亞萊泰 (淘大商場3期) (已結業)

雖然九龍灣有好多唔同嘅泰國越南菜可以食，但係淘大呢間嘅亞萊泰可以話係大件夾抵食嘅平價之選，而且餐廳位子比較多，所以係午餐時段，就算多人都唔使點樣等好耐就入得天氣熱辣辣，食檬粉就最好不過！餐牌上有嘅嘢食超過20款，今次點左雞翼檬粉！份量算幾多，而且雞翼香脆，香茅味亦做得10分好！雞翼凍檬只係45蚊，真係抵到爛！唯一一個缺點就係店員態度唔算太好，點單嘅時候因為店舖內太嘈，所以店員聽唔清楚我哋叫咗啲咩，但再問我哋嘅時候態度凶惡不過總括而言我都會再嚟幫襯！

Try to get there earlier before the wave of people cuz the queue could be long! Ring yo Reserve seats if possible. The curry is best - green curry. The fish- mediocre.They can improve with icy cold water rather than plain room temperature water, cuz the air con is barely enough in this weather.

原來淘大仍有掋食的餐廳。今晩去了這間泰國餐廳，雖然只是星期一的晩上，但竟然要排隊噢！真的超好生意呢。我和寶寶也先點個椰青 ($36)，吃泰菜還是配清甜的椰青才夠爽。炭燒泰式串燒 ($48) 分别是雞肉和豬肉，燒得非常香脆肉嫩，配上沙嗲醬更惹味。椰香炒雜菜 ($62) 也是我第一次吃，顧名思義是用椰汁炒的，所以很香濃。但吃多數件便覺有點膩，還是清炒的更好。餐廳在做推廣，泰式鮮蒸青檬蒸明爐烏頭 ($98)，而原價卻是 $152，真的很掋食。因寶寶不吃辣，所以還可以走辣。烏頭很大條，魚肉鮮甜啖啖肉，與酸酸的泰式湯汁味道很夾。最後便是泰式甜品拼盤 ($38)，真的非常掋食，一客有綠豆糯米糍、椰絲糯米糍、椰汁西米糕和椰汁千層糕，二人 Share 最佳。最驚訝的是餐廳竟不收加一！

呢度環境舒適，坐得好舒服，服務員態度良好，聚餐嘅好地方！叫左幾樣野食，都是好好味的。泰式生蝦新鮮爽口，配搭醬汁味道啱啱好！椰青青甜，必飲👍🏻泰式鳳爪，魚露白醋份量調得剛好，少辣，做前菜最合適，配菜好多，而白鳳爪份量唔多。椰香青咖喱牛腩，青咖哩好香，梗係覺得差左樣野，後來我地叫左蒜蓉包配埋食，好正，蒜蓉包香脆得黎唔會太硬，香濃蒜蓉味再配上牛油香，其實單食都好正。飛天通菜(馬拉盞) 超級惹味，紅椒辣得過癮，食到唔停口，炒得好香，好有鑊氣，咁有鍋氣既小菜，唔係度度都做到。泰式酸子肉碎明爐烏頭，湯底美味可口，魚肉尚滑，值得一試。總括而言，我十分推薦呢間餐廳，不論係一家大小黎食個家常便飯，定係同三五知己，黎吹水黎輕鬆食飯減壓，環境食物都係Good 既！最重要係，價錢合理☺

有次到淘大探朋友，經過亞萊泰門口有好多人排已經想試，今次收工後同朋友黎食下順便慶祝生日。次次食泰國野都要食泰式酸辣鳳爪，爽口，酸辣度平均👍🏻 泰式酸子肉碎鮮烏頭，有熱爐個滾住條魚，唔怕傾偈傾到條魚凍左吾好食，不過當然趁熱食係最好。魚既肉質鮮美，個湯酸酸地幾開胃。食泰國野必嗌又點小得馬拉盞炒通菜，真心好夠鑊氣，吾會過咸又惹味。另外驚喜的是青咖哩牛肉，非常香，重點是一定要叫多碟蒜蓉包，青咖哩配蒜蓉包是非常好食，私心想叫多一碟，但本著小食多滋味的金句，最後都係無叫到。 炒金邊粉味道好香，只係有小小太濕。呢間泰國餐廳坐得舒服，味道好，價錢合理，絕對會再encore。

以前食泰國菜就要出九龍城，但而家落樓下就有質素都不錯嫁今日同兩個朋友食飯，今晚佢哋都想食泰國菜所以就嚟咗呢度平我哋叫咗份生蝦，泰式烏頭，海南雞，冬蔭公湯同埋馬拉盞通菜首先講吓個呢度啲生蝦比起其他泰國餐廳相對大隻 厚肉另外叫左今日做特價既烏頭，只係百零蚊咋而個汁亦都好襯 酸酸辣辣海南雞我哋就叫咗半隻 三個人食都好夠，仲好滑冬陰公湯我哋就叫咗個細嘅每人都飲到兩碗超級足料啊最後個馬拉盞通菜都上埋枱喇 熱辣辣 好有鑊氣開心的晚餐

是日路經九龍灣，本來諗住去淘大幫襯吉列豬扒，途中經過呢間泰國菜，未試過，一於試下。食物：串燒 ($48)調味幾好，肉沒有過份“鞋”，但唔香口。脆香軟殼蟹伴泰式蛋咖哩 ($108)軟殼蟹幾脆身，個蛋咖喱都OK, 但接近零配料，令到整個菜式好單調。金不換豬頸肉炒茄子 ($72)好食！茄子“索”咗香葉味道，好好食，而且好軟淋。可惜份量太少。環境：我地比較早到，2個人坐4人枱。好闊落。服務：有禮貌整體食物味道算OK, 但份量偏少。

這次點了5樣。第一樣係鐵板豬手，個味唔錯，都濃，個皮都好淋，好多膠質，可惜既係啲肉好鞋、柴呢。第二樣係咖喱海鮮包，單單食佢個咖喱就覺得個味差啲，但竟然用面包點啲咖喱來食又夠味wo,舊包索曬啲汁個口感超淋超正。另外，個包入面有兩大青口，青口就麻麻，入面仲有好多炸班塊，班塊耐左就冇咁好食；鮮魷就幾脆口。 仲有啲3色椒。總體講，都好味既。第三樣係菠蘿海鮮飯。呢個真係好好味，係咖喱味既飯，面頭有腰果、入面有蝦仁、面頭有八爪魚，個汁仲係酸咪咪好開胃，仲配埋啲肉鬆， 口感豐富。呢個要必吃！仲有個炒通菜, 呢個幾清，啲通菜好嫩，而且好夠味。 最後就係甜品拼盤（細$38），只係個白色戈舊面頭係椰子味，下面有芋頭粒同西米；另一舊黃色既面頭係芒果醬，下面一樣。個拼盤係呢個好食，其他就⋯

淘大商場實在太多餐廳選擇，與友人都好肚餓，又想食下新野。就揀左呢間裝修好似唔錯嘅餐廳，泰國嘢，選擇好似都幾多，價錢又唔貴，三十幾就有選擇，仲有熱飲。裏面環境靚空間闊，坐得幾舒適，可能過咗午飯時間，人流已經唔係好多，所以服務算周到，又好啱坐喺度傾計，幾好幾好。友人叫做黃咖喱雞扒飯，分量唔少賣相都幾靚，夠晒一個女仔食。友人話呢個黃咖喱撈飯好正，唔會太辣因為佢唔識得辣嘅，好香椰香同時有少少甜，係正👍。然後我就叫咗個冬陰公豬頸肉湯檬粉，冬陰公湯底還原度幾高喎，酸酸辣辣，仲見到佢啲調味香料添，非常惹味，可惜就豬頸肉少咗啲，但食完都好夠飽ge。

Aroi Thai had been doing promotion recently, selling cash coupon at a discounted rate online. It has to be one of the most loved restaurant in Kowloon Bay as it was always full and still, with a long queue outside.We got a table at the corner. There were quite a number of kids with their family. A children-friendly restaurant! We didn't really have an idea of what to order, so we looked at the others and followed them.Slow Cook Boneless Pork Knuckle with Thai Herbs Served on Sizzling PanThe juic

好多食店假期都不會提供下午茶餐，甘岩呢間有又好想食咖哩就入左去啦。叫左個咖哩豬扒飯同椰汁珍多冰？咖哩好食不過唔辣，豬扒煎得都好食，飲品不會太甜。美中不足是咖哩唔辣，辣才是咖哩麻。

過年期間唔去酒樓食，係怕左開年套餐。所以揀食泰國菜。門口都好得睇，入去有少少失望，座位裝修風格好似茶餐廳，但服務都ok。先來大頭蝦冬蔭公湯不是太辣，一家人都飲到。泰式海南雞就同平時唔一樣，係熱上，雞都算滑。另有芒果蟹肉炒飯和蝦頭油炒飯，兩個飯都炒得好香，芒果一粒粒好多肉，但就食唔倒蟹肉。豬頸肉，蝦餅，生菜包⋯都有水準，冇失望。反而咸肉炒芥蘭，就太油。最有驚喜就係等左好耐鐵板蠔仔煎蛋，一上枱夠晒份糧，唔只睇得，味道都得，蛋邊煎得脆蠔仔有大粒。

大年初一黎食飯，平時冇加一，今日有喇，餐廳未full，唔洗等位。裝潢就似一般茶餐廳咁。泰式雞肉炒金邊粉$58，賣相很好很吸引，但食落就....就係你平時係超市買到嘅泰式醬汁，多味精，金邊粉粉得夠香，雞肉就係一般雞絲，如果冇要求嘅會覺得好食。泰式炸春卷$15,買餐先有呢個優惠價，很油，很普通的春卷，食唔出入面係乜野餡，　好細舊，得兩舊唔抵囉。茶或咖啡免費跟餐送

早餐吉列魚柳炒蛋香腸配厚多士！HKD35座位舒適！等大約10分鐘到，大份早餐送到，魚柳夠大份，夠熱，夠香，脆面同切開有新鮮嫩魚肉，超級好好味！👍🏻！炒🥚夠滑ok, 香腸是普通雞肉腸，茄汁豆小左D，沙律醬入面有酸青瓜粒好好味！可惜厚多士唔夠熱牛油亦唔夠多，有小小失色！即磿熱咖啡唔夠濃，如果杯耐熱D更加好！束長髪Waitress 有D好有禮貎，叫佢要杯熱水就即到。短髪阿姐叫佢落單就背脊向住你，問佢要杯水就永遠「等等先」。

聽聞呢到既早餐份量都好足, 今日終於嚟試食, 呢到早餐食到11點半, 喺門口攞咗飛都要等一陣, 因為都有好多捧場客魚柳腸仔餐肉配多士 - 魚柳都好大件, 一啲都慳皮, 肉質嫩口, 外層脆口, 唯獨多士就少咗啲油雞扒煙肉火腿配多士 - 雞扒都好滑, 煙肉無乜點煎過, 但味道都不差凍檸茶 - 檸檬新鮮, 荼味都好濃, 味道不錯總結 - 環境都好濶落, 可以坐低慢慢嘆早餐, 係不錯既選擇, $35蚊份量又唔算少, 凍飲加多$3, 埋單都係$38咋!