京林屋 (希慎廣場)

早年剛開業，已惠顧過好幾次，剩係食過刨冰同雪糕。當年服務已不太好。今日再去幫襯，由帶位，落單，端上食物，叫上甜品，埋單，每個都係黑面位，吸收晒香港茶餐廳嘅服務態度。話晒日本品牌，台灣都有分店，我都幫襯過，寧寧捨捨香港店員服務就無乜禮貌，唔知係香港問題，定管理層問題，總之麻麻哋自在。no next time！真係唔會再畀機會佢！至於食物，茶、芭菲、牛肉飯都係淡而無味。盛惠200大元，值唔值得去，自己諗。…查看更多

通常見到咁大個沙冰都覺得好壯觀，同埋好有日本嘅感覺，咁啱喺銅鑼灣行街，就順便食個甜品～林屋抹茶雪山特大 Hayashiya Moccha Snow Mountain (Large)美味指數：👅👅👅 (3/5)見到賣相同埋餐牌嘅有少少唔同，實物睇落啲沙冰好鬆散，就快掉落嚟咁樣。雪花冰好軟綿綿，再加埋抹茶醬煉奶同埋抹茶雪糕，識落幾好👍🏻食到中間個底會收埋咗啲紅豆蓉同埋抹茶蕨餅，識落唔會單調，但可能因為冬天食，所以搞到個人好凍😂😂😂…查看更多

作為一個抹茶控 呢間絕對係一定要食林屋抹茶芭菲香港限定芭菲黑糖珍珠抹茶雪糕新品 幾好食喎 我無落黑糖 啲珍珠已經好夠甜雪糕真係好正 抹茶味好濃😍呢杯嘢堅係想encore推薦度 8.5分其實無咩好介紹 因為芭菲係點樣 其實大家都知反正個重點係個雪糕好食就乜都好食不過價錢真係少貴🥶但都值得一試…查看更多

同朋友去希慎廣場諗住食個Tea，想食嘅餐廳都冇位，見到呢度有位就入咗去。本身我諗住叫個牛肉烏冬，點知佢話俾我聽冇，其他熱食已經冇咩選擇，咁我就叫咗個稻庭烏冬，上到枱，個麵唔凍唔熱，基本上都係冇咩味道。另外所有侍應基本上全部都係大媽，毫無服務可言，如果去譚仔我係完全接受得到嘅，但係喺希慎廣場用呢個價錢去食碗麵我就真係接受唔到囉。…查看更多

星期日下午3點去咗京林屋食下午茶，前面無人等位，有幸坐到4人卡座。餐牌無變，都係個d野。有甜食有鹹食。餐牌寫明每人最低消費一樣野。雪山 $108 另加一林屋抹茶雪山特大呢個雪山例牌要叫。特大雪山有勁多軟綿綿嘅雪花冰，上面最頂有半球抹茶硬雪糕，面頭灑上少少抹茶粉。雪花冰外面嗰層已經加左牛奶，味道微甜，味道調得好啱。入面好多雪花冰係冇味，等你自己加另上嘅抹茶醬或者煉奶食。抹茶醬好香濃而甜度適中，煉奶又香又甜，兩樣配冰食都好味。雪花冰傍邊有兩粒白玉丸子，下底仲收埋左唔少抹茶蕨餅同紅豆蓉，同無味既雪花冰一齊食就唔覺甜。抹茶硬雪糕就當然無軟雪糕好食，不過我鍾意呢個雪山基本上所有配料都好食，唔會有d難食或者格格不入既例如忌廉。黑糖珍珠焙茶雪糕 $58 另加一黑糖珍珠焙茶雪糕一上枱就聞到好香黑糖味！焙茶雪糕超滑溜同香濃。杯邊超多黑糖珍珠，煙韌好有咬口但唔過甜。雪糕下底原來仲有脆米加添口感。不過仲有一小pat忌廉就太膩同冇必要。另上左一細兜黑蜜，應該都唔需要啦，夠味啦。都係呢杯抵食，我見好多人都叫。抹茶紅豆年糕甜湯 $68 另加一黎過咁多次都未試過呢個熱甜品。抹茶紅豆年糕甜湯用個日式有蓋碗仔上枱，連個碗都係暖笠笠，隻碗細細碗，入面份量唔多。個抹茶湯好香濃，完全唔甜，帶少少苦味，同入面一大pat甜甜紅豆食就剛剛好。年糕3小件，味道完全唔甜，口感就煙煙韌韌，我嫌佢無味。總括而言，抹茶配紅豆係幾好，少少似中式湯水紅豆沙，不過帶抹茶味，別有一番滋味。不過個人覺得中式糖水配有餡湯丸好食好多。希望京林屋遲d會推出新口味產品試試。…查看更多

星期六下午度度都多人，京林居堂食要等位不意外，所以決定買外賣，其實都係想買一杯抹茶雪糕，點知前邊咁岩有個客人竟然要買啲枱櫃嘅禮盒，一直問長問短侍應又唔熟就要打電話查問，然後因為要講英文對答，侍應又講得好慢好唔順暢，結果等咗成10幾分鐘都可以買唔到一杯雪糕，明明後面仲有幾個時應企喺度都冇嘢做，點解唔可以搵個侍應serve個VIP，其他侍應賣返外賣/收錢？ 真係好神奇明明得兩個客人都可以等10幾分鐘都買唔到嘢，真係浪費時間🤦🏻‍♀️…查看更多

喜歡抹茶，更喜歡抹茶甜品。京林屋是日本一間出名的抹茶甜品店，有267年歷史，原來也是抹茶芭菲的始創者。昭和44年(1969年)，芭菲是當時一種流行甜品，當時京林屋社長建議在芭菲加入抹茶，就這樣抹茶芭菲誕生了。社長希望客人可以多種方式享受茶」，所以開了一家賣茶的咖啡店，並研製出不同風格的抹茶甜品。七年前登錄香港，現有銅鑼灣及太古兩間分店。銅鑼灣分店不大，大約有十張枱，有兩張半開放式座位，要低頭入座。全場只得一個服務生，沒有充足滿意的服務是正常吧。試過不少抹茶甜品，京林屋真心不錯。10月中去了一次，之後心思思又去了兩次，試了以下甜品：林屋抹茶芭菲(元祖芭菲)京林屋名物，越洋到香港仍保持水準。三分二嘅芭菲都是抹茶慕絲，加上抹茶雪糕、抹茶啫喱、蕨餅、白玉，中間一抹忌廉可以調節一下味道，底部還有寒天，混和在一起令口感十分豐富。抹茶啫喱雪糕抹茶雪糕有濃濃抹茶味道但不苦澀，也不會太甜，配搭抹茶啫喱，增加口感同時亦增加了味道的層次。焙茶啫喱雪糕焙茶雪糕不會太甜，有陣陣茶香氣，配搭清新焙茶啫喱，增加口感同時亦增加了味道的層次。官網資料：「1902年京林屋的第三代傳人發現把茶葉炒過後，會釋放出誘人的香氣，茶味也會變得更濃郁，發明了朝薰焙茶，也成為了今天各類焙茶的始創者。」京林屋除了甜品，也有熱食供應。朋友試了京式林屋抹茶芭菲鰻魚飯，鰻魚頗大條，汁料充足，配以焙茶飯，飯上面放了很多蛋絲，十分豐富。當然還有麵豉湯和蘿蔔漬物。お食事還附上自選茶(五選一)：焙茶朝薰、玄米茶、葡萄煎茶、蘋果玫瑰煎茶、桃味焙茶。漏斗的砂全部流下來就可以飲。…查看更多

Since we didn't get to have desserts at Mother of Pizza, we came here for desserts.The shaved ice (snow mountains) was exactly what I needed after the pizzas. I tried a spoon of the matcha shaved ice and I have to say I prefer hojicha more(personal preference). The amount was ample and they also give you extra topping sauce when it gets diluted in the middle. Despite the large amount, since it wasn't too sweet, you can still finish it with ease.My other friend tried the parfait, which looks amazing and tasted good as commented by her.However, for service, they have to announce a bit louder regarding the number on the tickets. The 4 of us were right at the entrance yet still cannot hear them announcing our number and nearly missed our table.…查看更多

天氣熱行街又行到口乾！就梗係想食啲甜品同凍嘢😍好多食冰嘅舖頭都好食不過超多人排隊🥲今次呢間唔駛等就可以入！特濃抹茶雪山✨ $98 4.2/5😋呢個價錢真係唔算太貴，上到枱係超級大份！仲可以自己淋啲抹茶糖水上去～就咁食嘅時候已經有好重抹茶味😍不過就唔係好甜～再淋多啲抹茶糖水上去就更加重抹茶味而且甜得嚟又唔會太膩！底下仲有紅豆、小丸子等等其他配料🤤超級消暑又好fresh！秘製抹茶蕨餅✨ $88 4.2/5😋呢個相對就好似比較貴🤣但食落煙煙韌韌口感好好！建議唔好落咁多黑糖！落少少帶出甜味就夠～蕨餅配抹茶粉好香好重抹茶味！配埋黑糖超match😍…查看更多

《京林屋– 銅鑼灣》又中伏啦🥲雖然抹茶既野食大多都穩穩陣陣😅但真係唔係樣樣都好食架🥸前幾日同朋友喺銅鑼灣食完拉麵🍜諗住再去食個甜品先走啦，由於當日太熱，我地就決定食刨冰降降溫🥲但想食果兩間一係就好多人，一係就排曬隊，結果比我搵到間食抹茶甜品既餐廳入到去店員面色都麻麻地架啦，客人又唔算好多，我地兩個搵位坐低就叫野啦💁🏻‍♀️特濃抹茶雪山 $98刨冰係屬於粗粒果種冰，係日本傳統冰店食到果種既感覺，佢都有提供綠茶糖漿比食客自己選擇落幾多，不過個糖醬同個冰夾埋好似有糖綠茶濃縮左淋上冰咁，個人麻麻地呢種感覺😅不過頂頭個抹茶雪糕幾滑幾好味既，只限個雪糕囉🙃個白玉本身無味，需要夾埋啲冰去食，但個冰既綠茶味又同佢唔太夾😂不過掘到最底我先發現佢完來有紅豆的🫘😢但咁就令個綠茶糖水冰甜上加甜🙂我個人就覺得十分麻麻啦，試過就好💁🏻‍♀️黑糖珍珠焙茶脆米雪糕 $58呢個反而幾好食，好過我個冰都啦，雪糕其實真係唔差架，不過我地明明叫焙茶雪糕佢就比左抹茶🍵都唔緊要既，好食就得啦，黑糖珍珠同個雪糕加埋一齊食感覺幾好，不過都幾甜下🤣To conclude，如果唔係其他地方既糖水鋪太多人排隊，下次真係唔會考慮食呢間啦😂要食抹茶雪糕既話我不如去番Via Tokyo 係咪😉…查看更多

已相隔近兩年多未有到訪，今日抱有好大期望，可以食到超水準食物，但就頗為失望，甜品水準保持到，但鰻魚飯就完全失色，飯只有餘溫，口感粗糙，鰻魚亦失去味道，海鰻口感結實，鮮味欠奉，非常失望！…查看更多

天口熱，今日勁口渴，好想食冰，只係諗到希慎既京林屋，星期六6點後到都要等位，好彩只係等咗20分鐘。咁耐無黎，餐牌好似同之前一樣。甜食有啫喱雪糕，餡蜜，雪山，芭菲，布丁，蕨餅，年糕甜湯，白玉甜湯，芝士蛋糕，法式聖馬克抹茶蛋糕，卷蛋，另外亦有鹹食如蕎麥麵，烏冬，稻庭麵，鰻魚飯，牛肉丼，牛肉烏冬，金目鯛魚定食，鯖魚定食，雞扒飯，其他定食等。茶有日本最好嘅抹茶玉露，焙茶，玄米茶，煎茶，紅茶，黑豆茶，沙冰，牛奶，沙冰雪糕等。雪糕口味主要係抹茶同焙茶。餐牌寫每人最低消費一樣野，用餐時間普通座位為90分鐘。雪山 $108 另加一林屋抹茶雪山特大特大雪山有勁多軟綿綿嘅雪花冰，上面最頂有半球抹茶硬雪糕，面頭灑上少少抹茶粉。雪花冰外面嗰層已經加左牛奶，味道微甜，味道調得好啱。入面好多雪花冰係冇味，等你自己加另上嘅抹茶醬或者煉奶食。抹茶醬好香濃而甜度適中，煉奶又香又甜，各有各好，個人覺得加邊樣都好味。雪花冰傍邊有兩粒白玉丸子，下底仲收埋左唔少抹茶蕨餅同紅豆蓉，同無味既雪花冰一齊食就唔覺甜。雖然抹茶硬雪糕唔係軟雪糕，但係都好滑同抹茶味香濃，配綿綿冰食都幾好。食完堅解渴。香港限定芭菲 $98 另加一香港限定芭菲一貫用高身玻璃杯裝住，有好多層嘅材料。首先抹茶軟雪糕喺頂，滑溜而抹茶味都唔錯，下面有三粒有嚼勁嘅白玉丸子同三件好滑嘅抹茶蕨餅。呢度嘅蕨餅係我暫時喺香港食過最好味嘅。下底就係我鍾意可以加添口感嘅脆米，呢度係用家樂氏，再下底就係抹茶嘅絕配紅豆蓉。仲有少許忌廉（原本想走忌廉，不過原來係唔得），同兩粒浸泡過嘅士多啤梨，令味覺清新少少。再下底就係爽滑啫喱同抹茶蕨餅。最下底一粒白玉丸子就完成成個香港限定芭菲。當然呢個香港限定芭菲口感勁豐富，集香滑，香脆，滑溜，煙韌，鮮甜於一身。今次我地三個人分享，食完唔覺太甜。黑糖珍珠焙茶雪糕 $58 另加一呢個黑糖珍珠焙茶雪糕上次食過又平又正，今次忍唔住要encore。焙茶雪糕超滑溜同香濃。杯邊超多黑糖珍珠，煙韌好有咬口但唔過甜。雪糕下底原來仲有脆米加添口感。不過仲有一小pat忌廉我就唔太欣賞，太膩同冇必要。今次另上左一細兜黑蜜，我覺得完全唔需要了。不過之後我地加落熱茶度飲原來好夾。京式鰻魚飯(原條) $128 另加一京式鰻魚飯暖笠笠上枱，原條鰻魚切開兩半，質素正常，彈牙又好味。鰻魚伴有蛋絲同紫菜絲。飯量好多，而粒粒飯都沾滿醬汁而唔過鹹。跟餐仲有四條好爽脆鮮甜嘅白蘿蔔漬物放到井字形，仲有一碗鹹香適中嘅熱辣辣麵豉湯，入面有少少豆腐皮同葱花。跟飯配自選茶，五揀一，可揀温或冷。温桃味焙茶 (跟飯)我哋揀左温桃味焙茶，係一個茶壺同一套茶杯連熱水壺咁上。將熱水倒入茶壺，沙漏漏完就可以飲得。茶色呈淺啡色，桃味好香濃，食住凍雪糕一邊飲就正啦。熱水壺保温做得好好，飲到尾都仲熱。跟飯包埋呢個飲品都幾抵。後尾我地加左黑蜜一齊飲真係有多一重飲法。今餐食物質素基本都保持一貫水準，食完甜品胃大滿足。服務都係一貫水平，可能太忙，服務員基本上都無好面口。因爲上次會溶嘅野食一次過上哂俾你，唔理你食唔食得切，所以今次我地逐樣逐樣叫，食完一樣先一樣，用餐體驗即時改善！…查看更多

京林屋 可能大家好多都食過佢嘅抹茶甜品 但你哋又知唔知 原來佢都有熱食賣呢？ 今次lunch去食 叫咗 一個林屋和食料理 一個鯖魚定食單點嘅話兩個價位都係唔使$100林屋和食料理 $88 - 有一個分開四小碟嘅餸 有鯖魚 北寄貝沙律 照燒雞 蛋 合桃 魚仔 望落好似好少嘢 但食落送飯都唔錯wor 👍🏻鯖魚定食 $78 - 正正常常 一大嚿魚 同埋一碗飯 仲有麵豉湯同酸蘿蔔佢啲飯唔知點整嘅呢？有少少茶味都幾香今次好彩 坐到卡位 幾舒服同埋幾有私隱度 坐響度慢慢吹水都幾舒服 😉🍽 餐廳: 京林屋🏠 地址: 銅鑼灣軒尼詩道500號希慎廣場12樓1203號舖#foodiehk #hkfoodie #foodie #香港美食 #foodporn #foodphotography #foodblogger #hkfoodpic #hkfoodinstagram #foodlover #foodstagram #美食分享 #食好西 #美食寫真 #hkig #hongkong…查看更多

自問鍾意抹茶既，一定要試下呢間京林屋～主打各類抹茶、焙茶甜品，已經有過百年歷史，有各款唔同既抹茶甜品，好似蕨餅、冰、芭菲等等，一定滿足到抹茶控！ 1️⃣特濃抹茶雪山（$98）雪山份量都唔少🤩另外仲配有抹茶醬可以另加。抹茶味道好香，仲有啲回甘添😍加埋面頭抹茶雪糕，成個甜品都係滿滿既抹茶味～食到底仲有抹茶啫喱、紅豆、小丸子，好豐富😋  2⃣️特製林屋抹茶餡蜜（$98）有抹茶雪糕、抹茶啫喱、紅豆、小丸子、寒天、抹茶蕨餅，仲有黑糖醬另上🤤特別鍾意佢既蕨餅，煙煙韌韌，抹茶味道清香，仲有啲黃豆粉係面頭帶微甜～  …查看更多

炎炎夏日，最適合吃冰！🧊日式吃冰也是不錯的選擇！這間以抹茶為主打的餐廳，滿有京都式的甜品。🍵有多款日本京都的甜品選擇，更有很多飲品和雪糕，令人懷念在京都旅行的日子。《特濃抹茶雪山》$98巨型的雪山，解暑一流，表面有抹茶，更可自行添加抹茶醬，最頂還有抹茶雪糕，內裏更有丸子和紅豆等食材，好味道！《迷你焙茶芭菲配自選茶》$98配了凍玄米茶，很解渴。焙茶雪糕的味道很香濃！配上日式甜品必有的食材，很滿足！總結：解暑一流！…查看更多