京都大酒樓

營業中

休息中

很久沒有到大埔，約了朋友相聚，他特意找了一間坐得舒適而且性價比不錯的酒樓，值得推薦酒家菜式選擇不少，而且提供各類晚飯優惠只要二人入座變送一隻乳鴿，雖然是贈品可是質素相當不錯，乳鴿肉質嫩滑，外皮香脆豉汁蒸鱔，非常適合配搭白飯的菜式，入口白線油脂感十足，豉汁味道濃郁沙薑雞腳，得二點了一道小吃，份量不少，雞腳大小適中，入口軟熟淋身最後簡單點了一道蒜蓉白菜仔，份量同樣之多，二人食用非常足夠，而且白菜仔新鮮爽脆，同樣滿足

今日泥到大埔同姑姐飲下午茶，地方大，人流多。開壺人參烏龍茶。解解渴先。燒賣-每次都會叫，京都燒賣又幾大粒，蝦大大隻，豬肉肥瘦適中，彈牙，味道不錯山竹牛肉-鮮嫩多汁牛肉球加入馬蹄增加口感，腐竹更增添香味，加埋喼汁至愛煎釀虎皮蕉-煎到微微金黃色增添了香氣，手打魚肉鬆軟又彈牙，入口爽脆雪菜火鴨絲炆米-米粉粉得好入味，唔濕又唔太乾身，配上滋味火鴨絲及雪菜，小朋友都食多2碗薑汁千層糕-熱辣辣薑汁糕又煙韌，勁有口感，薑氣暖胃，甜在心頭。芝麻卷-菲林卷超香芝麻，甜度適中，不錯點心，米粉，甜品都不錯，滿意下午茶

今晚放工，行過商場見到這裡做緊個振經濟，反通賬$1晚飯四選一優惠，選擇都十分吸引，反正都係要食，人數越多選擇就可以份量再多！兩個人就點了＄1燒鵝（例），雖然是$1價錢，但質素份量都真係真材實料，燒鵝燒得皮脆肉香，表面顏色飽滿，肥瘦比例平均，少量的肥膏帶有點點油香，鵝皮香脆，肉汁豐腴，入口夠晒香口惹味！燒汁金薯牛柳粒這款鑊氣十足嘅燒汁金薯牛柳粒，廚師將薯仔炒得十分香脆、煎香的牛柳粒，加上燒汁拌炒至黃金焦香，充滿鑊氣，牛柳粒肉質柔軟、嫩滑，嚼勁十足！沙爹粉絲海蝦煲，雖然是例牌，但份量十足，上面放滿了海蝦，隻隻都彈牙爽口，上枱時熱氣騰騰嘅煲，在天氣凍嘅時候感覺份外暖胃，加上入曬味嘅沙爹粉絲，入口煙靭，口感十足！哩個鮑汁野菌炆伊麵，本身冇諗住叫，本想兩個白飯便算，但家人唔想食飯於是就選擇了，鑊氣夠份量足就是這裡的特點，入口時鮑汁都沾滿了每條伊麵，加埋彈牙煙靭嘅野菌，同樣除了食飯的另一個選擇！最後店員還加送了糖水，整體食物份量十足，價錢都算合理抵食！

今晚同家人嚟到呢間餐廳食中菜環境好舒適每樣菜式都好好食推介～.💎 $188 鳳梨咕嚕肉這道鳳梨咕嚕肉以香甜既鳳梨同鮮嫩既豬肉烹調而成肉質鮮嫩多汁😍鳳梨提供左微酸既口感同清新既果香同肉質既濃郁風味相互融合入口味道酸甜可口😆.💎$138 竹笙羅漢上素以新鮮既竹笙配蔬菜同其他素食配料烹調而成竹笙既質感爽脆蔬菜既鮮嫩同豆腐既滑嫩相得益彰😎羅漢上素既醬汁為整道菜提供左豐富既風味入口口感豐富，味道清新而美味🥰.💎$148 鮑汁野菌炆伊麵呢款鮑汁野菌炆伊麵搭配多種野菌同鮑魚汁烹調而成伊麵彈牙有嚼勁野菌既香氣同伊麵的口感完美結合😆為菜餚帶黎獨特既風味呢道菜色澤鮮豔味道濃郁又風味豐富帶黎一種令人滿足既味覺享受🥰🤩

中午時段叫茶點菜黑面對待，叫左很多次，最要找經理出來解決，公司應該檢視是否人手不足，食客不應受罪！大埔有其他質素更佳酒樓，不用受氣！見到此處幾個回應都是關於服務態度，應正視

聽家人講新開, 所以來晚餐(京都大酒樓)一家4口酒樓晚餐，發現餐牌好多,優惠又好多, 眼花潦亂：例如：生猛波士頓龍蝦半隻$48 ；生炸皇子乳鴿$19.8 ;片皮鴨$98隻 ； 脆皮飛天雞$10 隻；紅燒海皇翅$68位 ；深海龍𧄌2食$338 ；籠仔糯米蒸肉蟹$338 ；上湯焗西澳洲龍蝦$368 ；豉椒炒聖子皇$168；孖寶A-H (超多選擇)酒樓好大, 坐位好多, 裝潢光猛漂亮我們選了1個超值孖寶：滋補藥膳雞煲送豉油王煎海蝦$228 天氣凍想食些又暖又熱又補食物, 完全無想過藥膳雞煲份量足4人。有成隻雞專人在客人面前製作, 誠意十足有足足1隻雞而且有很滋補湯喝……我們無考慮到已經有湯有雞食.仲選了原盅燉湯失策!最後吃剩有打包回家。另外送豉油王煎海蝦, 估不到送都非常好吃!海蝦的肉特別爽口, 隻隻蝦大隻又煎得焦焦很香惹味！滋補養生燉湯 （沙蔘玉竹龍眼燉瘦肉和雞）這款燉湯，湯色比較清晰，味道比藥膳雞的甜. 豉汁蒸白鱔   配白飯一流,  鱔肉好厚身, 肥美, 豉汁配好味. 價錢合理生炸皇子乳鴿 -優惠19.9一隻, 叫了2隻乳鴿酥脆骨頭都脆，兒童大人都喜愛配啤酒更一流, 選了藍妹2支包菜炒

午飯同屋企飲茶，去到枱唔夠餐具，叫茶叫左唔同阿姐都唔成功，終於有位阿姐過嚟比餐具，同佢講三位，但枱上只有1.5 位份，佢見到都話齊，真心寫個服字俾佢，之後好唔忿氣咁補返，然後比張餐單俾佢落單，佢當見唔到走左去，我要親自叫個經理先落到單😔，食餐飯冇必要受氣！

大埔貨真假神的地道酒樓， 京都大酒樓。呢度晚事主要都係做街坊生意。首先我就叫咗一個 佢哋最出名的鮑魚雞煲。鮑魚好新鮮鮮味， 細細隻蚊到好淋。配合上雞煲的醬汁 好惹味。雞肉 新鮮 口感 豐富美味。 鮑魚雞煲總共有六隻鮑魚 。 新鮮好味。之後就叫咗一條清蒸大白鱔， 大白鱔肉質嫩滑， 口感爽甜。 用豆豉清蒸 已經食得出 大白鱔的鮮味。 再叫咗兩個白飯 雞煲的醬汁用來送飯就最啱。呢度地點非常就腳 為主大埔中心 附近街坊嚟到食都好方便。客戶服務員服務態度也很好。

放工返到大埔，街坊老友話出來撐枱腳食餐飯，近近地巴士站旁邊嘅昌運。約好去 京都大酒樓，環境光亮，整潔舒適，而且頗有人氣。原來這裡晚飯有五選一大優惠。五款入面，可以選一款特價菜式，仲可以揀特惠紅燒海皇翅，好耐都未試過魚翅撈飯啦！脆皮飛天雞 $10我哋揀咗脆皮飛天雞，$10 一隻好抵食，而且仲好新鮮肥美，肉嫩多汁。成隻雞髀扯出嚟食，好滋味。脆皮到不得了，飛天雞生熟度啱啱好，雞肉質地細膩，肉質鮮嫩。一咬下去即感受到肉汁豐富，溢滿口腔。紅燒海皇翅 $68紅燒海皇翅果然有粵菜嘅精髓，翅富有彈性，而且海皇湯帶出清香鮮甜味。配上少許醋汁，增添了不少風味，整體來說，呢度紅燒海皇翅做得非常好，有很高的水準。沙嗲粉絲海蝦煲 $108晚市粵式小菜煲仔菜都做得相當不錯，煲仔菜式特別有鑊氣！海蝦金黃又香口，質感嫩滑，沙嗲海蝦香味俱全。臘味糯米飯 $128秋冬起食臘味！色澤和味道都唔錯，臘腸非常吸引，糯米飯裡面保持鬆軟。調味做得恰到好處，唔會太鹹，每一啖都充滿咗臘味的層次感。

飲茶叫飛乃平月常事。但遇到不公平的便要開聲分享給大家。一眾街坊老友記都按了下午茶及茶皇廳等候。等了一會。叫飛的亞姨便跟大夥說剛系統問題。但都會先安排俾在等的客人。等了緊絨手-一會後，有新來的客人按飛。她馬上安排該客人即入座。跟她理論還大聲夾惡。說人家按飛便跟號碼入。這是什麼服務態度？入這家酒樓飲茶第一關都那仲麼難過。入面相信都有點令人難以相像。現在香港的飲食業都水深火熱，還有這服務，都不難理解為什麼會北上啦。

漏單唔緊要不過仲要咁嘅服務態度，呢個價錢嘢食我都唔求佢好食但係冇諗過貼錢買難受 ，問佢有冇落單好似爭佢錢咁黑晒面，第一次亦係最後一次。服務態度差唔會再食！！！！！

一年一度大閘蟹放題🦀年年都好驚蝕錢唔敢去試今年終於的起心肝😂😂當晚前後得10枱客職員服務都幾好間中過黎睇吓我地食大閘蟹既情況差唔多就會問你洗唔洗加單但係有一個缺點‼️就係啲餐具好污糟食蟹用既鉸剪同匙羹都有污跡食肆黎講都幾扣分😿Menu真係好華麗 見到個下即刻諗 到底食幾多隻先回到本🤡就咁睇啲餸菜都算係認真製作每樣都會想試下💁🏻‍♀️<大閘蟹>一坐低先叫左大閘蟹先因為即叫即蒸 等都需要時間🕐一開始叫左5隻花雕蒸5隻清蒸👐🏻但完全分唔到邊幾隻係花雕蒸之後試過問店員佢叫我聞下👃🏻都有啲啲啲啲花雕味既🤏🏻上枱首先係蟹公(上圖)👨🏻蟹公啲膏真係冇得輸個pat signature白色膏非常痴口🤤之後黎咗幾隻蟹乸(下圖)啲膏都好澎湃🌊不過放題冇得揀蟹公定蟹乸🙅🏻聽到隔離枱話食咗30隻先開始有蟹公陰公豬🐷最後總共食左20隻真係飽到上心口🫀<鮑魚扣玉掌>每人贈送一客標準茶樓鮑汁調味好食~<太史五蛇羹>叫左一個兩個人share好多肉絲不過不失~仲有酒樓炸雲吞既脆脆🥠唔建議一人叫一個 慳返個胃啲位🫄🏻<滋補養生湯>係蟲草花瘦肉雞腳....超級足料都

人大咗，越嚟越識得欣賞粵菜嘅精髓，除咗飲茶之外都越嚟越鍾意去食廣東酒樓。今晚去咗大埔昌運中心一間傳統粵式酒樓食飯，所有菜色嘅味道都唔錯，而且炒得熱夠鑊氣。呢度雖然係街坊酒樓，但環境闊落，而且非常光猛，坐得非常舒服。呢度除咗有一般嘅晚飯小菜之外，另外亦有大閘蟹放題，除咗有無限追加嘅大閘蟹之外，另外亦有蛇羹，片皮鴨，糯米飯都係任食非常吸引。燒汁金薯牛柳粒 $128牛柳粒煎得金黃又香口，質感嫩滑，有淡淡嘅牛肉香味，至於薯仔方面，外皮煎得脆卜卜，裡面卻保持咗薯仔嘅鬆軟，同牛柳嘅鮮嫩形成咗絕妙嘅對比。而且，佢哋嘅調味做得恰到好處，唔會太鹹或者太淡，每一啖都充滿咗層次感，送飯一流。紅燒乳鴿 $58紅燒乳鴿皮脆肉嫩，不僅外層帶點脆口，內裏仍然保持住肉汁，外皮完美咁鎖住咗肉質嘅鮮嫩，肉質細嫩而多汁，肉感緊實卻不失彈性，每一口都能嘗到深層次嘅滋味。蒸石斑仔$68晚飯有五選一優惠，五款入面可以選一款特價菜式。可以揀雞煲翅，片皮鴨，燒雞，蒸石斑，或者白灼蝦。我哋揀咗蒸石斑仔，$68條好抵食，而且仲好新鮮同大條。石斑仔蒸到啱啱好，魚肉質地細膩，肉質鮮嫩且富有彈性，一咬下去即感受到魚汁豐富，溢滿口腔。而且，蒸魚

今日同長輩一齊食晚飯喺大埔要搵返一間優質嘅酒樓同佢哋食返餐好嘅見到京都大酒樓有好多好多唔同嘅優惠選擇而且平時都好多人食 應該都有信心保證嚟到見到好多唔同選擇有大閘蟹放題又有一蚊四選一優惠超級吸引鹵水鵝掌鵝掌非常入味. 肉質好滑. 大人小朋友都好啱食陳醋小排骨上菜估唔到咁大件. 每件排骨都有手掌咁大. 同埋酸酸哋好開胃臘味糯米飯糯米飯粒粒分明. 炒得啱啱好. 臘味都好惹味沙爹海蝦煲海蝦好大隻. 沙爹粉絲用嚟送飯一流最緊要呢度環境好舒服. 夠曬大長輩們都話下次要繼續過嚟試呢度其他小菜

一向鐘意飲茶的我，今日去了大埔一間傳統的酒樓飲茶，這間酒樓位於商場的2樓，地方很大，還設有大禮堂。酒樓全部用了淺色的裝飾，有很多吊燈，燈光明亮，感覺舒服。座位都相當闊落。適逢這晚是舉行舞會，有圍菜更可唱歌和跳舞娛樂。這裡的食物選擇很多，不時有優惠推出。今日就可每位客人點1元1隻蝦餃，相當優惠。我點了：-脆皮燒鵝皇例牌有成隻鵝脾，啖啖肉，鵝皮燒得很香脆。-椒鹽白飯魚炸得很鬆脆，椒鹽調味香口。-豉椒涼瓜斑腩炒河有很多塊走了油的斑腩，外面香脆，肉質嫩滑和很厚肉。涼瓜味道甘不苦。-黑椒爽肚爽肚很爽口唔韌，還有鹹酸菜做配料。-水晶蝦餃皇(2)雖然是1元1隻，但餡料一樣十足，蝦肉爽口彈牙。-香滑芝麻卷因為製作功夫多，現已很少酒樓有這點心。芝麻卷非常香滑，芝麻味濃郁。