九雲居

營業中

休息中

收藏了依間主打火鍋🍲的東南亞餐廳很久，我地中午到訪見午市套餐幾抵食，包主食🍜、小食🍢一份和飲品🍵。主食選擇都唔少，所以今次無選擇火鍋🫕。餐廳裝修都幾有特色，枱頭望有一個個藤圈包着燈，周圍仲有藤籃掛飾，還用上藤櫈，風味十足！🍽️ 青咖哩牛腩飯青咖哩椰奶🥛味香濃，唔算太辣，加入了大量香料烹煮，好惹味！牛腩🐂炆煮得軟稔入味，仲加入了茄子🍆和青豆等蔬菜，連跟配的白飯🍚都好軟綿。🍽️ 冬陰功海鮮湯鮮湯河冬陰湯底酸酸辣辣，好開胃，裏面有兩隻大蝦🦐、帶子、雜菌🍄、蕃茄，相當豐富。蝦肉🦐爽口彈牙，蝦背切開了一刀🔪，方便剝殼和食用。河粉🍜煮得入味但又唔會過淋，我將整碗湯都飲完。🍽️ 泰式紅咖哩魚餅 🍘魚肉🐟加入豆角和香茅、檸檬葉🌿等香草，再混入紅咖哩醬，煎得香口有口感。🍽️ 炸春卷 春卷炸得外層脆口，裏面有雜菌🍄同雜菜🥬。飲品方面，我地選擇了泰式奶茶☕和越南滴漏咖啡，咖啡會用獨特的咖啡滴漏壺盛載🫖，一般東南亞的咖啡奶茶會加大量煉奶🥛，會好甜，但餐廳會因應客人要求調整飲品甜度，相當貼心💕。🙋🏽‍♀️想知更多飲食資訊, Follow Instagram: misslittlebigeater 🙆🏽‍♀️

📍跑馬地奕蔭街13-15號景怡大廈地舖本身想去九龍城食泰國🇹🇭嘢，點知有嘢做過咗海🤦🏻‍♂️🤦🏻‍♂️不過都好，咁都俾我同個friend唔打唔撞搵到一間隱世東南亞餐廳喺跑馬地😂😂😂1. 娘惹叻沙摻摻🍜 配班蘭香葉雞粒🐔$128 - 餸菜上嚟就聞到濃厚嘅喇沙味，個湯飲落口唔會太辣，而且椰奶味適中，最重要就係摻摻係有油麵同米粉一齊嘅混合，食落口會有更加豐富嘅口感😋😋😋，而且個叻沙超多料，有大蝦，魚蛋，魚片頭等等😁😁😁 班蘭香葉雞粒真係有香葉包住，所以燒雞唔會乾爭爭而且有juicy嘅肉味👍🏻👍🏻👍🏻2. 泰國船麵🛶🍜 配泰式魚餅🐟$128 - 個湯超濃厚香口，配料有豬皮，魚蛋，牛丸，扎肉，肥牛，簡直大有正宗船麵嘅特色👍🏻👍🏻👍🏻在撈埋少少辣粉令到成個湯底更加有層次感😋😋😋極力推介👍🏻👍🏻👍🏻泰式魚餅咬落口彈牙，味道濃郁，一定要點嗰個甜酸醬😁😁😁餐廳好有特色風格，坐得好舒服，好有南洋特色😁😁簡直係跑馬地食星馬泰之選，都值得專程到訪👍🏻👍🏻👍🏻

今次去了間幾有特色多國菜餐廳🍽位於跑馬地九雲居菜式集合港式 泰式 馬來西亞 同越式哩度原來都有打邊爐㗎🫕仲有多款特别火鍋湯底🍲另外有不同小菜選擇🥘餐廳裝潢門面走工業風⚙️入到餐廳有東南亞風味🎇牆上仲掛了很多特色畫🖼我地選了娘惹叻沙摻摻個麵底軟梗度適中🍜配料好足有雞肉🐔蝦🦐白魚旦🥚蛋同魚片頭🥣喇沙湯底非常濃郁🌶辣度適中😋好香矛香味海南雞飯海南雞正正常常🐔最喜歡個海南雞醬夠辣又香🌶個蘿蔔湯幾濃🥣香辣椰子炒蜆炒得好有鍋氣夠哂惹味🌶🌶吃完又濃味同辣味最啱飲番杯冰凍青檸梳打🍋冷萃水果茶🍑透心涼好解渴🧊餐廳每樣菜式都偏向濃味🥘好啱我地重口味客人😋店員姐姐好友善

九雲居 ☁️午市套餐 ($128)午市套餐包咗一個主菜、一個小食、同一款飲品✨ 主菜嘅選擇有好多signature嘅東南亞飯麵可以選擇，例如海南雞飯、肉骨茶、慢煮豬手飯、叻沙摻摻等等🤤我哋揀咗泰國船麵同黃咖喱牛腩飯🍛而小食方面都有6款可以揀，例如香茅雞翼、魚餅、春卷等等，我哋就揀咗班蘭香葉雞粒🍗飲品方面都有得揀涼茶、泰式奶茶、水果茶🍹等等，我哋就揀咗青檸梳打同越南滴漏咖啡☕️泰國船麵🛶泰國船麵嘅麵類係金邊粉，配料非常多，有有豬皮，牛丸，魚丸，扎肉，肥牛，三角魚蛋，生菜同埋芽菜， 好足料😋 另外湯底亦都好濃郁，而且有加到辣椒粉🌶，所以食落都幾刺激會有微微嘅辣度👅黃咖喱牛腩飯🍛餐牌有得揀黃咖喱同青咖喱，店員好好人有講到黃咖喱係偏甜唔辣口，而青咖喱就係偏辛口👄 我哋呢啲少辣人士就揀咗黃咖喱黎試，咖喱汁好多好重椰香味🥥，入面有加薯仔同蕃茄🍅，食落好開胃🤰🏻而且牛腩嘅份量都唔少，仲要煮得好淋，用黎撈飯食真係💯班蘭香葉雞粒🍗2人份所以有6粒，每粒燒雞都有班蘭香葉包住，燒雞好有驚喜🎈 全部都煮得好滑嫩，一啲都唔會乾柴，配埋甜酸醬食，非常之惹味👍🏻

最近多咗去跑馬地，因為阿仔喺附近學英文，見到門口大大隻字寫住南洋風香港情， 就決定入去試下😋店內裝潢都有異國風味，座位用滕去做成， 響呢個咁熱嘅天氣底下，其實呢啲櫈先可以散熱🥵午餐優惠好似去到下午五點， 我同媽媽兩個都冇食嘢，所以一定係點兩份午餐見到呢個椰子雪葩簡直係透心涼，但係可惜佢嘅午餐實在太大份食唔落🤭蜜桃水果茶茶味夠濃，唔太甜，而且够冰涼， 之後亦都有3至4 舊蜜桃， 蜜桃好甜， 感覺好清新，唔會肥膩， 如果鍾意飲咖啡仲可以加18蚊要個越式蒸餾咖啡， 可惜我今朝早飲咗咖啡，如果唔係一定加錢試嘅 😛娘惹叻沙摻摻：蝦，半隻蛋，魚蛋，魚 片頭蝦勁大隻，有成隻手掌甘大隻，而且啲肉夠實 ，有鮮蝦味， 蝦頭吸曬喇沙嘅惹味蛋唔係硬蛋，咬落去彈牙，有少少似溫泉蛋既感覺魚蛋似手打魚蛋彈牙，同魚片頭一樣有魚既鮮甜平時其他餐廳做嘅喇沙未必有呢兩款麵喺埋一齊，但係呢間餐廳真係做足馬來西亞嘅風味， 而且一上菜嘅時候已經聞到勁大陣嘅喇沙同椰香味，個湯底飲落去係勁滑海南雞飯： 啲雞差唔多有成半隻咁多，而且雞肉係勁滑， 海南雞飯會另外配粟米芫荽湯，店員上湯嘅時候就話呢個湯加咗芫茜係下火，响甘熱既天氣真係好需要

來跑馬地做少少野，唔想食茶記揀咗一間多國菜「九雲居」食南洋風特式火鍋九雲居環境唔錯，清新典雅用上好多竹籐嘅元素，好有南洋風味湯底有7個選擇，全部都好有東南亞特色娘惹喇沙、泰式冬陰功、越式牛骨湯、泰式椰子雞湯、蕃茄牛尾湯、福建肉骨茶我哋選了椰子蜆湯，清清地，有好香嘅椰青水味道仲好多泰式香料、香葉、香茅等，蜆嘅份量都唔少打邊爐之前就已經可以食返啲蜆，飲啖椰子蜆湯唔想咁肥一開始食番個雜菜拼盤先，選擇好豐富！有娃娃菜、油麥菜、生菜、金菇、白蘿蔔、紅蘿蔔一盤已經有好多款菜，吸下個湯寧舍甜！之後先開始食美國頂級牛小排，油花均勻，肉質柔嫩，都好值得食但講開一定要食嘅，一定係佢九雲居兩個自製拼盤！手打九雲丸：紅咖哩鯪魚丸、馬拉盞蝦肉丸紅咖哩鯪魚丸好特別，淡淡紅咖喱味，其他地方真係食唔到配鯪魚肉，一啲都唔會腥！ 好有東南亞風味個人推介馬拉盞蝦肉丸，蝦肉爽口，帶少少鹹香， 應該係自己手打，食得出係好新鮮！第二樣必食係自製九雲餃：巴東牛肉餃、泰式豬肉餃巴東牛肉餃味道較濃，真係好似食緊巴東牛肉咁！泰式豬肉餃就有淡淡嘅香料，微微食到大蒜同魚露味！食完都想再食！最後食埋烏冬同埋經典拼盤：芝士腸、蟹柳棒、午餐肉、扎

跑馬地格調馬來西亞菜🇲🇾 ［九雲居］餐廳裝修風格走工業風 🔨裝修燈光極具東南亞風味入邊仲有啲馬來西亞既壁畫 🎨感覺真好似去咗旅行🧳用料靚之餘仲好有特色 主打東南亞菜式🇲🇾晏晝仲有邊爐打既添🍲Lunch Set一個價錢仲包曬主菜小食同野飲添🥤🌟Lunch Set ($128) 海南雞飯 🐥雞肉好滑嫩 而且仲去晒骨添主要靠醬汁調味 醬汁酸酸甜甜好開胃🤤淡淡既油香飯 分量仲啱啱好😋福建肉骨茶🍖福建肉骨茶🍵有大家習慣熟悉嘅藥膳香味但係我覺得可以濃啲就會正啲🤣 反而胡椒同蒜味較為特出排骨足料🍖肥瘦都適中而且仲有啲金菇係個底 吸晒啲湯送飯一流🍚香茅雞翼🐥香茅味夠濃 外皮香脆 雞中翼隻隻都大大隻 仲唔會覺得好油添🤩炸春卷🫔即叫即炸外皮香脆 入面有少少咖喱味嘅配料🥘越南滴漏咖啡☕️ 咖啡有驚喜苦酸適中 飲落去好順口😚味道 7/10環境 8/10推介程度7.5/10📍九雲居 (跑馬地)跑馬地奕蔭街13-15號景怡大廈地舖

尋日同大爺去咗跑馬地諗黎諗去都唔知食乜好既時候行過見到有間東南亞餐廳有套餐好啦就試下先😋我就叫咗✨娘惹叻沙摻摻✨摻摻其實就係油麵同埋米粉每啖食都有兩種唔同口感喇沙既湯底非常濃郁係可以接受嘅辣度🌶 唔會太辣岩晒我呢D想食辣但又怕太辣既人入面仲有蝦、雞肉、魚蛋、魚片頭等等既配料👍🏻😊大爺就叫咗✨肉骨茶✨肉骨茶藥材味好濃真係真材實料👍🏻啖啖都有好香既藥材香味配埋飯一齊食一流😋小食有香茅雞翼同九雲居沙律香茅雞翼肉質夠嫩滑🤩沙律我覺得偏辣🥵但大爺表示辣度岩岩好 哈哈😆聽聞晚市既打邊爐🍲唔錯下次又黎試下先😊✨九雲居 📍跑馬地奕蔭街13-15號景怡大廈地舖#heacookmama @cloudninehotpot

鍾意打邊爐嘅我有時都唔會受限於韓或者日式火鍋今次比我搵到一間食東南亞嘅火鍋個人又覺得幾特別喎所以專登出遠啲去跑馬地食一入到去真係冇令我失望呀氣氛環境都係非常之好嘅有一種走入東南亞世界但係有高級嘅感覺
٩(´ε｀ ٩
～～～～～～～～～～～～～～～～～～♪ 椰子雞湯鍋 其實佢仲有喇沙、冬陰功湯底等等，但係因為我唔食辣就叫椰子湯啦。一開頭侍應就會幫我哋開咗個爐先，見到奶白色嘅湯底其實都知道一定好濃啦～水滾之後就加埋啲雞～之後嘅餸就都充滿着椰子雞味！٩ 西班牙黑毛豬肩肉 $238 (8.5/10)黑毛豬肩肉有十幾塊，而且顏色嘅色澤都非常明顯同鮮豔～煮熟咗之後肉質都非常嫩。個人都幾鍾意食高質豬🐷٩ 手打九雲丸 $98 (8.5/10)呢個手打九雲丸就有紅咖喱鯪魚肉丸同馬拉盞蝦肉丸。有少少嘅紅咖喱味，配合鯪魚就冇咁單調。馬拉盞蝦都幾惹味，呢兩個肉丸喺出邊都見唔到，個人又認為真係值得一試。٩ 自製九雲餃子 $88 (9/10)呢個同樣係佢哋自家出品。係巴東牛肉餃同埋泰式嘅豬肉餃。巴東牛肉認真好重牛味，同調味都發揮得好好。豬肉餃都有好似食緊泰式碎肉菜包嘅感覺。٩ 雜菜拼盤 $98 (8.5/10)健

打邊爐打得多都想搵啲有特色嘅試下，之前見到呢間位於跑馬地嘅九雲居有好多特色湯底，例如冬蔭功、叻沙、肉骨茶等，襯放假一於嚟試下～室內設計充滿住東南亞感覺，位置寬敞坐得舒服，店員亦招呼周到令人有賓至如歸的感覺。-🔸湯底 - 泰式冬蔭功 $298湯底酸辣兼備，味道好濃，真材實料好似真係飲緊冬蔭公湯咁🥘湯底夠曬味關係連豉油都唔使點，不過都建議可以叫啲索到湯嘅邊爐料好過直接飲咁重口味🤣-🔸美國頂級牛板腱 $228好似比較少打邊爐見到有呢個部位嘅牛就試下，感覺比較少脂肪，無咁肥食到多啲肉味，厚薄適中。-🔸經典拼盤 $78（蟹柳棒、午餐肉、扎肉、炸魚皮、魚腐、魚蛋）第一次幫襯心大心細想試多幾款配料，叫個拼盤每樣兩件乜都有啲兩個人就岩岩好。-🔸手打九雲丸 $98（紅咖哩鯪魚肉丸、馬拉盞蝦肉丸）一場嚟到一定要試吓店家自製嘅特色丸類，相信出面食唔到🤣蝦丸比較彈牙，鯪魚丸就比較索湯，加上本身都加左紅咖哩辣辣地，各有各好🤫-🔸自製九雲餃 $88（巴東牛肉餃、泰式豬肉餃）同樣係店家自製嘅特色餃子細細粒賣相精緻，唔會太厚皮又唔會薄到滾兩滾就穿左，巴東牛肉惹味啲，泰式豬肉就比較夾個冬蔭公湯底。-🔸雜菜拼盤 $98（

住跑馬地嘅朋友今日帶我去一間佢平時嘅飯堂，佢話呢間個個跑馬地街坊都識㗎，用料靚之餘仲好有特色😎呢間九雲居主打東南亞菜式，用料同味道可以用非一般嚟形容🤩 估唔到仲有火鍋可以食🤩🤩 今日我哋就食佢嘅二人火鍋套餐😍😍 佢嘅湯底好特別，係東南亞風味嘅湯底，總共有七款咁多，每款都好吸引🤩🌟泰式椰子雞湯 （湯底）味道同冬陰功湯類似，湯底煮滾咗之後落附上嘅雞肉煮4分鐘，之後就可以先飲湯再打邊爐😋 呢碗湯真係超正，既惹味又有雞肉嘅香味，雞肉煮4分鐘剛剛好，好嫩滑👍 如果冬天食，肯定超級正😍 我哋每人都飲咗兩大碗湯先開始打邊爐🤣 🌟西班牙黑毛豬肩肉 $238呢個真係我近排食過最好食嘅火鍋豬肉，肉味好濃，油花分布均勻，食落係鬆軟嘅感覺，分量仲要十足，真心推介👍🌟手打九雲丸 $98 ☝️紅咖喱鯪魚肉丸拼馬拉盞蝦肉丸睇個名都知道味道好特別，紅咖喱味道唔算好重，適合一啲唔食得辣嘅人，鯪魚肉勁新鮮，職員話佢哋係每日挑選上乖嘅鯪魚手打，難怪咁好味😋馬拉盞蝦肉丸亦都係好好味，真係食到啖啖蝦肉，又係勁新鮮，值得一讚👍🌟自製九雲餃 $88☝️巴東牛肉餃拼泰式豬肉餃呢兩款我都超鍾意呀🤩真係勁勁勁特別😍 老闆真係犀利咁樣嘅配搭都

#📍 九雲居 跑馬地奕蔭街13-15號景怡大廈地舖🔸午市套餐 $128 ▪️娘惹叻沙摻摻 ▪️香茅雞翼 ▪️泰式奶茶🔸午市套餐 $128 ▪️泰國船麵 ▪️班蘭香葉雞粒 ▪️冷萃水果茶🍹🍒點評時間跑馬地唔知食咩好 行行下比店內裝修吸引入去😍燈光同裝修都極具東南亞風味🤍真係好似去左旅行咁🍜 娘惹叻沙摻摻摻摻即係米粉加油麵 有兩種唔同口感嘅粉麵喇沙湯底好濃厚😍做到正宗星馬菜嘅辣度 怕辣嘅就要小心🌶入面有大大隻蝦🦐仲有唔少魚片頭、魚蛋、雞肉🍜 泰國船麵又係極度濃嘅湯底配河粉😍配上生牛肉片、牛丸、札肉同炸豬皮份量真係好多😂女仔未必食得哂小食有香茅雞翼同班蘭香葉雞粒正常發揮👍🏻本身想試炸魚餅 可惜已經賣哂🥺店員都好健談👍🏻會同我地傾下計🤣原來晚市有火鍋食🍲叫我地下次再黎🤣🤣 好味指數😋：⭐️⭐️⭐️⭐⭐抵食指數😛：⭐️⭐️⭐️⭐服務指數⚜️：⭐️⭐️⭐️⭐⭐環境指數🧽：⭐️⭐️⭐️⭐️⭐

午市經跑馬地，路過見餐廳人不多，地方算闊落，又唔駛等位就入去試吓，坐低嗌個set，紮肉生牛河，有小食，有杯嘢飲。等咗廿分鐘（本身四枱人每枱得一至兩個人，兩枱都食緊），期間無嚟小食、無嚟飲品。服務員行過嚟：你係咪嗌咗喇沙？我話唔係吖…佢話：吖～我都唔知點解個電腦問番我？（問番你？？？）跟住我又再講一次我原本嗌乜嘢，又等咗兩三個字，佢嚟咗碗錯嘅嘢…跟住佢又問我嗌咗乜嘢…我講完，佢話去厨房切番啲生牛肉俾我，攞到出嚟，係大概三支筷子咁闊，三份一筷子咁長嘅三大塊生牛肉…..牛河湯又淡如無味…誠惠$128（未加一）聽聞晚市火鍋唔錯，但不了。

對上一次踏足跑馬地已係2021年當年同朋友仔黎歎杯靚啡☕️，食個靚糕🎂2022年再黎跑馬地，到訪九雲居，集東南亞口味於一身嘅食肆其實餐廳有提供火鍋，而且有7款湯底選擇當然，唔想食火鍋都可以點A la carte menu🍎同朋友仔當日3點去到，眼見仲有午市套餐提供（原來午市套餐直至5點半）平時單點一個主菜價錢係$128lunch set 包一個主菜一個小食加一杯飲品都係$128，眼見及此，why not 揀lunch set ☺️·最後揀咗：🍖 福建肉骨茶飯🥘 冬陰功湯河🍢 泰式魚餅🌱 香葉雞粒🥤 泰式奶茶 ·🍖 同平時嘅肉骨茶唔太一樣福建肉骨茶無平時大家習慣熟悉嘅濃郁藥膳香味，反而散發著胡椒同蒜香味排骨足料，唔會全瘦肉，肥肉參半，配上肉骨茶，好下飯🤟🏻🥘 冬陰功湯河，依個🍎鍾意，酸味突出，辣味又唔會過於出位，完美同辣味配搭，酸中帶辣，個人會推介依個比食得辣嘅朋友☺️🍢 泰式魚餅：唔好睇佢個樣平平凡凡，但食落一啲都唔油膩乾身，仲散發淡淡嘅紅咖哩香，香辣出色🌱 香葉雞粒：打開班蘭葉就會發現一粒肥美嘅雞粒，嫩滑又厚身🥤 泰式奶茶：正常發揮，無得挑剔，黎到東南亞食肆唔係唔點呀😏·綜合黎講，跑馬地黎

星期六日，周圍都多人，突然間想打邊爐，於是去咗跑馬地一間冇人幫襯嘅餐廳，員工姐姐都尚欠算禮貌，坐低開始叫嘢食，Lunch set好抵。無奈同行朋友一心要打邊爐，湯底昂貴，淨係湯底HKD388, 叫咗7,8 樣鍾意食嘅食物盒，埋單竟然over $1600! Lunch 嚟講真心覺得貴。不過佢啲食材又真係算新鮮好食嘅！