主打小菜，同屋企人一於去試吓😆「伍佰」由海鮮批發起家，海鮮質素一向有保證👍 第一道海鮮，即刻試吓佢哋既「豉汁蒸鱔」 ，二姑媽就最鍾意食鱔，佢食鱔有多年心得，佢大贊鱔肉新鮮彈牙，豉汁香濃，佢話最緊要配返碗白飯😆我哋仲嗌咗「蒜蓉粉絲蒸貴妃蚌」，貝殼形態呈飽滿三角形，殼薄肉厚，店家預早拆成半殼，貼心又方便👍 貴妃蚌用咗經典嘅蒜蓉粉絲蒸煮，蒸嘅時間啱啱好，蚌肉唔會過老👍小菜方面我哋嗌咗「麻辣雞煲半隻」、「上湯時菜」，雖然雞煲係半隻，但係絕不欺場，依然係大大煲咁上，兩者都係係後廚即煮即上，上到枱仲係熱辣辣👍除咗小菜之外，我見到佢哋都依舊有火鍋套餐，小菜依家勁抵，見到係OpenRice 訂枱有68折，消費滿$1000 仲有一部車可以免費泊3個鐘🚗 啱晒揸車人士！

同屋企人食飯好多時都會選擇食中菜，款式變化多，無論大人、小朋友都岩食😋 今次呢間中餐廳係天文臺道，店內既座位都幾闊落，台與台之間一啲都吾會逼👍🏻餐廳除左火鍋好多人Order 外，佢既小菜系列都幾吸引，所以我地就揀左食小菜😋 雞煲熱辣辣好惹味，食落吾會覺得好辣，老人家都食到。肉質比較有咬口，好緊緻🐥 蒸鱔好爽彈、好食，只係份量少左啲，食得吾夠滿足😹餐廳既氛圍整體比較熱鬧，所以講野時要大聲小小😝

以前去伍佰舊址都是吃火鍋，上個月老闆通知我已在尖沙咀天文台道開張，這次還加入特式私房菜，當然立即call友人們一行八人預訂房間，原來現在房間有點難book，我當晚去到房間已經滿座，想訂房的要提早預約啊先講返當晚菜式，頭盤象拔蚌刺身必吃，椒汁蟶子，這個椒汁都幾辣，但好吃，如不能吃辣不要叫這個，滷水鵝血就同滷水舖差唔多，黃金虾球全沾滿鹹蛋黃好邪惡，另外主菜梅干寶塔肉造型好似金字塔，必叫白飯配吃，我們幾個朋友都喜歡吃辣，也叫了海鮮毛血旺，我覺得也不錯，但友人覺得不夠四川正宗，最後老闆推薦的招牌菜金湯脆米東星班，這道菜十分讚

知道伍佰私廚裝修完，第一時間去棒埸，上到去裝修不算豪裝，樓底勝在夠高，比人感覺清爽。跟住見到老闆伍佰一樣甘熱情介紹，行咗一圈見到有6間房。我哋10條友訂咗間中房，坐落闊落，我吔預訂咗私房菜，佢主打招牌菜龍蝦金湯脆米東星班（野生）一出埸非常耀眼，條東星班非常有份量，脆米鋪面，然後經理張d金湯倒落去，噴出d煙，即時要攞電話出來打卡，d肉配上龍蝦湯非常正，魚有魚味和彈口。另一道菜係手撕包菜炒鴿鬆，黑松露鴿腿，非常非常正，聽講話d師父要花好多時間，有一道也要重點推介，我本人對羊肉冇乜特別喜愛，但伍佰私廚的師傅張藤椒羊扒，帶出色香味俱全，送酒一流，食到我到幾條友都讚不絕口，麻辣豆腐手撕膏蟹，一口灌漿蘿薥，藕醬萵筍炒帶子，也非常正，以前佢地火鍋一向出息，估唔到私房菜也非常得，環境90分，食材係用靚料，加上煮得出色95分，服務態度幾好，但運作可能剛剛開業，有少少不夠流暢，80分，價錢也非常合理，9道菜每人$500，一句講哂值得大家去食

佢嘅海鮮刺身真係好新鮮，好正， 特別個加拿大野生象拔蚌刺身，真係要必食，個火鍋湯底都好好味， 值得再泥！其中西班牙黑毛豬好正， 味道濃，口感都幾好， 仲有極牛都好有牛味， 今次個湯底就試左海底耶雞腳湯， 原來除咗用泥打邊爐之外， 個湯就咁飲都ok喎