九龍餐室

營業中

休息中

收銀姐姐態度極差 想買個早餐雙拼 佢叫我諗清楚食乜先叫 咁叫得就係預咗加錢㗎啦。跟住佢話冇咁架喎冇咁架咼。其餐廳極度古怪疫情期間現金有八折，店員仲返問返我點解會冇現金😨疫情期間其實都冇乜人用現金㗎啦。攞到外賣後我問佢有冇辣椒油，第二個店員竟然發我晦氣下次早啲講啊！？其實都係問佢一句姐有米有冇咪冇囉做咩要發晦氣呢？問你有冇我冇話一定要。第二，榨菜肉絲米粉，佢啲米粉斷開晒的。可以回應返嗰位店員 放心啦唔會再有下一次！

旺角呢兩年開咗超多茶餐廳，講真食物又唔覺得特別好出色，來來去去都有種翠華style直到見到九龍餐室，一入去除了光猛仲有極高樓底，每枱之間有充裕距離，旺角區又可以傾到計的茶餐廳真心唔多。而食物都算係中上，百零蚊就有扒餐食，唔洗一百蚊有小菜加湯，幾十蚊有個碟頭飯，這個年頭平靚正絕對絕對是必須的！今晚點了照燒汁雞扒配鰻魚飯，飯面佈滿木魚碎，米飯具彈性有咬口，不會太軟或過硬，雞扒有煎香，雖然是宵夜但份量很合理！！

今天相約了友人去旺角， 不知不覺間行到差不多近三點鐘了 ，又過了中午醫肚的時間，因為大家都不想飲茶，所以選擇了去餐廳。在食肆林立的彌敦道，餐廳的選擇頗多，今次就去九龍餐室試吓。進入餐室内見樓底夠高，有兩層，裝修環境都算可以，上了樓上坐下點了個星洲米配紅荳冰套餐。等了約廿分鐘左右餐到了， 星洲米的賣相、咖哩的色澤都相當吸引，配上了香口的芝麻，真的要快快咬一啖米粉先， 米粉是用質地比較偏軟的那種，不是用中國的傳統米粉來炒，欠缺質地硬身口感。 咖哩的分量調得不錯， 整碟米粉都炒得相當均勻 ，不會令米粉一有些有咖哩而另一些沒有咖哩色，咖哩味道亦算夠濃吃到了咖哩的香辣味， 火腿絲的份量亦相當多， 但個人感覺如是用肉絲或叉燒之類的來炒的話，總是感覺上稍為欠缺一點，因為到底不是中式酒樓，不能直接用來比較。而雞蛋絲、芽菜等配菜、能放多一點可能層次感會提高些。跟套餐的飲品紅荳冰， 雖然是隨餐附送，看上去都做得不錯，有些心思，紅荳亦煮得夠淋，配以花奶紅白相襯，用一隻有懷舊feel的杯奉上，有一種小時的可愛感覺。今次的午餐各方面感覺算是不錯，可能時近下午茶時段，顧客頗多令侍應的人手不夠，出餐要等久一些，但

5點幾想醫少少肚，餐牌都唔睇，嗌左菠蘿油。上枱嘅賣相好吸引，個包大到成塊扒…有一塊牛油🧈另上，竟然有据扒嘅感覺。味道唔錯，食得出係靚油！將牛油放入微溫的包，我覺得有少少融化，有少少滑口感，就最好味，加埋杯奶茶，真係夾喇～

陪老公去信和訂完模型，好鬼肚餓、 沿途好多茶餐廳， 經過有間九龍餐室都幾新吓; 就入左去幫襯。 地方都算寬敞有兩層， 我哋被安排留上座位、 卡位都算闊落。見餐牌都好多選擇，我點了個黑椒豬扒飯，唔想飲凍野、想轉中湯原來唔得， 不過侍應哥哥好好人，話送個中湯比你啦😂仲要係老火湯😋啱哂我老公點了 忌廉粟米焗海鮮飯，侍應哥哥話下午茶有呢個餐喎;不如改下午茶啦仲平啲又多杯嘢飲🤗我地叫了杯凍檸茶，我地都冇留意餐牌，原來6:30仲有下午茶架🤣呢個哥仔真係幾好人！食物中規中矩啦！下次去信和經過都會再來幫襯😁呢間賣點 下午茶去到六點半， 好適合打工仔放五六點嘅時間去，😄當食晚飯但下午茶價錢👍👍

新開咪試下囉，平時都係食x茶嘅~叫咗下午茶餐$49，瑞士汁雞翼撈麵，超難食麵已是一餅，加上一d唔咸又唔甜嘅瑞士汁雞冀兩隻，d肉超韌，又唔入味麵黎咗，無餐具叫侍應攞啦，侍應姐姐選擇去執枱都唔去攞比我(現場無人等位，她不是執枱員)本來想試最愛嘅蛋撻，但不敢了~

我今日下午大約5:30到（12/09/2021)，這是我第一次去九龍冰室（旺角）食嘢、見到下午茶餐牌唔錯$52，選擇有：瑞士汁炒牛河、楊州炒飯、星洲炒米、港式肉醬意粉加溫泉蛋、黑椒豬扒炒公仔麵、等等、都有幾多選擇、然後我就叫咗、肉醬意粉、大約六至8分鐘就到，時間好快，賣相唔錯、但是一食就、發覺味道差勁、「得個甜字」其他味道就冇啦、之後我要求換掉他、我就見到晚餐有個餐牌寫住、黑椒汁安格斯會意粉或飯加隻炸蝦。所以我就轉咗呢個餐啦，諗住可以俾第二個機會、試吓其他食物，這個價錢都唔平$98、好彩我話黑椒汁 on the side, 因為黑椒汁是甜的😱、我本人第一次食到黑椒汁甜的、這件牛扒就像早餐一樣（普通茶餐廳）博博一件、超難食。我同店員講；佢就話要唔要轉茄汁啊、下、黑椒汁都咁甜你仲叫我轉茄汁、發生什麼事啊？這是我人生、第一次、食到一件超難食的黑椒牛扒。我希望大家可以轉貼一下。不要讓其他人遇到呢件慘情的事情。又或者可以去冒險下，拍段最難食嘅茶餐廳片段。做一個比對，希望大家唔好中伏。🙏🏻😬

響之前間烏糟服務差嘅红茶向前行，見倒新開呢間九龍餐廳，光猛同樓底高好多，待應抹枱連座椅都留意埋，瑞士汁炒牛河好味楊州炒飯頗大份，但不是即炒，好似帶返番工用暖飯壺保温咁整體滿意，食物唔太咸

從未食過如此又鹹又硬的炸魚塊！這個午餐包餐湯和餐飲，$58價錢ok啦，轉凍飲和外賣$63埋單，包裝和賣相都不錯的，凍檸茶的檸檬薄薄的，方便篤，都幾ok，粟米汁都是一般的生粉獻做成，睇落都不錯，味道淡淡的，只可惜，那個炸魚塊，好睇唔好食，頭一兩件都是硬硬鹹鹹的，還入到口，點知再食多一兩件，越食越鹹又越硬，唔食個外面個炸漿，那麼小小的魚塊是乾的，真的很難食！致電餐廳反映食物質素，職員只說「我反映給經理聽」就掛線了！

香港有不止一家九龙餐室，想找店吃晚饭时路过了这家九龙餐室，总的来说味道不错。我点了一份沙牛公，就是一碗带牛肉的面，感觉挺香的，就是性价比不怎么高，还好有赠送一份丹麦多士，有两块面包和一块蛋卷火腿，我同学点了一份奶油朱餐，其实就是菠萝包，他觉得味道还可以。

今日要早，起去女女間學校到為入學進行家長會，所以點都要食返個提神早餐，醒醒去，係去學校路程中，經過一間新開既餐廳，名為九龍餐室，對我地黎啲80後實在太有共嗚，膽粗粗入去試試，環境ok，要等一等位，但都好快，叫左一個英式早餐，配雞扒，有塊丹麥包，丹麥包係我近期最愛，有兩仔芝士腸仔，炒滑蛋。芝士腸仔，同炒滑蛋，不過不失，冇咩突破，但個塊雞扒，雖然明顯係拉油拉熟，但唔會多油，油溫控制唔錯，有少少焦香，底味幾好，香口同唔會有雪藏味，加多杯熱奶茶。滿足

又係放工時間，食下午茶要搵間好食嘅又要去到18:30嘅都真係唔易。經過見到，餐牌都冇仔細睇，就衝左入去。依間鋪頭分上下兩層，我就上左樓上雅座，坐得幾舒服嘅卡位，但真係幾凍🥶下午茶去到18:30，啲客就當晚餐食，你精佢都唔笨。個價錢都唔係平。最平嘅餐：奶油豬加杯野飲都要$35；簡單食個炒粉面都$52不過依度有個好處，侍應唔會催人走，想同朋友吹下水坐下休息下，以茶記嘅環境黎講，算係幾ok。麻辣肥牛魚片頭滔庭烏冬+紅豆冰 $50我好少出去食嘢叫紅豆冰，除左因為要貴幾蚊之餘，通常都係甜得滯。依度嘅紅豆冰正正常常，紅豆軟硬適中，最好嘅係成杯嘢包括埋啲豆都幾淡下👍最最最好嘅係紅豆冰唔洗加錢😏烏冬嘅肥牛唔錯，對比起今日lunch box自己整嘅$140一磅嘅肥牛，都唔差太遠，唔太肥但有肉味，估計係$98一磅嘅貨色😎魚片頭爽，都唔錯，但烏冬太淋，可惜。埋單$50，坐得我舒服，味道又正常，我諗我得閒都會幫襯下。再諗返起尋日係和順記$40食嘅半塊豬扒面，真係👹冇比較冇傷害。Mcmug綜合評分：6.5/10，去到18:30嘅下午茶唔多，要好好珍惜🥺

路過彌敦道，見到有間九龍冰室。。。係九龍茶室，有少少懷念以前鄭伊健套戲🤣趕時間既關係，都買左個炒飯外賣。睇都睇到炒飯幾有鑊氣，椒鹽肉排配豆豉鯪魚炒飯，味道夠重，例湯都吾錯，可以再食。

📌一直都好喜歡和支持香港本土的特色料理，例如叉燒、燒味、乾炒牛河、菠蘿包、蛋撻和雞蛋仔之類，因為呢啲都係香港嘅文化產物！📌所以每次經過茶記都有一種莫名其妙的興奮，覺得要支持！今次又來到菠蘿包超級好味的九龍餐室，佢哋嘅菠蘿包好大，好好味，本來經過都係想買佢嘅菠蘿包回味一下，不過見到佢哋原來有墨西哥包，好想試吓係咪咁好！📌墨西哥包$9，同菠蘿包價錢一樣，店員見到落雨關係，比多個膠袋仔我包住！好細心，而且好好笑容！呢種態度係好多餐廳都做唔到！讚！📌老實講呢個包嘅味道真係好好，不論麵包嘅香味定係上面嗰塊皮！兩者都做得超級好，酥脆，香濃！📌不過呢個墨西哥包真係好油，打開嘅時候佢個紙袋已經吸晒油，亦有可能係因為佢哋用咗咁多油所以先咁鬆脆好食！！！