亞萊泰 (淘大商場3期) (已結業)

依間淘大嘅泰國菜經常都係滿座嘅狀態 今次同埋屋企人去食 叫咗個鱸魚 咖喱雞 同埋炒菜。覺得魚個調味都唔錯 雖然未到好好食 但係條魚都好大條 而且口感都好鮮嫩。另外咖喱雞真係值得一讚，咖喱薯仔有好多，而且味道比起平時香港嘅咖喱質地更加濃郁，淨係個咖喱汁都可以食到成碗飯。炒菜方面，都炒得好香口，而且仲有腩肉來做配料，好正。環境方面地方好光猛而且闊落，座位同座位之間唔會好狹窄，成個感覺都好舒適，下次去到淘大食嘢都一定會再去。