亞萊泰 (淘大商場3期) (已結業)

淘大商場餐廳都好多選擇，同朋友見到呢間泰國菜幾多人排隊，就羊群效應試一試，等咗半個鐘終於到我哋兩個人入坐。先嚟咗豬頸肉炒茄子，茄子顏色非常鮮艷，而且炒得好爽口，豬頸肉味道都唔錯，不過實在太油膩，每一啖食入口都好多油咇出嚟，要印走晒啲油先放唔到入口等左好耐終於嚟冬陰公雞肉炒飯，非常大碟，炒飯都幾香，可惜鑊氣不足，但係食得出冬陰公嘅味道，而且雞肉份量都幾多，值得推薦由於份量太多最後打包左大半個飯！抵食！

今日有機會係淘大 Lunch ，見到亞萊泰都唔少人食，餐牌選擇都吸引，咁就入左去試下啦。泰式冬蔭功札肉墨魚丸湯河 - 見到餐牌有兩隻辣椒，原本想問有冇得小辣，但原來個湯底係一早整好，咁都試下挑戰自己啦。而個湯底其實雖然都聞到冬蔭功幾香，但食落又唔 確實係冬蔭功的感覺，反而係辣油加左少少酸味的感覺，而札肉同墨魚丸各有三件，分量偏少，但味道都算不過不失的。椰汁珍多冰 - 見到隔離檯個個都飲珍多冰，而特飲加$8都合理，一時衝動之下就叫左啦，其實味道都正常，而且仲好香椰奶味，亦有唔少啫喱，係夏天飲都真係唔錯既。走個時仲見到隔離檯咖喱飯都好似唔錯，下次可以試下其他野食先。整體而言，其實個價錢已經係包左加一，而且環境都舒服，食物味道都可以，難怪都有唔少人食。

去到淘大食飯，行行下有間泰國菜見門口又冇人等位，咪開門入去啦，點知……神奇嘅事發生了，待應叫我地㩒飛先，咪照㩒囉喺門口等叫位啦……點知仲神奇，頭先叫我地㩒飛嘅待應話㩒完做乜唔入嚟，已經叫我地坐，連位都set好，咁其實我㩒嚟做乜呢？！兩個人叫左兩個菜，咖哩海中寶同鐵板蠔仔煎蛋咖哩海中寶原來係搵多士麵包摷空，入面係用咖哩汁煮了的青口，炸魚，雪藏蝦同八爪魚，可能怕咖哩汁唔夠有額外俾多一碗，總括嚟講，咖哩汁好香至於鐵板蠔仔煎蛋，就普通野，較為脆口另外，like左facebook page就飲品買一送一，叫左龍眼冰同青檸梳打，龍眼冰有好多粒龍眼喺入面但冇乜味……如果係想食唔正宗的泰國菜，放心，啱香港人口味！

生蝦非一般草蝦👍🏻海中寶好味到我幾乎冇份食😝串燒、飯冇剩，冇我份😣柚子沙律、冇骨鳳爪酸辣適中👏🏻什錦併盤不錯😁軟殻蟹不會太多粉槳👍🏻冬陰公湯，正！

淘大越黎越多野食，知道開左間泰國菜都幾多人食，但一直未有時間去試，呢晚收工唔想煮飯，又想食d香口野，就決定黎試下呢間泰國菜，平日既晚飯時間唔使等位就有得入去價錢方面同一般泰國菜餐廳差唔多，不過呢度都算多野食，揀左一陣先決定到泰式鳳爪，夠凍，味道唔算太辣，份量適中，兩個人食啱啱好馬拉盞炒椰菜苗，味道唔錯，而且椰菜苗食落幾新鮮，食唔停口餐牌寫住人氣推介既咖哩海中寶，中間有蝦，魚柳，青口，咖哩唔辣，好重既椰奶味，外層既麵包幾脆，點汁都幾正，不過食到一半已經覺得好漏海鹽燒則魚，由於佢係即叫即整，所以等左好耐先有得食，但感覺幾真材實料，一上碟就見到厚厚既海鹽肉質鮮嫩，食得出係新鮮魚，而且入晒味，中間有海鹽味，有誠意最後整返杯龍眼冰，冇得彈兩個人食埋單唔使400蚊，仲要食到好飽好滿足，抵呀

卅幾度☀️☀️真係熱到咩mood都冇😩😩😩 實在唔想再食中菜，火鍋🍲，所以就轉下陣食泰菜🙏呢間泰國餐館係淘大都開咗一段時間，一直未有機會試，今晚終於有機會啦🍞🍤🍖🌮🍵🍽 例牌梗係叫冬陰公🍵，炸蝦餅🍤，炒通菜🌱🌱，仲有嘅係咖喱海中寶🍞。。。最正就係炸蝦餅🍤🍤彈牙又爽口，而且熱辣辣🙈🙉🙊👍 👍

新開張的時候, 食過一次覺得很好食，串燒肉汁豐富, 碳燒牛仔骨碳燒味濃烈，正。每次到淘汰都會光顧，今次有朋友有一張其VIP 卡(累積食滿1000元,就可申請)，一心晚上也有少少折扣。細問服務生才知，VIP早餐,午餐不能用，周六、日及公眾假期也不能用。那何時才能用? 只得周一至五的晚上才能用，那對於周一至五上班打工仔，多在周六、日及假期才出街吃飯咪一次都唔洗用??上次吃過鹽燒側魚，不好吃。 今次試了明爐烏頭，湯底酸味味很開胃，就像唔辣的冬陰公。串燒豬肉: 第一次光顧時，食過很香的碳燒味和肉汁豐富。可是今次肉很乾。咖哩豬肉+蒜蓉包: 黃咖哩店員表示辣，但對於我只吃到少少辣的人來說，一點也不辣。豬肉有點雪藏味，完全冇味。下次可以唔洗叫。木瓜沙律: 水準冇大改變，份量就少了。蝦餅: 好吃!魚餅:一般吃完回家，一路上都很口渴。味精重手了。

響附近睇完戲之後要搵吃的見到這間有下午茶便進來了由於我還沒有吃午飯的關係點了一個比較重口味及大份的下午茶是正常份量的牛肉河粉冬陰公（湯底可以轉叻唦或冬陰公）牛肉片的份量很多冬陰公還行另外跟餐還有檸茶，但檸茶沒有很好飲題外話，我坐的位置是近收銀位的窗口位冷氣都幾勁仲要直吹住。。。所以快快食完就走了～

平日，我跟媽媽總是很喜歡到淘大商場的阿萊泰吃下午茶，今天下午我們又來一次。經常光顧這裡，主要是喜歡他們的裝潢。藍色和原木色為主的裝飾，令人陪感舒暢。加上座位寬敞，使這裡成為我和母親的敍腳地。今次我們點了豬扒冬陰功湯檬及雞絲撈檬。外表尚算可以，但味道非常一般。我的雞絲又乾又硬，椰菜竟切成一塊塊而非一絲絲，再加上撈檬粉用的魚露竟凝結成一塊塊，狀甚可怕。可能幾十元的套餐不能要求太多，但是眼見近來，阿萊泰的水準真的不如新開張的初期，希望能好好改善。

好耐冇行過淘大見到呢間餐廳貌似新開嘅所以就想試吓見到佢有啲lunch set都幾多選擇價錢大概係四十幾至六十幾今次試左2樣野芭提雅燒雞配沙律+薑黃飯($58）本身好鍾意食薑黃飯所以見到呢個餐就叫左個沙律係罐頭生果加沙律醬不過有椰果！幾有驚喜薑黃飯都幾夠味 啲飯幾軟熟啲燒雞肉質都算嫩滑 雞皮仲有啲脆身另外叫咗個泰式雞肉炒金邊粉($53)個金邊粉夠味都唔會好油膩我個friend食晒成碟都冇話好濟啲雞肉都嫩唔會炒到過濃不過個金邊粉比較濕整體來講我覺得嘢食都幾好味性價比唔算最高 不過質素都唔錯

其實呢幾日都炆炆地，心情好一般🙄今日有得早放工，終於可以約下朋友去食下飯兼吐吐苦水🤦🏻‍♀🤦🏻‍♀🤦🏻‍♀-好彩朋友仔一早book左位，都幾多人排隊等位！有好多選擇呀，最終我地決定叫小食為主棄飯麵，咁就可以嗌多幾款慢慢食👉（女人😅）食泰菜又點可以唔叫個椰青黎飲下：✨泰國鮮椰青 HKd$35清甜解渴~椰肉嫩滑-朋友點左✨芒果椰子特飲 HKd$34朋友仔話味道都唔錯，芒果味唔假-✨泰式生蝦 HKd$38(今期優惠半價😎)正呀，呢個好抵食呀！絕對無因為半價而俾垃圾你食，生蝦好新鮮又爽口，點埋嗰汁勁開胃-✨泰式泰式串燒 HKd$68（三豬，三雞）串燒啖啖肉，個醬好重花生香雞肉嫩口，但豬肉偏乾要扣分-✨馬拉盞炒椰菜苗 HKd$62馬拉盞惹味，炒得都幾有鑊氣，加上係我中意既椰菜苗.....我又點會唔滿意呢-✨金磚蒜茸包 HKd$28身為包控既小妹又點會見到有包唔嗌四大條厚厚既香口蒜蓉包，秒清是常識吧-✨泰式蝦餅 HKd$65蝦餅則相對，略厭不夠彈牙....-✨泰式甜品大拼盤 HKd$80可惜當晚沒有糯米糍.....未能一試甜品拼盤中最愛椰汁西米糕-睇翻啲相先知今晚原來都叫左唔少野食，同朋友兩個女人

The lunch sets here range from $40-$50. The hainan chicken was very tender and flavourful, while the rice could have room for improvement. The laksa is on the thick side and the coconut component was very robust. The pork neck were also very abundant. All in all, great value for money.

睇住呢間泰菜餐廳開幕，成日經過都好想試，但成日夜晚都要排隊，無耐性的我次次都排排下走左今次決定晏dd去，終於比我食到了雖然唔洗等位，但都差唔多坐滿，外面睇餐廳唔太大，但原來都容納到唔少人喎！而且每張枱都幾寬闊，張枱夠大比我叫多d餸呀嘻嘻泰式木瓜沙律 $68一坐低就快快手叫沙律食，因為泰式沙律確係好開胃，而且又唔會得啲菜咁無誠意。呢到沙律都有七八款，想試柚子沙律，但最後都係揀返最原本既泰式木瓜沙律木瓜絲堆到成座山，正！一食發現真係幾辣我唔係太食得辣，但都係咁食，食到出哂汗好鬼爽因爲我好中意食花生，呢到既沙律就配左唔少花生粒，而唔係花生碎，幾特別同香口。串燒併盤$68 6串食泰菜無理由唔食串燒卦串燒共六串，無得單叫，不過可以揀雞定豬，或者好似我咁貪心地試哂兩隻無論係豬肉定雞肉，都意外地厚肉。試過好多次出面食串燒都勁少肉呢到平均每串都係十一二蚊，但啖啖肉（雖然唔係好長），至於調味亦好濃，尤其肉質好鬆軟，一咬就分開。串燒另一重點是醬汁，佢既醬較稀但依然有明顯既花生味，都算ok，但濃啲就再正啦！順便一提，佢差唔多道道餸都有酸生菜伴碟，所以就算重口味既餸都有得平衡下。鐵板豬手 $44呢到價錢本身就

位置在廣場中央，比較容易搵。椰香青咖哩牛腩：辣度適中，牛腩細細粒，亦軟熟，但椰香味唔夠。海南雞：醬料還好以，可惜雞肉無雞味，一定要同配菜一齊食先掂。馬拉盞通菜：無馬拉盞味只有鹹味。泰式大蝦金邊粉：蝦大而無味，醬料咸而不香，亦是水準以下。整體而言如果想品嚐泰國菜會失望，純粹想食餐飯就無所謂。

平常不常到九龍灣「搵食」，因為感覺都是大型商場，連鎖店居多，欠缺特色。但今日約了朋友在附近，就順便去找找看看。來到淘大商場這間泰國菜餐廳，裝修新淨，因為我地比較早到，人不算太多，侍應就安排了卡位給我們，可以座得舒服一點。先叫了兩杯飲品，椰青清甜多汁，椰肉嫩滑，青檸梳打就酸度十足，適合鍾意食酸的朋友。泰式海南雞 - 只是少了雞油飯及多了泰式酸辣汁。使用冰鮮雞但味道不錯。雞肉滑溜，配酸辣汁十分開胃，份量相當多。沙嗲雞肉串 - 份量驚人，每串應該有一整隻雞脾的份量。可是味道偏甜，不過沙嗲醬有很香濃花生味。大頭蝦冬陰湯 - 冬陰湯有分大($128)細($72)侍應說細的較適合2-4人。但我們發現湯只有一隻蝦，如果四人分就要考你分享的功力。湯酸辣平衡，味道不俗，湯料有很多草菇和香茅，可惜蝦份量太少。菠蘿炒飯 - 每次食泰國菜都必叫的菜式。這個飯較濕身加上配料不多，感覺性價比不太高。整體尚算抵食，肉類菜式比較出色，份量又多，適合食肉獸，難怪當天客人多是附近的學生和地盤工人，是Cp值高的一餐。