京一

營業中

休息中

📌 京一📍 鰂魚涌英皇道939號地下☎️ 23457891★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*呢日同朋友去鰂魚涌搵食，經過英皇道呢間日本餐廳，就被門面好raw嘅石牆同日系竹林風格吸引咗。午市套餐選擇都幾多，有咖哩類、壽喜燒鍋物、鰻魚等熟食及不同種類嘅刺身丼飯。喺咁炎熱嘅天氣下，我同朋友都揀咗刺身丼飯消消暑氣。🥢特選豐州季節海鮮丼（$198）呢個刺身定食嘅刺身包括赤海蝦，三文魚，油甘魚，同三款季節限定。而我呢日嘅限定款係池魚，吞拿魚同金目鯛。丼飯仲有蛋絲同三文魚籽作點綴。全部刺身都新鮮無筋，魚有魚油香，蝦都好鮮甜，每樣一件，每件都帶出新鮮感。啱晒唔鐘意重覆嘅我。壽司飯醋味突出，好啱我好味，飯嘅分量好多，我食晒呀！搞到下午有啲飯氣攻心專心唔到做嘢添。😂😂🥢金目鯛配油甘魚丼（$198）朋友比我專一，揀咗呢個金目鯛油甘魚丼，貪佢可以唔夠喉食多件。除咗呢兩款魚外，原來仲有一隻赤海蝦，上枱有驚喜！每個定食都附上沙律菜、海藻前菜、味噌湯。食完好飽足。價錢另收加一。

婆婆真係好，又黎接我收工❤️咁我都講佢食好西，當係答謝佢啦😆今次我哋揀咗喺公司附近食日本丼飯，一於去試吓呢一間新開嘅日本餐廳啦😍花魚一夜乾定食原條一夜干燒熟，燒得啱啱好，魚肉好鮮嫩，帶一點點鹹香，非常好食😋定食套餐仲包括左錢財、沙律、麵豉湯、茶碗蒸、仲有飯後水果🥭，真係食到超級飽啊😆北海道海膽配吞拿魚腩茸海鮮丼海鮮丼飯超級足料，上面鋪滿左吞拿魚蓉，仲有好大啖海膽，每樣刺身都非常新鮮，絕對鮮甜😍同其他定食一樣，有齊前菜、湯等等，真係好滿足

放工突然好想食日本菜，好掛住日本嘅日式定食，今晚就一於試吓！一人叫咗一個定食，兩個都好味呀😆北海道海膽配吞拿魚腩茸海鮮丼 $288北海道海膽好甜好香，成日碗飯都充滿着吞拿魚茸，啖啖肉，好似飛咗去日本食海鮮丼咁正🤤除咗海鮮丼，仲有好多唔同嘅配菜，非常豐富食到勁飽啊！美國牛肉壽喜燒鍋物 $178牛肉好淋好香牛肉味！配埋壽喜燒醬汁一流呀，仲有蕃茄沙律，中華沙律，茶碗蒸同麵豉湯，成個定食都非常之豐富食到好飽啊！最後仲有水果做甜品，成個套餐都好圓滿，今晚好開心呀！下次都要再去食過！下次想去試吓其他海鮮丼全部都好吸引

聽講呢間新開嘅日本餐廳食物質素唔錯... 所以今日專登約埋朋友一齊去品嚐吓!呢度環境好舒適... 裝修好有和式竹林風格... 清幽雅緻... 座位闊落!今晚我想食海膽😬... 所以order咗最貴嘅【北海道海膽配吞拿魚腩蓉海鮮丼】定食!🤤定食嚟到眼前一亮... 呢個刺身飯好靚... 好似一幅畫咁!🖼️😍 海膽顏色亮麗潤澤... 望落好肥美... 幾乎入口即溶... 食落鮮甜嫩滑! 吞拿魚腩蓉同樣鮮甜美味... 口感細緻嫩滑! 加埋大大粒魚子、蟹籽、食用花... 成碗飯好吸引... 而且食落冇乜腥味! 讚!👏朋友order咗【日本特濃咖哩雞扒】定食... 佢話d雞扒煎到幾香口... 肉質唔會嚡... 而咖哩好香濃... 夾雜咗d牛肉碎...點嚟食多重口感!😋兩款定食嘅配菜都大同小異 ... 有麵豉湯、中華沙律、和風沙律同埋滑滑茶碗蒸... 全部都係水準之作!👍

𝗵𝗮𝗱 𝗱𝗶𝗻𝗻𝗲𝗿 𝗵𝗲𝗿𝗲 𝗹𝗮𝘀𝘁 𝘄𝗲𝗲𝗸 𝗮𝗻𝗱 𝘁𝗵𝗲 𝗱𝗶𝗻𝗻𝗲𝗿 𝘀𝗲𝘁𝘀 𝘄𝗲𝗿𝗲 𝗻𝗶𝗰𝗲 & 𝗿𝗲𝗮𝘀𝗼𝗻𝗮𝗯𝗹𝗲 𝗽𝗿𝗶𝗰𝗲𝗱! 𝗲𝗮𝗰𝗵 𝘀𝗲𝘁 𝗰𝗮𝗺𝗲 𝘄𝗶𝘁𝗵 𝗮𝗻 𝗮𝗽𝗽𝗲𝘁𝗶𝘇𝗲𝗿, 𝘀𝗮𝗹𝗮𝗱, 𝗺𝗶𝘀𝗼 𝘀𝗼𝘂𝗽 𝗮𝗻𝗱 𝗱𝗲𝘀𝘀𝗲𝗿𝘁. 𝘁𝗵𝗲𝘆 𝘄𝗲𝗿𝗲 𝗾𝘂𝗶𝘁𝗲 𝗴𝗲𝗻𝗲𝗿𝗼𝘂𝘀 𝘄𝗶𝘁𝗵 𝘁𝗵𝗲 𝘀𝗲𝗮𝗿𝗲𝗱 𝘀𝗮𝗹𝗺𝗼𝗻 𝗮𝗻𝗱 𝘁𝗵𝗲𝘆 𝘁𝗮𝘀𝘁𝗲𝗱 𝗿𝗲𝗮𝗹𝗹𝘆 𝗳𝗿𝗲𝘀𝗵 𝗮𝗻𝗱 𝘀𝗮𝘁𝗶𝘀𝗳𝗶𝗲𝗱 𝗺𝘆 𝗰𝗿𝗮𝘃𝗶𝗻𝗴𝘀😋.早幾日去開鰂魚涌又想食日本野，見佢門口是是正正就入咗去，晚餐時段都有定食價錢一啲都唔貴～ 炙燒三文魚超大舊又厚切，三文魚籽份量都好多，食到尾都仲有三文魚剩份量超搭夠😛 壽喜燒除咗有六塊半熟牛肉，鍋底仲有豆腐芋絲同雜菜等等，味道無過甜送飯一流！兩款定食都跟咗茶碗蒸、和風沙律、味噌湯、中華沙律，臨尾仲有甜品，係鰂魚涌返工嘅又有多個選擇！

呢間鰂魚涌嘅日式料理店🇯🇵已經食過兩次喇～係難得喺呢區搵到坐得比較闊落，唔會太逼嘅餐廳🤣 餐廳裝修用上竹葉同木系設計，燈光偏暗比較有格調，仲有個壽司bar枱見到師傅整丼飯嘅過程，有啲omakase嘅感覺🍣 我哋試完覺得食物質素都唔錯，價錢都係鰂魚涌區嘅一貫水平，鰂魚涌友可以試吓！🍱 佢哋嘅晚市定食係包咗：丼飯、沙律、茶碗蒸、前菜螺肉、麵豉湯同甜品😍 要特別講下個茶碗蒸，啲蛋超級滑🤤，入面仲配埋蝦同冬菇等配料好鮮甜！當晚嘅甜品係朱古力同士多啤梨卷蛋，份量少少哋啱啱好。成個set係連大食嘅我哋都覺得夠飽🤭▪️季節特選豐洲直送海鮮丼 $228▪️睇餐牌嗰陣猶豫緊揀熟食定魚生飯，但係店員推介話佢哋啲魚生好新鮮，所以就揀咗呢個😛 當晚嘅海鮮有油甘魚、三文魚、甜蝦、金目鯛、深海池魚及吞拿魚🐟 食落又真係感覺好新鮮，而且成個丼飯仲有其他配菜可以撈埋一齊，例如係醃製過辣辣地嘅蒜頭🧄，食完勁開胃🤤▪️火炙三文魚親子丼 $188▪️火炙三文魚份量都幾多下！燒到外面暖暖地入面好滑個種感覺真係超正😍，仲有大量三文魚籽同蛋絲用嚟撈飯👍🏻 呢碗嘅配菜係牛蒡，雖然口感偏硬但係配飯味道都幾特別～

店內以日本竹林🎋灰色紋里石🪨作背景，亦播放日本音樂 彷彿一𣊬間去到日本嘅感覺🎏另外設有omakase座位 以高水準親民嘅價錢享受🥰京都四色鰻魚飯盒$158這個飯盒以4個配菜襯上濃味的鰻魚飯，分別有蛋絲，日本醃製黃蘿蔔，日本酸薑& 芥末八爪魚🐙酸酸甜甜嘅感覺 特別開胃🤤鰻魚肉質厚厚 帶甜味的醬料搭上油脂豐厚的鰻魚，滋味簡直一絕！北海道三重奏海鮮丼(三文魚，帶子，甜蝦)$178魚生鮮甜富有光澤😋望落去以為好細碗但份量十足每份丼飯都附上沙律🥗，麵豉湯，前菜📍京一 鰂魚涌英皇道939號#鰂魚涌必食 #魚生飯 #性價比高 #日本料理 #定食料理 #午市套餐

餐廳環境舒適，午市定食價錢合理，食材新鮮。🍲🍲🍲🍲🍲🍲🍲🍲🍲🍲🍲🥣🥣🥣🥣🥣🥣🥣🥣🥣🥣🥣服務員有問必答，和公司同事經過享用了愉快的午餐。會再光顧的日式餐廳。🍣🍣🍣🍣🍣🍣🍣🍣🍣🍣🍣

今日過黎鰂魚涌，本來想順便一試鰂魚涌名物治癒果子嘅麻薯puff, 點知排到我就賣晒🥲🥲黑到呢。。（真係到我就賣晒！）為左彌補心靈缺失，揀左呢間日式庭園feel日本餐廳食晚飯😋▐ 日本特濃咖哩雞扒 $148▐跟餐配沙律、前菜、茶碗蒸同甜品，好豐富🤤🤤燒雞扒塊雞皮燒到好似薯片咁脆，冇肥膏，甜甜地，肉質唔柴兼有肉汁，而且好厚好大塊😋😋咖哩濃稠足料，微辛但唔嗆口😋😋茶碗蒸香滑，有菇同白果，有少少酒香味，可能加左味醂？非常好味😋▐ 吞拿魚赤身配甘海老海鮮丼 $208▐魚料新鮮，賣相靚仔😋😋睇起黎唔算大碗但食落份量十足🤤🤤🤤同咖哩set一樣跟左沙律、前菜、茶碗蒸同甜品👍🌐𝗔𝘁𝗺𝗼𝘀𝗽𝗵𝗲𝗿𝗲 : 走日式竹林庭園風格，位於太古坊附近，晚市好快坐滿客，午市應該都幾旺。🤵‍♂️ 𝗦𝗲𝗿𝘃𝗶𝗰𝗲 : 店員服務很好，會介紹菜式。💰 𝗩𝗮𝗹𝘂𝗲 : 晚餐價錢相宜而食物高質，份量十足，雖然full house但環境唔嘈，可以靜靜地享受晚餐👍

想食高檔刺身，不一定要付過千元才能享受。呢間新開日本料理餐廳，丼飯係由廚師精心製作，用嘅係新鮮的魚材，每碗飯上放上不同既新鮮又層次豐富的食材，最特別係刺身飯上wasabi, 再辣都唔會攻鼻, 另外每份丼飯套餐 都附送海草前菜, 雜菜沙津，茶碗蒸，味噌湯，甜品，絕對係親民價錢，性價比高👍 值得比like 係餐廳服務員工作態度好認真而且好有禮貌，會留意客人何時需要添茶。最喜歡係室內裝潢主要係木製，配上暖色燈光，氣氛好和諧，好啱放工 約朋友嚟chill 下。~~~~~~~~~~~~~~~~~~~~~~~~~~~~~~💫 京一角切雜錦海鮮💫 火炙三文魚親子丼💫 沙甸魚乾夾紫菜💫 蘋果汁/ 檸檬梳打

今日放假去咗鰂魚涌換禮品，經個英皇道見到間日本餐廳裝修得好靚！比佢吸引左我入去。入到餐廳好似去咗嵐山既竹林咁！仲播埋啲日文歌真係好似去京都咁😆坐睇吓個menu 先啲set 都好多款(H)吞拿魚配縞鰺島池魚丼縞鰺島池魚無貨所以比咗甜蝦我哋😋個set 包埋前菜、季節沙律同味噌湯。吞拿魚同甜蝦都新鮮好味😋(B)日本特濃咖喱雞扒都係配咗前菜、季節沙律同味噌湯仲有碗白飯雞扒大大舊配埋個特濃咖哩汁好好味😋我見隔離枱既日本人都叫咗呢個嚟食。所以我都叫嚟食吓果然係好食呀！

位於鰂魚涌英皇道< 𝐊𝐲𝐨𝐮𝐢𝐜𝐡𝐢 >, 一間日式餐廳, 裝潢以竹林為主, 帶有寧靜舒適感覺。ᴍᴀɢᴜʀᴏ ᴀɴᴅ ꜱᴡᴇᴇᴛ ꜱʜʀɪᴍᴘ ꜱᴀꜱʜɪᴍɪ ᴅᴏɴ $²⁰⁸吞拿魚赤身配甘海老海鮮丼, 是定食之一, 配有前菜、季節沙律、茶碗蒸、麵豉湯、甜品。軟腍吞拿魚赤身配搭新鮮甜蝦, 味道不俗呢。ᴋʏᴏᴛᴏ ᴇᴇʟ ʙᴇɴᴛᴏ ʙᴏx $¹⁷⁸京都四色鰻魚重亦是定食之一, 以傳統便當盒盛載, 厚身鰻魚面層散上芝麻, 旁邊放有四款配菜, 包括日本黃蘿蔔、日本酸薑、墨魚仔及蛋絲, 相當惹味。ꜱʜᴀʀᴋ ᴍᴀᴄᴋᴇʀᴇʟ ᴡɪᴛʜ ꜱʜɪᴄʜɪ ꜰʟᴀᴠᴏʀ $¹⁸⁰七味燒油甘魚鮫配檸檬汁, 外層是香脆魚皮, 內層為嫩滑結實魚肉, 啖啖充滿油脂及膠質。京一 (鰂魚涌)📍鰂魚涌英皇道939號地下

呢晚係鰂魚涌附近 放工同朋友都想食刺身 見呢間日本菜網上評價都唔錯 於是又試下先😆餐廳門口有幅植物牆 入到去見到中間有個綠色叢林嘅區域幾特別 另一邊又見到廚師係入面整嘢食 背景仲keep住播緊啲感覺好傳統嘅日文歌🤣 為咗食刺身而嚟嘅我哋見到隔離枱食緊個刺身拼盤超吸引 睇睇下menu見到有刺身丼飯 既滿足到我哋想食刺身嘅慾望 又可以醫肚餓 所以就揀咗兩個定食😎 每份定食都有前菜 沙律 茶碗蒸 味噌湯 是日甜品 好豐富😚 🍣角份雜錦海鮮丼 💰228想食多幾款刺身 雜錦丼就最好😍有三文魚 吞拿魚 油甘魚 件件都厚切 鮮甜肥美 加埋三文魚籽 蟹籽 口感十足🤤刺身同飯嘅份量都好足夠 絕對夠撈飯食🍚配料除咗上面嘅蛋絲 飯入面仲撈咗啲薑蓉 食起嚟好特別🤭 🍣火炙三文魚親子丼 💰188炙燒三文魚同樣大件厚切 燒咗一面 依然食咗三文魚嘅鮮味 份量都唔少㗎😍不過有一點比較奇怪嘅 我都到食完先諗到 就係親子丼應該係三文魚&三文魚籽?🤔不過好似淨係得蟹籽冇三文魚籽😂😂但都唔影響佢嘅味道嘅🥰 前菜🥢中華沙律 / 螺肉和風沙律🥗沙律菜 蕃茄仔 仲有一塊菠蘿🍍茶碗蒸🥚蒸蛋好香滑 入面有菇 蟹柳 仲有粒白果味噌湯🥣正

經過見門口幾有style都知道係行高質路線見佢Lunch 都係$100-$200 都值得試試不過佢lunch都有 #加一服務費 G #特選豐州季節海鮮檔 $188合共有六款刺身 固定咗四款 #油甘魚 #三文魚 #左口魚裙邊 #甜蝦 #季節兩款 刺身款款都咁新鮮 鮮甜 可惜在每款一件 不過個質素絕對對得著個價值 👍🏻另外配菜嘅牛蒡都好入味 K #北海道三重奏海鮮丼 $198三重奏即係 #帆立貝 #吞拿魚 #甜蝦未食睇個色水都知新鮮👍🏻特別係個吞拿魚夠哂厚切🔪諗起都再三回味好質感 又鮮甜🤤而且佢嘅配菜 除咗見到嘅蛋絲 蟹籽 仲有幾粒味漬蒜頭🧄真係唔講都唔知係蒜頭 冇咗本身果陣味而且漬到好爽口 味道亦好開胃定食 亦配有菠蘿雜菜沙律 同 青瓜螺肉同埋 #味噌湯 小編覺得個味噌湯好出色😋味噌夠濃郁 而且配有海帶同腐皮 有誠意☺️特別留意返～ 佢地果碗唔係普通嘅日本珍珠米飯🍚而係加咗 #牛蒡 #子薑 嘅🍚小編覺得唔錯～但子薑就的確唔係位位鐘意啦🤗#鰂魚涌必食 #omakase #魚生飯 #性價比高 #日本料理 #新餐廳 #鰂魚涌 #日本菜 #定食料理 #午市套餐

喺鰂魚涌開咗一間好有日式風格嘅日本餐廳，裏面嘅裝修充滿自然風格🌿以石頭🪨竹葉🍃同木頭🪵嘅格調為主，加埋播放嘅日文歌曲，好似置身喺日本嘆緊壽司嘅感覺🎍._.🍱/ 刺身丼定食/ 🌟（前菜、季節沙律、茶碗蒸、味噌汁、精美甜品）🌟每份定食都包咗呢幾樣前菜甜品小食，先唔講主食有幾好食，就連各樣前菜小食都咁好食👍🏻配搭唔會好濃味，最後嗰甜品雖然賣相簡單，但更係意想不到好食💕•🍣｜季節特選豐洲直送海鲜丼｜呢個海鮮丼係特選由豐洲直送過嚟，每隔一段時間刺身款式就會唔同咗，而且係根據季節而揀選，齋係呢點都好有誠意👍🏻呢個丼飯啱晒鍾意食刺身，對刺身好講究嘅人🍣因為斯丼飯裏面每片刺身的確好新鮮，仲要有成5款刺身種類配搭💕·🐟｜北海道海膽配吞拿魚茸海鮮丼｜呢個丼飯嘅配搭係我嘅最愛💕有齊海膽同吞拿魚蓉，海膽同吞拿魚茸嘅份量都算多，個吞拿魚茸多到可以每一啖飯都有滿滿嘅吞拿魚茸一齊食🤭好食到成碗都食晒❤️._.@Kyouichi📍京一📍鰂魚涌英皇道939號地下