令和居酒屋

營業中

休息中

｛食盡旺角之日式 — 令和居酒屋 ｝————————————————臨近年尾，最近有約唔同既朋友一齊出黎聚下傾下計，想氣氛食得輕鬆又可以chill住傾計既地方，就俾我搵到一個啦😆（其實係朋友食過覺得好食，就一齊encore左😂） 鋪頭環境都係經典嘅居酒屋形式，痴滿咗海報同有燈籠掛飾，食物選擇主要係串燒同鍋物等，當然仲有唔同酒類啦🥃🍻 🔸 日本燒鳥拼盤 $138 手羽，雞頸肉，雞肉，雞心， 雞皮，雞肝各一串，款款都燒得好好，完全唔會有好多燶邊，雞皮燒得夠脆，而雞心就係my favourite🐣但其實款款都好味👍 🔸 香箱蟹黃金粥 $148 天寒地凍除左想食串燒，我仲俾佢既蟹粥吸引左🦀，食番煲粥暖胃真係好舒服，香箱蟹我第一次聽，細細隻都幾多蟹子嫁wo!，而餐廳都好好俾埋食蟹工具，方便你食蟹腳d肉 🔸 清酒雜菌蠔鍋 $98 （打卡價） 呢個原價188嘅蠔鍋，只要上網打個卡就可以用勁抵價食到！ 個鍋黎到既時候真係驚喜，佢同張圖一樣咁多蠔，咁大隻！😲 而清酒係另上，咁大家就可以根據個人喜好去調節個味道啦，d蠔食落新鮮，仲有唔同種類嘅蔬菜，感覺好健康！ Overall comment: 呢間會係我

店名: 令和居酒屋 地址: 旺角洗衣街111-127號建煌華廈2期地舖旺角站B2出口，行3分鐘環境: 4/5價錢: 4/5味道: 4/5見到呢一間網上評價幾好嘅居酒屋，裝修日本風🇯🇵，環境好舒服。入到去座位好寬敞，嘢食種類多，有刺身、串燒、壽喜燒、鍋類、手卷等等。如果有選擇困難，可以推薦直接嗌套餐🙆🏻‍♀️，呢間絕對可以一試❗️香箱蟹粥❤️❤️❤️❤️$148蟹粥有香濃嘅蟹味🦀入面亦都有菇配料等等。入面亦都有原隻蟹，好貼心仲有工具俾你拆蟹肉，食落去亦都唔會有腥味🙆🏻‍♀️日本燒烏拼盤❤️❤️❤️❤️$138呢度入面有六款，有手羽、雞肉、雞肝、雞心、雞頸肉、雞皮各一串。燒落去唔會好乾，亦都有肉汁，食落去熱辣辣🔥清酒雜菌蠔鍋❤️❤️❤️❤️$188蠔新鮮，而且大大隻，食落去亦都唔會有腥味，呢個絕對一試🫶🏻，入面亦都有好多娃娃菜、雞髀菇、其他菇類等等👀法式汁三文魚腩手卷❤️❤️❤️❤️$68三文魚腩大大嚿好肥美，上面亦都鋪上三文魚子，配上香脆嘅紫菜一啖食落去好吸引😍芒果乳酸梳打❤️❤️❤️❤️$28呢杯嘢飲一上黎，就見到大大杯，打卡一流。味道唔會過甜，有香濃嘅芒果味🥭巨峰提子乳酸梳打❤️❤️❤️❤️$28呢一杯酸酸甜甜，甜度適中，可以一試🍇

令和居酒屋，裝修充滿日本風情。甫一內進就被鼓聲吸引，原來有客人進來，店員就會打鼓，好像熱烈歡迎一樣。室內佈置充滿日本風的飾品，牆上貼滿日本風情的懷舊畫作及字報，再掛上日式木牌的食物名稱，令人真的恍如走進日本的居酒屋。清酒雜菌蠔鍋 看到海報上寫着「在任何社交平臺打卡上傳『雜菌蠔鍋』相，即享打卡價！」原價$168的蠔鍋只需打卡，頓時變$98！十分抵！我們當然要叫一鍋了！店員遞上大大的一窩，熱騰騰的很滋味，清酒的香味混合着新鮮的蠔肉，十分夾，讓湯底帶有淡淡的酒香味。雜菌也盡吸了的酒香，十分入味。燒芝士魚餅外皮燒得金黃香脆，內裡的魚肉鮮嫩多汁，與豐富的融化芝士相得益彰。輕輕一咬，芝士瞬間溶掉！魚餅的彈性適中，搭配濃郁的芝士，讓每一口都充滿層次感。香箱蟹粥我們被牆上的香蟹粥海報所吸引，詢問店員，原來餐牌上並沒有此粥，是期間限定的。我們當然要試試了！蟹肉新鮮且肉質鮮甜，蟹膏和蟹籽多到滿瀉。店長提醒我們，要「刮下」蟹蓋的膏和籽，在粥裏撈勻，倍添風味。粥底濃稠，能很好地鎖住蟹的鮮味，吃着淡淡的蟹味，十分滿足！燒鳥拼盤燒鳥拼盤包有鷄肉串、鷄翼申、鷄心串、鷄軟骨串、鷄皮串。每一口都有不同的口感和風味。特別

係旺角附近行完街想食日本野，就去左呢間居酒屋🏮佢門口同餐廳入面既裝修都好和風，有掛住燈籠同牆身貼滿左唔同既酒標，座位都好闊落，坐得好舒服，我地去到既時候已經差唔多滿座，一有客人入座就會擊鼓叫口號歡迎客人，好有氣氛A4黑毛和牛壽喜燒鍋，黑毛和牛既份量好多，片片都好大塊，切出黎既厚薄適中，烚一烚就食得，和牛油脂均勻，牛味香濃。配既野菜豆腐盤有菜、豆腐、菇、洋蔥、薯粉，份量都幾多日本鳥拼盤有雞肉、雞翼、雞心、雞肝、雞皮、雞頸肉，全部都燒得好香，原汁原味都好好食，我最中意雞心同雞頸肉檸檬high ball 個檸檬砌到超長超高！打卡一流😆

👩🏻‍🍳令和居酒屋🧑🏻‍🍳👣 值得科勞指數：🏃🏻‍🏃🏻🏃🏻🏃🏻‍🍽明太子沙律明太子醬香濃，與新鮮的生菜和其他蔬菜搭配，帶來清脆的口感🍽雜菌野菜香箱蟹鍋鍋物的蟹肉鮮美，湯底濃郁，搭配各式新鮮雜菌和時令蔬菜，增添了層次感。蟹肉的鮮甜與湯底的香氣相得益彰，特別適合這寒冷的天氣享用🍽令和魚生丼魚生丼的魚生新鮮，有三文魚、海膽、吞拿魚等等，搭配的米飯也十分粒粒分明。獨特的醬汁提升了整體風味，讓人一口接一口，十分過癮🍹菠蘿乳酸梳打菠蘿的香甜與乳酸的微酸形成完美平衡🍹藍蝶花檸檬梳打藍蝶花的顏色美麗，與檸檬的酸味相結合，帶來視覺和味覺的雙重享受📍 地址：旺角洗衣街111-127號建煌華廈2期地舖#令和居酒屋 #旺角美食 #旺角飲食 #香港美食 #香港必吃 #香港點心 #食評 #旺角探店 #旺角餐廳 #followme #followmetasting #明太子沙律 #令和魚生丼 #居酒屋 #雜菌野菜香箱蟹鍋 #藍蝶花檸檬梳打

呢一間居酒屋我都捧場左好幾年除左環境夠特色牆身可以俾顧客飲完酒，酒瓶包裝紙上面寫低自己想講既說話貼上牆身而且食物質素都唔錯🥰🦑螢光魷魚沖漬 $48作為前菜配酒一流，都幾新鮮🐟炙燒吞拿魚 $88呑拿魚燒過表皮脆，內裏新鮮🥩石燒A4日本黑毛和牛 150g $248有專人幫你燒埋仲可以自訂熟度，不過可能肉身比較厚，咬既時候比較費牙力😂🦪兵庫県清酒生蠔 $32必點！先將蠔浸落清酒一分鐘，之後我既食法會飲啖充滿蠔鮮味既清酒，再食生蠔，回味無窮😂🍲清酒雜菌蠔鍋 $98蠔鍋非常足料，清湯有酒香好正滿滿既蠔好滿足！搭配菇菜一齊食就唔會滯🥰🦀香箱蟹黃金蟹粥 $148粥底米粒唔多但口感綿密，可能加左南瓜岩哂呢排入冬食，成身暖哂😚

同朋友一齊嚟咗呢間日式🇯🇵餐廳食晚餐🤣首先講吓「令和」：「令和」出自日本🇯🇵古籍《萬葉集》裏邊嘅詩句《于時初春令月 氣淑風和 梅披鏡前之粉 蘭薫珮後之香》，呢啲文字真係靚到呢🤩；餐廳名字叫「令和」都幾特別🤣；就算喺全個日本🇯🇵加埋都唔超過 100 間食肆叫「令和」🤣$88「令和關東煮」：「關東煮」材料通常包括 大根、雞蛋、蒟蒻、海帶結、蒟蒻絲等，材料一般會喺用昆布同鰹魚亁絲煮成嘅 だし dashi 裏邊煮到好入味/有人食為止🤩；呢間餐廳嘅材料就有 雞蛋、大根、蒟蒻、魚糕、竹輪等，下邊仲有個火爐由凍煲到滾到一路保持熱辣辣，真係食到成身暖笠笠👍$48「螢光魷魚🦑沖漬」：非常有鹹香，口感爽滑🤩$88「雜錦海鮮沙律」：魚生包括有 吞拿魚粒、三文魚粒、白魚粒，魚生份量/比例都相當多🤣；沙律菜新鮮爽脆再加埋酸酸哋嘅沙律醋，開胃又幾好食😋$88「北海道花魚一夜干」：不嬲都鍾意食一夜干，以前日本冷凍技術冇咁好一夜干真係掛起嚟吹乾🤣，依家喺日本🇯🇵冷凍技術非常先進絕大部份一夜干都係放喺特殊冰櫃裏邊進行風乾🤣；呢間餐廳嘅一夜干大大條幾多肉有鹹鮮味😋$148「香箱黃金蟹粥」：見到加咗成隻蟹落去，蟹蓋仲有少少

平時去香港開尖沙咀嗰間冇位，所以訂咗旺角呢間。首先個海鮮鍋物等咗40分鐘都未上，催左兩次都冇跟進。完全唔明點解全部係生嘅食物喺海鮮鍋物都要等咁耐？！男侍應超級冇禮貌，完全唔道歉。之後再問個男侍應個鍋物係咪咁少湯同埋有冇蓋可以蓋上？因為我驚海鮮會煮唔熟。然後佢就好冇禮貌咁問我想點係咪要加湯，態度真係好惡劣等咗咁耐冇道歉，不單止仲咁冇禮貌問顧客海鮮鍋好腥，多數係內臟同菜，海鮮都唔新鮮。絕對唔會再幫襯旺角分店！

同朋友一齊早放工，出左旺角行左陣，又係時候醫下肚，朋友話想食日本野，之前去洗衣街果頭食飯，印象中有間門面幾有氣氛嘅日本餐廳，大家都未試過，就諗住去撞下運氣，去到門口先知佢叫"令和居酒屋" 🤣⭐️ 令和玉子燒新鮮熱辣辣，甜甜地，食落好厚實，感覺好實在👍⭐️ 燒茄子燒茄子去左皮，食落好方便，啖啖肉😍，本身落左d七味粉，個面再放左d木魚絲，豐富左茄子嘅味道👍⭐️ 四色刺身盤（三文魚、吞拿魚、赤蝦、帆立貝）刺身好新鮮，li個價錢，li個份量幾抵食⭐️ 北海道魷魚一夜乾雖然魷魚本身有d咬口，不過食落唔會好韌，好鮮味，加埋我最愛嘅沙律醬，簡直係完美嘅配搭😍😋⭐️ 澳洲M6和牛石板燒 100gM6和牛肉味好濃，加埋個汁一齊燒，唔搶味之餘，仲帶出另一種感覺，正😋⭐️ 燒秋葵賣相已經好吸引，秋葵面放左木魚花，秋葵唔會燒得太乾身，啱啱好，保留左秋葵本身嘅口感，正😋⭐️ 熱情果乳酸梳打朋友話好香熱情果味，但又唔會太甜⭐️ 蜜桃乳酸梳打我最愛嘅蜜桃飲品😍蜜桃乳酸微甜，好好飲🤤

令和居酒屋👻最近嚟到尖沙咀嘅令和居酒屋真係一個好正嘅地方環境輕鬆適合同朋友一齊傾下計食物質素都幾高添.🔅 香箱蟹黃金粥 HKD 148 呢鍋粥真係好有誠意蟹黃濃郁粥底滑溜加咗啲南瓜仲綿啲食落去暖心又暖胃真係唔可以錯過🥰🔅 清酒雜菌蠔鍋 優惠 HKD 98 鍋入面嘅海鮮同菌類新鮮清酒味道令成個鍋更加鮮味啲蠔好大隻仲要好多隻另外再加咗個A4和牛優惠價$98好抵食🔅 三文魚丼 HKD 128 滿滿既三文魚係個丼飯再加咗啲青瓜多啲口感簡簡單單已經好好食根本停唔到手🫢🔅 雜錦海鮮沙律 HKD 88 呢個沙律色彩靚冇乜油膩感有唔同既刺身粒搭配特製醬汁清爽又開胃🔅 燒魷魚一夜干 HKD 88 魷魚燒得好香咬落去口感十足味道好香隻汁又好味🔅 金菇肥牛卷 HKD 30 最愛既金菇卷厚厚既肥牛包住好多金菇重點係隻汁好出色🤤🔅 鹽燒雞翼 HKD 56 雞翼鹽燒得恰到好處外脆內嫩味道正🔅 雞軟骨 HKD 25 軟骨炸到金黃酥脆食落去咔咔聲好爽.整體來講：高質出色 多款抵食😚.🎈 令和居酒屋 (旺角)旺角洗衣街111-127號建煌華廈2期地舖

之前都喺旺角食過佢另外一間分店，覺得佢嘅壽喜燒真係好出色。今日就嚟到佢呢一間位於另外一邊嘅門市，一入去已經感受到濃濃日式居酒屋嘅感覺，店員仲要打鼓咁樣迎接每一位賓客😹。٩(˃̶͈̀௰˂̶͈́)و香箱蟹粥 $148喺張poster度見到呢個蟹粥好吸引，係有成隻蟹，連埋蟹膏係面頭。本身都唔預佢嚟到真係好似張相咁，點知上到嚟真係同張相一模一樣。有好多高之餘個粥都有好濃嘅蟹味，仲要加埋紅蘿蔔同菇，令到成個粥好有口感。日本黑毛和牛谷燒烏冬 $98冬天梗係想食啲暖胃嘅食物，呢個烏冬個湯底有種淡淡嘅魚味，而且佢嘅烏冬面質煙靭，有種返咗去日本嘅感覺。可惜個牛肉可能煮得耐咗少少，食上去就要咬得耐啲，不過都好有牛味。鰤魚伴群馬縣產蕃茄酸汁 $98本身都好鍾意食酸酸地嘅汁，因為好開胃，而佢呢一個蕃茄汁加埋落去刺身上面，令到成個刺身嘅味道變得有層次。三色刺身盤 $98食刺身最緊要就係新鮮，同埋厚切，呢個刺身盤兩樣嘢都達到標準，算係唔錯。烏龍茶威士忌 $55青檸梳打 $28

居酒屋的裝潢簡約而富有日式風情，燈光柔和，讓人感到放鬆。座位安排也很舒適，適合與朋友聚會或家庭聚餐。📍 明太子沙津沙津口感好清新，明太子的鹹香仲帶少少wasabi味，真係同新鮮蔬菜配搭得幾好。不過如果蔬菜多啲就更加完美啦。📍串燒拼盤（雞翼、雞皮、雞軟骨、大葱豚肉串、金菇牛肉串、冬菇、秋葵、大葱）各種串燒都有自己嘅特色。雞翼外焦內嫩，雞皮超級酥脆，雞軟骨咬下去有彈性，食到停唔到。大葱豚肉串肉質鮮嫩，配上香甜大葱，真係好下飯。而金菇牛肉串就係肉香同菇香嘅絕妙結合，口感非常豐富，樣樣都保持住食物嘅水潤同口感。📍燒和牛舌口感滑嫩，肉質紮實，外面脆脆，裡面嫩得不得了，燒烤嘅香氣同肉汁交融，一口咬落去就感受到濃郁嘅肉味，令人回味無窮。📍香箱蟹黃金了粥粥底滑順，蟹肉鮮甜，黃金色嘅蟹黃為粥增添咗濃郁嘅風味，食一口就感受到海味圍繞。📍清酒雜菌蠔鍋呢個真係另一種享受，蠔嘅鮮甜同多種雜菌嘅香氣交匯，湯底清爽唔油膩。原來湯底係大廚每日用三文魚頭熬4至5個鐘，超級清甜，忍唔住一啖接一啖咁飲。📍 乳酸梳打原味同蜜桃都好清新。原味嘅酸甜適中，而蜜桃則多咗一層果香，飲落去真係好解膩。總括嚟講，令和居酒屋嘅食物口感同味

【旺角•令和居酒屋】@ππππππππππππππππππππππππππππππ燒雞皮燒鮮鰻魚串燒和牛舌燒雞肉串三文魚丼石燒M6澳洲和牛蜜桃茶原味乳酸梳打燒雞皮燒雞皮外脆內嫩，香氣四溢。每一口都能感受到烤制的火香，搭配輕微的鹽味，讓人忍不住一口接一口燒鮮鰻魚串鮮嫩口感令人驚艷，魚肉的油脂在燒烤過程中釋放出來，讓整個串燒充滿了豐富的味道。燒和牛舌肉質滑嫩，帶有濃郁的肉香。每一片都切得恰到好處，燒烤的火候掌握得很好，吃起來口感十分滿足，搭配少許檸檬汁更能提升風味。燒雞肉串外焦內嫩，雞肉的鮮甜味在嘴中綻放。醬汁的味道醇厚，讓每一口都充滿驚喜三文魚丼色彩繽紛，鮮嫩的三文魚片搭配醋飯，味道清新。每一口都能感受到海洋的氣息，極具滿足感石燒M6澳洲和牛石燒M6澳洲和牛的肉質極其豐富，油花分布均勻，燒烤過程中散發出誘人的香氣。搭配特製醬汁，讓這道菜成為了餐中的亮點蜜桃茶清香怡人，甜而不膩，帶有淡淡的水果香氣。非常適合作為餐後飲品，清新解膩原味乳酸梳打清爽的飲品，帶有微微的酸味，口感清新，能很好地幫助消化餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 500

放工和同事到旺角吃晚飯，選了這間日式居酒屋～🔸雜錦海鮮沙律（$88）角切刺生包括三文魚、呑拿魚同希靈魚，配搭青瓜同沙律菜，用柚子醋調味，非常清新，平時少食希靈魚，咁配搭一啲都唔腥～🔸串燒拼盤（$138）串燒一直深得我心，我最愛既豚肉葱卷同金菇肥牛卷，都燒得剛好，雞皮同雞軟骨也很香口～🔸渣滓牛腸鍋（$128）牛腸鮮嫩彈牙，完全無腥味，油脂香濃，濃郁既湯底，味道鮮美～天氣開始轉冷，吃鍋就很適合！！我們還加配了A4和牛片 100g （$98），三大片的和牛，份量非常足，性價比高！🍹熱情果乳酸梳打（$28）🍹菠蘿乳酸梳打（$28）

今日去咗位於旺角嘅居酒屋，見天氣凍冰冰，就去咗食壽氣燒😍😍餐廳充滿日式風格，坐得舒服！▫️蟹籽沙律呢款蟹籽沙律面頭佈滿蟹籽😍中間搭配了青瓜絲和蟹柳絲，脆嫩的青瓜絲帶來清爽口感，蟹柳絲則帶來了柔滑的質感，與蟹籽好夾，整體味道清新可口，好開胃！▫️串燒分別試咗鹽燒雞翼及一本燒大葱😋鹽燒雞翼嘅雞翼外皮焦香，鹽味恰到好處，肉質鮮嫩多汁，一咬落去，真係香氣四溢！一本燒大葱嘅大葱則燒得香氣濃郁，外焦內嫩，甜味顯著，食落帶點清新的口感！▫️美國安格斯和牛肉（200g）+野菜豆腐嘅壽喜燒+ 優惠A4和牛100g+日本生雞蛋+ 蟹膏飯特登為壽喜燒而嚟😍😍😍叫咗安格斯牛肉嘅壽喜燒set！一上鍋，已經見到入邊有野菜豆腐及壽喜燒湯底😋 搭配嘅野菜和豆腐清新可口，豆腐吸收了壽喜燒湯汁的精華，必食，超級滋味！美國安格斯和牛肉肉質鮮嫩，油花分布均勻，口感滑順。煮於壽喜燒湯底中，吸收了濃郁的味道，每一啖都充滿肉香😋另外我仲用咗$98加咗A4和牛！A4和牛的肉質真係極其鮮嫩，彈性十足，一放入口時，油脂瞬間溶化，釋放出濃郁的肉香，伴隨著細膩的口感，真係食得好滿足。煮於壽喜燒湯底時，肉質更加吸收湯汁的精華，口感更為豐富！我仲點咗