亞玉豆腐花

營業中

休息中

我相信香港人都一定唔會陌生，荃灣有兩間豆腐花店，一樣賣到好平，$3一碗有交易，冷熱同價。兩間開正響隔離，但係識揀就一定揀阿玉而家疫情關係佢哋唔做堂食，全部外賣，所以全部要加一蚊。不過$4一碗都好平，呢個價錢根本平絕全香港佢哋都有賣淨糖水，但係就要10零蚊碗，仲貴過雙拼豆腐花，都係豆腐花抵食！最過分係佢雙拼都竟然係$3（而家$4），都係冷熱同價，你可以溝紅豆沙、綠豆沙、涼粉、涼粉等等呢幾蚊豆腐花食落都冇咩好投訴，真係驚佢連租金同埋隻碗錢都蝕埋可能因為生意太好，凍豆腐花未必好夠凍，因為雪唔切，不過都好值得支持我覺得以$3來講已經算好好食，可能佢唔係鍾意滑嘅豆腐花，但一定係最抵食

知道荃灣有兩間豆腐花店開正係隔離，競爭很激烈。經常有驚喜價，益街坊~價格比起其他區係平好多，難以置信。所以每次去荃灣有經過都必食。以前兩間都食過，味道差無幾，份量差不多。兩條人龍都一直無斷過，幫襯既人流不相伯仲！不過，自從前年開始，我只會食亞玉。因為夠黃，舖面有貼文宣，用力撐。疫情後，原本係用碗即場食，轉為外賣盒裝，雖無咁環保，但基於衛生考慮，係比到食客安心一些。亞玉的人龍一直維持二十人左右，埋去排隊都要預五至十分鐘等一會兒。這些都不要緊，最重要係好味又有良心。$4芝麻糊豆腐花，其他地方真係搵唔到，可以話係人工成本價。冷熱同價，揀左熱。豆腐花滑溜，芝麻糊香甜，無可挑剔，飯後甜品最適合不過了！嗜甜又加左少少黃糖~食完好滿足，係嚐到良知的味道，特別舒心~~雖然隔離個間唔洗等咁耐，但係我往後只會食亞玉。

超抵食豆腐花荃灣路德圍附近有兩檔豆腐花店經常排長龍，但條隊去得好快個人覺得亞玉比較好食😋豆腐花加糖水加盒錢都係$4佢賺到錢嘅咩🤔試過溝喳咋、芝麻糊、紅豆沙佢啲糖水唔甜，但足料每次經過，有時間有空間都會食另外，客家糍粑真係好好食餡料超多，花生芝麻炒得好香脆糯米皮好薄，做到皮薄餡靚$7 一粒 $18 三粒呢個真係推介 值得食呀仲有$2一個砵仔糕，多豆好食食咁多嘢都係$12 🤣真係好平周圍同人講都唔信⋯有圖有真相呀

荃灣必食平靚正豆腐花，每次經過都大排長龍，係荃灣多年仍屹立不倒，同隔離鋪鬥爭生意咁多年，但呢間係黃店，大家識點簡啦。在疫情下用膠碗，乾淨衞生，不過就要加$1，雖然貴過隔離間藍店$1但係安心好多。$4就食到一碗豆腐花真係抵到爛，仲要係黃店，同埋可以揀雙拼，可以拼芝麻糊、綠豆沙、紅豆沙等等，都係一樣價錢。可以揀凍或者熱都得，味道不過不失，唔算好滑但可以接受👍🏽👍🏽👍🏽👍🏽👍🏽👍🏽👍🏽

平日中午，食完飯，經過出名好野食多嘅路德圍，見到呢間鋪豆腐花只賣$3，好吸引。今日唔趕時間，所以見條隊有啲長都照排。除左原味，仲可以揀溝其他味道，例如芝麻糊、紅豆沙、綠豆沙、花奶等等，全部一律$3，冷熱同價，唔想企街食的話，叫外賣則加$1，不過都絕對可以接受。今次就叫左一碗熱花奶豆腐花。 份量唔算少，豆腐花夠滑，有豆香味，而花奶就有少少稀，但唔係稀到冇味嗰隻，$3貨仔完全收貨，對比依家買碗糖水閒閒地都要$2X，$3豆腐花真係好抵食～

近年來。呢啲乜乜豆腐花開到周圍都係。而呢間阿玉豆腐花更開喺另外一間豆腐花店舖嘅隔離，長期行過都見到咁多人喺兩間舖頭都排緊隊。今日終於得閒咁就停低一齊湊下熱鬧啦。最後揀咗人龍長啲嘅排隊。我就叫咗一碗豆腐花。而朋友就叫芝麻糊豆腐花。急不及待拎到手嘅時候即刻試一啖，豆腐花非常之滑，而且我鍾意嘅就係佢上面嗰啲糖漿唔會話太甜。而朋友嘅芝麻糊豆腐花，芝麻糊味相當之香。整體來講我覺得呢間豆腐花係有9分嘅。大家都可以試吓。

嗰日經過路德圍，嗰度小店食肆林立，仲聞到陣陣炸雞的香味，非常吸引！但我地啱啱食過晚飯，唔係好想食太多嘢，於是就冇買到炸雞食。再行遠些少，見到兩條長長嘅人龍，好奇係排緊咩！原來係兩檔豆品店！當晚氣溫只有八度左右，「亞玉」條人龍都唔算短呀，咁我地都照排啦！我地原先打算買兩碗熱豆腐花就算，但係諗到橫掂要排咁耐，不如買多幾樣嘢啦！於是就買埋兩枝低糖黑豆漿再加兩蚊試吓個砵仔糕！我加咗大量紅糖落碗熱豆腐花度，好好味呀！砵仔糕細細粒但煙煙韌韌，紅豆都算幾多嘅！黑豆漿豆味濃郁，好飲！經過嘅話都不妨幫襯吓「亞玉」啦！

行完山落荃灣，於是就順便去食豆腐花。一如既往，兩間豆腐花都排長龍。我等左大約15分鐘倒就到我了。叫左一碗芝麻豆腐花，因為疫情依加轉左用即棄膠碗，所以加$1，$4一碗。豆腐花好滑，芝麻糊就普通。仲叫左客家糍粑$18，都幾好食。

成日見兩間豆腐花鋪鬥平又排晒長龍都唔知幫襯邊間好有日行過見到有間排長龍另一間竟然無😨咁就試試呢間排長龍啦！綠豆豆腐花芝麻胡豆腐花鉢仔膏芝麻胡豆腐花的確好味！！另外疫情下只提供外賣👍🏻👍🏻🚨🚨🚨另一間係用碗 咁無油既野我諗都係求9其洗😂大家識揀啦😂

見亞玉同贊和都大大隻字寫住$3蚊見亞玉少人排隊 於是支持下亞玉 但疫情期間轉唒用外賣碗既關係要加1蚊甘衛生D都係好事黎既 個豆味都幾濃 但個質感比較硬實 如果落小D石膏粉啦 仲更好啦😋

💛💛💛亞玉豆腐花💛💛💛好耐都冇試過星期六晚喺路德圍，我哋淨係想輕食少少甜嘢，所以就揀咗食豆腐花。今期係$3一碗，以前已經睇住兩間舖頭喺度鬥，初初一開始$5，到$3，到最低價$2都試過🤩。可能你會問兩間舖頭價錢一樣，點解會揀亞玉？因為阿玉係黃店，而贊和係藍店，咁已經好明顯影響到個選擇啦💛。唔好睇到元朗亞玉就當正佢係鄉黑開既，黃店黎架！今次點左熱豆腐花 $3，熱既一定比凍既滑，食落都有豆味。我最鍾意佢有薑汁糖水落，冬天食碗熱既薑汁豆腐花真係好正，暖胃之選😍。男朋友點左涼粉豆腐花 $3，涼粉比平時食個啲切得細粒，唔算係好爽口。豆腐花既份量都係相應地減少，可能因為兩溝同淨豆腐花一樣架錢掛🧐。以前係用陶瓷碗裝住，大家企係旁邊食。因為武肺既關係，依家一律加$1轉左用外賣膠兜，每碗埋單$4。坦白講$3一碗唔好要求佢又滑又香豆味又大碗。相反，我有時口渴或小小餓，但又唔係食得好多野既時候就會去食。因為去7-11買支水都$6-7起，咁我不如拎$3去食碗豆腐花😂。埋單 $8（無加一）

今次第一次食呢間元朗亞玉豆腐花，聽朋友介紹話好出名💛仲要好抵食😏黎到荃灣就諗住試一試，豆腐花有好多各式各樣既口味，有熱有凍既揀，揀到我心大心細，本身猶豫緊揀芝麻糊豆腐花定喳咋豆腐花好，最尾都係揀左喳咋豆腐花（凍）；而我朋友就揀左紅豆溝豆腐花（凍）！食落去真係完全amaze左，三個字，平靚正，好推介紅豆溝豆腐花，必食，下次試埋佢既芝麻糊豆腐花先😉重點係一碗豆腐花只係售價$3炸，外賣加$1，講你都唔信，仲要係好味，一d都唔係揸流攤！係度食三碗，係外面都未必食到一碗丫！已經同朋友鐵定左，以後如果黎親荃灣，都一定要食番一碗先走人#豆腐花#抵到爛#荃灣

味道：⭐️⭐️⭐️⭐️◼️◻️是良知每次經過路德圍都會心思思想食豆腐花＄3雙拼豆腐花真係cp值爆燈🌟🌟🌟支持良心小店！呢度長期long Q 但等候時間好短⏳⌛️D姐姐好快手仲好有禮貌豆腐花大大碗豆味濃郁又香滑❶芝麻糊豆腐花 荃灣價$3 （外賣+$1）芝麻糊真材實料唔會太稀甜度適中咁當然地唔好同其他中式糖水舖比較 價錢相差 實在太大😂❷薏米白果豆腐花 荃灣價$3 （外賣+$1）My favourite 😍 豆腐花加上薏米白果 甜度剛剛好平時既我好怕白果既苦澀味 但呢度完全冇呢個問題！🤩糖水嘅部份煮得綿滑仲保留左少少咬口❸砵仔糕 每次姐姐都計平左 好似隨心收錢咁今次收左我 $6/3個呢度嘅砵仔糕有兩款 兩款都係黃糖分別就係在於有同冇紅豆紅豆都算多 加上甜度適中 口感唔會好腍同埋好實🥰Ps:元朗都有分店啊😋

亞玉豆腐花同隔離間豆腐花鬥左好耐，但真香港人緊係幫襯黃店啦，但豆腐花全部$3碗做唔做徊住架？黃豆豆腐花 $3豆腐花食佢滑嫩口感同埋黃豆嘅豆味，亞玉係呢兩方面就做到啦，而且只係$3碗，係街市豆腐舖都做起麻$5-$6蚊碗，仲要無乜豆味。芝麻糊豆腐花 $3芝麻糊唔係太甜加埋落豆腐花就岩岩好，芝麻香加黃豆香好夾，呢個黑白好正。古法涼粉豆腐花 $3涼粉食落去彈牙，比較怕食到軟淋淋嘅涼粉，加埋花奶就正哂，但美中不足唔夠凍。砵仔糕 $8/3個砵仔糕口感彈牙，黃糖味夠，紅豆密密麻麻，陣陣香甜味。好多人食豆腐花掙係食一樣，黃糖同糖漿，如果黎到食亞玉不妨落少d，感受一下亞玉豆腐花嘅黃豆味。

亞玉豆腐花🍮🥡有良心又平嘅豆腐花仲好有防疫意識😷💪💪。。轉曬用膠碗每次必叫嘅就係紅豆豆腐花🥄 同 芝麻糊豆腐花🥄食完啲紅豆淨返既豆腐花又可以自己落黃糖🍯 或者 薑汁咁樣就可以食哂三款口味夏天食凍嘅豆腐花就透心涼🌬️冬天食熱嘅豆腐花豆味好濃又好滑😋😋👍👍