仁芝初

營業中

休息中

小編平時放學都會周圍搵好嘢食 雖然已經喺紅磡返咗幾年學🤣 但係呢區嘅美食真係搵極都仲有🤩小編最近見到紅磡黃埔嗰頭有一間近期新開嘅糖水舖😆 店面都幾乾淨同埋整齊😍 所以就入去試吓 🤣 無論嘢食定係環境都真係唔錯喎✨😋.🐷冰花燉蛋夏日炎炎就梗係食返啲凍嘅糖水 冰花燉蛋口感好滑🥚 而且唔會太甜😍 仲要係凍冰冰 入口非常正🤩 夏天咁熱梗係要食返碗.🐷白果薏米腐竹我哋都係嗌咗碗凍嘅😆 糖水嘅口感都幾濃稠🤣 薏米嘅味道好香😍 咬落去亦都係算係煙韌😂😂😂.🐷法式紫米露呢碗糖水非常之有看頭😘 椰汁加紫米露加法式燉蛋呢個組合真係未見過🤣面頭嘅椰汁都幾濃稠喎 🤣 似係用椰汁打咗個cream出黎🤣 然後面頭仲有啲啫喱 成個口感更加豐富 因為個啫喱都幾爽口煙韌 唔係腍啤啤嗰種🤣🤣中間嘅紫米露非常之濃稠 紫米味好出🤣然後底部亦都有一個燉蛋 同冰花燉蛋有啲唔同🤣 冰花燉蛋個口感 整體都係比較滑而呢個法式燉蛋 口感比較細膩 😋 攞條匙羹一筆筆曬幾個口感嘅野一齊食真係唔錯架🤩.仁芝初📍紅磡德民街29號德民大廈地下j2號舖 .#吃貨日常#香港#茶餐廳#Cafe#麵包#西餐#中餐#日本菜#韓國菜#泰國菜#堂食#好西#食#

咁啱經過見到新開就諗住試吓，外賣一碗返屋企慢慢嘆，點知拎外賣嗰一下真係嚇親，點解可以咁細碗！簡直同個布丁size有得揮😂上openrice睇返先知，原來旺角都有分店，咁照我理解應該做得幾好，先至會開分店，冇理由咁細碗都過到關🫨。住附近所以拎到返屋企仲keep到凍，打開即刻食一啖就完全理解，我今次叫嘅係凍芝麻糊，芝麻味好香濃，質地都好杰身！本身就食飽嘅我，簡直係飽上加飽，好滿足。簡單嚟講好食！👍🏻得閒會試埋其他甜品

📍仁之初🗺️紅磡德民街29號德民大廈地下J2號舖屋企附近見到呢間新開嘅甜品鋪，有日食完晚飯就去～ 店鋪唔大，有12個位，不過乾淨企理，甜品選擇都算多，包括傳統中式糖水同少少中西合璧嘅甜品🍮⚡️熱生磨香濃核桃露 $34核桃露味道香濃，食落順滑，稠度剛好，唔會太結太稀😋 另外加左3粒芝麻湯圓（+$12），唔係好大粒，不過皮薄陷靚🖤⚡️熱冰花燉蛋 $33呢款甜品依家都好少見，燉蛋蛋味重，都滑嘅，不過稍嫌老左少少🤏🏻⚡️凍法式紫米露 $42係由椰汁、紫米露、法式燉蛋組成個人好鍾意食紫米露，見到呢間除左有椰汁紫米露、芒果椰汁紫米露之外，仲有呢個法式紫米露好似好特別咁就叫黎試下～ 底層係法式燉蛋，蛋味十足，夾埋中間嘅紫米露同椰汁，口感同味道豐富！上面仲有酸酸地嘅紅色啫喱😆全部甜品食落都唔會好甜，如果喜甜嘅人可能嫌唔夠🤣

最近發現有間旺角中式糖水店開到嚟紅磡，店內環境唔大但座位之間有適當距離，平日晚上到訪都Full，而且見唔少人買外賣，店員服務態度友善，經過試試無無妨呀～ 呢度比較特別，估唔到可以雙拼！要咗芋茸蓮子西米露拼陳皮紅豆沙，有熱有凍，兩款配料豐富，帶有咬口，煮至軟身，而且甜度唔高，老少咸宜，食完都幾飽。楊枝甘露價格較高但入面都幾足料，芒果唔酸，味道濃郁，香甜美味，配上粒粒西米露，好解暑，夏天食就最合適不過了。白果薏米腐竹滋潤養顏抗衷老，個人更喜歡熱嘅，而且建議可以自己加返隻雞蛋食。配料方面貪得意要咗芝麻湯丸，三小粒，分開上，軟糯可口，下次直接叫薑汁湯圓先至得！

今日有朋友過嚟紅磡黃埔呢邊同我食晚餐，食完之後想搵間糖水舖再繼續傾吓偈，發覺原來呢度開咗一間新嘅糖水舖，就即刻衝過嚟食，結果都幾滿意。可能始終新開，冇乜人，加上係平日夜晚，不過店員都十分之有禮貌，而呢度嘅冷氣亦都非常足夠，外面熱辣辣都唔驚，就算食熱糖水都冇問題。我覺得一定要點嘅，就係佢哋個冰花燉蛋，好香蛋味，而且好滑，可能我自己心目中成日都以為自己唔鍾意食凍嘅甜品，所以一食呢個，真係有被wow到，好好食，口感好細膩。

今日剛剛喺外國旅遊返香港，真係超級掛住食香港嘅地道糖水，知道最近紅磡開咗新分店，所以落機之後放低行李都即刻衝落嚟食。呢度啲甜品都好好味，而且食得出真係用愛去製造，好有人情味！呢到個小妹妹感覺好細個但好好禮貌，做嘢都好快手。朋友叫左凍嘅冰花燉蛋，我試左一口，非常滑，有蛋香味。而我就要左個古法養顏敦桃膠，入面有桃膠、桂圓、杞子、紅棗，非常適合女仕們，而且熱辣辣，超潤喉。最後我哋兩個都決定叫多一個凍嘅芒果椰汁紫米露share。紫米露唔會太甜，而芒果亦都保持到新鮮芒果應有嘅鮮甜味，唔係嗰啲浸過糖水嘅死甜味。整體嚟講都好滿意，下次一定會再返嚟！

連續食左兩日，推薦！老公鐘意食傳統糖水，試左芝麻糊、核桃露、杏仁茶仲有湯圓。濃厚口感但好滑，真材實料。紅磡糖水選擇唔多尤其係傳統糖水，呢間好味過芝麻綠豆，湯圓雖然冇福圓好食但都唔錯。

黃埔紅磡一帶都好多嘢食，行完黃埔就去附近醫肚，就見到呢間喺旺角有分店主打傳統嘅廣東甜品仁芝初，原來喺黃埔剛剛新店開張，就入去支持下呢~糖水款式都幾多，基本上嘅中式糖水都有齊，而今次就揀咗冰花燉蛋~焦糖燉蛋就食得多，但冰花燉蛋就少見啲同無乜食過~就試下有咩唔同啦☺冰花燉蛋上層就好似一層細緻冰花狀嘅花紋結構，而下層喺軟滑嫩嘅燉蛋。輕輕一咬口感非常滑嫩入口即容，帶綿密而濕潤感，火喉控制得剛好。奶香同蛋香完美結合，唔會過甜，味道極為平衝濃郁而不膩，令人回味！整個環境、服務都令人舒適，值得再食。

附近食拉麵，咁岩經過本身冇咩 expectation 點知有驚喜，芝麻糊雙拼合桃糊非常好食！個人都係鐘意合桃糊多少少。整體濃稠度岩岩好，亦唔會過甜，外賣返到屋企食都仲係好好食，兩個味道好綿滑香濃，另加左芝麻湯圓都非常好食，煙煙韌韌，入面既芝麻亦係輕輕咬一啖就會流出嚟！而定係試業期間，仲有九折😍😍唔記得左影相，食到最後先記得影返😂😂😂而且新開嘅舖頭，間舖頭雖然唔係好大，但係都乾淨企理舒服。除左港式糖水，佢仲有少少西式甜品，下次再去一定會試！

行開見到新糖水店，試業9折，見有時間就坐低試下。點左兩個糖水：蓮子陳皮紅豆沙加芝麻湯丸 (三粒) 生磨滋潤杏仁露拼合桃露制作需時，所以都要等一陣，但等既時間都見到有好幾單外賣，似乎都唔錯。終於糖水嚟到，紅豆沙加芝麻湯丸都幾大碗同熱辣辣又唔會好似某間紅豆沙大碗但好多水咁另外生磨杏仁露拼合桃露，都覺得夠細滑，係好味既。雖然係雙拼，唯一少少comment係食得到合桃糊夠熱，杏仁糊就唔太夠熱，如果熱番啲就perfect