九龍城寨

營業中

休息中

本人很少寫食評，今日下午遇到一件十分不愉快的事情！事原是此餐廳在雅蘭中心地面入口擺放了餐牌，上面清楚寫明下午茶兩點後有八五折優惠，所以本人及太太大約下午二時十分左右就入座。本身食物質素都一般諗住有八五折就試吓啦，誰知埋單時店員說此優惠已在八月完結，但餐廳內所有餐牌及地面門口的餐牌完全沒有刪除或用物料遮蓋此優惠，分明是欺騙食客入座！埋單時店員更表示只是打工，是老細話取消的，你有問題可以投訴去消委會！如此囂張的態度我都是第一次見，希望大家不要再被此食肆欺騙！

首先落單等咗45分鐘都冇野食（正常打工仔食飯時間一個鐘）然後催佢幾次單，佢就上咗菜我嗌左豉椒涼瓜炒鵝腸但係佢最後上咗三色椒炒鵝腸食咗兩啖先發現一嚿涼瓜都冇然後我同個男侍應好聲好氣反映返佢：咁都冇辦法㗎，最多煮過碟俾你我：吓但我已經等左就黎成粒鐘，要翻去開工啦喎佢：咁呢個就係你既問題啦，一係你等，一係取消張單我：我而家趕住走，咁我取消張單佢出咗去一陣返嚟，然後話冇得取消張單，因為我已經食咗兩啖跟住我叫佢搵咗個經理返嚟經理先肯幫我取消張單同埋道歉但其實都已經浪費左個lunchtime，同埋要餓住肚開工個男侍應態度十分惡劣，冇道歉冇提供解決方案，甚至嘗試將責任推喺顧客身上同埋上菜速度真係奇慢，之前幫襯過幾次，每次都要等差唔多半個鐘已blacklist呢間野，冇下次！

昨晚在 #旺角 工作完，穿越時空入咗 #九龍城寨 食嘢！呢個 #西蘭花炒肉片 好好食，好夠鑊氣😋 (不過等上菜有啲耐，證明係即炒)下次多幾個人可以打邊爐。呢度竟然無社交媒體網站，真係有緣先見到！

之前剛開時經過覺得係食住電影的熱度所以沒有幫襯，後來看到餐牌跟公司附近的“友義氣”一模一樣，那應該是同一集團咁就試下啦去食下午茶時段點了份乾炒牛河和味菜牛柳絲炒麵，乾牛河同友義氣一樣夠鑊氣，炒麵就差dd個“獻”既味有少少怪但都ok既，但不老實的地方是入單時出了正價，問了男侍應他說折會在付款時顯示，但付款時女侍應卻收正價，當我說為何不是下午茶才說現金w7 Alipay 才有折，我諗如果我唔問你出聲架啦？而且門口又無寫明，如此不老實味道再好我都唔會再幫襯！

雅蘭開左新餐廳叫九龍城寨，咁啱又睇完九龍城寨套戲，就食佢先。餐廳在地庫，可以叫小菜或打邊爐，睇完餐牌決定食小菜，好多餸都好吸引😋⭐乾鍋肥腸先來個肥腸煲，走過油勁脆口，肥腸肥美甘香，枝竹都炸到卜卜脆，似薯片嘅口感😆少少辣夠惹味。⭐醬皇四季豆肥牛餐牌寫醬皇，但黎到係乾偏四季豆黎喎🤔不過乾身咪仲好食，肥牛嫩滑，炒得香口夠鑊氣。⭐啫啫田雞煲田雞煲又係正，肉嫩鮮味，三色椒甜美多汁，雖然係啫啫做法，但入口唔乾柴㗎，正喎。⭐白飯飯略微水多左啲，有啲淋。⭐凍杏霜 & ⭐凍檸碧仲加左凍飲，先來的凍杏霜很正常，但杯凍檸碧咁大杯嘅？估佢唔到喎😂一杯兩個人飲都夠啦。唔使加一，抵食👍

今日見呢間新開，係OpenRice 睇過無咩資料無食評無電話😂😂就一於同朋友膽粗粗去試下🤭🤭話哂都24小時營業，唔駛趕頭趕命去到人唔多，店員幾多👍🏻先讚一讚店員個個都好nice 服務好好野食方面有驚喜避風塘茄子🔥脆口好食，入面軟熟唔會淋得濟最愛係佢個辣，一食完覺得幾辣但佢唔會長期係口腔停留個種辣係令我愛上又唔阻礙我的辣，辣得舒服🧡再黎既小炒王都好食香口，有蝦米蝦仁帶子魷魚架蒜蓉炒包心菜，蒜蓉味都好香木出味，略為油左少少豉椒炒鵝腸，正常無太大驚喜胡椒豬肚雞，一開始覺得淡唔夠味，但一路滾一路滾，佢中途加湯唔係加水👍🏻最後走前個碗湯既胡椒味出晒嚟，驅風一流🥰總結： 情價比高，酒水唔貴，可以安歌既餐廳