亞萊泰 (淘大商場3期) (已結業)

淘大平價泰菜今日到淘大那邊工作，淘大商場餐廳真係越開越多，同同事行了一轉，最後決定食這間泰國菜，因為價錢相當親民。晚飯時間，已經有不少人排隊，但係等了差不多5分鐘，就到我們了，餐廳設計非常時尚，簡約的木紋顏色，感覺大方舒服。雖然食客眾多，但係員工數量都足夠，可以照顧到每一位食客，上菜，加水都好快。香葉咖哩海中寶$118這個巨型法包，真係未食過，所以就叫了試一下，微脆的法包面上鋪滿了咖喱汁，海中寶的意思是集了所有海鮮，有大隻鮮蝦，魷魚，青口，蟹柳等等，咖喱偏甜，外邊微脆，內裏鬆軟的法包，沾滿了咖喱汁，非常邪惡，和朋友兩個人，吃不完。泰式肉碎生菜包$83這個肉碎生菜包小小偏辣，生菜大概有10片左右，新鮮爽口，豬肉碎的份量很多，口味偏辣偏酸。炭烤泰式串燒$60叫了兩串豬肉，兩串雞肉，雞肉比較乾身，豬肉燒得比較好，好多汁，有炭燒豬肉乾的味道。泰式香茅雞中翼$65一碟有五隻大雞翼，表面香脆，鋪滿了香茅入味，內裏雞肉嫩滑，表面好脆口。馬拉盞炒雜菜$70份量多，集齊所有菜款，馬拉盞味道出，有鑊氣。總結這間餐廳尚算平靚正，而且不加一，非常抵食，突然想食泰國菜的，可以一試👍

多月前在附近吃飯，看到淘大花園商場內，有一間泰國菜，今晚想吃泰菜，便來到了。現在夏日推廣，飲品買二送一。椰汁紅豆冰$29，椰汁味道濃郁，加上軟軟的紅豆，令人不知不覺間喝完。青檸梳打$29，酸味十足，令人胃口大開，忍不住要再點多一杯，來配合泰式美食。炭燒泰式串燒，雞肉/豬肉四串$60，雞肉肉質軟腍，豬肉就帶點嚼勁，味道有點甜，配合自家製的沙爹醬，味道更好，因為沙爹醬內有大量花生粒。泰式大頭蝦粉絲煲$158，粉絲和蝦在煲內香氣四溢，蝦肉鮮甜，粉絲份量十足，足夠二人吃飽，是一道值得推介的菜色。泰式生蝦刺身六隻$68，蝦肉爽口彈牙，味道鮮甜，加上酸辣汁，就層次豐富。芒果🥭糯米飯，芒果味十足，不會太甜，配合熱騰騰的糯米飯，就成為了今晚的完美結局。值得一提，這裡不用加一，真是低到一個點。

朋友聚餐，佢話未試過呢一間，見嗰日有set lunch. ，就入去試下。午市時間都算幾full,好彩唔洗等位。環境都幾乾淨，座位都幾舒服。餐前小食，嗌左豬肉同牛肉串燒。沙嗲醬幾惹味，豬肉串燒得岩岩好，啖啖肉。牛肉串就燒得有啲乾，好鞋。海南雞配油飯 + 中湯湯煲得有啲Hea。但雞肉好嫩滑，點埋啲汁幾好食。油飯就無咩特別。咖喱牛腩飯，超推介。咖喱整得好惹味。牛腩煮得好淋，好入味，好好送飯。最後一提嘅係，問店員有無wifi時，佢嘅態度好差，如果改善埋就最好。

餐廳環境不錯，座位闊落。菜式選擇都幾多，價錢亦比想像中親民。泰式大頭蝦焗粉絲煲熱騰騰香噴噴，好有鑊氣。估唔到有咁多隻大蝦，仲要超大隻啖啖肉，彈牙爽口。粉絲份量也多，吸滿濃濃醬汁，惹味十足。清邁鐵板蠔仔煎蛋熱騰騰，散發出陣陣蛋香，非常香脆，內裡夾雜很多蠔仔，粒粒肥美多汁，吃得滋味。炭燒泰式原隻魷魚，十分厚肉，肉質爽口彈牙，好有鮮味。個人十分喜愛這兒的椰汁珍多冰和椰汁涼粉冰，椰奶味超濃郁，每一啖都好滿足，不捨得把它喝光。

係淘大睇完戲，係附近搵野食。見到原來有間食泰國菜，好似都唔錯，又有優惠價野食叫。就揀呢間啦！入到去安排坐卡座位，好舒服夠闊落，環境幾大喎！見到有得優惠價叫 :青檸明爐烏頭魚🐟 ，幾抵!平時叫都要百幾二百蚊，而家$100到就有得🐟熱辣辣keep住熱咁食魚肉，魚肉都嫩滑，同好入味，酸酸辣辣咁。好開胃😋仲有啲椰菜配埋👍真係唔錯呀。香辣肉碎生菜包🥬生菜夠哂多，用黎包住啲肉碎一齊食，唔會覺得膩，食落仲好清爽。豬肉碎用左香葉洋蔥辣椒等調味，啖啖肉都好夠入味，食落辣辣地好惹味。鮮蝦豬頸肉炒貴刁🐖呢道菜我覺得好好味，炒得幾香，又唔會話好油。調味得岩岩好，加左蝦同豬頸肉一齊炒，食落更有鹹香味。好快俾我地清左。🤭甜品：椰汁西米糕🍚椰香味好重，一啖放入口，分左兩層，口感夠豐富，西米煙煙韌韌。幾好味😋飲品仲買二送一，好抵叫。我自己就飲左檸檬柚子蜜😋好多柚子粒，夠哂甜，好潤喉呀😸

在淘大吃泰菜是第一次，甫踏入餐廳竟然喜出望外，還晒環境，有闊落卡位，坐得舒服。一黎就食前菜泰式無骨鳳爪，酸酸辣辣好開胃。唔會太辣，配啲洋蔥，正餐食一流啊！菠蘿炒飯味道不錯，有腰果同埋肉鬆特別好食。主菜叫左黃咖哩炒蜆，個汁調味不錯，有啲洋蔥做配料，可惜既係個蜆唔入味，如果個蜆吸到黃咖啡汁就好啦。另外仲叫左冬蔭公湯，大蝦已分開兩半兩個人分好方便。味道易入口，不會太酸太辣，好足料，啱香港人口味。香茅冰口味清新，如果覺得食物有啲辣就可以嘗試下。

亞萊泰突然想食泰式食物既檸粉，lunch就同左朋友去左淘大既亞萊泰，叫左個泰式豬頸肉加扎肉既撈檸($48)加珍珠奶茶+($8)，同行友人就叫左個套餐海南雞拼無骨豬手飯($62)加香茅冰+($8)，同埋泰式酸辣鳳爪($28)享用。環境方面，餐廳掛左不同既畫係牆上，令客人有種詩意既感覺。泰式食物方面，泰式珍珠奶茶既泰味比出邊既濃，又幾岩香港人既口味。泰式豬頸肉薄而好味，加埋個泰式酸辣鳳爪，酸甜酸甜既感覺，唔錯。朋友叫既海南雞拼無骨豬手飯，份量多， 仲有碗例湯送，幾抵食。

為左就親愛既男朋友放工食飯 今次我地就揀左係淘大搵野食而泰國菜又係👦🏻最愛既選擇 所以就去左呢間 Aroi Thai 啦最近細胃們突然好似變左大胃王咁兩個人叫左成四樣野食加兩個飲品————————————————————🔺鐵板泰式鹵水無骨豬手 ($95)豬手整到好軟身同好入味 仲要去埋骨 食得超方便🔺泰式菠蘿炒飯 ($95)半個菠蘿咁上 配上腰果同肉鬆 口感好豐富🔺泰式生蝦 ($68) (原價$98)生蝦必備既生蒜之外 仲有辣椒連我呢啲食開中辣既人都有啲頂唔順唔食辣既就記得要量力而為啦！🔺大頭蝦冬蔭功湯 (細) ($82)口味偏酸 湯好足料 有好幾隻大蝦細既大概可以有分到有4碗

中午時份，想食泰國菜，來到這間餐廳點了一份海南雞黃薑飯套餐。至細就很愛吃有味的飯，這碗飯也不失所望。雞肉很嫩滑，也很有肉汁，套餐配上一碗雞湯及一杯熱飲，整體感覺不錯。

好耐無食過泰國嘢啦，今次同fd係九龍灣睇完戲就搵到呢間泰國嘢食😻首先當然要講下呢條魚啦，整得好入味，好有泰國既風味！加d辣椒好惹味😻小食拼盤有好多款嘢食，蝦餅、春卷等我最愛蝦餅😍好足料，好香👍同埋好抵食牛河係正既，係一個驚喜仲好味過金邊粉，好有獲氣🥰牛肉都係大大舊菠蘿炒飯，睇個樣都知好味，個份量又足，好快就比d朋友清曬，好味👍下次都會同朋友再選擇呢間泰國菜👍服務態度都要讚一讚，d人都好nice🤗

泰國菜一路都係屋企人最喜歡既菜之一，今次帶埋屋企人黎到呢間亞萊泰...屋企人都喪叫左十個餸！、豬頸肉、豬手，金邊粉，蠔餅等本人就最鍾意食蠔餅啦，呢度既蠔餅好大舊，d蠔都大大粒 擺係鐵板上面 可以保持埋個溫度😋豬頸肉及豬手用來餸酒真係一流，豬手好香肥瘦都剛好，淨係d汁都可以食幾碗飯👍而豬頸肉如果燒得再耐d就更好，因為我比較鍾意食有更多炭燒味👻同埋個生菜包都好食，唔會好鹹但好惹味帶有少少辣味。小朋友都好鍾意食😂

這晚去淘大睇戲，入場前先晚餐~ 呢個商場除左地點就腳，戲院前面一列都係食肆，夠哂方便~ 經過見到呢間泰國菜星期三有7折，剛好呢日係星期三，都唔洗多揀就呢度啦～　拎左飛，等一陣就有位。最近腸胃麻麻，唔點辣了~ 泰式酸子肉碎明爐烏頭烏頭都唔細條，又無泥味~ 仲加左好多肉碎、秀珍菇、香蔥喺魚上面幾乎遮住曬條魚，味道方面因為有酸梅，酸酸地特別開胃~如果要辣的,可點選鮮青檸蒸明 爐烏頭,仲可以點盲鰽添!! 鐵板泰式鹵水無骨豬手用鐵板上檯時仲"咋咋聲"，唔怕咁快凍可以慢慢食。豬手去左骨切開一件件，份量幾多，味道剛剛好亦夠肥美腍滑。軟殼蟹牛油果凍卷即炸既軟殼蟹炸得鬆脆香口，加埋香軟既牛油果新鮮蔬菜米線被米紙緊緊包住，清新得黎又香脆～有7折，抵食!

小妹很喜歡食泰國菜，亞萊泰也是我的心頭好，之前常與男友或友人前來光顧~今天與男友重遊舊地，食泰菜🤟我很想念佢既蟹肉仿鮑魚絲魚肚羹真係諗起都流口水了🤤店舖都算大，當晚比較多人，全場爆滿~內在環境都企理整潔，燈光光亮睇完menu, 見到佢有個$298既 2人套餐，套餐包括有小食拼盤、湯、主菜、菜和甜品，還可加錢追加飲品、飯或麵~計過條數，叫套餐比較化算就叫2人套餐，湯仲可以揀我至愛既蟹肉仿鮑魚絲魚肚羹實在太好了~泰式小食拼盤先來個小食拼盤，拼盤裏包括有泰式春卷、蝦餅、魚餅和鳳凰丸~而另我印象最深刻的就是春卷同魚餅，春卷食落去好脆口，入面餡料用左雲耳、粉絲和芋頭~雲耳好爽，芋頭也夠香夠粉 魚餅味道就微辣彈牙😋蟹肉仿鮑魚絲魚肚羹，我既至愛出場嗱，魚肚羹都好足料，都有4、5塊魚肚，仲有好多仿鮑魚絲、薑絲、冬菇片和蟹肉~魚肚羹味道係咸咸地，再加鮑魚絲既甜甜地，咸咸甜甜，好開胃惹味🤤泰式海南雞(半隻)無骨海南雞，方便小朋友同老人家食雞肉肉質嫩滑，還跟了3色醬一起上枱，想甜就點甜豉油，想辣就點辣醬鹹肉炒通菜通菜我地揀左蒜蓉炒，碟菜都炒得好翠綠，面頭仲有好多鹹肉，賣相吸引~通菜好爽口惹味，鹹肉味道都ok

食物質素非常普通，比街邊求其一間泰國菜差。質素大退步，亦不會再光顧尤其有位中年紋眼線女員工服務態度很差，對食客十分不友善，餐廳環境氛圍已大不如前，衛生環境惡劣。

好耐冇一家人齊齊吃飯啦，唔想去遠既地方食所以揀左係屋企附近食～原來發現九龍灣都有好味既泰國菜👍🏻泰式豬頸肉-燒得好好食，個sauce都好正，勁快比我地清曬蒜蓉炒芥蘭芥蘭好嫩，炒得好有鑊氣👍🏻👍🏻泰式牛肉炒河粉，雖然menu上面冇推介又冇圖片show出黎，但我地全部人都覺得炒得好好食～可以比個大拇指👍🏻青檸檬蒸烏頭下面係有火一直煮，滾下d味就已經好出，味道酸酸辣辣，好開胃～泰式滷豬手豬手滷到好入味好腍😋下面鋪住左d菜，索曬d滷汁好味～蠔餅好大份，入面有好多蠔，底下有芽菜，配埋特製醬一齊夾住食幾好食～