九龍城寨

營業中

休息中

雅蘭開左新餐廳叫九龍城寨，咁啱又睇完九龍城寨套戲，就食佢先。餐廳在地庫，可以叫小菜或打邊爐，睇完餐牌決定食小菜，好多餸都好吸引😋⭐乾鍋肥腸先來個肥腸煲，走過油勁脆口，肥腸肥美甘香，枝竹都炸到卜卜脆，似薯片嘅口感😆少少辣夠惹味。⭐醬皇四季豆肥牛餐牌寫醬皇，但黎到係乾偏四季豆黎喎🤔不過乾身咪仲好食，肥牛嫩滑，炒得香口夠鑊氣。⭐啫啫田雞煲田雞煲又係正，肉嫩鮮味，三色椒甜美多汁，雖然係啫啫做法，但入口唔乾柴㗎，正喎。⭐白飯飯略微水多左啲，有啲淋。⭐凍杏霜 & ⭐凍檸碧仲加左凍飲，先來的凍杏霜很正常，但杯凍檸碧咁大杯嘅？估佢唔到喎😂一杯兩個人飲都夠啦。唔使加一，抵食👍