亞萊泰 (T Town North)

營業中

休息中

Was in the area so went here for dinner.TSW has changed so much and not as shanty as before, there are now more posh eateries and the malls are done up.The drinks were on a buy one get one promotion which was good.Also got the fish which was on promotion.It was delicate and very refreshing because there was a lot of lime in it and the chili gave it a lovely fiery kick.It was very filling with rice so didn't really need to order anything else.Ordered the dessert platter and there is a choice of h

這間亞萊泰在天水圍開了好幾個月,這是我第一次去她們的餐廳吃午餐.菜單上的選擇都挺多, 幾乎全都是泰國菜.而且價格合理, 不算貴, 跟市區的比較, 是比較便宜的.而她的內部環境也不錯, 有特式的.在邊上有一盞燈, 有東南亞餐廳的感覺.在天花上都掛了不少燈.讓整個環境格調更一致.桌子和椅子都是木色的.我就覺得挺柔和, 很舒服.在餐廳環境方面, 我都可以給她高分,在食物方面, 來到泰國餐廳.當然要試試她們的咖哩飯.這咖哩飯叫做馬沙文咖哩雞扒飯.咖哩不會很辣, 我就覺得只有微辣.對於一些不太會吃辣的人.我建議可以去試試.雞扒, 會預先切好的, 所以不用刀也可以輕鬆地吃雞扒飯.在這一點, 我覺得她們真的很細心.而且都是切到一口就能吃完的那種.除了有雞扒, 當然也少不了薯仔, 薯仔煮得很好, 不會硬也不會太軟口.還有豬手飯.這個飯有一個重點, 就是無骨.這樣大家就不用再花時間去挑骨之類.一口一口都是肉.真的很爽.醬汁方面也做得不錯.完全不會覺得很咸.總括之言, 食品的味道是很好的, 再加上大眾化的價格.性價比是很高的.如果大家有來到天水圍逛逛, 可以去試試, 

家住天水圍嘅好友，居所快要進行裝修，有好幾件仍簇新嘅傢俬打算割愛，問我是否有興趣接收，還提議下班後先接載我去吃晚飯，然後到她家中一看實物，再作決定。既然友人咁有我心，而且仲有順風車坐，就一於走訪一趟。跟著友人來到 T Town North 二樓這間泰國料理「亞萊泰」，據友人稱，餐廳開咗幾個月，食物質素唔錯，所以帶我來試吓。踏進店，地方闊落，不覺侷促，而且環境光猛新淨，牆身畫上大象和掛有木製擺設作裝飾，充滿泰式風情。翻開餐牌，菜式選項甚豐，有頭盤、沙律&紙卷、湯、海鮮、咖喱、肉類、飯麵、蔬菜、甜品、飲品及酒類等，選擇不少，而且訂價合理，仲要全日免收加一。另外餐廳有兩款菜式做緊「秋日大優惠」，包括蒸明爐烏頭和炭燒泰式串燒，而椰汁冰就買一送一，非常經濟抵食。經商議後，大家一致決定柯打海南雞、明爐烏頭、菠蘿炒飯，同埋一碟炒椰菜苗，再加每人一杯飲品。友人愛吃雞，特意點了這道泰式海南雞 ($85/半隻)，海南雞以蔬菜伴碟，賣相幾「靚仔」，而且上桌時還附有三色醬，包括黑豉油、辣椒醬和薑蓉。挾起一件入口，雞肉已去骨，食落啖啖肉，幾有咬口，而且非常嫩滑，帶淡淡香料味，雞皮亦爽而不油膩，蘸上醬料吃，更能吊

天水圍呢個MALL改格後真係多左好多餐廳揀,呢間泰菜裝修企理,睇番menu價錢本身都吾算貴!頁頁都好似有好多好西!坐底吾洗諗即刻叫左個椰青,超新鮮勁多水,D椰水多到上頂tim入面周邊都係椰肉,白雪雪椰味十足小食選擇都好多, 我地決定主攻小食類不過為左無咁熱氣無揀到炸蝦餅><下次一定要試試!!泰式豬頸肉甜甜地,配泰式辣醬無得輸!豬肉肉質夠冧,而且都幾大碟,抵讚!至於糯米釀雞翼岩晒我,拆左骨吾煩!不過燸米飯味略為蓋過雞味!另外又點小得食串燒,一客4串!伴碟仲有沙嗲醬, 一流!相對我認為豬肉燒得比雞肉更香更出色肉汁亦較豐富!最後加多個香芒蟹肉炒飯, 表面同揚洲炒飯異,但入面勁多鮮芒果粒,仲有粒粒都大咸炒飯加甜芒果,呢個配搭夠特別!蟹肉吾算多,但整體入口食到好香蟹膏味,我覺得都交到貨整體食物質素幾高,價錢又算抵食,值得encore!

呢排多左機會入新界 自然又都d機會試吾同好西天水圍呢個商場裝修後都黎過好幾次 都幾多餐廳今次試下呢間開泰菜 主要見佢平平地又吾貴Menu選擇幾多 我地隨意揀左幾款有推介icon既菜泰式串燒 有齊豬肉同雞肉每樣兩串食完都係lamlam脷 人多應該要叫多幾碟不過真係幾好食 d肉燒完吾會乾仲夠juicy加埋個沙嗲醬perfect池另外試左個幾有特色既糯米釀雞翼一客兩隻 拆炸雞翼骨釀入糯米飯炸粉吾厚 反而夠新鮮夠脆喎不過全餐最愛一定係呢個泰式鐵板煎蠔仔蛋勁勁勁勁大份囉 鐵板上熱辣超正底層有芽菜墊底 夾埋一齊食正特別一讚蠔仔份量十足 大大隻飯方面揀左泰式波羅海鮮炒飯 炒飯用鮮波羅盛住 粒粒飯都好香波羅味而且炒得夠乾身配料有nuts,肉鬆,蝦,小帶子等等雖然波羅吾算大 但飯量都夠share食最後就梗係一定要叫椰青打開椰水多到上黎 飲落夠青甜仲有好多椰肉食 推介呢餐人均$200有找 CP值幾高

頌富T Town裝修後開了不少食肆，對媽媽來說絕對是好事，因為她不想煮飯的話，直接來T Town的餐廳吃飯多方便的一件事。上次全家去鴨子園吃完飯，看見旁邊的亞萊泰，媽媽說整個T Town只有亞萊泰一間泰國菜餐廳，不知好吃與否，要找天試試看，而昨晚我們終於來試。弟弟去了台灣旅行，媽媽更不會煮飯。媽媽想吃泰式海鮮菠蘿炒飯，我們都有一段時間沒吃過。泰式海鮮菠蘿炒飯以菠蘿殼盛裝，先享受了它的色。炒飯炒得金黃，粒粒分明，裊裊上升的鑊氣，同時聞得到菠蘿甜味，蝦肉色澤閃亮，魷魚彈牙，舀一匙羹炒飯入口，蛋嫩肉鬆乾爽，腰果香脆，很滋味。泰式鮮青檸蒸明爐烏頭非常超值，秋日大優惠只賣78元，我和媽媽當然不會錯過這優惠，加上本身我們都很喜歡吃泰式鮮青檸蒸明爐烏頭。還有現在新張開業期間，不用加一，可謂抵上加抵。泰式鮮青檸蒸明爐烏頭採用新鮮活烏頭，加入鮮榨檸檬汁，辣椒，蒜頭和香茅等香料煮湯，酸中帶點微辣的口感，很合我們的胃口，魚肉嚐起來很細緻鮮甜，蠻好吃的。每次都吃椰菜苗，媽媽都吃膩，所以今次我們點馬拉盞炒芥蘭。馬拉盞若隱若現的小辣，吃起來開胃又順口，嫩綠的芥蘭真的很鮮嫩，而且帶有本身菜的鮮甜，配上馬拉盞吃吃有一

今晚又同家人一齊食飯，因為大家都懶啦，而且係天水圍都唔知食乜，所以係屋企樓下事但揀間有位既餐廳就入左去。其實晚市都好full，香港人係鐘意食泰菜的～裝修就都唔錯，無乜特別，環境係乾淨既，座位都算坐得闊落既，仲會播泰文歌tim～～因為大家都肚餓啦，泰國野又黎黎去去都係個d，所以即刻落單唔洗諗呀生菜包要大讚！！好好食！！好香魚露味啦又唔會太咸，不過呢就略嫌有dd辣。但係個味真係好味的！而且仲有好多塊生菜，肉碎份量又多，就算幾個人分都唔會食到唔夠喉。半隻海南雞～去左骨既啖啖肉，不過就略嫌隻雞有dd 肥。但係除左呢樣都無乜唔妥，幾好食，半隻雞個份量都唔少。講下個醬先，辣個醬同埋個薑蓉都正路，但係個黑色既醬原來唔係豉油黎，唔知餐廳加左d 乜野呢？又唔似海鮮醬既味，但係又有d 酸酸甜甜，總之就怪。蒜蓉炒通菜呢d 大路野無咩值得講，但係係好味既！呢個咖哩好似叫馬沙文咖哩（？），揀左豬。但係佢味道真係普通。因為佢d 豬肉只係烚熟左放返入d 咖哩入面，咖哩又略嫌太椰奶味重，唔岩我口味。金邊粉酸酸甜甜咁，好味 而且賣相都好好黎個大合照啦！以後即慶想食泰菜都唔需要刻意出去元朗食了～～

中午返完聚會回來，媽媽無預備午餐，於是我建議帶她去吃泰國餐，附近商場有好幾間新餐廳，除泰國餐廳，我都想試韓國餐，不過要等很久，這間都要等，但原來入到裡面都好多位。。。。有點被誤導以為好爆滿。下午茶餐選擇不多，其實來來去去那些，已不太大興趣，加上我喉嚨痛，不敢吃辣和炸物，於是選了肥牛凍檬，媽就選了喇沙海南雞沙河。食物份量少但用很大的碗裝，咪道無特別，肥牛無肉味，很淡，主要靠魚露汁，微辣和酸，檸檬偏重，檬粉真的很少，我覺得食完只有5成飽，但賣33元，不太值！媽說雞還可以，不太多脂肪，喇沙超微辣，所以我都試了一口湯，只能說不夠味。杏霜太甜，但不重杏霜味，似落多了煉奶。基本上選擇不多且量少，新張期內不加一，感覺好似抵食，但我食完不夠2小時又餓了，應該不會再去

炎炎夏日，黎一杯特飲解下暑點知冰多過飲，當堂啤一聲！其他食物尚可，唯獨是泰式每骨豬手飯豬手內資太鞋，小食可以不用特別叫，因爲太普通份量太少！學星爺話：飲管有咁粗得咁粗！D冰有咁大粒比咁大粒！

早幾日放假自已一個人食下午茶，又去左頌富商場試新野...睇過幾間餐廳既餐牌後.決定入左呢間...因為想食湯麵😆😆😆現時新開張期間，仲有免加一收費👍🏻除左湯才麵仲有飯，三文治同小食選擇👀🍱🥙泰式頸湯河@$33--湯底有點過咸, 豬頸肉偏薄，仲有少少UN...😢金邊粉就正正常常啦泰式炸春卷@$18--份量少左D...感覺偏貴....同埋咬落感覺裡面D函比較實..少左鬆脆的感覺，不過感覺都吾算油

一家人食餐飯！一揀就揀左呢間新開！5個人叫左7個餸！講真！泰菜食過最難食既一間！咖哩無咖哩味！冬陰公湯吾辣吾酸！海鮮吾鮮！菠蘿炒飯濕都吾濕又甜！成餐飯最得係個椰青！成餐飯食左$6xx另外都吾明有台點解吾比人入？見到婆婆問左好幾次入吾入得！個帶位都吾理阿婆！係經理叫帶位比婆婆入去坐！做生意都吾係甘做拉！做帶位戈個仲大聲！bb車要放出邊！得個幾個月要輪住抱食飯！地方甘大都吾比入！最衰係d態度差！

餐廳新開坐滿人，羊群效應之下試下啦！裝修格調不錯，座位舒適，當中仲有一間大房book，岩曬一大班group既人，甚有私人空間。海南雞冬蔭公湯米最快上檯，2碗既湯底顏色不同，第二碗既辣油更多，雞件隨意放上湯粉既上面，賣相唔吸引。冬蔭公味道較淡，雞肉肉質鞋實海南雞飯既附送既湯淡而無味，整個套餐中只有黃薑飯係最好食既。冬蔭炒飯配鳳凰丸煎蛋算還好，鳳凰丸似豬肉加魚餅既混合版，有一大陣嘅香茅味，碟頭飯最正常。

今日返晏，終於有機會再去頌富商場試下其他野食，繼上次試過中菜後，今次選擇食泰國菜，去左呢間亞萊泰。下午茶餐都相當多選擇，唔駛五十蚊連飲品，一場黎到無理由食三文治或多士架，梗係要食泰國野，見唔係好肚餓，就揀左泰式豬頸肉湯河，再加四蚊轉喇沙湯底。上檯時湯底好香，同馬來西亞喇沙唔同，泰式喇沙無乜椰汁味，湯底夠鮮甜，雖則話有少少辣，但我都食唔到咩辣味，豬頸肉夠爽口入味，可惜河粉煮得略嫌過熟，到食既時候有d碎，好難夾得起，煮既火喉有改進空間。一路食見到隔離檯既海南雞飯相當吸引，下次有機會真係想試下。

昨晚同家人到這間店試一試，六點三在門口看到入面，還有坐位，同侍應講，她話自己攞位票先，攞位機好鬼鬼祟祟在左手邊像廣告牌中，看到以為是廣告板，入坐後，看到餐牌，冇特色，款式亦不多，叫了蝦頭油海鮮炒飯（份量一般冇蝦頭味，有芒果肉，咸蛋，海鮮仲少，好一般炒飯），泰式豆醬飛天通菜（味道尚可），古法馬沙文咖埋（味道一般），香茅雞翼（一般炸雞翼，冇特色冇香茅，炸到面層太硬）。

商場裝修後多左好多餐廳進場，終於唔洗過返以前無啖好食既日子了！我可以拎住四十蚊落去揀野食了！唔洗食黎食去都係個三間（麥當勞、大家樂、銀龍）雖然餐廳係多左，但係唔代表選擇多左⋯⋯因為都早去啦，九點就坐低，加上餐廳都多檯既，所以唔洗等位就入得去。遲左少少黎既人就要係門口等位了。餐廳環境都舒服既，地方乾淨，可能始終餐廳仲係新啦，都會有影響既。menu唔記得左影，但係都係個d 港式早餐，nth special。所以見到有蕃茄薯仔湯通粉就揀左佢啦因為太鐘意食煙肉，所以諗都唔洗諗就要煙肉蛋～～（唔知點解覺得早餐一定要食蛋）餐飲就叫左熱奶茶。無幾耐就上菜了，等齊d 野食就影返張相先！因為我用bird view 黎影，所以搞到碗通粉成個杯麵咁。其實佢係一個高身既碗，係餐具上面呢間餐廳都有花心思。睇多個close up，係有坑既通粉黎，咁有d 切到細細粒既蕃茄同薯仔。咁味道好唔好呢，老實說個味道真係有d差⋯⋯ 我相信d 蕃茄薯仔湯應該無乜落味精既，因為佢個味好淡！我屋企既蕃茄薯仔湯都唔會落好多調味啦，但係都好好飲架，點解反而呢度既湯底會有d 淡呢⋯⋯所以我食左煙肉同蛋，再食多幾啖通粉就唔想再食了同埋呢個