京林屋 (希慎廣場)

營業中

休息中

依間京林屋係京都抹茶百年老店，身為抹茶控嘅我，一定要黎試吓啦！今次我帶左媽咪同我一齊去試，我地點左:1. 林屋焙茶芭菲用料豐富，有焙茶雪糕，白玉丸子，啫喱等等，雪糕茶味香濃，有回甘，非常幼滑，鍾意焙茶嘅朋友必試👍2. 抹茶啫喱雪糕抹茶雪糕非常濃郁，口感幼滑，唔會太甜，啫喱Q彈，茶味十足，食完想再encore😍

同事話要試下京林屋，同事唔講都唔知，原來衣間野除左甜品，lunch都有咸食lunch set, 我選左食曼魚飯，佢曼魚都幾肥尾，冇咩骨，飯係紅紅地咁既珍珠米，食落少少咸味煙煙un un, 同事選左個樣樣都有少少既日式小菜，而餐有跟miso湯同一杯日式茶，茶有好幾款，有培茶，有綠茶，煎茶，佢好有日本的味道，就係用日式茶壺上，有埋個計時⌛️俾你睇，可以知幾時就局夠味，可以飲。整體黎講佢需要唔平，但味道，服務各方面都符合佢既價位

甜品黎講呢間野有d貴...綠茶雪冰份量幾足，食到底都仲係好夠多綠茶糖醬，有味👍🏻不過百幾蚊食個咁低成本的冰，始終覺得唔值😅至於另一杯佢的綠茶凍都好好食，唔算苦澀，但其他配料就屬一般貨色🤨還好吧～

#日本料理 #日式甜品好似去左日本咁呢間餐廳勁有日本feel🇯🇵 食物精緻，好似置身於日本一樣過足旅行癮🥳價錢又唔算好貴有熟食有甜品每樣都食到日本的味道，好感動😭甜品「雪山」賣相吸引，打卡一流👍🏻

👣 京林屋👣—🍵🍵🍵🍵🍵🍵🍵🍵🍵🍵🍵🍵🍵🍵🍵🍵 ‼️‼️‼️焙茶控請注意‼️‼️‼️京林屋係有過200年歷史的抹茶老字號主打抹茶焙茶類甜品🍰係希慎廣場foodcourt出面 食飽野之後😋就可以嚟呢到食下甜品同朋友繼續吹水！不過其實呢間野入面都有定食同飯之類嘅選擇😂但要注意堂食限時60分鐘架咋🕑——————————————————————————⭐️⭐️# 特濃焙茶雪山 HKD 98⭐️⭐️足夠兩個人食嘅雪山🗻不過呢個係碎冰既質地🧊不是平時碎雪糕既口感食嘅時候淋上黑糖汁 更加清甜😜雪山上面有大大球焙茶雪糕🍨焙茶味香濃郁 雪糕質地幼滑好好食😋雪山底部入面仲有焙茶味啫喱 紅豆蓉 同埋兩粒白玉丸子🍡好煙韌味道：🌕🌕🌕🌗🌑價錢：💰💰💰打卡：📸 📸 📸⭐️⭐️# 焙茶芝士蛋糕 HKD88⭐️⭐️蛋糕芝士味濃 頗creamy 加上焙茶味適中不會帶苦味😙餅底薄而脆 不會太硬身不過份量比想像中細件 價錢相對較貴😂除了蛋糕外還配有一球焙茶味雪糕🍨兩粒白玉丸子同甜甜的紅豆粒粒😜雪糕的味道跟雪山上面那一球焙茶雪糕是一樣的！不過就溶得有點快！還未拍

天氣好熱，行一陣街已經出哂汗，突然想食刨冰解下暑降降温！嚟到希慎廣場12樓嘅京林屋，店內店外都係充滿和式風格，以淺木色作主調，配上柔和燈光同木製傢俱，感覺非常舒適。❤️特濃焙茶雪山$98雪山份量都唔算大，兩個人share啱啱好！刨冰質感幼細，有入口即溶嘅感覺，唔會食到冰粒。刨冰上有一球焙茶雪糕，雪糕嘅牛奶味重過焙茶味，好幼滑。有一細樽焙茶糖漿比你淋上去，食落啖啖焙茶香，唔會太甜。驚喜嘅係原來雪山入面有紅豆蓉，焙茶啫喱同兩粒白玉，增加咗層次感，不過味道方面都係正常發揮，無咩特別。好食度：⭐️⭐️✨(2.5/5)✅適合影相呃like✅透心涼，好消暑❤️桃味焙茶(熱) $42menu上嘅相係用茶壺裝住焙茶，結果上枱係用紙杯裝住茶包。份量少，少咗焗茶嘅步驟，味道相對較淡。失望！好飲度：⭐️(1/5)餐廳推薦度：⭐️⭐️(2/5)餐廳有最低消費，每人要至少點一份食物/飲品。價格略貴，性格比和食物質素唔高。

京林屋（Kyo Hayashiya）是京都抹茶百年老店之一，主打手打抹茶- 天下の昔、抹茶蕨餅、林屋抹茶芭菲及特濃焙茶雪山等多款甜品。在香港也有兩間分店。抹茶雪糕的特點是甜中有澀，雪糕中混入了抹茶香。但很多坊間的抹茶雪糕的甜味都蓋過了抹茶味，失去了其特色。而京林屋的抹茶雪糕就成功中和了甜味和抹茶味，不會讓甜味喧賓奪主，亦不會因為抹茶味太濃而讓人覺得難以入口。夏天消暑好物，甜而不膩。唯一可惜的是，甜點份量太少，價錢相對昂貴。

係銅鑼灣食完晚餐未夠喉，就直落食埋甜品🍰🍵🍡🍨因為較夜已經食唔到soufflé，最後揀嚟揀去揀咗呢間🍵🍵🍵·💚抹茶芝士蛋糕 配自選茶 $108可能啱啱食飽飯嘅關係，食芝士蛋糕有啲漏，但味道係好食嘅🤣抹茶同芝士比例啱啱好👏🏻兩者都食得出～·💚特選林屋抹茶餡蜜 $98有抹茶雪糕、抹茶蕨餅、抹茶啫喱、寒天、白玉、紅豆好豐富呀，樣樣都鍾意，尤其蕨餅同啫喱較為出色，寒天口感似透明涼粉😂，紅豆太甜唔啱我地🙈·🤎焙茶卷蛋 配自選茶 $108焙茶卷蛋正常發揮，我鍾意嘅反而係個焙茶雪糕🥰，濃濃嘅茶味，又唔會太甜🤩白玉夠煙韌食得過癮🍡🤣·🤎🍵焙茶 朝薰

作為抹茶迷點都要去一次京林屋，餐廳主打抹茶食品，例如：抹茶奶昔、抹茶蕨餅、抹茶芭菲、特濃焙茶雪山等等，每樣都係手打抹茶製作，係日本已經係百年老店，唔知係香港又維持幾耐－－－－－－1. 京式鰻魚飯 $128 4/10鰻魚飯應該係呢到既熱門菜，見好多人都有推介，但期望愈大失望愈大，表面睇鰻魚色澤都唔錯，但食落係非常硬，唔似係即叫即燒，我想像鰻魚應該係軟腍肥美，可惜真係唔好食😖2. 鯖魚定食 $78 6.5/10定食有京林屋首創的焙茶飯，珍珠米吸收焙茶香味，食落有淡淡的茶香😋幾特別，而鯖魚絕對比鰻魚好，但食落魚質鞋口乾身，可能處理得有點耐3. 玫瑰蘋果煎茶 7/10店員會先解釋如何泡茶，旁邊溜斗計時泡茶時間，味道清香，蘋果味好香😊入口舒服，解膩係一個不錯選擇4. 抹茶芝士蛋糕 0/10先唔評論味道，我同朋友食食下發現有尖既膠片係蛋糕內😨店員wavie左甜品收費，但對餐廳真係失去信心...試一次就算

喺希慎食完午餐之後，就心思思想食個甜品當下午茶🍰 見到呢一間日式甜品店都頗多人光顧 甜品款式亦都十分吸引 所以就入嚟試試-甜品款式多到花多眼亂 主要都係以抹茶🍵同焙茶☕️為主 最後揀咗人氣嘅焙茶卷蛋😋 份量比想像中大 蛋糕體鬆軟可口 裏面嘅奶油唔會過甜 焙茶味道很濃郁另外亦會有雲呢拿雪糕、2粒mochi同紅豆粒 雖然單價偏高 但食材食得出真係幾高質 焙茶味十分香濃 對甜品高要求嘅朋友們推薦你們來試試～

今日約咗好朋友慶祝生日，佢係一個抹茶控，所以揀咗呢間餐廳，果然冇令人失望。我叫咗燒魚定食，而朋友就叫咗個雞扒飯，燒魚定食魚嘅肉質唔夠彈牙，唔太新鮮，而雞扒定食就有啲乾，不過最後嘅甜品抹茶雪糕補足返，因為好香醇嘅綠茶味令人一食難忘。

由於假期留咗响屋企二日！所以想出門口行吓食下嘢！行去銅鑼灣希慎十二樓諗住食鰻魚飯，但係想去果間日本過江龍店，但係好多人！坐得有d太親密！所以行去隔離店𥄫吓！門口阿姐大力推動介有鰻魚飯！用日本米咁就見到冇人！可以包埸！所以坐低試吓！直接講！鰻魚飯頼哂嘢！完全係用微波爐叮出嚟！由order 到上枱不用5分鐘！嚟到枱面巳禁叫不妙！果然中招！啲飯外暖內微熱！的鰻魚就冧晒！仲話日本直送！真係响日本末食過咁差嘅質素！希望佢哋唔好再老點客人！以後冇幫親！

晚餐時只有一兩枱，食評見唔錯，照試下。侍應安排我地可揀有間隔開的用餐位，自成一角，更暢所欲言。座位、燈光均舒服。試左兩份餐+一份甜品都幾美味。1.林屋和食料理食物精緻，有鯖魚、元貝、魚干、魚蛋片、木耳絲、玉子、蟹子魷魚粒。飯有點干身，但配搭餸菜都幾好食，餸菜清新，每種都係少少甜，非常開胃。仲有碟酸蘿蔔更醒胃。麵豉湯唔會太鹹。2.稻庭麵麵質較幼身，但卻唔會太淋易斷，非常爽滑。湯汁偏清，嚐麵時伴湯吃完整碗也不會鹹，抵讚。仲有兩大片魚肉片。3.玫瑰蘋果煎茶（溫）聞一聞已有很清香蘋果味。飲落又唔會太濃，幾清新。飲之前上碟亦有沙漏計時確保有足夠浸泡時間。4.桃味焙茶（溫）白桃味很香，加水沖4至5次仍有淡淡白桃香味，依然清新。5.焙茶卷蛋蛋糕清香，中間有滿滿焙茶味餡料。雪糕、紅豆也清甜。$88價格有點高。主食飯麵只有幾款如下。甜品則很多款式以下不能盡錄。部份餐牌：整體所有食品行清新路線很好吃。

Covid-19 疫情未見好轉 , 但都要出外逛一逛 , 出外抖一抖氣 , 否則呆在家中太耐 , 會患上抑鬱症 ~當日 , 就出 銅鑼灣-希慎廣場 逛一逛 , 然後到 京林屋 Kyo Hayashiya 嘆下午茶 ~Menu ~焙茶朝熏 配 迷你培茶芭菲 ~焙茶朝熏 : 茶味幽香甘醇 , 喝後又帶回甘 , 感覺清新 , 齒頰留香 .... 疫情下的一杯茶 , 每呷一口都感到百般滋味在心頭 ~迷你培茶芭菲 : 賣相靚靚 , 一層層的包括有焙茶雪糕、白玉、焙茶啫喱、忌廉同桃，每一層味道各異 , 很有層次 , 由底到面都精心構造 , 一撈起來吃卻又有另一番口感 .... 如幻似夢也 ~本篇完 ~

食甜品唔想排隊, 在人家還在吃晚飯的時候正好!!抹茶味夠香又唔太濃, 作為小食小杯份量剛好, 仲包埋茶。蘋果玫瑰的花果茶組合我一向都好愛, 清新又有淡淡花香, 配搭芭菲甜品, 成件事好圓滿