九記牛腩

營業中

休息中

九記出名既就係咖喱牛筋腩伊麵，於是同朋友一人一碗，本身好肚餓，都擔心唔夠飽，點知一黎到…嘩…多到咁！好足料 ！啲餸真係好多，食餸都夠飽。咖喱味好香，好入味，不過感覺有啲油。

我同同事都係牛腩迷，終於專登山長水遠走來食上環九記牛腩，我既心情又高漲又期待，去到現場叫左一碗上湯牛腩河，加淨湯。我同事叫左咖哩牛腩撈加凍檸茶，過左數分鐘食物到啦，目測碗牛腩河粉碗既size比起淨湯碗大小小，以一個正常男人來計，依個份量一定唔夠食既，好事不宜遲，試下碗上湯牛腩河先，第一啖就試下牛腩湯底係淡而無味，略帶小小鹹，再試埋牛腩，噢，味道一般，而且唔夠諗及好韌，河粉份糧不足，4至5啖食完，再試埋碗淨上湯，上湯味只有味精味同鹹味，完全大打拆扣，連我咁鐘意飲湯既都頂唔住，基本沒可能會食飽，不能接受。我再試下同事既咖哩牛腩伊麵，咖哩味淡而且咖哩好稀，咖哩牛腩同伊麵都都只可以講用來維持生命。總括來講，我同同事都比負評，sorry,係劣評先岩，你問我仲來唔來食？以咁既價錢同食物，我只可以講沒下次。

慕名而來到這裏是牛腩，我叫了牛筋牛腩撈伊麵就要80多元，加上一杯奶茶一共要110多元。咖喱汁美味，牛筋也炆得很軟，伊麵也彈牙，但是牛腩就有點兒柴，加上價錢有點兒貴。此外奶茶也一般，沒有特別之處，應該不會再來了。

响香港咁耐聽九記牛腩好耐,但都未試過終於試咗次(其實本身想去水記,但去到先知星期六日唔開,所以最後去咗九記😅)嗌咗個咖哩牛筋腩粗麵(俾同行朋友話5識食,黎九記梗係吃清湯腩好似佢咁樣😂)但鍾意重口味,所以就要咖哩湯底比想像中大碗,湯底算濃郁厚身,最欣賞嗰粗麵,彈牙冇鹼水味,索哂D咖哩湯,正牛腩就普通啦,但好多舊..同行朋友話:你碗梗係多牛腩,5靚嗰D部份用黎整咖哩㗎嘛~我就對牛腩、爽腩、崩沙腩冇乜研究覺得成碗野好味就係咁膚淺呢碗咖哩麵冇記錯好似$60, 可以接受價錢味道覺得都5錯嘅,但又未到要專登去食嘅程度...(可能我5係吃清湯腩,5知有乜驚為天人嘅味道..)

九記不嬲都出名多人食，但近年無以前咁癲大排長龍。今次同朋友晏晝5點食，無乜人。嗌左咖哩牛筋腩粗麵，凍奶茶，凍咸柑橘，埋單$117。點解河粉成日都賣曬既，有無咁搶手呀🥲其實呢到有最低消費每人$60, 即係一碗麵既價錢。雖然我地嗌得1碗麵，但加2杯野飲所以都ok!

1.上湯牛腩米 $60牛腩超級軟林，比左6、7舊😋湯底偏鹹，米粉質感正常，份量吾係好多，整體高質吾錯，但價錢偏貴🤣值得一提既係飲落吾似味精湯，飲完都吾會好鹼，吾錯喔 （評價：6.9/10）2.咖喱牛筋腩伊面 $65咖喱汁超濃郁，香辣惹味，用黎撈麵一流，而且超級掛汁😋個汁好好味，牛筋牛腩都十分軟林，份量都多，整體好味推介，我覺得呢個值得番兜 （評價：7.2/10）💡個環境同服務吾算好好，我覺得如果經過中環，就可以黎試試，吾洗特登黎食

由90年代大排檔開始 幫趁多年 當年嘅牛腩同埋湯底真超班。 然後多年無去 因水準下降驚人 價錢卻拾级跳 由街坊食堂 搖身变成遊客打咭点。今午路過 午飯時問1：30pm 都唔使排隊 故且去懷舊一吓 食碗腩伊。賣相仍不錯 先飲啖湯 有水準 伊麪都夠冧 但主角牛腩就 乾、柴、無肉味。難食情度 超哂標。盛惠$65大元。呢度D招呼 咁多年都出哂名差啦 今天依然故我！今時今日 清湯腩選擇多的是 咁嘅食物水準，服务態度和離地高价錢 真係祝佢好運。 對佢雖然仍有D情意结，支持佢起家嘅街坊，尤其當年最捧場嘅的士大佬 真係回頭太難！

最近疫情外賣，味道差到不得了，吾知係咪咁啱果日，我地又係叫平常的咖哩伊麵，咸到不得了，沒咖哩味只有一個咸(我自己加水加咖哩醬)，另外果個清湯又係咸，九記過诲必買，例牌order 4碗咖哩伊+2個淨清湯，足夠2人午餐和晚餐，太失望，老公最近經過都無再買，失左信心，遲D再睇吓老公佢再比吾比機會再食。

唔知幾時開始，當堆砌係街嘅唔係遊客而係香港人時，九記嘅人龍都慢慢消失。每次經過都諗緊到底有咩吸引，但每次都俾長長嘅人龍嚇到打退堂鼓。今次倖存者之所以食到係因為過咗peak hour無人排隊。茶記嘅服務水平大家都預咗，無咩特別之處。都係坐底，9秒9叫野食，然後9秒9交臺。九記清湯牛腩河最經典嘅菜式點少得佢。湯算清、河算滑、但牛腩少少失色。首先要讚佢嘅切法，切到岩晒一啖放入口，但又唔會太細件。同埋懷疑佢嘅切法同牛腩紋路有關，避免食到筋部咬唔開，但可惜肉味唔濃同食落都係痴牙，聽聞以前食佢都牛腩係唔痴牙加入口即溶。俾倖存者評嘅話，佢正常發揮，無唔好食，無特別之處。

昨天，去上環九如坊逛逛，蕃茄通粉人山人海，老公話唔好等位啦 ，見斜對面九記無人排隊，中伏，所謂咖哩牛腩撈麵，其實是倒紅色辣椒油係麵到（紅油撈麵），食咗兩口麵辣到咳咳，放棄唔食，我問掌櫃小姐：依個唔係咖哩，係辣椒油撈麵，佢個男伙記即刻答口話：「依個係正常」。吓！咁係咪我唔正常啊九記，依個完全唔係咖哩播，係紅色辣椒油撈麵，伴清湯牛腩。我哋未入座時，見到個惡伙計 （又係佢）趕走個女仔，原因佢朋友仔要出去攞錢，未落得單。係兩個少女，佢紅都面哂咁離座。

一碗麵嘅時間，聽足幾個是非，當住客人面嘲笑其他客人，你就知道e班老嘢唔係態度差咁簡單，係人品問題。推薦人地食淨腩，一睇個價錢即刻走，e句嘢個收銀阿姐講咗三次，前前後後嘅意思係話人食唔起唔識食，有個阿叔話而家大把地方有得食，佢就再講埋大埔油麻地邊間邊間，難食到咩咁😒總之九記係牛腩嘅唯一標準，只有佢好食，無所謂口味嘅嘢，唔啱你就係你唔識食嘅果種驕傲，well 好嘅，人生有碗牛腩俾你驕傲下。熟客咪好態度囉，見我生面口又後生，個光頭侍應企係檯邊全程望住我食！見我落醋，陰陽怪氣話果枝醋黎㗎...鬼唔知係醋咩，我都唔想咖哩麵落醋，你啲鹼水味重到咖哩都冚唔住嗱曬鼻，逼我落醋，仲以為搵到位寸人。食物上公平講佢，咖哩牛腩好似地拖咁爛溶溶，麵鹼水味太濃，提一下，今日濕度60幾乾燥晴天，無必要落重鹼水。朋友碗清湯腩，佢好欣賞個湯，不停話好飲，牛腩淋得黎都成型無溶溶爛爛，不過麵佢唔鍾意，可惜無河粉。口味嘅嘢百人百味，對我來說，屋企長輩整嘅清湯腩都好好味，無嘢吸引我再去，除咗去觀察班停留係80年代大富豪夜總會思維嘅夥計。

前幾日突然好想食九記 就專程走咗去 食呢碗 咖哩牛筋腩伊麵！ 真係太好味！ 既唔會因為好濃味食到口乾 又好夠味！真係 咁多年 都係呢個味 先真心勁！By the way 依家有外地人排隊 服務態度 超好 仲識講笑☺️

咁啱收早，跟上司去左中環一間老字號好出名嘅牛筋腩。位置都算幾偏僻，對面有間大排檔，可能因為疫情關係，加上唔係正式晚飯時段，所以餐廳冇乜人，但都有6-7成滿，門口有齊中，英，韓，日4國語言，提醒旅客排隊等候，同有排隊專用嘅分隔工具， 睇得出平時同正常時期有好多旅客排隊等位。入到嚟餐廳揀咗個對住開放廚房嘅位，見到廚房師傅就算好熱都有戴口罩，認真辛苦哂佢地，疫情關係，見到檯面放住有獨立包裝嘅餐具，令食客好安心,服務員落單好快手，食物都黎得好快。2個人叫左1碗咖哩牛筋腩撈伊麵，1碗清湯牛腩湯河。餐牌簡單易明，一眼睇哂咖哩牛筋腩撈伊麵，牛筋腩同唐生菜 分量十足，熱辣辣，牛筋好軟滑，但似花膠有d 腥味，牛腩唔算好軟滑，但好多汁，港式咖哩汁好香濃，比平時食到既會辣少少。同行上司推介伊麵，佢地都算整得唔錯，因為多菜又出水，所以搞到個撈麵好多水，所以建議隔左d水同個汁可以再杰啲，另外要留意碗湯雖然賣成$12,但撈麵係送嘅，雖然都幾清甜，但飲得出好多味精，所以千祈唔好飲曬，我因為飲哂，返到去飲左2大杯水仲好口渴，建議女仔可以2人share呢個撈麵，我本身都算大食，但因為食左d野，又唔太肚餓，所以食完好飽好

係中環做野，日日都見到有人龍，直至無哂遊客，人龍就唔見左😂lunch time 1230落到去，有小小人龍出現，大概5分鐘唔使就入到去👍🏻睇左食評，當然有哂心理準備。預期唔會太好，但都係想試下，話哂都係出名，旅遊書推介。牛腩一般，其實食唔出係咪新鮮牛腩，但河粉真係好差，一啲都唔滑，我同事話10蚊就抵食🤣🤣🤣但佢開左咁多年，係有佢成功既地方。只係口味人人不一，所以我覺得一般岩我口味喇！但都係一個好既體驗！不用排長龍既人龍店😊

It's good when you don't have to line. But is it that good - no. It is not worth the hype. Curry beef brisket is a bit salty but otherwise it is pretty good deal and tasteDefinately an establishment to go to when no line and support it so it stays aliveIf you are on Gough St and you want to have Hong Kong food then go Kau Kee and not the tomato soup CCT opposite as Kau Kee is better. Otherwise Zagin on Gough Street is best thing in sheung wan