亞萊泰 (淘大商場3期) (已結業)

淘大廣場不嬲都好多野食今日去咗呢間主打泰國菜既亞萊泰食晚餐晚飯時間餐廳座位都比較鬆動~泰人大頭蝦冬蔭公湯(小) ($82)賣相好吸引既冬蔭公湯入面以兩隻大蝦同菇類為主味道方面, 個人覺得就淡了一點點另外配料再豐富點的話更能帶出不同層次既味道鮮青檸明爐蒸烏頭($118)平日出街好少叫烏頭食但呢間既價錢稍為便宜, 所以就試一試不太吃辣的我很驚喜這道菜可以選擇不辣烏頭上枱後仍然用爐火蒸煮著令濃濃青檸味湛入烏頭當中吃下口有很清新既感覺 而且剩下的青檸湯都十分值得喝清冬蔭雞肉炒飯 ($88)呢道菜既presentation同我想像好唔同 (現實中比較簡單)不過餐廳係呢道菜落咗好多青檸令到炒飯帶清新酸味惟青檸味太搶味 令本身既冬蔭公味較為遜色珍珠椰汁冰 & 珍珠奶茶 ($29)兩杯飲品都正正規規喜歡椰汁冰的我都表示不錯

住喺淘大花園確實好方便，樓下商場各式各樣美食乜都有，呢輪好鍾意去“亞萊泰”食泰國嘢，佢個二人餐超級推介，又抵又好味，二人餐只需要298蚊，有湯有小食有主菜等，仲可以優惠價加飯麵，仲有最後飲品買一送一，所以唔使諗我去到一定會點二人套餐。首先佢個冬陰功大蝦湯非常足料，而且味道唔太辣，適合各種人嘅口味，湯裏面嘅大蝦真係好大隻，每人一大碗剛剛好，味道帶酸帶辣非常惹味。然後有二人份量嘅小食拼盤，春捲炸蝦餅、魚餅同埋鳳凰捲，各種小食香口好味，我最喜歡蝦餅，點埋泰式辣醬十分好味，每人一件剛剛好。跟住就離一個馬拉盞炒通菜，帶鹹味嘅馬拉盞用嚟炒通菜一流，通菜爽口嫩滑新鮮，用力拌飯就最好。主菜有四樣選擇，而今次我哋點咗招牌海中寶軍艦，長過手臂嘅法包 焗得香脆，上面鋪滿咖哩海鮮，有鮮蝦、魷魚、魚塊等等，再配埋一個蛋黃汁黃咖哩，十分好味，咖哩 好香但係一啲都唔辣，啱曬我唔食得太辣嘅口味。另外我哋仲加咗菠蘿炒飯，加點一個只需要50蚊，非常抵食，菠蘿炒飯配料充足，菠蘿、提子乾、鮮蝦 份量十足，飽左都覺得好食。最後跟餐仲可以加配特色飲品，買一送一，我地每人一杯椰汁珍多冰，椰汁香濃又解渴。整體嚟講餐廳裝修又新又靚，食

隱藏九龍灣民居嘅抵食泰菜🤗🤗🤗一行五個人 叫咗一個四人餐(有沙律頭盤，冬蔭公，兩個主菜，一個炒飯同2客甜品)另加一客串燒同蒜茸包已經夠曬食金柚子沙律: 清新開胃 成功把味蕾叫醒冬蔭公: 味道正宗 足料 誠意之選👍🏽明爐烏頭: 酸酸辣辣 湯底香濃花膠蟹肉海鮮粉絲煲: 份量十足 粉絲非常入味菠蘿海鮮炒飯: 原個菠蘿上嘅菠蘿炒飯☺️飛天炒通菜: 蒜味很香 辣度適中雞肉豬肉串燒: 沙爹味很濃 燒得很香口甜品拼盤+芒果糯米飯: 4人套餐包兩份甜品 巧幸福呀🥰

依間淘大嘅泰國菜經常都係滿座嘅狀態 今次同埋屋企人去食 叫咗個鱸魚 咖喱雞 同埋炒菜。覺得魚個調味都唔錯 雖然未到好好食 但係條魚都好大條 而且口感都好鮮嫩。另外咖喱雞真係值得一讚，咖喱薯仔有好多，而且味道比起平時香港嘅咖喱質地更加濃郁，淨係個咖喱汁都可以食到成碗飯。炒菜方面，都炒得好香口，而且仲有腩肉來做配料，好正。環境方面地方好光猛而且闊落，座位同座位之間唔會好狹窄，成個感覺都好舒適，下次去到淘大食嘢都一定會再去。

係淘大商場好多好野食，尼間泰國菜我覺得係一定要試。泰式生蝦，$68每次食泰國野都要食，清甜爽滑彈牙，配埋個泰國醬汁，開胃又清新。炭燒黑椒牛仔骨，$98牛仔骨又大件又厚肉，食落真係啖啖肉，炭燒後再加上黑椒，非常香口！欖角蝦仁炒四季豆，$78今晚我的至愛！欖角實在太惹味，炒乜都咁好食，四季豆用欖角炒實在係 一個字，絕！蝦頭油海鮮炒飯，$88唔係好清楚個名字來由，蝦頭油唔知系唔系一種油，我見個炒飯面有超多細細隻紅色小蝦，個飯炒得夠乾身，同埋唔知用左咩香料，真係好香，食到停唔到口。椰汁涼粉冰，$29涼粉可以配兩樣野，一是花奶，二十椰汁。椰汁涼粉冰，唔使講都知道好飲，而且用D味道咁香濃的椰汁，夏日真係好消暑。地方光猛寬敞，適應專業有禮貌，食物品質超好，價錢合理，尼度將會係我經常同朋友黎的地方。

海南雞拼泰式豬手飯，連湯連飲品，只是$65,無加一，但要付現金。雞肉夠滑，豬手都可以，夠入味，但那個黑色醬油味道有點怪.！，兩樣肉的份量好多，我食唔哂...個飯好有味，好食。

呢間餐廳係拍拖時期成日去既餐廳～今日咁岩路過就決定食個lunch回味下午餐時間居然唔使等位，係代表會好伏？定係咁岩無咩人呢？唔理啦，食左先講！午餐係海南雞拼豬手，份量都唔細～海南雞係正常～但豬手意外地唔差喎！好嫩滑，又唔會太咸。來一個近鏡個黃薑飯都夠味，不過不失～醬汁都ok，個人超中意中間果隻酸得黎帶少少辣既醬。夠消暑～薑油同豉油都不過不失。另外有叫海南雞湯檬，轉冬蔭公湯底～檬粉同雞都正常，湯略嫌唔夠香料同唔夠辣。正常表現的椰汁珍多冰～個啫喱唔夠班蘭味。總括都係黎食個回憶，味道係呢個價位都唔差既唔洗等位呢樣野都方便既～

逢星期六就會落黎食既早餐呢個簡單雞扒all day breakfast 既餐真係好好食雞扒大大塊 仲要煎到好脆口 食得出餣左好耐 好入味 次次黎食 質素都保持到 唔會一時大一時細 。同埋我由細到大都好鐘意食茄汁豆 所以見到早餐有得食都會特別開心呢個早餐都有好多附近街坊支持 次次落黎食早餐都要等一陣先有得入。店務員常帶笑容 令人感覺舒服。環境燈光充足 令人覺得朝早醒晒既感覺另外佢有一個冬陰公麵都好足料 推薦比其他食客 。不過幾重口味

平時返工星期一至六都已經喺九龍灣，點知星期日放假為咗睇戲又返左嚟九龍灣😆未到時間睇戲之前食個早餐先，呢度喺戲院附近 ，見到都幾多人等緊，咁應該好食過卦😂就決定嚟試下啦🤣等咗十分鐘左右已經有位，比想像中等得快👌🏻見佢朝頭早都有冬陰功湯底，咁就同家姐都揀咗泰式冬陰公湯豬豬麵，公仔麵可以轉其他粉麵，佢轉左米粉，我轉米線✌🏻湯底有都幾香嘅冬陰功味，但係嫌唔係好夠濃。 豬扒都幾厚身， 米線係我鍾意食嘅軟硬度👍🏻不過我覺得如果 以早餐價錢計，有少少貴，$35蚊得1碗麵同一杯飲品🤔

嗰日喺九龍灣心思思想食泰國菜，但朋友都話要去到九龍城先有得食好食嘅，行過經過呢間餐廳，好在得兩個人，唔使點等位就入得。可能係因為晚飯時間，侍應同我地講話限時食90分鐘，不過都好夠啦！一坐低，侍應就介紹我哋食二人餐。前菜就已經set好咗，仲有兩款湯揀，然後揀一個主菜，仲有甜品，咁啱嗰日飲品就買一送一。首先嚟一個馬拉盞炒芥蘭，好友鑊氣，好好食！！個人來講，我就唔係太好炸物，不過朋友話係好食，夠料嘅！呢個冬陰公湯真係好辣啊！我好鍾意食冬陰公，入邊仲有兩隻蝦！呢個海南雞啲肉都好滑，不過啲醬汁就怪怪地我同朋友都喺度諗係咪我哋之前食嘅泰國嘢唔正宗，哈哈！兩杯嘢飲都係正常發揮，唔會太甜整體來講，食物水準中上，食晒上邊嘅嘢食已經好飽，仲有甜品！所以唔使擔心份量唔夠！

同屋企人行過淘大唔知食咩好見到個餐牌呢間都算多選擇就唔打唔撞入去食泰國菜啦。當晚我哋叫咗花膠蟹肉海鮮粉絲煲：蟹肉非常之少但係海鮮又好多喎啲粉絲全部入晒味吸晒海鮮嘅鮮味但係又唔會太咸，非常好食之後我哋仲叫咗泰式串焼，我哋揀咗三條豬肉三條雞肉啲肉質都唔錯嘅醃得幾好，配埋沙嗲醬簡直一流！之後我哋都叫咗個炒通菜呢個就簡簡單單普普通通冇乜特別。

去開九龍灣, 突然想食泰國嘢. 揀左去亞萊泰食lunch. 其實有一排無嚟. 所以今日返嚟試下.午餐時間點左海南雞飯. 雞好嫩滑, 仲配埋薑蓉, 甜辣醬, 同黑醬油, 夠細心. 雞油飯都好香. 另外叫多一杯紅豆冰. 就是冰多左小小, 上餐時間都算快, 服務亦恰到好處. 有問別答.  

3點3正想食下午茶特價餐經過淘大有間泰國菜下午茶套不加一海南雞喇沙湯河42蚊有即磨咖啡喎海南雞相當多：應該會有7-8件件件有皮無骨肉地嫩滑高質湯粉採用上等越南河粉幼滑味佳浸極都沒太林或走樣這種多餸,湯濃的下午茶餐很難得當然那湯底的油是有點太多但味道濃郁夠辣泰廚手藝非常之專門霸氣喜歡的就會很喜愛而且飽肚雖然咖啡有點苦但總體只是40幾元若鍾情串燒大把二十元的肉類這樣裝修位置寬敞服務OK 又一個值得留意的下午茶座！

琴晚係UA睇完戲，其中一個friend住呢頭推介呢間，話呢間幾好食就帶我地去食，我地四個人嗌左個冬陰公，炖烏頭，小食拼盤，軟殼蟹咖喱仲有菠蘿炒飯，啲野做得幾正宗，比較重口味，我好中意個烏頭同冬陰公，酸酸地好開胃，個軟殼蟹蛋咖喱都ok係咖喱傑左少少，可能我平時食開浠啲果啲，佢地啲野份量都幾大，佢地係泰餐嚟講吾算貴，但系多啲人去食就可以試多啲野！

下雨天的星期五，工作超時無時間食午餐，到左快五點先食下午茶，行過淘大見幾間好似呢家最O岩口味，就入左去食茶餐。可能雨天冇咩人外出，個場都靜靜的，是次點左有招牌記號的豬頸肉湯粉，可以免費轉金邊、檬粉的. 所以叫左檬粉。上菜超快，下單一分鐘內就有得食。湯底好像有點深色，原來有腩汁味道，幾美味，但是比較多油。豬頸肉好干又硬，好像食緊豬肉干湯粉咁 完全唔係炭燒豬頸肉個D一片片既爽口肉片，真是第一次食到咁既豬頸肉。另一令人失望既係，個碗湯粉份量幾少下，因下午無食飯，來個五點下午茶，其實食完真是唔多飽。可能個茶餐係要人打左底再食，可能先會有滿足感，又或者如果係男士，可能都要食兩個餐或再叫D小食先得。食到一半，姐姐話要先俾錢，因為下午茶時段截數。當時5點3左右，之後見到佢在門外掛左休息牌，不過就冇鎖門。餐廳下午五點三左右會休息，可能是兼下場休息時間，眼見有兩個客人本來想入來食，都被拒門外了。所以如果大家要TEA，真係要預多一D時間過來，雖然餐牌是話下午茶是到5時半的。