京林屋 (希慎廣場)

營業中

休息中

喺希慎一夜少少真係好難搵嘢食 一嚟商場閂一嚟好多到咗九點半都last order 所以誤打誤撞有咩就食咩 一嚟就不假思索揀咗個賣相好似幾吸引嘅鰻魚飯 個飯即煮 上菜時都依然暖笠笠 成條鰻魚有成個碗咁長身 肥美又多汁又無骨 啲白飯多 罕有地本身都有充足嘅鰻魚汁 唔需要自己再加醬汁 另外都有滿滿嘅炒蛋碎舖面朋友點咗個牛肉飯 個賣相一般 對比起出面連鎖店都係比較淡色啲 啲飯有啲太黏 不過啲紅薑係有加分嘅 如果配天婦羅就更加好喇！不過太夜 我哋都好快飽 食唔晒😩另外兩個飯都有配湯

推薦度（10👍🏻滿）：8👍🏻衞生（10⭐️滿）：8⭐️環境（10⭐️滿）：8⭐️味道（10⭐️滿）：7⭐️價錢（10⭐️滿）：7⭐️服務（10⭐️滿）：7⭐️地點（10⭐️滿）：8⭐️京林屋係主打抹茶甜品，抹茶控嘅朋友一定要黎試下，唔好錯過。甜品嚟嘅抹茶味好濃，我哋叫咗一凍一熱嘅甜品。抹茶雪糕沙冰（凍$52），抹茶紅豆年糕甜湯（熱$68）我覺得熱嘅抹茶紅豆年糕甜湯，抹茶味會比較濃，亦唔會咁甜。不過因為有埋年糕，食落都幾飽，佢嘅甜味係來自紅豆多啲嘅。抹茶雪糕沙冰，賣相一流打卡最好，夏天食非常正，雪糕亦都係綠茶味。👍🏻係而家冇得飛嘅時候，佢嘅裝修亦都好日式化，扮吓去日本，亦都係一個唔錯嘅選擇，安撫下自己嘅心靈。

早幾日已經想黎京林屋食甜品，不過勁多人等位就放棄左。見今日條人龍短少少就去食，但係都等左七個字，明明有客走左好耐都未清到枱俾人入，好彩舖頭出面有位坐。今次有幸坐到和式座位，私隱度稍微高少少，不過好難合照，用餐時間限時60分鐘，座位嘅皮都爛哂咁滯，係時候要換新。餐牌包羅萬有，甜食有啫喱雪糕，餡蜜，雪山，芭菲，布丁，蕨餅，年糕甜湯，白玉甜湯，芝士蛋糕，法式聖馬克抹茶蛋糕，卷蛋，另外亦有鹹食如蕎麥麵，烏冬，稻庭麵，鰻魚飯，牛肉丼，牛肉烏冬，金目鯛魚定食，鯖魚定食，雞扒飯，其他定食等。茶有日本最好嘅抹茶玉露，焙茶，玄米茶，煎茶，紅茶，黑豆茶，沙冰，牛奶，沙冰雪糕等。甜品口味主要係抹茶同焙茶。餐牌寫每人最低消費一樣野，用餐時間普通座位為90分鐘。今次叫左一個熱食同三份甜品。京式鰻魚飯(原條) $128 另加一記憶中好多年前都喺度食過同一樣野。京式鰻魚飯大大碗，當然真係原條鰻魚切開兩半。上面嗰半好肥，下面嗰半瘦啲，質素唔錯，彈牙又好味。鰻魚上面加左蛋絲同紫菜絲。飯量好多，而粒粒飯都沾滿醬汁而唔過鹹，好味道。跟餐仲有四條好爽脆鮮甜嘅白蘿蔔漬物同一碗鹹香適中嘅熱辣辣麵豉湯。跟飯配自選茶，五揀一，可揀温

有排都未飛得日本，唯有繼續喺香港周圍食飯扮去旅行啦😮‍💨🔸林屋和食定食料理🍱🔸$88係一次過滿足晒好多願望既set，有8款野食，包括海鮮沙律、帆立貝、木耳、魚乾等，各有特色，最喜歡芝士魚餅及蔬菜蛋，可惜靖魚調味較咸🥶🔸培茶芝士蛋糕🍰🔸$88甜而不膩，濃濃茶香配上鬆軟芝士蛋糕，兩個人share啱啱好😍旁邊嘅雪糕小丸子都好值得推介！但係紅豆就比較甜，唔鍾意食甜野嘅朋友有機會食淨🥲見到隔離枱既芭菲都好似好吸引，有機會都要試吓🥰😫

日本二百年歷史的抹茶品牌，於2015年登陸香港，「京林屋」是首間把抹茶結合甜品的食店，店的招牌菜其實是「抹茶芭菲」，但焙茶一樣有口碑不錯。特濃抹茶雪山💰98🔸刨冰的份量多，刨冰堆得好高，適合2-3人份量🔸冰花幼細綿滑，外層有冰粒感，冰花融化不算快🔸冰花抹茶味非常濃郁，些少 苦澀，另外附有抹茶醬添加🔸碗底有白玉及綿綿紅豆培茶芝士蛋糕💰88🔸口感creamy 帶有濃郁培茶味的芝士蛋糕，蛋糕份量較小🔸雪糕奶味較重配自選茶：玄米茶加💰20🔸提供沙漏提醒顧客避免茶泡得太耐🔸散發出陣陣玄米香味🔸茶有些苦澀帶香醇‼️餐廳座位有限，座位舒適，一邊座位是和座及屏風，需排隊等候‼️餐廳設每人最低消費

夏日炎炎，又熱又渴，想食雪糕。喺希慎嗰頭就醒起超耐冇黎過嘅京林屋。上次黎已經係兩年幾前。餐牌包羅萬有，甜食有啫喱雪糕，餡蜜，雪山，芭菲，布丁，蕨餅，年糕甜湯，白玉甜湯，芝士蛋糕，卷蛋，另外亦有鹹食如蕎麥麵，烏冬，稻庭麵，鰻魚飯，牛肉丼，其他定食等。茶有日本最好嘅抹茶玉露，焙茶，玄米茶，煎茶，紅茶，黑豆茶，沙冰，牛奶等。餐牌寫每人最低消費一樣野，用餐時間普通座位為90分鐘。香港限定芭菲 $98 另加一之前已經食過呢款香港限定芭菲兩次，我次次都要食。香港限定芭菲一貫用高身玻璃杯裝住，有好多層嘅材料。首先抹茶軟雪糕喺頂，香濃厚身抹茶味濃而超滑溜，下面有三粒有嚼勁嘅白玉丸子同三件好滑嘅抹茶蕨餅。呢度嘅蕨餅係我暫時喺香港食過最好味嘅。下底就係我鍾意可以加添口感嘅脆米，再下底就係抹茶嘅絕配紅豆蓉，不過我覺得太甜。仲有少許忌廉，同兩粒浸泡過嘅士多啤梨。再下底就係啫喱同抹茶蕨餅。最下底一粒白玉丸子就完成成個香港限定芭菲。當然呢個香港限定芭菲口感勁豐富，集香滑，香脆，滑溜，煙韌，鮮甜於一身。不過今次食完我覺得太甜，已經係同人分享左。雪山 $108 另加一特大雪山有勁多軟綿綿嘅雪花冰，外面嗰層已經加左牛奶

同朋友食完飯意猶未盡，搵間甜品舖下半場，一心想試「京林屋」嘅「特濃抹茶雪山」～晚飯後嘅時間預咗等位，大概等左20分鐘有位。落order嘅時候，店員告知所有雪山都買晒，有少少失望😪============================黑糖珍珠焙茶奶 $48最後揀咗期間限定嘅「黑糖珍珠系列」，入口焙茶味濃郁！將頂層嘅cream攪勻，雖然evil咗少少不過口感好rich😈黑糖珍珠抹茶雪糕 $58抹茶味濃濃，有微微回甘～除咗有鋪喺上面嘅珍珠，雪糕中層有脆米，多一重口感黑糖醬另上，珍珠本身唔甜，口感煙韌，本身都有啲怕珍珠會好甜，最驚喜～整體唔算甜，令茶味唔會被蓋過，怕甜人士友好！============================京林屋📍銅鑼灣軒尼詩道500號希慎廣場12樓1203號舖

一心諗住去希慎食晚餐，點知經過京林屋比個抹茶甜品吸引咗😍皆因本人係抹茶控🤣唔想周圍諗食乜嘢，原來京林屋都有主食，咁就入去坐低咗😆可能仲係傍晚六點幾，大家都未開始食飯，所以仲有好多位淨，店員安排咗我哋坐側邊卡位，有塊日式布遮住，感覺好私人空間👍🏻裝修雖然無華麗感覺，但木色好日系feel，感覺幾舒服😌必點嘅一定係甜品🤤🤤真係好好味😋兩個人食都夠食，一個人食就好似太多😅·🌟林屋抺茶芭菲 價錢$88入到嚟點主食都無睇過有咩係必食推介，求其點咗兩個，只希望快啲食完可以食甜品，但估唔到主食水準都唔差，可以話幾好食😋而且賣相都幾靚☺️·🌟林屋和食料理 價錢$88·🌟金目鯛魚定食 價錢$88其實京林屋應該出名品茶，今次無試到😣下次有機會再試吓先～皆因佢個茶壺好似幾靚😆敷淺的人🤣

相信好多人都好掛食‘家鄉’日本🇯🇵 包括我今日同朋友去開銅鑼灣行街shopping，食完Lunch就梗係餵埋我第二個胃啦銅鑼灣岀名甜品舖多，揀到我都十五十六，抹茶控的我，梗係揀返主打抹茶的餐廳，左揀右揀最後揀咗呢間，開頭以為呢個時間無乜人食，誰知擰轉頭一班人等緊位等咗大概20分鐘就入得。因為有啲肚餓，所以叫咗個牛肉烏冬同香港限定的抹茶芭菲，烏冬包一杯茶，烏冬好滑口感不錯，但唔知點解湯底偏甜，btw都湯底都濃厚的再黎就我最愛的抹茶，食到中間加咗士多啤梨🍓 酸酸甜甜幾特別！平時我自己一個食一杯通常食剩小小，今次食得哂成杯，香港限定呢款幾好食，下次都會再黎試埋其他款甜品，Good

侍應不斷提醒有每人最低消費 問幾多位提一次每位有最低消費，點餐放低餐牌前提一次每人有最低消費，三人坐低，點餐時叫到第二個餐時提你一次仲差一個。完全感受到員工對每人有最低消費的壓力。

〔 焙茶餡蜜 〕 $78 .焙茶的茶香好出, 由於小編真的很小吃甜食, 一手把他們的黑糖通通倒進碗入面,真係甜死自己🤣🤣, 佢地既黑糖完全冇偷工減料,玉丸子唔會黏口,蒟蒻有小許爽口.〔 焙茶啫喱雪糕 〕 $58 .同焙茶餡蜜唔同嘅地方係雪糕, 軟軟嘅雪糕口感變得不一樣,都係一個不錯嘅選擇.下次試再黎試咸食(好味指數: 9/10)

來到銅鑼灣，因為趕時間，見到這間餐廳沒有排隊，可以快食快走，所以立刻入去試試。其實這間餐廳出名係日本綠荼飲料及甜品，但係因為午餐時段，所以便試試他們的午餐系列。我點了他們的牛肉湯烏冬試吓。牛肉及烏冬的質素一般般，冇乜多大驚喜。套餐是可以加茶，便試吓蘋果綠茶，茶反而不錯。因為太飽的關係，沒有試到他們的招牌甜品，下次再試吧。

同朋友係銅鑼灣行左陣街，見累就入左呢間店抖下咁岩朋友係抺茶控佢一見到出面的食物模型就比佢拉左入去食朋友點左呢個，自己一個人食哂仲要一邊食一邊讚，話好正宗我自己點左以下呢款首先我自己唔係抹茶控，所以點返唔好咁大抺茶味既野呢個我要大讚，唔太甜唔係好濃抺茶味，清清的我很喜歡提一提要加一既！但星期六下午去，少服務人員要等好耐先有服務環境算唔錯，坐的舒服另外食野要限時如果你想長坐建議你要問下 用餐時間多少唔會比你長坐的

京林屋Kyo Hayashiya 係京都百年老店，有超過200年歷史，身為抹茶控嘅我，今日就去左試吓啦！.📌秘製抹茶蕨餅＄88抺茶粉同黑糖蜜另上，可以見到蕨餅光滑，但蕨餅本身味道較淡，如果唔怕苦可以加多啲抹茶黃豆粉，令口感更豐富，增添甘澀味。再配上黑糖蜜🍯，但味道偏甜，有少少喧賓奪主！口感帶點爽，Q彈滑溜，但唔煙韌！蕨餅味道獨特性唔高！.總括黎講，未必會再回頭，個人偏好Via Tokyo多啲😉 或者可以試下呢度既lunch set!

京林屋Kyo Hayashiya+日本菜+ 甜品/糖水🏠overall/環境/ 服務:+ 員工快手 有禮 主動加水‼️黑糖珍珠抹茶雪糕$56好食指數：⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️抵食指數：⭐️⭐️⭐️⭐️✅ 對比起via Tokyo 抹茶雪糕 比較重少少奶味 味道獨特性唔高 不過都幾好食 ✅ 黑糖唔會好甜 不過又唔係同抹茶好夾✅ 珍珠細細粒 正正常常‼️京式鰻魚飯 $128好食指數：⭐️⭐️打卡指數：⭐️⭐️⭐️大份指數：⭐️⭐️抵食指數：⭐️⭐️✅ 超級失望 最近食過唔少鰻魚飯 今次算係其中一個好差✅ 鰻魚肉又乾又硬 食落去就應該唔係即刻燒 唔多合格✅ 雖然上哂色 D飯完全冇味咁...... 📍銅鑼灣軒尼詩道500號希慎廣場12樓1203號舖Shop 1203, 12/F, Hysan Place, 500 Hennessy Road, Causeway Bay⏰星期一至日 11:30 - 20:00☎️ 電話號碼 35801838📩喜歡我的文章，可以關注我及讚好以作鼓勵